જામનગર તાલુકાના ચેલામાં આવેલા એક કારખાનામાં ડ્રો મશીનમાં કામ કરી રહેલા શ્રમિક યુવાન નો હાથ મશીનમાં ફસાઇ જતાં કરૂણ મૃત્યુ
-
મશીનમાં ખેંચાઈ જતાં છાતીમાંથી હાથ ખેંચાઈ જતાં શરીરના અવયવો બહાર આવી ગયાં : ગંભીર હાલતમાં જી.જી. હોસ્પિટલમાં શ્રમિકે દમ તોડ્યો
દેશ દેવી ન્યુઝ જામનગર તા ૧૧, સપ્ટેમ્બર ૨૬ જામનગર તાલુકાના ચેલા વિસ્તારમાં આવેલા ઔદ્યોગિક કારખાનામાં ડ્રો મશીનમાં શર્ટ ફસાઈ જતાં હાથ પણ મશીનમાં આવી જવાથી મૂળ બિહારના ૨૦ વર્ષીય શ્રમિકને ગંભીર ઈજાઓ પહોંચી હતી. મશીનમાં ખેંચાઈ જવાના કારણે યુવાનના શરીરમાંથી અવયવો બહાર આવી જતાં ગંભીર હાલત સર્જાઈ હતી. તેને તાત્કાલિક સારવાર માટે જામનગરની જી.જી. હોસ્પિટલમાં ખસેડવામાં આવ્યો હતો, જ્યાં સારવાર દરમિયાન તેનું મોત નીપજ્યું હતું.
બનાવની વિગતો મુજબ, ચેલા ખાતે વિઝન ઇન્ડસ્ટ્રીયલ પાર્કના પ્લોટ નં. ૨૪૧માં આવેલા ઇન્ડિયન બ્રાસ નામના કારખાનામાં મૂળ બિહારના રહેવાસી રહીસકુમાર સંતોષપાલ (ઉ.વ. ૨૦) મજૂરી કામ કરતા હતા. તા. ૧૦ સપ્ટેમ્બરના રોજ સવારે આશરે ૧૦ વાગ્યાના અરસામાં તેઓ ડ્રો મશીનમાં સળિયા નાખવાનું કામ કરી રહ્યા હતા.દરમિયાન તેમણે પહેરેલું શર્ટ અચાનક ડ્રો મશીનમાં ફસાઈ ગયું હતું. શર્ટ મશીનમાં ખેંચાઈ જતાં રહીસકુમારને ડાબા ખભાથી છાતીના ભાગ સુધી અત્યંત ગંભીર ઈજાઓ પહોંચી હતી. ઈજાની ગંભીરતાના કારણે છાતીના ભાગેથી શરીરના અંદરના અવયવો બહાર આવી જતાં બનાવસ્થળે ભારે ગભરાટ ફેલાયો હતો.
ગંભીર રીતે ઘવાયેલા રહીસકુમારને તાત્કાલિક સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા. જોકે, હોસ્પિટલમાં સારવાર દરમિયાન તેમની હાલત વધુ ગંભીર બનતાં અંતે તેમનું મોત નીપજ્યું હતું.આ બનાવ અંગે સોનુકુમાર બ્રહ્મદેવ ભગતે જાણ કરતાં પંચ-બી પોલીસ સ્ટેશનમાં બી.એન.એસ.એસ.ની કલમ ૧૯૪ મુજબ અપમૃત્યુ નોંધવામાં આવ્યું છે. પોલીસે બનાવ અંગે વધુ તપાસ હાથ ધરી છે.
આ પ્રશ્ન અંગે પાડોદરા વિજયભાઈ વલ્લભભાઈ સહિતના ખેડૂતોએ જામજોધપુર મામલતદારને લેખિત રજૂઆત કરી છે. ખેડૂતોનું કહેવું છે કે વાવેતરમાં કરેલા ખર્ચને બચાવવા માટે હાલ તાત્કાલિક સિંચાઈનું પાણી જરૂરી છે. પાણીની સમસ્યા દૂર કરવામાં નહીં આવે તો આંદોલન વધુ ઉગ્ર બનાવવાની ચીમકી પણ ખેડૂતો દ્વારા આપવામાં આવી છે.ખેડૂતોના ઉપવાસ આંદોલન અને આત્મવિલોપનની ચીમકીને પગલે તંત્ર દ્વારા આ પ્રશ્ને તાત્કાલિક યોગ્ય કાર્યવાહી કરવામાં આવે અને કેનાલ મારફતે સિંચાઈનું પાણી ઉપલબ્ધ કરાવવામાં આવે તેવી માંગ ઉઠી છે.
પોલીસની કાર્યવાહી દરમિયાન વાડીના મકાનમાં ગંજીપત્તાના પાનાથી જુગાર રમતા વાડી માલિક સહિત દસ શખ્સોને ઝડપી પાડવામાં આવ્યા હતા.પોલીસના જણાવ્યા મુજબ જોગવડ ગામની સીમમાં આરોપી સુમાતભાઈ દેશુરભાઈ ગોજિયાની કબજા-ભોગવટાની વાડીમાં બહારથી માણસો બોલાવી નાલ ઉઘરાવી જુગારનો અખાડો ચલાવવામાં આવતો હતો. પોલીસે દરોડો પાડતાં સુમાતભાઈ ગોજિયા સહિત દસ શખ્સો જુગાર રમતા મળી આવ્યા હતા.
ઝડપાયેલા આરોપીઓમાં સુમાતભાઈ દેશુરભાઈ ગોજિયા (ઉંમર ૪૦), નીલેનભાઈ હસમુખભાઈ વાઘેલા (૩૬), નરેશભાઈ રામદેવભાઈ બંધીયા (૨૬), પિયુષભાઈ કારૂભાઈ બડીયાવદરા (૩૪), જયદીપભાઈ મગનભાઈ રામાવત (૨૬), રાજેશભાઈ કરશનભાઈ કરંગીયા (૩૨), વલ્લભભાઈ હરદાસભાઈ કરમુર (૪૨), ભરતભાઈ કરશનભાઈ કરંગીયા (૩૬), ઉમેદસિંહ ભોજુભા ચુડાસમા (૪૬) અને પાલાભાઈ પીઠાભાઈ કરમુર (૪૬)નો સમાવેશ થાય છે.પોલીસે દરોડા દરમિયાન રોકડા રૂ.૨,૩૩,૭૦૦, ગંજીપત્તાના પાનાં નંગ-૫૨, બે મોટરસાઇકલ, બે કાર તથા નવ મોબાઇલ ફોન મળી કુલ રૂ.૧૫,૬૩,૭૦૦નો મુદ્દામાલ કબજે કર્યો હતો. આ અંગે મેઘપર (પડાણા) પોલીસ સ્ટેશનમાં જુગારધારા કલમ ૪, ૫ મુજબ ગુનો નોંધવામાં આવ્યો છે.
ખાસ કરીને રાત્રિ ના સમયે મેળો પૂર્ણ થયા બાદ સફાઈકર્મીઓ દ્વારા સમગ્ર પરિસરમાં સફાઈ કરવામાં આવે છે. મ્યુની. કમિશનર દીપેશ કેડિયા ના માર્ગદર્શન હેઠળ ડેપ્યુટી કમિશનર દેવેન્દ્રસિંહ ઝાલા અને આસી. કમિશનર મુકેશ વરણવા ની રાહબરીમાં સમગ્ર મેળા દરમિયાન પ્રતિદિન સફાઈ નું અભિયાન હાથ ધરવામાં આવે છે. દરરોજ મોડી રાત્રે એસએસઆઈ વિજયભાઈ બાબરીયા ના નેતૃત્વ હેઠળ આશરે ૩૦ જેટલા સફાઈકર્મીઓ રાત્રીભર ૧૨:૦૦ થી સવારે ૦૭:૦૦ વાગ્યે સુધી સતત મહેનત કરીને મેળા ગ્રાઉન્ડની સફાઈ કરે છે. જેના કારણે બીજા દિવસે મેળામાં આવતા લોકોને સ્વચ્છ અને સુંદર વાતાવરણ મળી રહે છે.
રાજકોટ ડિવિઝનના સિનિયર ડિવિઝનલ કોમર્શિયલ મેનેજર સુનીલ કુમાર મીનાના જણાવ્યા અનુસાર, આઈ.જી.-સહ-પ્રધાન મુખ્ય સુરક્ષા આયુક્ત અજય સદાનીના નેતૃત્વ અને ડિવિઝન સુરક્ષા આયુક્ત, રાજકોટ ના કમલેશ્વર સિંહના સુપરવિઝન હેઠળ આરપીએફ રાજકોટ ડિવિઝન દ્વારા ઓગસ્ટ મહિનામાં વિવિધ મુખ્ય કાર્યો હાથ ધરાયા હતા. જેમાં ઓપરેશન અમાનત હેઠળ ૨૮ મુસાફરોને રૂપિયા ૨.૫૯ લાખથી વધુનો સામાન પરત કર્યો હતો.
