ખંભાળિયા સેશન્સ અદાલતનો ચુકાદો : પરિણીતાને જીવતી સળગાવનાર પતિને આજીવન કેદ

દેશદેવી ન્યુઝ નેટવર્ક- ખંભાળિયા

ખંભાળિયામાં રહેતી એક મુસ્લિમ પરિણીતાને તેણીના પતિએ કેરોસીન છાંટી, જીવતી સળગાવી દેતા હત્યાના આ બનાવમાં ખંભાળિયાની સેસન્સ અદાલતમાં આરોપી પતિને આજીવન કેદ તથા દંડની સજા ફટકારતો હુકમ કર્યો છે.

આ સમગ્ર પ્રકરણની વિગત મુજબ ખંભાળિયાના નરશી ભુવન નજીક રહેતા અફસાના મહેબૂબ ખીરા નામના પરણિત મહિલાના પતિ મહેબૂબ જુનસ ખીરાને ગત તારીખ 14-2-2018 ના રોજ કામ માટે જવાનું હોવાથી સવારના સમયે ચા- નાસ્તો કરી લીધા બાદ પતિ મહેબૂબએ તેના પત્ની અફસાનાબેનને કહેલ કે “તું તારા મમ્મી-પપ્પા આવે ત્યારે સારું ખાવાનું બનાવે છે

અને મને સારું ખાવાનું બનાવી દેતી નથી”- તેમ કહી બિભત્સ ગાળો કાઢી, અને ઢોર માર માર્યો હતો. આટલું જ નહીં, આરોપી પતિ મહેબૂબએ અફસાનાબેનને “તું તારા મમ્મી પપ્પાના ઘરે ચાલી જા. નહીતર હું તને સળગાવીને મારી નાખીશ”- તેમ કહેતાં જેથી ફરિયાદી અફસાનાબેને ના કહેતા ઉશ્કેરાયેલા મહેબૂબએ રસોડામાં રહેલું કેરોસીનનું કેન લાવી, અને અફસાના ઉપર છાંટી, દીવાસળી ચાંપી દીધી હતી.

આ બનાવ બાદ ગંભીર રીતે દાઝી ગયેલા અફસાનાબેનને ખંભાળિયાની સરકારી હોસ્પિટલમાં પ્રાથમિક સારવાર અપાયા બાદ વધુ સારવાર અર્થે જામનગરની હોસ્પિટલમાં ખસેડવામાં આવ્યા હતા.

જ્યાં તેણીએ ખંભાળિયાના પી.એસ.આઇ. કવિતાબેન ઠાકરીયાની રૂબરૂમાં ઉપરોક્ત સમગ્ર હકીકત જણાવી હતી. જેથી ખંભાળિયા પોલીસે મહિલાના પતિ સામે આઇ.પી.સી. કલમ 307, 504, 498(ક) મુજબ ગુનો નોંધ્યો હતો.

સારવાર દરમિયાન ફરિયાદી મહિલાએ એક્ઝિક્યુટિવ મેજિસ્ટ્રેટ સમક્ષ મરણોન્મુખ નિવેદન આપ્યા બાદ તારીખ 15 ફેબ્રુઆરી 2018 ના રોજ તેણીનું મૃત્યુ થયું હતું. જેથી પોલીસે આરોપી સામે હત્યાની કલમ 302 નો ઉમેરો કર્યો હતો.

આ સમગ્ર પ્રકરણ અંગે જરૂરી કાગળો તથા એફએસએલના રિપોર્ટ મેળવી આ અંગેનો કેસ ખંભાળિયા મુખ્ય સેશન્સ અદાલતમાં ચાલી જતા આ કેસમાં ફરિયાદી મહિલાના પિતાએ કેસને જરૂરી સમર્થન આપ્યું ન હતું. પરંતુ ફરિયાદીની ફરિયાદ તથા મરણોન્મુખ નિવેદન લેનારા મામલતદારની જુબાની અને અહીંના સરકારી વકીલ લાખાભાઈ ચાવડા દ્વારા કરવામાં આવેલી વિવિધ દલીલોને ગ્રાહ્ય રાખી, નામદાર અદાલતે આરોપી મહેબૂબ જુસબ ખીરાને તકસીરવાન ઠેરવી હત્યાના ગુનામાં તેને આજીવન કેદ તથા રૂપિયા વીસ હજારનો દંડ અને જો દંડ ન ભરે તો વધુ એક વર્ષની સાદી કેદની સજા ફટકારતો હુકમ કર્યો હતો.

જામનગરમાં મહા શિવરાત્રીએ ભવ્ય શોભાયાત્રાનું આયોજન.

પાલખીમાં શુઘ્ધ સુવર્ણના શેષનાગ, ત્રિપુંડ ત્રિશુલ, ડમ, છતર તથા યજ્ઞોપવીત (જનોઇ)ના આભુષણો અંગીકાર કરાશે.

દેેેશ દેવી ન્યુઝ નેટવર્ક: જામનગર.
હિન્દુ ઉત્સવ સમિતી અને મહાદેવ હર મિત્ર મંડળ ચેરી. ટ્રસ્ટના ઉપક્રમે બપોરે 3-30 વાગ્યે સિઘ્ધનાથ મંદિરથી શોભાયાત્રા નીકળી રાત્રે 12-30 વાગ્યે ભીડભંજન મહાદેવ મંદિરે પુર્ણ થશે : સવારે 10 થી 12 દરમ્યાન રજત મઢીત શિવજીના આસુતોષ સ્વપનું તેમજ પાલખીનું પુજન

રાત્રે મહાઆરતી

જામનગરમાં ગુવાર તા. 11ના રોજ મહા શિવરાત્રીના પવિત્ર દિવસે ભવ્ય શિવ શોભાયાત્રાનું આયોજન કરવામાં આવેલ છે, પ્રતી વર્ષની માફક આ વર્ષે પણ આ શોભાયાત્રા બપોરે 3-30 વાગ્યે સિઘ્ધનાથ મંદિરેથી નીકળી શહેરના મુખ્ય રાજમાર્ગો ઉપર ફરશે અને રાત્રે 12-30 વાગ્યે ભીડભંજન મહાદેવના મંદિરે પૂર્ણ થશે, સવારે પુજન અને સાંજે મહાઆરતીના કાર્યક્રમો રાખવામાં આવેલ છે.

હિન્દુ ઉત્સવ સમિતીના સ્વામી ચત્રભુજદાસજી મહારાજ અને મહાદેવ હર મિત્ર મંડળ ચેરીટેબલ ટ્રસ્ટના રાજેશ ડી. વ્યાસ (મહાદેવ)ના નેજા હેઠળ દેવાધીદેવ ભગવાન શિવજીની આરાધનાનું પર્વ મહાશિવરાત્રીના દિવસે સવારે 10 થી 12 દરમ્યાન રજત મઢીત શિવજીના આસુતોષ સ્વપનું ષોડસો પ્રચારે પૂજન, રજમત મઢીત પાલખીનું પુજન અને આરતી કરવામાં આવશે ત્યારબાદ મહાદેવની પાલખી સાથે સતત 39માં વર્ષે આ શિવ શોભાયાત્રા સિઘ્ધનાથ મંદિરથી નીકળશે, આ પાલખી પુજનમાં 11 દંપતીઓ પૂજન કરશે.

પાલખીમાં શુઘ્ધ સુવર્ણના શેષનાગ, ત્રિપુંડ ત્રિશુલ, ડમ, છતર તથા યજ્ઞોપવીત (જનોઇ)ના આભુષણો અંગીકાર કરવામાં આવશે. સિઘ્ધનાથ મંદિરેથી બપોરે 3-30 વાગ્યે આ શોભાયાત્રા રંગેચંગે નીકળશે જેમાં પિતાંબર પહેરીને જોડાશે, આ શોભાયાત્રા નાગનાથ ગેઇટ, ત્યારબાદ બેડી ગેઇટ, રણજીતરોડ, દિપક ટોકીઝ, ચાંદીબજાર, સેતાવાડ, હવાઇચોક, પંચેશ્ર્વર ટાવર થઇને ભીડભંજન મંદિરે પહોચશે ત્યાં રાત્ર મહાઆરતીનો કાર્યક્રમ યોજાયો છે.

કોરોનાની ગાઇડલાઇનને અનુલક્ષીને આ શોભાયાત્રાનું આયોજન કરવામાં આવ્યું છે, શોભાયાત્રાને સફળ બનાવવા કાર્યકરો જહેમત ઉઠાવી રયા છે, તાજેતરમાં મળેલી મિટીંગમાં શહેરમાં શિવ શોભાયાત્રા અંગે નિર્ણય લેવામાં આવ્યો હતો.