દ્વારકા જિલ્લામાં કોરોના કાળમાં જુગાર ની મોજ માણતી પાના પ્રેમી ૭ મહીલા સહિત ૧ર ઝડપાયા

દેવભૂમી દ્વારકા જિલ્લામાં કોરોના કાળમાં પણ જુગારની મોજ માણતી સાત મહિલાઓ સહિત બાર ઝડપાતા અફડાતફડીનો માહોલ.

દેશ દેવી ન્યુઝ નેટવર્ક ખંભાળિયા : દ્વારકા તાલુકાના મેવાસા ગામે ગત સાંજે સ્થાનિક પોલીસે વાડી વિસ્તારમાં જુગાર દરોડો પાડી, બાવળ નીચે જાહેરમાં ગંજીપાના વડે રોન પોલીસ નામનો જુગાર રમી રહેલા સુમરાભા પબુભા કેર, મીયાભા હધુભા માણેક, કારુભા પુંજાભા સુમાણી, મેરૂભા વાલાભા માણેક અને ભાયાભા રાયદેભા કેર નામના પાંચ શખ્સોને ઝડપી લીધા હતા. પકડાયેલા આ શખ્સો પાસેથી પોલીસે કુલ રૂપિયા 10,270/- નો મુદ્દામાલ કબજે કરી જુગારધારાની કલમ મુજબ ગુનો નોંધ્યો હતો.

અન્ય એક જુગાર દરોડામાં ભાણવડ પોલીસે ટાઉન વિસ્તારમાંથી રમીલાબેન રસિકભાઈ વારંગિયા, જાનુબેન ભીખુભાઈ ઉર્ફે ઈશાકભાઈ હિંગોરા, ભાનુબેન માલદેભાઈ સિંગરખીયા, શેરબાનુ મહેબુબભાઇ રફાઈ, વાલીબેન મનુભાઈ સોરઠીયા, રોશનબેન ઓસમાણભાઈ હિંગોરા, અને અમીનાબેન મામદભાઈ સમા નામના સાત મહિલાઓને ઝડપી લઇ રૂપિયા 2,400/- નો મુદ્દામાલ કબજે કર્યો હતો.

ગોંધી રાખી માર મારવા બાબતે LCBના ત્રણ કર્મચારી વિરૂધ્ધ ગુનો દાખલ.

જામનગરમાં એલસીબીના ત્રણ કર્મચારીએ ઉપાડી જઇ ગુનો કબૂલ કરવા મારકૂટ કરી  ઇલેક્ટ્રિક શૉક આપ્યા હતા આ અંગે 2018માં જામનગરની કોર્ટમાં ફરિયાદ થતાં કોર્ટે હાલ ગુજસીટોક ના ગુનામાં જેલમાં રહેલા પૂર્વ પોલીસ કર્મી સહિત ત્રણ સામે ગુનો નોંધી તપાસ નો આદેશ કર્યો છે.

શહેરના રણજીતસાગર રોડ પર આવેલ પ્રણામીનગર પાસે રહેતા મહાવીરસિંહ દેવાજી જાડેજા એ  તારીખ 29 -8 -2018 ના રોજ પાંચ વાગ્યાના સુમારે એલસીબીના એ.એસ.આઈ વશરામભાઈ આહીર પોલીસ કોન્સ્ટેબલ કમલેશ રબારી અને મિતેશ પટેલ કારમાં બેસાડી એલ.સી.બી લઈ ગયા હતા.

જ્યા ધાક-ધમકી આપી તેના સાળા જયરાજસિંહ સોઢા એ કરેલી પોલીસ વિરુદ્ધ ની ફરિયાદ પાછી ખેંચવાનું કહી મારકૂટ કરી પટ્ટા વડે મારમારી ઇલેક્ટ્રિક શોક આપ્યા હતા.

તારીખ 31- 8-2018 ના રોજ જામીન પર મુક્ત કરીને ધમકી આપી હતી તેણે જી.જી હોસ્પિટલમાં સારવાર લીધા બાદ જામનગરની એડિશનલ ચીફ જ્યુડિશિયલ મેજિસ્ટ્રેટની કોર્ટમાં ફરિયાદ નોંધાવી હતી.

તે ચાલી જતા લાંબા સમય બાદ કોર્ટે હાલ ગુજસીટોક ના ગુનામાં જેલમાં રહેલા પૂર્વ પોલીસ કર્મી વશરામ આહીર મિતેશ પટેલ અને કમલેશ રબારી સામે વિવિધ કલમો હેઠળ ગુનો નોંધવા હુકમ કરતા સીટી – એ ડીવીઝન એ ગુનો નોંધી તપાસ શરૂ કરતાં જામનગર પોલીસ બેડામાં ખળભળાટ મચી જવા પામેલ.

પોલીસ ફરિયાદમાં જણાવ્યા મુજબ મહાવીરસિંહને એલ.સી.બીમાં લઇ ગયા બાદ ગાળો કાઢી મારકૂટ ચાલુ કરી હતી જે પછી બંને હાથ પાછળ હથકડી બાંધી જમીન પર સુવડાવી જાડા પટ્ટા વડે હાથના અંગૂઠા તથા ગુપ્ત ભાગે રિંગ પહેરાવી ઈલેક્ટ્રીક શોક આપ્યો હતો જેનાથી મહાવીરસિંહ અર્ધ બેભાન થઈ ગયા હતા જામીન ઉપર મુક્ત થયા બાદ જામનગરની જી.જી હોસપીટલ માં સારવાર લીધેલ સારવાર બાદ કોર્ટમાં ફરિયાદ નોંધાવી હતી જે કેસ ચાલી જતા એડિશનલ ચીફ જ્યુડિશિયલ મેજિસ્ટ્રેટની  કોર્ટના આદેશથી CRPC-154 મુજબ એફઆરઆઇ દાખલ કરી દેવામાં આવી છે જેને જામનગર માં સારી એવી ચર્ચા જગાવી છે.

ભાગ્યલક્ષ્મી એજયુકેશન ચેરીટેબલ ટ્રસ્ટ દ્વારા અને જામનગર મહાનગરપાલિકના સહયોગથી
જામનગર શહેરના વોર્ડ નંબર 3 તથા 4માં કોરોના પ્રતિરોધક રસીકરણ ઝુંબેશ કાર્યક્રમ યોજાયો.

કોરોના પ્રતિરોધક રસી જઆપણા માટે આ રોગ સામે લડતનું હથીયાર સમાન છે: રાજયમંત્રીશ્રી ધર્મેન્દ્રસિંહ જાડેજા

અન્ન અને નાગરિક પુરવઠા રાજ્યમંત્રીશ્રી ધર્મેન્દ્રસિંહ જાડેજાની પ્રેરક ઉપસ્થિતિમાં વોર્ડ નંબર 3 અને 4ના નાગરિકોને કોરોના પ્રતિરોધક રસી આપવામાં આવી105 વર્ષના વયોવૃધ્ધ નરશીભાઇ સામાણીએ રસી મુકાવી અન્યોને પ્રોત્સાહીત કરતા રાજયમંત્રીશ્રી ધર્મેન્દ્રસિંહ જાડેજા દ્વારા રાજય સરકારવતી અભિનંદન પાઠાવ્યા

વેકસીનેશન કરાવી કોરોના મહામારી સામે લડવા રાજયમંત્રીશ્રીનો જામનગરના નાગરિકોને અનુરોધ

જામનગર શહેરમાં ભાગ્યલક્ષ્મી ચેરીટેબલ ટ્રસ્ટ દ્વારા જામનગર મહાનગરપાલિકાના સહયોગથી શહેરના વોર્ડ નંબર 3 અને 4માંવેક્સિનેશન કેમ્પ યોજાયો હતો.

જામનગર શહેરના નાગરિકો વધુમાં વધુ પ્રમાણમાં યોજાતા કોરોના પ્રતિરોધક રસીકરણ કેમ્પોનો લાભ લઇ રસીકરણ કરાવે તે માટે ભાગ્ય લક્ષ્મી ચેરીટેબલ ટ્રસ્ટના ચેરમેન અને અન્ન અને નાગરિક પુરવઠા રાજયમંત્રીશ્રી ધર્મેન્દ્રસિંહ જાડેજાએ અનુરોધ કરતાં શહેરના વોર્ડ નંબર- 3 અને 4માં રહેતા 45 વર્ષથી ઉપરની ઉંમરના રહેવાસીઓને કોરોના પ્રતિરોધક રસી આપવા માટેના કેમ્પનો પ્રારંભ કરવામાં આવ્યો હતો .

નોવેલ કોરોના વાઇરસ (કોવીડ-19)ના સંક્રમણને નિયંત્રણમાં રાખી શકાય તે હેતુથી સમગ્ર ગુજરાત રાજયમાં કોરોના પ્રતિરોધક વેકશીન આપવામાં આવે છેતેમ જણાવતા રાજયમંત્રીશ્રી ધર્મેન્દ્રસિંહ જાડેજાએ કહ્યું હતું કે, સમગ્ર વિશ્વ અને આપણો દેશ કોરોના મહામારી સામેની જંગ લડી રહ્યો છે.

ત્યારેહાલમાં ફરીથી બીજા વેવમાં ભારત અને આપણા ગુજરાતમાં પણ સતત કોરોનાના કેસ વધી રહ્યા છે ત્યારે કોરોના પ્રતિરોધક રસી જઆપણા માટે આ રોગ સામે લડતનું હથીયાર સમાન છે. ત્યારે વધુમાં વધુ લોકો આ રસી લઇ અને સુરક્ષિત બને તે માટે આ મેગા વેક્સિનેશન કેમ્પ યોજવામાં આવ્યા છે, હજુ પણ વધુ લોકો આ જ રીતે જાગૃત બની તત્કાલ કોરોના પ્રતિરોધક રસી લઇ પોતે તથાપોતાના પરિવાર અને સમગ્ર જામનગરને સુરક્ષિત બનાવવામાં સહયોગ આપવાઅનુરોધ કર્યો હતો.

વોર્ડ નંબર-3માં પટેલ સમાજ ખાતે રાજયમંત્રીશ્રી ધર્મેન્દ્રસિંહ જાડેજાની ઉપસ્થિતિમાં સામાણી નરશીભાઇ દેવશીભાઇ ઉમર વર્ષ 105ના વયોવૃધ્ધે રસી લીધેલ હતી. આ તકે રાજયમંત્રીશ્રી જાડેજા દ્વારા વયોવૃધ્ધ નરશીભાઇને કોરોના સામેના જંગમાં આગળ આવી રસી લેવા અને અન્ય લોકોને રસી મુકાવી પ્રોત્સાહિત કરવા બદલ રાજય સરકારવતી અભિનંદન પાઠવ્યા હતા.

આ કેમ્પમાં વોર્ડ નંબર – 3ના કોર્પોરેટરો સર્વશ્રી સુભાષભાઇ જોષી, અલ્કાબા જાડેજા, પરાગભાઇ પોપટ, પન્નાબેન કટારીયા, પૂર્વ મેયર શ્રી દિનેશભાઇ પટેલ, વોર્ડ નંબર – 3ના પ્રમુખશ્રી અશ્વિનભાઇ છાપીયા, મહામંત્રીશ્રી નરેન્દ્ર ગઢવી,વોર્ડ નંબર – 4ના કોર્પોરેટર સર્વશ્રી પૃથ્વીસિંહ ઝાલા, કેશુભાઇ માડમ, ઝડીબેન સરવૈયા, વોર્ડ નંબર – 4 ના પ્રમુખશ્રી વિજયસિંહ ગોહિલ, કિલ્લોલ સ્કુલના  ધનશ્યામસિંહ ઝાલા તથા વેકશીન લેનાર નાગરિકો ઉપસ્થિત રહ્યાં હતા.

દહેજ ભૂખ્યા પતિના ત્રાસથી કંટાળીને પત્નીએ આયખું ટુંકાવ્યું : પતિ સામે ફરિયાદ

ખંભાળિયાના ઓખા મંડળના સુરજકરાડી ખાતે રહેતા એક યુવાન દ્વારા પોતાની પત્ની પાસે દહેજની માંગણી કરી, ત્રાસ ગુજારવામાં આવતા આખરે કંટાળીને તેની પત્નીએ ગળાફાંસો ખાઈને આપઘાત કરી લીધાનો બનાવ પોલીસ ચોપડે નોંધાયો છે.

આ સમગ્ર પ્રકરણમાં પોલીસ દફતરે જાહેર થયેલી વિગત મુજબ જામનગરના સાધના કોલોની વિસ્તારમાં રહેતા પરસોતમભાઈ કાનજીભાઈ રત્નાગર નામના 56 વર્ષીય એક પ્રૌઢની 27 વર્ષીય પુત્રી હેતલબેનના લગ્ન થોડા સમય પૂર્વે દ્વારકા તાલુકાના મીઠાપુર તાબેના સૂરજકરાડી ખાતે રહેતા નિતીન પીઠાભાઇ શ્રીમાળી સાથે થયા હતા.

નિતીન દ્વારા તેઓના લગ્ન જીવન દરમિયાન હેતલબેનને “તું તારા બાપના ઘરેથી કરિયાવરમાં કંઈ લાવી નથી”- તેમ કહી, નાની-નાની બાબતે મેણાં-ટોણાં મારી અને ઝઘડા કરી, શારીરિક રીતે માર મારવામાં આવતો હતો. આટલું જ નહીં, નિતીન દ્વારા પોતાની પત્નીને કરિયાવર લાવવા માટે દબાણ કરવામાં આવતું હોવાથી તેણીના પિતા પરસોત્તમભાઈએ નિતીનને બાઈક લેવા માટે 30 હજાર રૂપિયા પણ આપ્યા હતા.

આમ, આત્મહત્યા કરવા માટે દુષ્પ્રેરણા આપવા અંગે મૃતકના પિતાની ફરિયાદ પરથી મીઠાપુર પોલીસે નીતિન પીઠાભાઈ શ્રીમાળી સામે આઈ.પી.સી. કલમ 306, 498 (ક) તથા દહેજ પ્રતિબંધક ધારાની કલમ મુજબ ગુનો નોંધી, આગળની તપાસ મીઠાપુરના પી.આઈ. જે.કે. ડાંગર દ્વારા હાથ ધરવામાં આવી છે.

જી.જી.હોસ્પિટલમાં પ્રાઈવેટ સિક્યુરિટી સુપરવાઇઝર પોતાની ઓફિસમાં દારૂના નશામાં ચકચૂર હોવાનો ઘટસ્ફોટ થતા ખળભળાટ.

સમગ્ર ઘટનાનો વિડીઓ દેશ દેવી ન્યુઝ પાસે હોય તેમા સિક્યુરિટી સુપરવાઇઝર નશામાં બફાટ કરતો નજરે પડેલ છે.

જામનગર શહેરની જીજી હોસ્પિટલ હંમેશાંને માટે વિવાદોથી ઘેરાયેલી રહે છે.તેવામાં દારૂ પીધેલો સુપરવાઇઝર રંગે હાથે પકડાઈ જતા ખળભળાટ.

જામનગર શહેરની જી.જી સૌરાષ્ટ્રની નંબર વન અને ગુજરાતની બીજા નંબરની હોસ્પિટલ હાલ ચર્ચામાં છે હોસ્પિટલની અંદર સુરક્ષા અને વ્યવસ્થા જળવાઇ રહે તેના માટે પ્રાઇવેટ સિક્યુરિટી એજન્સીઓ ફાળવવામાં આવી છે.

પરંતુ જેના પર જવાબદારી છે તેવા સિક્યુરિટી સુપરવાઇઝર દરરોજ હોસ્પિટલ પ્રશાસને ફાળવેલ સિક્યુરિટી ઓફિસમાં બેસીને દારૂ પીવે અને ફુલ દારૂના નશામાં ચકચુર થઈ ડોલતા ડોલતા ગાર્ડ ની હાજરી પૂરે તેવામાં હાજરી માટે આવતા લેડીઝ ગાર્ડ પણ આવતા અચકાય છે.

આવો જ બનાવ જામનગરની જી.જી.હોસ્પિટલમાં બનવા પામેલ ગતરાત્રે દેશ દેવી ન્યુઝ પાસે આવેલ વીડીઓમાં  સિક્યુરિટી સુપરવાઇઝર દારૂના નશામાં બફાટ કરતો અને ડોલા ખાતો હોય રંગે હાથે પકડાઈ જતા ચકચાર મચી જવા પામ્યો છે.

જી.જી.હોસ્પિટલમાં સિક્યુરિટી સ્ટાફની ગેરવર્તણૂકની અને દાદાગીરી ની અનેક ફરીયાદો ઉઠી છે. પરંતુ ગતરાત્રે વિડિયો હોસ્પિટલના ટોમા વોર્ડ નજીક આવેલા સિક્યુરિટી ઓફિસમાં ભુપતભાઈ નામનો શખ્સ ચિક્કાર દારૂના નશા માં વહીવટ કરતો હોવાની જાણ થઈ હતી અને હાજરી પુરવા માટે આવતી મહિલા ગાર્ડ ને પોતાનું મોઢું ઢાંકવાનો વારો આવ્યો કારણકે સિક્યુરિટી ઓફીસ એટલી હદે દારૂથી ગંધાતી હતી અને સુપરવાઇઝર નશા માં સરખું બોલી તો ઠીક ઉભા પણ રહી શકતા નહોતા.

દારૂ પિધાની ફરિયાદ કાંઈ નવી નથી અગાઉ  પણ એજન્સીને ચેતવણી આપવામાં આવી હતી.

જીજી હોસ્પિટલ ના સિક્યુરિટી ગાર્ડ ચાલુ ફરજે દારૂ પીતા હોવાની તે ગત 4 ફેબ્રુઆરી 2020 માં તબીબી અધિક્ષક એ એજન્સીને લેખિત ચેતવણી આપી હતી હોસ્પિટલમાં વિવિધ વિભાગો માં કામ લેવા માટે સિક્યુરિટી ગાર્ડની  સેવા લેવામાં આવે છે તે સિક્યુરિટી ગાર્ડ  ચાલુ ફરજે માદક પદાર્થોનું સેવન કરતા હોય તો તેને તાત્કાલિક ફરજ પરથી દૂર કરો અને ભવિષ્યમાં જો કોઈ બનાવ ન બને  તેના માટે એજન્સીએ તકેદારી રાખવાની રહેશે અને તો ફરિયાદો આવશે અને બનાવ બનશેતો એજન્સી નોં કોન્ટ્રાક્ટ રદ કરવામાં આવશે.

હવે જોવાનું રહ્યું કે હોસ્પિટલ પ્રશાસન આ મામલે શું પગલાં લેશે કે પછી ફક્ત કાગળ ઉપર તાકીદ દઈ સંતોષ માની લેશે.