જામનગર ખાતે યોજાનાર આર્મી ભરતીની લેખિત પરીક્ષા કોરોના મહામારીને કારણે હાલમાં મોકુફ રખાઇ.

દેવભૂમિ દ્વારકા, જિલ્લા રોજગારની કચેરી દેવભૂમિ દ્વારકા દ્વારા દેવભૂમિ દ્વારકા જીલ્લાના તેમજ સૌરાષ્ટ્રના અન્ય જીલ્લા અને કચ્છ-ભુજના ઉમેદવારોએ આર્મી રીક્રુટમેન્ટ ઓફીસ જામનગરના તા.09-04-2021ના પત્ર અન્વયે દેવભૂમિ દ્વારકા ખાતે યોજાયેલ આર્મી ભરતી રેલી-2021 માં પાસ થયેલ ઉમેદવારો માટે આર્મી ભરતીની લેખિત પરીક્ષા કે જે તા.25-04-2021ના રોજ શ્રી સત્યસાંઈ વિદ્યાલય, જામનગર ખાતે યોજવાનું આયોજન હતું

એ લેખિત પરીક્ષા હાલ કોરોના વાયરસના વધતા જતા સંક્રમણ ના હિસાબે મોકૂફ રાખવામાં આવેલ છે.આર્મી ભરતી રેલી-2021 ની લેખિત પરીક્ષાની નવી તારીખ જાહેર થતા તેની જાહેરાત છાપા તથા સોશિયલ મીડિયામાં મુકવામાં આવશે.

ઉપરોક્ત બાબત દેવભૂમિ દ્વારકા જીલ્લાના તેમજ સૌરાષ્ટના અન્ય જીલ્લા અને કચ્છ-ભુજ ના ઉમેદવારોને જણાવવામાં આવે છે.

રાજ્યમંત્રીશ્રી ધર્મેન્દ્રસિંહ જાડેજાની પ્રેરક ઉપસ્થિતિમાં રણજીતસાગર વિસ્તારમાં કોરોના પ્રતિરોધક રસીકરણ ઝુંબેશ કાર્યક્રમ યોજાયો

દેશ દેવી ન્યુઝ નેટવર્ક જામનગર

તા.09.04.2021ના રોજ શ્રી ખોડલધામ જિલ્લા સમિતિ અને જામનગર મહાનગરપાલિકા (આરોગ્ય વિભાગ)ના સંયુક્ત ઉપક્રમે45 વર્ષથી ઉપરના નાગરિકો માટેરણજિત સાગર રોડ પર “કોવિડ -19 રસીકરણ મેગા કેમ્પ” નું આયોજન કરવામાં આવેલ હતું.

જામનગર શહેરના નાગરિકો વધુમાં વધુ પ્રમાણમાં યોજાતા કોરોના પ્રતિરોધક રસીકરણ કેમ્પોનો લાભ લઇ રસીકરણ કરાવે તે માટે અન્ન અને નાગરિક પુરવઠા રાજ્યમંત્રીશ્રી ધર્મેન્દ્રસિંહ જાડેજાએઅનુરોધ કરતાં શહેરના રણજીતસાગર રહેતા વિસ્તારના 45 વર્ષથી ઉપરની ઉંમરના રહેવાસીઓને કોરોના પ્રતિરોધક રસી આપવા માટેના કેમ્પનો પ્રારંભ કરવામાં આવ્યો હતો .

આ કેમ્પમાં ડેપ્યુટી મેયર શ્રી તપનભાઈ પરમાર,સ્ટેન્ડિંગ કમિટીચેરમેન શ્રી મનીષભાઈ કટારીયા,શહેર ભાજપ અધ્યક્ષશ્રી વિમલભાઈ કગથરા, શાસક પક્ષ નેતા કુસુમબેન પંડ્યા, કોર્પોરેટરશ્રી વોર્ડ નંબર 15 શ્રીમતી હર્ષાબા જાડેજા, શહેર મંત્રીશ્રી પરેશભાઈ દોમડીયા, શ્રીરાજુભાઈ પાઘડાર, રાજુભાઈ અજૂડીયા, જયેશભાઇ દોમડીયા, મહેશભાઈ રૂપાપરા, બ્રિજેશ કાછડીયા, ગૌતમભાઈ વેકરીયા, વોર્ડ પ્રમુખ 16 તથા વિસ્તારના સર્વ મહાનુભાવ તથા ખોડલધામ સમિતિના કાર્યકર વલ્લભભાઈ બી. મુંગરા, દિનેશભાઈ દોંગા, લવજીભાઈ વાદી, ચમનભાઈ વસોયા, પરેશભાઈ અમિપરા, હરિભાઈ રાબડીયા, રામજીભાઈ ગઢીયા, આશાબેન પટેલ, પુષ્પાબેન મુંગરા, લલિતાબેન ગઢિયા, નિશાબેન ભંડેરી તથા ખોડલધામ સમિતિના કાર્યકરો અને નાગરિકો ઉપસ્થિત રહ્યા હતા.

જામનગરના સત્યમ કોલોની વિસ્તારમાં અગમ્યકારણોસર યુવાને આયખું ટુકાવ્યું

જામનગરના સત્યમ કોલોનીમાં પરિવાર એપાર્ટમેન્ટ વિંગ નં.ઈ ફ્લેટ નંબર 301 ખાતે રહેતા અને નોકરી કરતા સમીરભાઈ સુમનભાઈ મોરી ઉંમર વર્ષ 35 નામના યુવાને ગઈકાલે પોતાના ઘરે હોલના પંખાની હુકમાં દોરી વડે ગળાફાસો ખાઈ લેતા મોત નીપજ્યું હતું.

આ બનાવ અંગે માણાવદર તાલુકાના લીંબુડા ગામમાં રહેતા સુમન સામજીભાઇ મોરી દ્વારા સીટી-સી ડિવિઝનમાં જાણ કરવામાં આવતા પોલીસ ટુકડી દોડી આવી હતી અને કયા કારણોસર યુવાને આ પગલું ભર્યું એ દિશામાં તપાસ ચલાવવામાં આવી રહી છે, આપઘાતના બનાવથી શોકની લાગણી ફેલાઈ જવા પામી છે.

ઓખામાં અકસ્માત સર્જી, ફરિયાદ કરવાની ના કહી અને સુરજકરાડી વકીલને ધમકી આપતા બાઈક ચાલક સામે ગુનો.

ઓખા મંડળના મીઠાપુર તાબેના સુરજકરાડી ખાતે રહેતા અને વકીલાતના વ્યવસાય સાથે સંકળાયેલા સલીમભાઈ મામદભાઈ ઘાવડા નામના 44 વર્ષના મુસ્લિમ યુવાન શુક્રવારે એક હોટલ પાસેથી પસાર થઇ રહ્યા હતા, ત્યારે આ માર્ગ પર પુરઝડપે અને બેફિકરાઈપૂર્વક જઈ રહેલા જી.જે. 37એચ. 4564 નંબરના મોટરસાયકલ ચાલકે તેમની સાથે અકસ્માત સર્જ્યો હતો.

જેથી સલીમભાઈને નાની- મોટી ઈજાઓ થવા પામી હતી. આ અંગે આરોપી બાઈક ચાલક દ્વારા ફરિયાદ નહીં કરવા તથા માર મારવાની ધમકી આપી, નાસી જતાં આ સમગ્ર બનાવ અંગે મીઠાપુર પોલીસે બાઈક ચાલક સામે આઈ.પી.સી. કલમ 279, 337, 506 (2), તથા એમ.વી. એક્ટ મુજબ ગુનો નોંધી આગળની તપાસ હાથ ધરી છે.

જામનગરની સજૂબા સ્કૂલ પાસે વાહન ટોઇંગ મામલે થયેલ બબાલ મુદ્દે દંપતી સામે ફરિયાદ

જામનગરના ગ્રેઇન માર્કેટ નજીક દિપક ટોકીઝ પાસે વાહન અડચણરૂપ હોય તે અંગેની કામગીરી દરમિયાન ટ્રાફિક જમાદારની ફરજમાં રૂકાવટ કરીને ઝપાઝપી તેમજ માર માર્યા આ અંગેનો વિડીયો ગઈકાલે વાયરલ થયો હતો જે બનાવમાં ફરજમાં રૂકાવટ કર્યાની દંપતી સામે ફરિયાદ કરવામાં આવી છે.

જામનગરના ટ્રાફિક શાખાના એએસઆઈ રાજેશ દયાળજીભાઈ મેરાણીની પાઇલોટ વાહન ટુ અને થ્રી વેલમાં નો પાર્કિંગ વાહન અડચણરૂપ હોય તેને દૂર કરવાની કાયદેસરની ફરજમાં ગઈકાલે હતા.

દિપક ટોકિજ નજીક સજુબા સ્કૂલના ગેટ પાસે આ અંગેની કાયદેસરની કામગીરીમાં ટ્રાફિક જમાદાર હતા એ દરમિયાન સંજયભાઈ અને અન્ય એ ફરિયાદી રાજેશભાઇ સાથે ઝપાઝપી, બોલાચાલી કરી તેમજ ઢીકાપાટુનો માર માર્યો હતો. ઉપરાંત જાપટો મારી આરોપીઓ એકબીજાને મદદગારી કરીને ટ્રાફિક પોલીસની કાયદેસરની ફરજમાં રૂકાવટ કરી હતી.

આ અંગે ટ્રાફિક એસઆઈ રાજેશભાઈ એ ડિવિઝન સંજય રામનાથ પાલ અને ભાનુબેન સંજયભાઈ ની વિરુધ્ધ આઇપીસીની કલમ 332, 186, 114 મુજબ ફરિયાદ નોંધાવી હતી.

નાના બાળકને સાથે રાખી પોતાની ફરજ નિભાવતી મહિલા પોલીસ કર્મીને સલામ.

ધમધમતા તડકા અને કોરોના કાળ જેવા કપરા સમયમાં નાના બાળકને સાથે રાખી પોતાની ફરજ નિભાવતી મહિલા પોલીસ કર્મીને સો સલામ.

પોલીસ નું નામ પડતાં જ લોકોના મનમાં ખરાબ છાપ ઉભી થઈ જાય છે પરંતુ એવું નથી ઘણા પોલીસકર્મીઓ પોતાની નિષ્ઠા અને ફરજને મહત્વ આપે છે તેમાંય ખાસ કરીને મહિલાઓ ઘર સંભાળવાની સાથે પોલીસ ફરજ માટે સતત સજ્જ રહેવું પડતું હોય છે ત્યારે જામનગરની આવી આવી જ એક મહિલા પોલીસ કર્મચારી પોતાના છ માસના બાળકને સાથે રાખી ફરજ બજાવતી કેમેરામાં કેદ થઈ છે.

જામનગર પોલીસ હેડકવાર્ટરમાં ફરજ બજાવતી મહિલા કોન્સ્ટેબલ કેદી પાર્ટીની ફરજ સોંપવામાં આવી હતી ત્યારે આ મહિલા પોલીસ કર્મચારી એ પોતાના છ માસના બાળકને સાથે રાખી કોરોના કાળ અને ધમધમતા તડકામાં  પોતાની ફરજ પર હાજર થઈ હતી.

જિલ્લા જેલમાંથી પુરુષ કેદીઓની સાથે મહિલા કેદીઓને પણ કોર્ટ સમક્ષ હાજરી/ તારીખ સંદર્ભે લાવવામાં આવતી હોય છે તેમાં કેદી પાર્ટીમાં આરામના હથિયારધારી પોલીસમેન સાથે મહિલા પોલીસ કર્મીની ફાળવણી કરવામાં આવતી હોય છે.

તાજેતરમાં જ આવો એક પ્રસંગ પ્રકાશમાં આવેલ જામનગરમાં જિલ્લા જેલમાં સજા ભોગવી રહેલા કાચા કામના કેદીઓને તારીખ સંદર્ભે જિલ્લા મેજિસ્ટ્રેટ સમક્ષ લઈ જવામાં આવતા હોય છે  કેદીઓમાં પુરૂષની સાથે મહિલા કેદીઓનો સમાવેશ થતો હોય છે તેના માટે સરકાર દ્વારા મહિલા પોલીસ કર્મી ની ફાળવણી કરવામાં આવતી હોય છે.

કેદી પાર્ટીની બસમાંથી છ માસના બાળકને તેળીને ઉતરતા કેદીઓના સગા સંબધીની ભીડ અને વાહનોના ઘોંઘાટ વચ્ચે બાળક આરામથી સુતું નજરે પડેલ બીજી બાજુ બળતા તાપ અને કોરોના જેવા કપરા સમયમાં આ બાળક તેની માતાની સાથે પોતે પણ ફરજમાં સહકાર આપી રહ્યું  તેવું લાગી રહ્યું હતું ત્યારે આ આ બાળકને સૂતેલ જોઈ હરકોઈ લાગણી વરસાવી રહ્યું હતું