ખંભાળિયા નગરપાલિકાના નવા સત્તાધીશોની વરણી

ભાવનાબેન પરમાર બન્યા નવા પ્રમુખ : ઉપપ્રમુખ તરીકે જગુભાઈ રાયચુરા ચૂંટાયા: કારોબારી કમિટીની જવાબદારી હિનાબેન આચાર્યને: શાસક પક્ષના નેતા દિલીપભાઈ ઘઘડા

‘
દેશ દેવી ન્યુઝ નેટવર્ક ખંભાળિયા :

દેવભૂમિ દ્વારકા જિલ્લાના મુખ્ય મથક ખંભાળિયા નગરપાલિકાની તાજેતરમાં યોજાઈ ગયેલી સામાન્ય ચૂંટણીમાં કુલ 28 પૈકી 26 સભ્યો ભાજપના અને કોંગ્રેસ તથા બસપાના એક-એક સભ્ય ચૂંટાયા છે.

આગામી પાંચ વર્ષ માટે ચૂંટાયેલા આ સભ્યોમાં આગામી અઢી વર્ષની પ્રથમ ટર્મ માટેના પ્રમુખ- ઉપપ્રમુખ પદની ચુંટણી આજરોજ સોમવારે સવારે અગીયાર વાગ્યે યોજાઇ હતી.

ખંભાળિયા નગરપાલિકાની નવી બોડીની પ્રથમ સામાન્ય સભા કે જેનો મુખ્ય એજન્ડા નવા પ્રમુખ- ઉપપ્રમુખની વરણી સાથેનો હતો, આ બેઠક ખંભાળિયા નગરપાલિકાના સભાગૃહ ખાતે ઇન્ચાર્જ પ્રાંત અધિકારી પ્રશાંત મંગુડાના અધ્યક્ષસ્થાને યોજાઇ હતી. જેમાં નવા ચૂંટાયેલા તમામ 28 સભ્યો હાજર રહ્યા હતા.

ખંભાળિયા નગરપાલિકાના ઇન્ચાર્જ ચીફ ઓફિસર શેખ ઉપસ્થિતિમાં યોજાયેલી સામાન્ય સભામાં પ્રમુખ તરીકે ભાજપના ભાવનાબેન જીગ્નેશભાઈ પરમારના નામની દરખાસ્ત વોર્ડ નંબર 6ના સભ્ય વિજયભાઈ નારણભાઇ કણજારીયાએ મૂકી હતી. જેને મુક્તાબેન કિશોરભાઈ નકુમે ટેકો આપ્યો હતો.

જ્યારે ઉપપ્રમુખ પદ માટે ભાજપના સિનિયર સભ્ય રમેશભાઈ સુંદરજીભાઈ રાયચુરા (જગુભાઈ રાયચુરા) ના નામની દરખાસ્ત હિતેશભાઈ ગોકાણીએ મૂકી હતી. જેને રશ્મિબેન જયેશભાઈ ગોકાણીએ ટેકો આપ્યો હતો.

આમ, પાલિકાના પ્રમુખ તરીકે ભાવનાબેન જીગ્નેશભાઈ પરમાર અને ઉપપ્રમુખ તરીકે રમેશભાઈ (જગુભાઈ) રાયચુરાની બિનહરીફ વરણી જાહેર કરવામાં આવી હતી.

આ ઉપરાંત કારોબારી ચેરમેન તરીકે વોર્ડ નંબર સાતના સદસ્યા હીનાબેન હિતેન્દ્રભાઈ આચાર્યના નામની જાહેરાત કરાઇ હતી. આ સાથે શાસક પક્ષના નેતા તરીકે ખંભાળિયા શહેર ભાજપના પૂર્વ પ્રમુખ દિલીપભાઇ ઘઘડા તથા દંડક તરીકે સોનલબેન નાથુભાઈ વાનરીયાની વરણી પણ ભાજપ દ્વારા કરવામાં આવી હતી.

આમ, એકંદર શાંતિપૂર્ણ રીતે સંપન્ન થયેલી આ પ્રથમ સામાન્ય સભામાં મીટીંગ અંગેની કામગીરી કમિટી ક્લાર્ક રાજુભાઈ વ્યાસે કરી હતી. આ સમગ્ર કાર્યવાહીની ફોટોગ્રાફી તથા વીડિયોગ્રાફી પણ કરવામાં આવી હતી.
નવા હોદ્દેદારોની નિમણુંક અંગેની વ્હિપ જિલ્લા ભાજપ પ્રમુખ ખીમભાઈ જોગલ દ્વારા સીલબંધ કવરમાં લાવવામાં આવી હતી. જેને જિલ્લા ભાજપ મહામંત્રી શૈલેષભાઈ કણજારીયાએ પ્રત્યેક સભ્યને આપી, અને આ વ્હીપની બજવણી કરી હતી.

પાલિકાના પ્રમુખ- ઉપપ્રમુખ સહિતના હોદ્દેદારોની વિધિ સંપન્ન થતા આ નવા સુકાનીઓ તથા હોદ્દેદારોની વિજય સરઘસ સ્વરૂપે ઉજવણી કરવામાં આવી હતી. જેમાં શહેર ભાજપ પ્રમુખ અનિલભાઈ તન્ના, મહામંત્રી ઈન્દ્રજીતસિંહ પરમાર, સહિતના હોદ્દેદારો પ્રારંભથી જ સાથે જોડાયા હતા. આ સમગ્ર ચૂંટણી દિવસ દરમ્યાન અહીંના ઈન્ચાર્જ પોલીસ ઇન્સ્પેક્ટર પી.બી. ઝાલા તથા સ્ટાફ દ્વારા જરૂરી બંદોબસ્ત ગોઠવવામાં આવ્યો હતો.

‘જામ્યુકો’ની કચેરીઓમાં મેયરનું સરપ્રાઇઝ ચેકિંગ!

જામનગર મહાનગરપાલિકાના નવા પદાધિકારીઓની ગત સપ્તાહે વરણી કરવામાં આવી હતી,

જેમાં બીનાબેન કોઠારીની મેયર તરીકે વરણી થઇ હતી, હવે મેયર બીનાબેને પોતાનો ચાર્જ સંભાળતાની સાથે જ એકશનમાં આવી ગયા છે.

સોમવારે સવારે જામ્યુકોની વિવિધ કચેરીઓમાં મેયરે સરપ્રાઇઝ ચેકિંગ હાથ ધર્યુ હતું. સરપ્રાઇઝ ચેકિંગ દરમ્યાન મેયરે કચેરી અને કર્મચારીઓના કામનું નિરિક્ષણ કર્યુ હતું અને તેમને લગતા સૂચનો આપ્યા હતા.

દ્વારકાના દરિયામાં ફિશીંગ બોટમાં લાગી આગ : સાત માછીમારોનો બચાવ.

દેશ દેવી ન્યુઝ નેટવર્ક દ્વારકા :

દ્વારકાના નાવદ્રા બંદરથી આશરે 37 નોટીકલ માઈલ દુર હરસિધ્ધી નામની માછીમારી બોટ સાત ખલાસી સાથે માછીમારી કરવા દરિયા અંદર ગઈ હતી. અને તા.11.03.21ના રોજ અચાનક માછીમારી કરતા બોટમાં આગ લાગી હતી. વધારે પવન હોવાથી આગે વિકરાળ સ્વરૂપ ધારણ કર્યુ હતું.

તે દરમિયાન સાંજે લગભગ 18.30 કલાકે ભારતીય તટરક્ષક દળના જહાજ રાજરતનને પોતાના ક્ષેત્રમાં પેટ્રોલિંગ દરમિયાન ભારતીય માછીમારી બોટ દેવ તરફથી સંદેશો મળ્યો હતો કે, સાત ક્રૂ સાથેની ઈંઋઇ હરસિદ્ધિ બોટમાં આગ લાગી છે.

તેથી ઈંઈૠજ રાજરતનને રિપોર્ટિંગ કરવામાં આવેલી જગ્યા શોધ કરી અને તમામ સહાય પૂરી પાડવાના હેતુથી રાજરતન પોતાની મહત્તમ ઝડપ સાથે સ્થળ પર પહોંચ્યું હતું.

અને આગ બુઝાવવાનું કામ હાથ ધર્યું હતું. તમામ સાતેય ક્રૂને બચાવીને નજીકમાં રહેલી ઈંઋઇ ગાત્રાળ માછીમારી બોટ દ્વારા બચાવી લેવામાં આવ્યા હતા. તમામ સાતેય ખલાસીઓને અન્ય બોટ રાજરતન પર લઇ જવામાં આવ્યા હતા અને તેમને જરૂરી પ્રાથમિક સારવાર આપવામાં આવી હતી. સતત બે કલાક સુધી સતત આગ બુઝાવવાની કામગીરી કરવામાં આવી હોવા છતાં, આગ ભયંકર સ્વરૂપ હોવાથી, હોડીને બચાવી શકાઇ નહોતી અને છેવટે દરિયામાં ડુબી ગઇ હતી. હોડીના એન્જીન રૂમમાં આગ લાગી હતી અને આગ બહુ ઝડપથી ફેલાઇ રહી હોવાથી બોટને બચાવી શકાઈ ન હતી.

સાતેય ખલાસીઓને અન્ય બોટ રાજરતન દ્વારા આજરોજ તા.12.03.21ના રોજ અંદાજે બપોરે ત્રણ કલાકે પોરબંદર લાવવામાં આવ્યા હતા અને સ્થાનિક પોલીસને સોંપવામાં આવ્યા હતા.

દેવભૂમિ દ્વારકા જિલ્લામાં જુગારના અડ્ડાઓ પર પોલીસની તવાઇ: 20ની ધરપકડ

દેશ દેવી ન્યુઝ નેટવર્ક: ખંભાળિયા :

ઓખાના ગાંધીનગરી વિસ્તારમાં ગત રાત્રીના સમયે સ્થાનિક પોલીસ સ્ટાફના કોન્સ. મનીષભા કેર તથા હેડ કોન્સ્ટેબલ ડાડુભાઈ જોગલ દ્વારા હાથ ધરાયેલા પેટ્રોલિંગ દરમિયાન આ વિસ્તારમાં જાહેરમાં ગંજીપાના વડે તીનપતીનો જુગાર રમી રહેલા માંડણભા ડુડાભા સુમણીયા, રાજેશ પોલાભાઈ સોલંકી, ભીમજી કાનજીભાઈ સીણોજીયા નામ ત્રણ શખ્સોને પોલીસે ઝડપી લીધા હતા ઝડપી લેવામાં આવ્યા હતા.

ઝડપાયેલા આ શખ્સો પાસેથી પોલીસે કુલ રૂપિયા 10,110/ નો મુદ્દામાલ કબજે કરી, જુગારધારાની કલમ મુજબ ધોરણસર કાર્યવાહી કરી હતી.

ભાણવડથી આશરે નવ કિલોમીટર દૂર ત્રણ પાટિયા વિસ્તારમાં વરલી મટકાના આંકડા વડે જુગાર રમી રહેલા શિવા ગામના વિનોદ ભગવાનજીભાઈ સિસોદિયા નામના ત્રીસ વર્ષના આહીર યુવાનને પોલીસે રૂપિયા દસ હજારના એક મોબાઇલ ફોન સહિત કુલ રૂપિયા 11,550/- ના મુદ્દામાલ સાથે દબોચી લીધો હતો.

ભાણવડ તાલુકાના વેરાડ ગામેથી હિરેન આત્મારામભાઈ ગોંડલીયા નામના બાવાજી શખ્સને વરલી નો જુગાર રમતા રૂપિયા 3,250 રોકડા તથા એક મોબાઇલ ફોન મળી કુલ રૂપિયા 11,250/- ના મુદ્દામાલ સાથે ઝડપી લેવામાં આવ્યો હતો.

આ ઉપરાંત ભાણવડના ત્રણ પાટીયા વિસ્તારમાંથી સ્થાનિક પોલીસે આઝાદનગર ખાતે રહેતા અને વાણંદ કામ કરતા વિપુલ હસમુખભાઈ જોટંગીયા નામના 39 વર્ષના યુવાનને વરલી મટકાનો જુગાર રમતા ઝડપી લઈ, મોબાઇલ સહીત કુલ રૂ. 11,150 નો મુદ્દામાલ જપ્ત કર્યો હતો.

દ્વારકાની એક હોટલ પાસેથી સ્થાનિક પોલીસે આદમખાન જમાલખાન પઠાણ અને સુરેશભાઈ પ્રાણજીવનભાઈ પોપટ નામના બે શખ્સોને ચલણી નોટના નંબર વડે એકી- બેકીનો જુગાર રમતા ઝડપી લઇ, કુલ રૂપિયા 1,720/- નો મુદ્દામાલ કબજે કરી જરૂરી કાર્યવાહી કરી હતી.

દ્વારકાના રેતવા પાડો વિસ્તારમાંથી સ્થાનિક પોલીસે માલીબેન હીરાભાઈ માંગલીયા, જમુબેન પાલાભાઈ માંગલીયા, દેવીબેન ઘેલાભાઈ કારાણી, માયાબેન હેમતભાઈ કાપડી અને પાલાભાઇ વેજાભાઈ માંગલિયા નામના પાંચ પત્તાપ્રેમીઓને ઝડપી લઈ, કુલ રૂપિયા 1,480 નો મુદ્દામાલ કબજે લીધો હતો.

મીઠાપુર તાબેના ભીમરાણા ગામે એક મંદિર પાસેથી સ્થાનિક પોલીસે જાહેરમાં તીનપત્તીનો જુગાર રમી રહેલા જીવીબેન નરશીભાઇ લોઢારીયા, વાલુબેન છગનભાઈ સોલંકી, શાંતુબેન ખીમજીભાઈ મોતીવરસ અને ગીતાબેન ભાવસંગભા માણેક નામના ચાર મહિલાઓને ઝડપી લઈ, કુલ રૂપિયા 2,690 નો મુદ્દામાલ કબજે કર્યો હતો.

ખંભાળિયા શહેરમાં એક શાળાની પાછળ ભર બપોરે ગંજીપત્તા વડે જુગાર રમી રહેલા દેવા ઘેલાભાઈ ચૌહાણ, જયેશ નાથાભાઈ ચૌહાણ, સંજય અશોકભાઈ ત્રિવેદી અને રામજી ભુજાભાઈ રોસીયા નામના ચાર શખ્સો રૂપિયા 2,100ના મુદ્દામાલ સાથે ઝડપાઈ ગયા હતા.