‘જામ્યુકો’ મિલકત વેરા શાખાની આકરી કાર્યવાહી: શહેરમાં વધુ 12 મિલકત સીલ

જામનગર.

જામનગર મહાનગરપાલિકાની મિલ્કત વેરા શાખા દ્વારા તા.31-3-2020 સુધીનો મિલકત વેરો ન ભરનાર મિલ્કતધારકોને નિયમાનુસા વોરંટ તથા અનુસુચિની બજવણી તેમજ વારંવાર રૂબરૂ જણાવવા છતાં પણ મિલ્કત વેરો ન ભરનાર બાકીદારોની ગત સપ્તાહ દરમ્યાન કુલ-12 (બાર) મિલકતોને જપ્તી લેવામાં આવેલ છે.

તેમજ સ્થળ ઉપરથી રૂા.87.41.330ની વસુલાત કરવામાં આવેલ છે. જયારે ચાલુ નાણાકીય વર્ષ 2020/21 સુધીમાં કુલ રૂા.56.51 કરોડની વસુલાત કરાઇ છે. ઉપરોકત્ત રીકવરી કામગીરી મ્યુનિ. કમિશ્ર્નરની સુચનાથી આસી. કમિશ્ર્નર (ટેક્સ) જીજ્ઞેશભાઇ નિર્મલ, ટેકસ ઓફીસર જી.જે.નંદાણીયાના માર્ગદર્શન હેઠળ રીકવરી ટીમ દ્વારા કરવામાં આવી હતી.

આગામી દિવસોમાં હજુ પણ વધુ કડક કાર્યવાહી કરવામાં આવનાર હોય તો જે આસામીઓએે બાકી મિલકત વેરો ન ભરેલ હોય તે ભરી દેવા તાકીદ કરાઇ છે.

મિલ્કતધારકનું નામ

(1)શ્રીનાથજી બિલ્ડવેલ, 8/0. રાજેન્દ્ર એ. ઠકરાર, જામનગર.

(ર)લક્ષ્મીદાસ સવજી,નાગનાથ ગેઇટ, ભોજવાણી બિલ્ડીંગ,જામનગર.

(3)કુકરૂદીન તૈયબઅલી વિ., ભાડુઆત-બિપિનચંદ્ર જયંતિલાલ સીમરીયા, ગ્રેઇન માર્કેટ, જામનગર.

(4) આદીનારાયણ વિરાન, બેડેશ્ર્વર-જામગનર.

(5) ચંચળબેન ધીરજલાલ શારડા તરૂલતા નીતા, ભાડુઆત-કહાન કમ્પ્યુટર ક્ધસલ્ટન્સી, સેક્ધડ ફલોર, એફ 1-4, ન્યુ સુપર માર્કેટ, જામનગર.

(6)દેવજી કારા ખીમસુર્યા,ભીમવાસ-1, જામનગર.

(7)મઘુકર ભરતકુમાર, ભાડુઆત-ઘીરજલાલ એન્ડ કંપની, ગ્રેઇન માર્કેટ, ચેમ્બર રોડ, જામનગર

(8) ભાડુઆત-સ્વસ્તિક ક્ધસ્ટ્રકશન, પંચમુખી શોપીંગ સેન્ટર, અંબર ટોકીઝ પાસે, જામનગર.

(9) શ્રીનાથજી બિલ્ડવેલ, 8/0. રાજેન્દ્ર એ. ઠકરાર, ઇન્દ્રપ્રસ્થ, શોપ નં.334, પંચેશ્વર ટાવર રોડ, જામનગર,

(10) ભાડુઆત-કાનાભાઇ એચ. કંડોરીયા, પંચમુખી શોપીંગ સેન્ટર, અંબર ટોકીઝ પાસે, જામનગર.

(11) ભાડુઆત-મયુર ટાઇમ્સ, ભાડુઆત

(12)જયોતિ ઇલે.પંચમુખી શોપીંગ સેન્ટર, અંબર ટોકીઝ પાસે,જામનગર.

રાજયના કરવેરા વિનાના બજેટને આવકારતું જિલ્લા ભાજપ
જામનગર 

ગુજરાતના ઇતિહાસમાં સૌથી મોટું 2,27,029 કરોડનું પુરાંતલક્ષી, વિકાસલક્ષી, આત્મનિર્ભરતા તરફ લઇ જનાર છતાં કોઇ નવા કરવેરા વગરના બજેટને ઉમળકાભેર આવકારતા જામનગર જિલ્લા ભાજપના આગેવાનો

કૃષી, શિક્ષણ, જળસંપતિ, રોજગારી, આધુનિકતા સહિત તમામ બાબતો પર વિશેષ ઘ્યાન
ગુજરાતના નાણામંત્રી અને નાયબ મુખ્યમંત્રી નિતીનભાઇ પટેલ દ્વારા આગામી વર્ષ માટે ઐતિહાસીક ગણાવી શકાય તેવું બજેટ રજૂ કરી ભાજપ સરકારના સૌનો સાથ સૌની વિકાસ ના મંત્રને દોહરાવ્યું હોવાનું જામનગર જિલ્લા ભાજપની એક અખબારી યાદીમાં જણાવ્યું છે.

રાજયના મુખ્યમંત્રી વિજયભાઇ પાણીના નેતૃત્વમાં દેશમાં પ્રથમ વખત લાઇવ મોબાઇલ એપ્લીકેશન મારફત રાજયના લોકોએ બજેટને નિહાળ્યું તે ઘટના પણ ગૌરવપ્રદ કહી શકાય, વર્ષ 2021-22ના આ બજેટમાં કૃષી, શિક્ષણ, રોજગાર સહિત તમામ બાબતોને મહત્વ આપવામાં આવેલ છે.

વિશેષમાં જામનગર જિલ્લામાં શેખપાટમાં નવી જીઆઇડીસી માટે ફાળવણીની જાહેરાત, સચાણા શીપ બ્રેકીંગ યાર્ડ માટે ા. 25 કરોડની ફાળવણી, ધો. 10 થી 12ના 19 લાખ વિધાર્થીઓ માટે મફત પુસ્તકો સહિત શિક્ષણ માટે 32719 કરોડની જંગી ફાળવણી, કૃષી વિભાગમાં 7232 કરોડની જાહેરાતમાં રાજયના 4 લાખ ખેડુતોને બીયારણ અને અનાજ સંગ્રહ માટે એક ડ્રમ અને પ્લાસ્ટીકના બે ટબ વિનામુલ્યે આપવા, કોરોનામાં રાજયની આવક ઘટી હોવા છતાં કોઇપણ જાતના નવા કરવેરા વગરનું આ બજેટ ખરેખર આવકારદાયક છે.

જામનગર જિલ્લા ભાજપ પ્રમુખ રમેશભાઇ મુંગરા, સાંસદ પૂનમબેન માડમ, ધારાસભ્ય રાઘવજીભાઇ પટેલ, જિલ્લા મહામંત્રીઓ દિલીપભાઇ ભોજાણી,  પૂર્વ સાંસદ ચંદ્રેશભાઇ પટેલ, પૂર્વ ધારાસભ્યો ચીમનભાઇ શાપરીયા, મેઘજીભાઇ ચાવડા, બ્રિજરાજસિંહ જાડેજા, વલ્લભભાઇ ધારવીયા, જાડાના પૂર્વ ચેરમેન દિલીપસિંહ ચુડાસમા, જિલ્લા ભાજપના પૂર્વ પ્રમુખો ડો. પી.બી. વસોયા, સુર્યકાંત મઢવી સહિતના આગેવાનોએ આ બજેટને ડીજીટલ બજેટ ને આવકારેલ છે.

કોરોના કાળમાં સરકારને વિવિધ વેરાની આવકમાં ઘટાડા છતાં સૌથી મોટું અને વિકાસલક્ષી બજેટ થી સૌનો સાથ – સૌનો વિકાસ – સૌનો વિશ્ર્વાસ ને સાર્થક કરતા તમામ વર્ગોને સમર્પીત અને અર્થવ્યવસ્થાને ઉત્કૃષ્ટ બનાવવાના અભિગમ સાથેના ગુજરાત સરકારના વિકાસલક્ષી બજેટ રજુ કરવા બદલ આનંદની લાગણી વ્યકત કરવામાં આવેલ છે.

જામનગર શહેરમાં યોજાયો નશાયુક્ત અભિયાન હેઠળ તાલીમ કાર્યક્રમ.

નશામુક્ત જામનગર અભિયાન હેઠળ તાલીમ કાર્યક્રમ યોજાયો 

ભારત સરકારના સામાજિક ન્યાય અને અધિકારીતા મંત્રાલય, નવી દિલ્હી દ્વારા નશામુક્ત અભિયાનનો વાર્ષિક એક્શન પ્લાન 2020-2021 દેશના 272 સંવેદનશીલ જિલ્લાઓ માટે ઘડવામાં આવ્યો છે. જેમાં ગુજરાતના સુરત, અમદાવાદ, વડોદરા, રાજકોટ, મહેસાણા, પોરબંદર, જામનગર, ભરૂચ એમ કુલ આઠ જિલ્લાઓનો સમાવેશ કરવામાં આવ્યો છે. જે અંતર્ગત નશામુકતજામનગર ઝુંબેશ ચલાવવામાં આવી રહી છે. આજરોજ આ નશામુક્તિ અભિયાન જિલ્લામાં અમલીકરણ કરવા માટે જામનગર ખાતે સરકારના શિક્ષણ, આઇ.સી.ડી.એસ., મહિલા-બાળ વિભાગના કર્મીઓ અને સ્થાનિક સ્વરાજની સંસ્થાઓના અધિકારી, કર્મચારી,પદાધિકારીઓ અને નશાબંધી ક્ષેત્રે સંકળાયેલા કાર્યરત વિવિધ સ્વૈચ્છિક સંસ્થાઓના પ્રતિનિધિઓ માટે જાગૃતિલક્ષી તાલીમ કાર્યક્રમ અધિક નિવાસી કલેક્ટરશ્રી રાજેન્દ્ર સરવૈયાના અધ્યક્ષસ્થાને યોજવામાં આવ્યો હતો.

આ તકે, અધિક નિવાસી કલેકટરશ્રી રાજેન્દ્ર સરવૈયાએ કહ્યું હતું કે, ભૌતિકવાદ, સામાજિક રીતભાત અને જીવનશૈલીના બદલાવ સાથે વ્યક્તિના જીવનમાં નશો આવી જતી હોય છે, પરંતુ માનસિક વિચારધારા અને જીવનશૈલીમાં બદલાવ સાથે આ કુટેવમાંથી વ્યક્તિને બહાર લાવી શકાય છે.

બાળકો અને યુવા વર્ગ સાથે શિક્ષકો, આશા બહેનો ખૂબ નજીકથી જોડાયેલા છે ત્યારે ભવિષ્યની પેઢીમાં આ કુટેવ ન આવે સાથે જ યુવાવર્ગને આ કુટેવમાંથી બહાર લાવી શકવા શિક્ષકો સમર્થ છે.

વર્ષો અગાઉ ધર્મગુરુ અને આધ્યાત્મિક ગુરુઓએ સમાજને નશામુક્ત બનાવવા અનેક ઝુંબેશો દ્વારા લોકોના જીવનમાં પરિવર્તન આણ્યા છે, ત્યારે આવનાર પેઢી અને સંપૂર્ણ સમાજ તંદુરસ્ત બને તે માટે કઈ રીતે આગળ વધી શકાય તે અંગે જાગૃતિ લક્ષી કાર્યક્રમનું આયોજન સરાહનીય છે.

તાલીમ કાર્યક્રમના હેતુ અને રૂપરેખા જિલ્લા સમાજ સુરક્ષા અધિકારીશ્રી પ્રાર્થનાબેન શેરસીયા દ્વારા પ્રસ્તાવિત કરવામાં આવ્યા હતા.કાર્યક્રમમાં વિષય નિષ્ણાંતો દ્વારા નશામુક્તિ વિષય પર માર્ગદર્શન આપવામાં આવ્યું હતું. નશામુકત જામનગર બનાવવા માટે જામનગર જિલ્લાના દરેક તાલુકા કક્ષાએ પણ તાલીમ કાર્યક્રમ યોજાયેલ છે.

આ કાર્યક્રમમાં જિલ્લા શિક્ષણ અધિકારીશ્રી ડોડીયા, મદદનીશ નિયામકશ્રી રોજગાર શ્રી સાંડપા, જિલ્લા મહિલા અને બાળ કલ્યાણ અધિકારીશ્રી ચંદ્રેશ ભાભી, જિલ્લા પ્રાથમિક શિક્ષણ અધિકારીશ્રી નગર શિક્ષણ સમિતિના શાસનાધિકારીશ્રી, નશાબંધી અને આબકારી ખાતાના અધિક્ષકશ્રી, પ્રોગ્રામ ઓફીસરશ્રી આઈ.સી.ડી.એસ અને અન્ય કર્મીઓ વગેરે ઉપસ્થિત રહ્યા હતા.

જામનગર શહેરની નવી ટીપી સ્કીમ તૈયાર કરતું જામનગર મહાનગર પાલીકા મુસદો તૈયાર પ્રકિયા પૂર્ણ કર્યા બાદ વાંધા સૂચનો માંગવામાં આવશે.

જામનગર શહેરની ચાર નવી ટી.પી. સ્કીમ તૈયાર
ટીપી સ્કીમ નંબર 20 બાદ 11,21 અને 23નો મુસદ્દો પણ તૈયાર.

 ટૂંક સમયમાં માંગવામાં આવશે વાંધા-સૂચનો 

ટીપી સ્કીમના આયોજનમાં રાજયમાં સૌથી પાછળ રહેલાં જામનગર મહાપાલિકાના સત્તાધિશોએ લાંબી કવાયત બાદ 4 નવી ટીપી સ્કીમ તૈયાર કરી લીધી છે.

ગત સપ્તાહે ટીપી સ્કીમ નંબર-20નો મુસદો તૈયાર કર્યા બાદ ટીપી સ્કીમ નંબર 11,21 અને 23 ના મુસદા પર તૈયાર કરી લેવામાં આવ્યા છે.

આ ટીપી સ્કીમમાં આવતી જમીનોના માલિકોની સભા યોજવાનો સિલસિલો પણ શરૂ કરી દેવામાં આવ્યો છે. જે શુક્રવાર સુધી ચાલશે.

જામનગર મહાપાલિકા દ્વારા નવી ચાર ટીપી સ્કીમ તૈયાર કરી લેવામાં આવી છે. જેમાં આવતી જમીનોના માલિકોની સભા હાલ જામ્યુકોમાં આયોજિત થઇ રહી છે.

આ સભામાં ટીપી સ્કીમના ફાયદા અને સુવિધાઓની જાણકારી જમીન માલિકો અને લાગતા વળગતાઓને આપવામાં આવી રહી છે. આ પ્રક્રિયા પૂર્ણ થયા બાદ ટીપી સ્કીમના મુસદા અંગે જાહેર વાંધા-સૂચનો માંગવામાં આવશે.

જેની સુનાવણી મ્યુનિસિપલ કમિશનર કરશે. ત્યારબાદ ચારેય ટીપી સ્કીમના મુસદાને આખરી મંજૂરી માટે રાજય સરકારને મોકલી આપવામાં આવશે.

આ સાથે જ ઘણા લાંબા સમય બાદ જામનગરને કોઇ નવી ટીપી સ્કીમ મળવાના સંજોગો ઉજળા થયા છે. અત્રે ઉલ્લેખનિય છે કે, ટીપી સ્કીમના આયોજનની બાબતમાં જામનગર મહાનગર રાજયના તમામ મહાનગરોમાં સૌથી પાછળ છે. અમદાવાદ, રાજકોટ, સુરત, ભાવનગર, જૂનાગઢ જેવા મહાનગરોની નવી-નવી ટીપી સ્કીમ ધડાધડ મંજુર થઇ રહી છે ત્યારે જામનગર હજુ નવી સ્કીમ રજૂ કરવાના તબકકામાં છે.

જામનગર સહિત રાજયની છ મનપાના મેયર સહિતના હોદ્દેદારોની વરણીની તૈયારી કરતું ભાજપ

જામનગરને 12મી માર્ચે મળશે

નવા મેયર ખાસ બોર્ડમાં મેયર સહિત ડે.મેયર અને સ્ટે.કમીટી ચેરમેને સહિતના મહત્વપૂર્ણ હોદ્દાઓ ઉપર કરાશે નિમણુંક

જામનગર:
જામનગર મહાનગરપાલિકાના ચૂંટાયેલા કોર્પોરેટરોની મુદ્દત પૂર્ણ થતાં મ્યુનિ. કમિશ્ર્નરને વહિવટદાર  નિમાયા હતા,ચૂંટણી પંચ દ્વારા 21 ફેબ્રુઆરીએ ચૂંટણી યોજાઇ હતી. 23 ફેબ્રુઆરીના રોજ પરિણામ આવતા  જામનગરની 64 બેઠકમાંથી ભાજપે 50 બેઠકમાં વિજય પ્રાપ્ત કર્યો હતો જયારે કોંગ્રેસનસે ફાળે 11 અને ત્રણ બહુજન સમાજ પાર્ટીએ કબજે કરી હતી.

હવે આગામી તા.12ના રોજ જામનગર મહાનગરપાલિકા ખાતે ખાસ બોર્ડ બોલાવશે જેમાં શહેરના પ્રથમ નાગરિક એવા મેયર પદની નિમણુંક કરવામાં આવશે.

ખાસ બોર્ડમાં મેયર, ડે.મેયર, સ્ટેન્ડિંગ ચેરમેન સહિતના હોદ્દેદારોની નિમણુંક કરવામાં આવશે.

મેયર પદ નિમાવની તારીખ જાહેર થતાની સાથે જ શહેરના રાજકારણમાં ગરમાવો આવી ગયો છે.

જામનગર ઉપરાંત અમદાવાદને મળશે 10 માર્ચે નવા મેયર : 10 માર્ચે અમદાવાદ કોર્પોરેશનની જનરલ બોર્ડની બેઠક માં નવા ચૂંટાયેલા તમામ કોર્પોરેટર હાજર રહેશે.

મેયર સહિતના પદાધિકારીઓની પણ વરણી કરવામાં આવશે.

રાજકોટને મળશે 12 માર્ચે નવા મેયર.

<span;>સુરતને 12 માર્ચે મળશે નવા મેયર. ભાવનગર શહેરને મળશે 10 માર્ચે નવા મેયર સહિતના હોદ્દેદારો અને વડોદરાને 11 માર્ચે મળશે નવા મેયર.

જામનગર જિલ્લા પંચાયત અને તાલુકા પંચાયત ની ચૂંટણી માટે શાંતિપૂર્ણ મતદાન થયું શરૂ.

જામનગરના વિભાપર ખાતે જિલ્લા પંચાયત અને તાલુકા પંચાયત ની ચૂંટણી માટે શાંતિપૂર્ણ મતદાન થયું શરૂ.

જામનગર: જામનગર ખાતે જિલ્લા પંચાયત અને તાલુકા પંચાયત ની ચૂંટણી માટે મતદાન શરૂ થયું. મતદારો મતદાન કરવા ઉમટ્યા..કોવિડ ગાઈડ લાઈનનું કરાઈ રહ્યું છે પાલન.

જામનગર મહાનગર પાલિકાની ચૂંટણી પછી હવે જિલ્લા પંચાયત અને તાલુકા પંચાયત ની ચૂંટણીના પણ બ્યૂગલ વાગી ગયા છે ત્યારે જિલ્લા પંચાયત ની 24 બેઠકો માટે તંત્ર દ્વારા ચૂંટણી ને આખરી ઓપ આપતા ઇવીએમ મશીન બૂથ સેન્ટર પર રવાના કરવામાં આવ્યા હતા અને આજે જામનગરના વિભાપર ખાતે મતદાન શરૂ થયું હતું.

જામનગર જિલ્લા પંચાયત ની 24 બેઠકો માટે નો ચૂંટણી જંગ આજે યોજાઇ રહ્યો છે જેની સાથે 6 તાલુકા પંચાયત ની 112 બેઠકો માટે પણ ચૂંટણી યોજાઇ રહી છે જેના માટે જામનગર જિલ્લા નું વહીવટી તંત્ર પણ સજ્જ બન્યું હતું.

જિલ્લા પંચાયત ની 24 બેઠકો માટે કુલ 82 ઉમેદવાર ચૂંટણી જંગ લડી રહ્યા છે તેના માટે 5.43 લાખ મતદારો મતદાન કરશે સાથો સાથ જામનગર જિલ્લા ના 6 તાલુકા પંચાયત માં 112 બેઠકો પર 334 ઉમેદવારોએ ઉમેદવારી નોંધાવી છે આ ચૂંટણી માં જિલ્લા કલેકટર રવિશંકર ની રાહબરી હેઠળ 6 ડેપ્યુટી કલેકટર, 12 મામલતદાર ચૂંટણી ફરજ માં જોડાયા છે જ્યારે સમગ્ર જિલ્લા માં કુલ 705 બેલેટ યુનિટ સાથે 1410 ઇવીએમ મશીન ની વ્યવસ્થા ગોઠવવામાં આવી છે અને 71 વધારાના ઇવીએમ મશીન રાખવામા આવ્યા છે આ ઉપરાંત કોરોના મહામારી ને ધ્યાને રાખી ને દરેક બૂથ પર આરોગ્ય કર્મચારી તૈનાત રહેશે
અને મતદારો ને થર્મલ ગન થી ચેક કરી સેનિટાઇઝર અને હેન્ડ ગ્લોવ્ઝ સાથે જ એન્ટ્રી આપવામાં આવશે તેમજ છેલ્લી એક કલાક માં કોરોના પોઝિટિવ અને શંકાસ્પદ પીપીઇ કીટ સાથે મતદાન કરી શકે તે પ્રમાણે વ્યવસ્થા ગોઠવામાં આવી છે.

જામનગરના વિભાપર ખાતે વહેલી સવારથી જ લોકો મતદાન કરવા ઉમટી પડ્યા હતા અને મતદાનના મહાપર્વની શરૂઆત થઈ હતી. યુવા, વડીલ, ગૃહિણીઓ, પોતપોતાના મતાધિકારનો ઉપયોગ કરતા નજરે જોવા મળ્યા હતા. કોવિડ 19 ની ગાઈડ લાઈન અને પોલીસના ચુસ્ત બંદોબસ્ત સાથે મતદાનની શાંતિપૂર્ણ શરૂઆત થઈ હતી…