જાણો સ્વામીનારાયણ હોસ્પિટલનું રેમડેસિવિર કૌભાંડ.!

સ્વામિનારાયણ  કોવિડ હોસ્પિટલમાં રેમડેસિવીર ઇન્જેક્શન કૌભાંડ અંગે પ્રાંત અધિકારી સહિતની ટીમ દ્વારા ગુરુવારે સાંજથી મોડી રાત સુધી કર્યું ચેકિંગ. 

મૃતક દર્દીના નામે સતત ત્રણ દિવસ રેમડેસિવિર ઇન્જેક્શન માંગ્યા. 

જામનગર એરપોર્ટ પાસે આવેલ સ્વામિનારાયણ કોવીડ હોસ્પિટલમાં મૃતક અને ડીસ્ચાર્જ દર્દીના નામે રેમડેસિવિર ઇન્જેક્શન મંગાવતા હોવાનો ભાંડાફોડ થતા સનસનાટી મચી જવા પામી છે 

ગુરુવારે સાંજે પ્રાંત અધિકારી આસ્થા બેન ડાંગરે ઓચિંતું ઇન્સપેકસન હાથ ધર્યું હતું તો ત્યાથી રર  રેમડેસિવિર નો જથ્થો મળી આવ્યો હતો. આ મામલે નિયમ અનુસાર કાર્યવાહી કરવા જામનગર મહાનગર પાલિકાને જાણ કરવામાં આવી હતી.

સ્વામિનારાયણ હોસ્પિટલ માં બે દિવસ પહેલા રેન્ડમ ચેકિંગ કરવામાં આવ્યું હતું ચેકિંગ દરમિયાન એવું જાણવા મળ્યું કે એક દર્દીનું મૃત્યુ થઈ ગયું છે અને તેનું નામ હજુ કરી મૃતક વ્યક્તિના નામે રેમડેસિવિર ઇન્જેકશનની ઇન્ડેન્ટ કરવામાં આવી હતી. પ્રશાસનને લાગ્યું કે કદાચ એક દિવસ ભૂલ થઈ હશે. પરંતુ આ સિલસિલો સતત ત્રણ દિવસ સુધી ચાલુ રહેતા ગુરુવારે સાંજે હોસ્પિટલમાં ચેકિંગ હાથ ધરવામાં આવ્યું હતું ગંભીર બાબત તો એ છે કે જે દર્દીઓ સાજા થઈને ડિસ્ચાર્જ કરી દેવામાં આવ્યા છે એમના નામે પણ હજુ ઇન્ડેન્ટ માંગવામાં આવે છે.

વાત અહીંથી અટકતી નથી પણ હોસ્પિટલે કરેલ ઇલેક્ટ્રોનિક પત્ર વ્યવહારમાં જાણવા મળ્યું કે હોસ્પિટલ પાસે ૨૨. રેમડેસિવિર ઇન્જેક્શન નો જથ્થો પડયો છે.

સ્વામિનારાયણ હોસ્પિટલ માં સતત ત્રણ-ચાર કલાક ચાલેલ ચેકિંગમાં ગેરરીતિ સામે આવતા પ્રાંત અધિકારી આસ્થાબેન ડાંગરે જામનગર મહાનગરપાલિકા ને હોસ્પિટલ સામે પગલાં લેવા સુચના આપવામાં આવી છે.

મહામારીમાં જામનગર એન.એસ.યુ.આઇ.અને યુવક કોંગ્રેસનો સેવાયજ્ઞ.

કોરોના દર્દીઓ માટે વિનામૂલ્યે ઓકિસજન સિલિન્ડરના ફલો મીટરનું વિતરણ.

‘હોમ કોરોન્ટાઇન’ દર્દીને પણ આ સેવા ઉપલબ્ધ કરાવવામાં આવી રહી છે.

અત્યાર સુધી 178 વ્યક્તિઓને ઓક્સિજન ફ્લોમિટર પોહચાડાયા.

દેશદેવી ન્યુઝ નેટવર્ક-જામનગર

હાલ કોરોનાએ જામનગર શહેરમાં પોતાનું બિહામણું અને વિકરાળ સ્વરૂપ ધારણ કર્યુ છે ત્યારે સૌરાષ્ટ્રભરમાંથી દર્દીઓ જામનગરમાં પોતાની સરવાર માટે આવી રહ્યા છે.ત્યારે કોરોનાના દર્દીઓ માટે ઓકિસજન સિલિન્ડર અને તેના ફલો મિટરની ખાસ જરૂરિયાત પડતી હોય છે.

હાલના સમયમાં ઓકિસજનની માંગ ખુબ મોટાં પ્રમાણમાં વધી છે. ત્યારે જામનગર એનએસયુઆઇ અને યુવક કોંગ્રેસ દ્વારા કોરોના દર્દીઓ માટે સેવાયજ્ઞ શરૂ કરાયો છે જેમાં ઓક્સિજન ફલોમિટર વિનામૂલ્યે આપવામાં આવી રહ્યા છે.

જામનગર શહેરમાં છેલ્લા 6 દિવસ થી યુવક કોંગ્રેસ અને એનએસયુઆઇ જામનગર દ્વારા ઓક્સિજન સિલિન્ડર માટે જરૂરી એવા ફ્લોમીટર(વાલ્વ)ની જરૂરતમંદ લોકો સુધી વિના મૂલ્યે પહોંચાડવાની સેવા કરવામાં આવી રહી છે અને વ્યવસ્થા લોકો માટે ચાલુ જ છે. જે વ્યક્તિ ઘરે કોરોન્ટાઇન હોઈ તેમને ફ્લોમિટર ની જરૂર હોય તેઓએ (પરત આપવા ની શરતે) નીચે દર્શાવેલ નામ નંબર ઉપર સંપર્ક કરવા અનુરોધ કરાયો છે. અત્યાર સુધી 178 વ્યક્તિઓને ઓક્સિજન ફ્લોમિટર પોહચાડવામાં આવ્યા છે.

ડો તોસિફખાન પઠાણ- પ્રમુખ, યુવક કોંગ્રેસ જામનગર : 88660 55555
શક્તિસિંહ જેઠવા- મંત્રી,યુવક કોંગ્રેસ ગુજરાત: 93268 11111
માહિપાલસિંહ જાડેજા-પ્રમુખ,એન.એસ.યુ.આઇ. જામનગર : 95585 49999
રવીરાજસિંહ ગોહિલ- ઉપપ્રમુખ,યુવક કોંગ્રેસ જામનગર: 8140409854

દેવભૂમિ દ્વારકા જિલ્લાના દેવળીયામાં આહીર યુવાનની ઘાતકી હત્યાથી ચકચાર.

દ્વારકા: દેવભૂમિ દ્વારકા જિલ્લાના કલ્યાણપુર તાલુકામાં ગત રાત્રીના સમયે એક આહીર યુવાનની કરપીણ હત્યા થયાનો બનાવ સામે આવ્યો છે. આ સંદર્ભે પોલીસ કાફલા એ ઘટનાસ્થળે દોડી જઈ હત્યારાઓની શોધખોળ આદરી છે.

આ સમગ્ર પ્રકરણની જાણવા મળતી વિગત મુજબ કલ્યાણપુર તાલુકાના દેવળીયા ગામે એક વાળી વિસ્તારમાં રહેતા છગન દેવાભાઇ વરુ નામના આશરે 35 વર્ષના એક યુવાનનો લોહી નીતરતો મૃતદેહ સાંપડયો હતો. આ બનાવ અંગે સ્થાનિક પોલીસને જાણ કરાતા પી.એસ.આઇ. એફ.બી. ગગનીયા તથા સ્ટાફ ઘટનાસ્થળે દોડી ગયો હતો અને આ અંગે અહીંના ડીવાયએસપી હિરેન્દ્ર ચૌધરીને જાણ કરાતા તેઓ પણ આ સ્થળે પહોંચી ગયા હતા

આ અંગે વધુમાં જાણવા મળતી વિગત મુજબ મૃતક છગનભાઈના માથામાં લોખંડના કોઈ પણ તીક્ષ્ણ હથિયાર વડે બેફામ માર મારી, તેની નિર્મમ હત્યા નિપજાવવામાં આવી હતી. જે હથિયાર ઘટનાસ્થળેથી મળી આવ્યાનું પણ જાણવા મળેલ છે.

આ સમગ્ર બનાવ અંગે એફએસએલ તથા ડોગ સ્કવોર્ડ નિષ્ણાતોની સેવાઓ લઈ અને તપાસનો ધમધમાટ આદરવામાં આવ્યો છે. મૃતક છગનભાઈ વરુના મૃતદેહનું પોસ્ટમોર્ટમ કરવાની કાર્યવાહી હાથ ધરવામાં આવી છે.

આ સમગ્ર બનાવ અંગે કલ્યાણપુર પોલીસે હત્યાનો ગુનો નોંધી વિવિધ દિશામાં તપાસના ચક્રો ગતિમાન કર્યા છે.

જામનગર એલસીબીનો સપાટો : પટેલ કોલોની શેરી નંબર 7-8 રાજપથ એપાર્ટમેન્ટના ફ્લેટમાં ચાલતા જુગારના અખાડા પર દરોડો : પાંચ ઝડપાયા, બે ફરાર.

રોકડ રૂા.29.500, બે બાઇક અને પાંચ મોબાઇલ મળી રૂા.1.5 લાખનો મુદ્દામાલ જપ્ત

દેશદેવી ન્યુઝ નેટવર્ક-જામનગર.
જામનગર જીલ્લાના પોલીસવડા દીપન ભદ્રનની સુચના તથા એલ.સી.બી.ના પો.ઇન્સ. કે.જી. ચૌધરી ના માર્ગદર્શન મુજબ એલ.સી.બી. સ્ટાફના પો.સ.ઇ. આર.બી. ગોજીયા તથા  પો.સ.ઇ. બી.એમ.દેવમુરારી તથા પો.સ.ઇ. કે.કે.ગોહીલ તથા સ્ટાફના માણસો જામનગર શહેર વિસ્તારમાં પ્રોહી જુગારના કેશો શોધી કાઢવા અંગે પેટ્રોલીંગમાં હતા

દરમ્યાન એલ.સી.બી. સ્ટાફના અજયસિહ ઝાલા તથા યશપાલસિંહ જાડેજાને મળેલ ખાનગી હકિકત આધારે જામનગર શહેરમા પટેલ કોલોની શેરી નંબર 7 – 8 વચ્ચે આવેલ રાજપથ એપાર્ટમેન્ટમાં  આરોપી સ્મીતભાઇ બીપીનભાઇ કાનાબારના રહેણાંક ફલેટમાં ચાલી રહેલા જુગાર ઉપર પોલીસે દરોડા પાડ્યો હતો, આ જુગારના દરોડામાં રોકડ રૂા. 29.500/-, બે મો.સા. કિ. રૂ. 60,000/- તથા પાચ મોબાઇલ ફોન કિ.રૂ. 16000/- તથા ગંજીપતાના પાના મળી કુલ રૂા.1.5 લાખનો મુદામાલ જપ્ત કરાયો હતો.

જયારે જુગાર રમી રહેલા
(1) સ્મીતભાઇ બીપીનભાઇ કાનાબાર રહે. પટેલ કોલોની શેરી નંબર 7-8, રાજપથ એપાર્ટમેન્ટ જામનગર.
(ર) પ્રતાપસિંહ પ્રભાતસિંહ જાડેજા રહે. નવાગામધેડ, બાપુનગર શેરી નંબર-4, દવાખાના પાસે, જામનગર.
(3) મુકેશભાઇ મંગલદાસ મોદી રહે. પટેલ કોલોની શેરી નંબર-2, રોડ નંબર-ર, જામનગર
(4) દિનેશભાઇ શરદભાઇ શીંગાળા રહે. નવાગામધેડ, ગોપાલચોક, જામનગર
(5) રમેશભાઇ નાનજીભાઇ ડાભી રહે. પટેલ કોલોની શેરી નંબર-9 ના છેડે શાંતીનગર શેરી નંબર-ર જામનગર ને ઝડપી લઇ ધોરણસરની કાર્યવાહી હાથ ધરી હતી.

જયારે
(1) હરપાલસિંહ જાડેજા રહે. નવાઞામધેડ, જામનગર
(2) સાગરભાઇ રાઠોડ કોળી રહે. નવાગામધેડ, ખડખડનગર જામનગર
બે શખસ ફરાર થવામાં સફળ થયા હતા જેને ઝડપી લેવા પોલીસ તપાસ હાથ ધરી છે.

આ કાર્યવાહી પો.ઇન્સ.શ્રી કે.જી.ચૌધરીની સુચના થી પો.સ.ઇ. શ્રી આર.બી.ગોજીયા, પો.સ.ઇ. શ્રી બી.એમ.દેવમુરારી. શ્રી કે.કે.ગોહીલ તથા એલ.સી.બી. સ્ટાફના માંડણભાઇ વસરા, સંજયસિંહ વાળા, હરપાલસિંહ સોઢા, ભરતભાઇ પટેલ, નાનજીભાઇ પટેલ, શરદભાઇ પરમાર, અશ્વિનભાઇ ગંધા, દિલીપભાઇ તલવાડીયા, ફીરોજભાઇ દલ, હીરેનભાઇ વરણવા, ભગીરથસિંહ સરવૈયા, હરદિપભાઇ ધાધલ, પ્રતાપભાઇ ખાચર,વનરાજભાઇ મકવાણા, રઘ્યુભા પરમાર. ધાનાભાઇ મોરી, યશપાલસિંહ જાડેજા, નિર્મળસિંહ જાડેજા, અજયસિંફ ઝાલા, યોગરાજસિંહ રાણા, બળવંતસિંહ પરમાર, લખમણભાઇ ભાટીયા, સુરેશભાઇ માલકીયા, એ.બી.જાડેજા તથા અરવીંદગીરી વિગેરે દ્રારા કરવામા આવેલ છે.

ખંભાળિયા પંથકમાં વધુ એક સાયબર ક્રાઇમ: સોશ્યલ મીડિયમાં ફેંક આઈ.ડી. બનાવી બદનામ કરનાર શખસ સામે ફરિયાદ.

ખંભાળિયા: ખંભાળિયાના શક્તિનગર ગ્રામ પંચાયત વિસ્તારમાં આવેલા શિરેશ્વર નગર ખાતે રહેતા કલ્પેશ પરાગભાઈ કણજારીયા નામના 20 વર્ષીય યુવાને અત્રે ધરમપુર વિસ્તારમાં રહેતા પ્રફુલ રાજેશભાઈ નકુમ દ્વારા ઈન્સ્ટાગ્રામ પર ચોક્કસ આઈડી મારફતે બદનામ કરવાનું કૃત્ય કર્યાની ધોરણસર ફરિયાદ અહીંના પોલીસ મથકમાં નોંધાવવામાં આવી છે.

ફરિયાદી કલ્પેશ દ્વારા પોલીસમાં જાહેર થયેલી વિગત મુજબ આરોપી પ્રફુલ કે જે ચોક્કસ નામથી ઈન્સ્ટાગ્રામ એકાઉન્ટ ધરાવતો હોય, તેણે પોતાની ઓળખ છુપાવીને અલગ નામથી ફરિયાદીના એકાઉન્ટ જેવા ભળતા નામથી ફેક ઈન્સ્ટાગ્રામ એકાઉન્ટ બનાવી અને આ એકાઉન્ટ દ્વારા તેમને બદનામ કરવાના ઈરાદાથી ફરિયાદી તથા અન્ય પરિવારજનોના એકાઉન્ટમાં જેમ ફાવે તેમ બિભત્સ ગાળોના મેસેજ મોકલ્યા હતા.

આ સમગ્ર બનાવ અંગે ખંભાળિયાના પી.આઈ. વી.વી.વાગડિયા દ્વારા આરોપી અંગેની ચોક્કસ કડીઓ મેળવી અને આઈ.પી.સી. કલમ 501, 504 તથા ઇન્ફોર્મેશન ટેકનોલોજી એક્ટની કલમ મુજબ આરોપીની ધરપકડ માટે ચક્રોગતિમાન કર્યા છે.

જામનગરમાં લાલવાડી વિસ્તારમાં જૂની અદાવતમાં 3 શખસ પર હુમલો : 7 સુમરા શખ્સ સામે ફરિયાદ

જામનગર : જામનગરમાં લાલવાડી વિસ્તારમાં જુના મનદુ:ખ ના કારણે બે જૂથ વચ્ચે તકરાર થયા પછી ત્રણ યુવાનો પર તલવાર -છરી અને ધોકા વડે હુમલો કર્યો હતો. જે હુમલા અંગે સાત શખ્સો સામે સીટી એ ડીવીઝન પોલીસ મથકમાં ફરિયાદ નોંધાવી છે.

આ ફરિયાદ અંગેના બનાવની વિગત એવી છે કે જામનગરમાં લાલવાડી જૂના આવાસ બ્લોક નંબર 46/1 માં રહેતા ઈકબાલભાઈ સમા નામના 21 વર્ષના યુવાને પોતાના ઉપર તેમજ પોતાના મિત્ર સાહિલ તથા અન્ય એક યુવાન પર તલવાર છરી અને ધોકા વડે હુમલો કરી ઇજા પહોંચાડવા અંગે સદામ સુમરા, સલીમ સુમરા, ઈમ્તિયાઝ ઉર્ફે સમીર, અબ્દુલ કરીમ સુમરા, અફઝલ ઉર્ફે ટીડો, નોસાદ ઉર્ફે જોકર, અને આબિદ વાઘેર વગેરે સાત શખ્સો સામે ફરિયાદ નોંધાવી છે.

ફરિયાદી સમીર અને સાહિલ વગેરે આવાસ કોલોની વિસ્તારમાં પોતાના ઘર નજીક બેઠા હતા, જે દરમિયાન તમામ આરોપીઓએ હથિયાર સાથે આવી જૂની અદાવતનું મનદુખ રાખી ને હિચકારો હુમલો કરી દીધો હતો.

જેમાં ત્રણેયને નાની-મોટી ઈજા થઈ હોવાથી જામનગરની જી.જી.હોસ્પિટલમાં પ્રાથમિક સારવાર અપાઇ છે. પોલીસે સાતેય આરોપીઓ સામે હુમલા અને રાયોટીંગનો ગુનો નોંધી તમામની શોધખોળ હાથ ધરી છે.