જામનગર આવી રહેલ વાવાઝોડા સામે લડવા 108 ની ટીમ મક્કમ.

108 ની ટીમ 22 એમ્બ્યુલન્સ સાથે તૈનાત.

રાજ્યમાં રવિવારે પ્રવેશનાર તોંકતે વાવાઝોડું હાલારમાં તારીખ 17 અને 18 મેના ત્રાટકવાની સંભાવનાના પગલે એનડીઆરએફ ટીમ તહેનાત પોલીસ- ફાયરના જવાનો સાથે 108 ની ટીમ ખડેપગે રહેશે.

જામનગર ખાતે આવી રહેલ વાવાજોડા સામે મક્કમતા સાથે લડી લેવા માટે જામનગર 108 ટીમ હાલ 18 અને 4 નવી એમ્બુલેન્સ  ટોટલ 22 એમ્બુલેન્સ સાથે સ્ટાફ તૈયાર થઈ ગયો છેં.

ગમે તેવી પરિસ્થિતિ મા હંમેશા 108 ટીમ તૈયાર હૉય છેં..આ મુશ્કિલ સમય મા પણ જામનગર ની જનતા ની સેવા કરવા સ્ટેન્ડ બાય રહેશે કલેક્ટરના આદેશ અનુસાર બધી એમ્બ્યુલેન્સ મા જરૂરી સાધનો જેવા કે ઓક્સિજન /બેટરી ચાર્જિંગ /તેમજ જરૂરી બધા સાધનો સાથે રેડી થઈ ગયેલ છેં.

જેમાં મુખ્ય જવાબદાર જામનગર જિલ્લાના પ્રોગ્રામ મેનેજર બિપિન ભેટારીયા જિલ્લા મેનેજર જયદેવસિંહ જાડેજા પ્રતીક જાદવ દરેક કટોકટી ના સમય મા 24 કલાક હાજર રહેશે..

જામજોધપુરમાં શરાબની મહેફીલના રંગમાં પોલીસનો ભંગ : 3 ઝડપાયા.

દેશ દેવી ન્યુઝ નેટવર્ક જામનગર:

જામજોધપુરના આઝાદ ચોક પાસે ગલીમાં નલીનભાઇના એક ખાલી પડેલ મકાનમાં કેટલાક શખસો દારુ પી રહ્યા છે, જે વિગતના આધારે પોલીસે દરોડો પાડી કેફી પ્રવાહી દેશી દારુની મહેફીલ માણતા જામજોધપુરના તીરુપતિ સોસાયટીમાં રહેતા અને વાહન લે-વેચનું કામ કરતાં મયુરકુમાર ભરત ચાવડા, પટેલ સમાજની પાસે રહેતા નલીન કેશવલાલ સાગર અને ભાયાવદરની મતવા શેરીમાં રહેતા મનોજ ભીમજી ચૌહાણ ત્રણેયને પકડી લીધા હતાં.

દરોડા દરમ્યાન અડધો લીટર દેશી દારુ ભરેલી બોટલ અને ત્રણ ખાલી ગ્લાસ કબ્જે કર્યા હતાં, દરોડાની કાર્યવાહી જામજોધપુર પોલીસ દ્વારા કરવામાં આવી હતી, ત્રણેયની સામે પ્રોહી.એકટ અનુસાર ફરિયાદ નોંધી હતી.

જામનગરમાં પોલીસની ફરજમાં રૂકાવટ કરનાર બે સામે ફરિયાદ.

જામનગર: જામનગ શહેરના સીમાડે આવેલ હાપા ગામ પ્રધાનમંત્રી આવાસ યોજના, બ્લોક બી-202 ખાતે રહેતાં હરિશ બીપિનચંદ્ર બુદ્ધભટ્ટી (ઉ.વ.51-ધંધો: પ્રેસ) અને તેની સાથેની એક મહિલા આ બન્ને હાલમાં કોરોનાની મહામારીના કારણે રાત્રિ કર્ફયુ, જાહેરનામું અમલમાં હોય તેમ છતાં બન્ને કોઈપણ કારણ વગર બહાર નીકળી જાહેરનામાનો ભંગ કરતાં મળી આવ્યા હતાં.

શહેરના ગુરુદ્વારા સર્કલ પાસે પોલીસની કાયદેસરની ફરજમાં અડચણ ઉભી કરી હતી. હરિશભાઈની પૂછપરછ કરતાં આડા-અવળા જવાબો આપી ‘દિવ્ય દ્રષ્ટિ’ પ્રેસમાં રિપોર્ટર તરીકે કામ કં છું તેમ કહી પોતાનું કાર્ડ બતાવી, કાયદાની જાણ છે, તમે શું કરો છો…? તેમ બોલીને પોતાનું બાઈક ચલાવવા જતાં ફરજ પરના ટ્રાફિક બ્રિગેડના યશ જયંતિભાઈ નડિયાપરાએ વચ્ચે હાથ આડો રાખતાં તેમના હાથને પકડી અને ઉભો રાખી તમારા પટ્ટા ઊતરાવતા વાર નહીં લાગે તેમ બોલીને પોલીસની કાયદેસરની ફરજમાં રુકાવટ કરી હતી.

આ અંગે સિટી ‘બી’ ડિવિઝનના એએસઆઈ હંસરાજભાઈ વૈષ્ણવ દ્વારા સિટી ‘બી’માં હરિશ બુદ્ધભટ્ટી અને તેમની સાથે રહેલી મહિલાની વિરુદ્ધ ફરિયાદ નોંધી હતી.

‘તૌકતે’ વાવાઝોડાની સંભવીત અસરને પંહોચી વળવા તંત્ર દ્વારા 24 કલાક કંટ્રોલરૂમ શરૂ

તૌકતે વાવાઝોડાની સંભવીત અસરને પંહોચી વળવા તંત્ર તમામ મોરચે તૈયાર, જાનમાલનુ નુકસાન અટકાવવા લોકોનો સહયોગ ઇચ્છનિય – જિલ્લા કલેકટરશ્રી રવિશંકર.

બચાવ અને રાહતની સામગ્રી સાથે વોર્ડ વાઇઝ તાંત્રિક ટીમો તથાફાયર ટીમોનુ ગઠન, આશ્રય સ્થાનો સહિતની વ્યવસ્થાઓ પૂર્ણ કરાઈ – મ્યુનિસિપલ કમિશનર શ્રી સતિષ પટેલ.

જામનગર : તૌકતે વાવાઝોડાની જિલ્લામાં થનારી સંભવિત અસરોને પહોંચી વળવા જિલ્લા વહીવટીતંત્ર દ્વારા અનેક મોરચે તૈયારીઓ આરંભાઈ છે. જિલ્લામાં તૌકતે વાવાઝોડાની આગાહી સંદર્ભે માહિતી આપતા જિલ્લા કલેક્ટરશ્રી રવિશંકરે જણાવ્યું હતું કે,આ વાવાઝોડું આગાહી અનુસાર તા.16થી ગુજરાતમાં પ્રવેશશે તથા તા.17 અને તા.18 વચ્ચે જામનગર જિલ્લામાં પ્રવેશ કરશે ત્યારબાદ જામનગર થી કચ્છ તરફ ફંટાઈ જશે.

જિલ્લા કલેકટરશ્રી રવિશંકરે વાવાઝોડા દરમિયાન જિલ્લામાં જાનમાલની કોઈ નુકસાની ન થાય તેમજ લોકો સુરક્ષિત રહે તે માટેલોકોને અનુરોધ કરતાં જણાવ્યું હતું કે, લોકો તકેદારીના ભાગરૂપે તંત્રદ્વારા જે કંઈપણ સુચનાઓ આપવામાં આવે તેનું પાલન કરે, સાગરખેડુ મિત્રો હાલ દરિયામાં ન જાય તેમજ જે સાગરખેડુભાઈઓ દરિયામાં ગયા છે તેઓ સત્વરે પરત ફરે, વાવાઝોડા દરમિયાન વાયુનો તીવ્રથી અતિતીવ્રવેગ રહેશે તેમજ સાથે-સાથે વરસાદ થવાની પણ શક્યતા રહેલી છે આથી ખેડુતો તથા જિલ્લાની તમામ એ.પી.એમ.સી. ખુલ્લામાં રહેલ પાક જણસ સુરક્ષિત સ્થળે રાખવાની વ્યવસ્થા કરે. સ્થાળંતરની શક્યતાઓ છે તેવા નીચાણવાળા વિસ્તારોના22 ગામો તંત્ર દ્વારા નક્કી કરવામાં આવ્યા છે. જેમાં વહીવટીતંત્ર તથા પોલીસની ટીમોતેમને જરૂર જણાયે સુરક્ષિત સ્થળે ખસેડશે. આ કાર્યવાહી દરમિયાન લોકો તંત્રને પોતાનો યોગ્ય સહયોગ આપે તે ઈચ્છનીય છે. મીઠાના અગરમાં કામ કરતા લોકો સુરક્ષિત સ્થળે ખસી જાય,જે લોકોની આસપાસમા જર્જરિત મકાન અથવા હોર્ડિંગ હોય તો તે દૂર કરવા સ્થાનિક પ્રશાસનને જાણ કરે, લોકો મીણબત્તી, બાકસ,ટોર્ચ તથા જીવનનિર્વાહની પ્રાથમિક ચીજો તૈયાર રાખે, જે ઘરમાં નાના બાળકો, સગર્ભા બહેનો તથા વૃદ્ધો છે તેઓ સુરક્ષિત સ્થળે રહીડોક્ટરના સંપર્કમાં રહે. લોકોને જાનમાલનું નુકસાન અટકાવવા તા.17થી વાવાઝોડાની અસર ઓછી ન થાય ત્યાં સુધી ઘરમાં જરહેવા જિલ્લા કલેકટરશ્રીએ અનુરોધ કર્યો હતો તેમજ મીડિયા મારફતે પ્રસારિત થતાં સમાચારો પર નજર રાખવા જણાવ્યું હતું.

જામનગર મ્યુનિસિપલ કમિશનરશ્રી સતિષ પટેલે જિલ્લા વહીવટીતંત્ર તથા જામનગર મહાનગરપાલિકા દ્વારા વાવાઝોડાની અસરને પહોચી વળવા કેવા પ્રકારની તૈયારીઓ કરવામાં આવેલ છે તે અંગે માહિતી આપતાં જણાવ્યું હતું કે, તંત્ર દ્વારા 24 ડ 7 કંટ્રોલરૂમ કાર્યરત કરવામાં આવેલ છે, બચાવ અને રાહતની સાધનસામગ્રી સાથે વોર્ડવાઇઝ તાંત્રિક ટીમોનુગઠન કરવામાં આવેલ છે, ફાયર ટીમોને એલર્ટ કરવામાં આવેલ છે, ભયજનક મકાનો ધરાવતા લોકોને સલામત સ્થળે ખસી જવા વ્યક્તિગત નોટિસ આપવામાં આવી છે, વરસાદ દરમિયાન વધુ પાણી ભરાવાની શક્યતા છે તેવા વિસ્તારના લોકો માટે શાળાઓ તથા આશ્રય સ્થાનોની વ્યવસ્થા ઉભી કરવામાં આવી છે,વાવાઝોડા દરમિયાન જો લાંબાગાળા માટે વીજ પ્રવાહ ખોરવાય તોકોવિડ હોસ્પિટલો તથા ખાનગી હોસ્પિટલોને વીજપ્રવાહની વૈકલ્પિક વ્યવસ્થા કરવા તંત્ર દ્વારા સૂચના અપાઇ છે.

મેઘપર નજીક મહિલાની ક્રુર હત્યા.સુમસામ વિસ્તારમાં મળેલી અજાણી મહિલાની લાશથી ગામમાં ચકચાર.

પોલીસે ઘટના સ્થળે પહોંચી પ્રાથમિક વિગતો મેળવી તપાસના ચક્રોગતિમાન કર્યા

જામનગર:
જામનગર જીલ્લાના મેઘપર વિસ્તારમાં આવેલ કડવાણી કેમીકલ પાછળ પડાણા જાખર જવાના ગાડા માર્ગે કાંટાળા થોર નજીકથી એક વ્યક્તિની લાશ પડેલ હોય જે અંગે અમરસંગ માધવસંગ જાડેજા રહે. જાખરે પોલીસને જાણ કરતા પોલીસ કાફલો તાબડતોડ ઘટના સ્થળે પહોંચી હતી, જયાં એક મહિલાની લાશ મળી આવી હતી, આ મહિલાની ઉમર આશરે 20-25 વર્ષ હોવાનું જાણવા મળેલ છે અને કોઇ અજાણ્યા ઇસમોએ કોઇ કારણસર પાણા (પથ્થર) વડે કે અન્ય કોઇ પણ રીતે માર મારી શરીરે ગંભીર ઇજા કરી મોત તેની હત્યા નિપજાવ્યાનું પોલીસની પ્રાથમિક તપાસમાં જાહેર થયું છે. આ અંગે પોલીસે તપાસના ચક્રોગતિમાન કર્યા છે.

પોલીસે અજાણ્યા ઇસમ વિરૂઘ્ધ વિધિવત ગુન્હો દાખલ કરીને તપાસ હાથ ધરી છે. આ કેસની તપાસ કે.આર.સીસોદિયા (પો.સબ.ઇન્સ.-મેઘપર(પડાણા) પો.સ્ટેશન) ચલાવી રહ્યા છે.

જામનગરની મહિલાને ફોન ઉપર વારંવાર હેરાન કરતા બોટાદના શખસ સામે ફરિયાદ.

અલગ-અલગ નંબરથી મહિલાને ફોન કરીને બિભત્સ માંગણી આપતો હતો.

આરોપી શખસ મહેશ ગુજરાત રાજ્યમાં અલગ અલગ જીલ્લાઓના આશરે 40 જેટલા મહિલા કાઉન્સેલરોને વોટ્સએપ મેસેજ કરી હેરાનગતિ કરેલ હોવાનુ ખુલ્યું છે.

મહિલા કાઉન્સેલર્સને બિભત્સ વાંધાજનક મેસેજ કરતો.

જામનગર: જામનગરના હાલાર હાઉસ પાસે આવેલ ભાગ્યલક્ષ્મી રેસીડેન્સી વીંગ-બી ફ્લેટ નં.201માં રહેતા દર્શનાબેન નારણભાઇ વારા નામની મહિલાએ બોટાદમાં રહેતા મહેશભાઇ કરશનભાઇ ઘાઘરેટીયા નામના શખસ સામે વારંવાર વ્હોટસએપ કોલ તેમજ ફોન કરીને બિભત્સ માંગણી અને ગાળો આપતો હોવાની ફરિયાદ નોંધાવી છે.

આ મહિલાએ નોંધાવેલી ફરિયાદ મુજબ, બોટાદનો મહેશ ઘારેટીયા દર્શનાબેનના મોબાઇલ ઉપર પોતાના જુદા-જુદા મોબાઇલ નં-9558489724 તથા 8511349981 તથા 7265979837 તથા 8866213051ના વોટસએપ પરથી અવાર-નવાર મેસેજ તથા વોટસએપ વોઇસ કોલ તથા વીડીયોકોલ કરી ગાળો આપતા હોય તેમજ મહીલાબેનની લાજ લેવાના ઇરાદે બીભત્સ માંગણી કરતા હોય તેમજ વોટસએપ વીડીયોકોલ કરી શરીરના ભાગ બતાવી અશ્ર્લિલ હરકત કરતો હતો જે સબબ દર્શનાબેને ઉપરોકત્ત શખસ વિરૂઘ્ધ સીટી-બીમાં પોલીસ ફરિયાદ નોંધાવી છે.

પોલીસે દર્શનાબેનની ફરિયાદ દાખલ કરી આરોપી શખસ મહેશ વિરૂઘ્ધ ગુન્હો આપીસી કલમ-354(ક),504,509 તથા આઇ.ટી.એકટ કલમ-66એ,67એ મુજબ ગુન્હો દાખલ કરી વિધિવત તપાસ હાથ ધરી છે.

અત્રે ઉલ્લેખનીય છે કે, બોટાદ તથા ગઢડા ખાતેના પોલીસ સ્ટેશન બેઇઝ્ડ સપોર્ટ સેન્ટર ખાતેના મહિલા કાઉન્સેલરોને વોટ્સએપ દ્વારા બિભત્સ મેસેજ કરી, બિભત્સ માંગણી કરેલ હોય તેમજ ગંદી ગાળો લખીને મોકલતા વ્યક્તિની ધરપકડ કરવામાં આવી છે. તપાસ કરતા બોટાદ એલસીબીની ટીમના માણસો અલગ અલગ ટીમો બનાવી ટેક્નીકલ સેલની મદદ લઇ ટેક્નીકલ સર્વેલન્સની વિગતો મેળવી એક ઇસમ મહેશભાઇ કરશનભાઇ ઘાઘરેટીયા, ઉ.વ.20, રહે.બોટાદ, ઠે.ખોડીયાર નગર, સાંઇબાબાના મંદિર પાસે, તા.જી.બોટાદ રહે. મુળ બુબાવાવ ગામ, તા. રાણપુર જી. બોટાદ વાળાને પકડી પુછપરછ કરતા પોતે આ ગુનો કર્યાની કબૂલાત કરતા ઈસમ પાસેથી જુદી જુદી કંપનીના સીમકાર્ડ તથા મોબાઇલ નંગ-4 જેમાં ત્રણ મોબાઈલ ખશ રેડમીના અને એક નોકિયાનો સાદો ફોન તથા 4 સીમ કાર્ડ મોબાઈલની અંદર અને 6 સીમ કાર્ડ ખુલ્લા કુલ-10 સીમ કાર્ડ સાથે કિં.રૂ.10,500 નો મુદૃામાલ સાથે ઝડપી લીધો હતો.

આ ઈસમની વધુ પૂછપરછ કરતા બોટાદ અને ગઢડા પોલીસ સ્ટેશનના પોલીસ સ્ટેશન બેઇઝડ સપોર્ટ સેન્ટરના મહિલા કાઉન્સેલરો સિવાય ગુજરાત રાજ્યમાં અલગ અલગ જીલ્લાઓના આશરે 40 જેટલા મહિલા કાઉન્સેલરોને વોટ્સએપ મેસેજ કરી હેરાનગતિ કરેલ હોવાનુ ખુલ્યું હતું, જેમાં બોટાદ પોલીસ સ્ટેશન ખાતે એક ગુનો, રાજકોટ શહેરના સાયબર ક્રાઇમ પોલીસ સ્ટેશન ખાતે ત્રણ ગુના દાખલ કરવામાં આવ્યા હતા. આમ કુલ બોટાદ એલસીબીએ ચાર ગુના ડિટેક્ટ કરવામાં સફળતા મળી હતી.

આ કામના આરોપી હીરાના કારખાને જતા હોય ત્યાં સાથી કામદારોના મોબાઇલ નંબરોના વોટ્સએપના ઓ.ટી.પી. નંબર લઇને તે નંબરનું વોટ્સએપ પોતાના મોબાઇલમાં શરૂ કરતો હતો અને આ અલગ અલગ નંબરથી મહિલા કાઉન્સેલર્સને બિભત્સ વાંધાજનક મેસેજ કરતો હતો. જેમાં બોટાદ મહિલા પોલીસ સ્ટેશનના ગુનામાં ઇ.પી.કો કલમ 354(એ)(ડી), 294, 504,509 તથા આઈ.ટી.એકટ કલમ 66(સી), 67(એ) મુજબના ગુના દાખલ કરી વધુ તપાસ માટે બોટાદ મહિલા પોલીસ સ્ટેશનને સોંપી આપવામાં આવ્યો છે.

જામનગર જીલ્લામાં જુગારના ત્રણ દરોડામાં 18ની ધરપકડ.

જામનગર: જામનગરમાં પ્રથમ દરોડો કામળિયા વાસમાં પાડયો હતો. જ્યાંથી જાહેરમાં ગંજીપાના વડે હારજીતનો જુગાર રમી રહેલા હમીરજી જુવાનસિંહ જાડેજા, રમેશ અરજણ ભાનુશાળી વગેરે 10 આરોપીઓની અટકાયત કરી લઇ તેઓ પાસેથી રૂપિયા 10,810 ની રોકડ રકમ અને જુગારનું સાહિત્ય કબજે કર્યું છે.

જયારે બીજો દરોડો જામનગરમાં ગોકુલ નગર પાણાખાણ વિસ્તારમાં પાડયો હતો ત્યાંથી જાહેરમાં ગંજીપાના વડે જુગાર રમી રહેલા મનસુખ બાબુભાઈ કાંબલીયા, વિજય દેવજીભાઈ રોજાસરા વગેરે પાંચ આરોપીઓની અટકાયત કરી લઇ તેઓ પાસેથી રૂપિયા 20,950 ની માલમતા કબજે કરી છે.

આ ઉ5રાંત ત્રીજો દરોડો ઝાખર નજીક પાડવામાં આવ્યો હતો. જ્યાંથી જાહેરમાં ગંજીપાના વડે જુગાર રમી રહેલા મનસુખ ઘુઘાભાઇ લાલવાણી, જીવરાજ સોમાભાઈ લાલવાણી, અને કુલદીપસિંહ લાલૂભા ઝાલાની પોલીસે અટકાયત કરી તેઓની પાસેથી રૂપિયા 10,220 ની રોકડ રકમ અને જુગારનું સાહિત્ય કબજે કર્યું છે.

જામનગર શહેર કોંગ્રેસ પ્રમુખ જામનગર મહાનગરપાલિકાના તંત્ર સામે લાલધૂમ.

કોરોનાને પહોંચી વળવા મહાપાલિકા સદ્દતંર નિષ્ફળ: દીગુભા જાડેજા.

તાત્કાલિક વ્યવસ્થા અને સુવિધાઓમાં સુધારો નહીં થાય તો ઉપવાસ અને આંદોલનની ચેતવણી

જામનગર : જામનગરમાં હાલની કોરોના મહામારીને પહોંચી વળવા મહાપાલિકાનું તંત્ર સદ્દંતર નિષ્ફળ ગયું હોય નગરજનોની જાન અને સ્વાસ્થ્યની જરા પણ પડી ન હોય તેવા આક્ષેપ સાથે જામનગર શહેર કોંગ્રેસ પ્રમુખે ઉપવાસ અને આંદોલનની ચેતવણી તંત્રને આપી છે.

જામનગર મનપાના કમિશનરને લખેલા પત્રમાં શહેર કોંગ્રેસ પ્રમુખ વિરેન્દ્રસિંહ (દિગુભા) જાડેજાએ જણાવ્યું છે કે, જામનગર શહેરની આ કોરોના મહામારીમાં દીનીય અને કફોડી પરિસ્થિતિ છે.

જામનગરમાં દરેક આરોગ્ય કેન્દ્રમાં રેપી ટેસ્ટ પુરતા પ્રમાણમાં નથી તેમજ 18 વર્સથી 45 વર્ષ સુધીના નાગરિકને વેકસીન આપવાની જાહેરાત થાય છે. પરંતુ કોઈ પણ જાતનું આયોજન નથી, હજુ 45 વર્ષથી ઉપરની ઉમરના લોકોને બીજો ડોઝ માટે પણ ધકકા થાય છે.

18 વર્ષથી ઉપરની ઉમરના યુવાનો ઓનલાઈન રજીસ્ટ્રેશન માટે હવાતિયા મારતા હોય છે. કોરોના ટેસ્ટ કરાવા જાય તો નાગરિકને લાઈનમાં ઉભું રહેવું પડે છે ટેસ્ટ કરાવવા જાય અને ઘરે કોરોના લઈને આવે તેવી સ્થિતિ છે, સરકાર ફકત મોટી મોટી વાતો કરે છે, પરંતુ પુરતા પ્રમાણમાં વેકસીન નથી કે રેપીડ ટેસ્ટ કીટ પણ નથી, ત્યારે નગરજનોના સ્વાસ્થની જરા પણ પડી નથી તેવું લાગે છે, જામનગર મહાનગપાલિકા તેમજ આરોગ્ય શાખા સદ્દંતર નિષ્ફળ ગઈ છે.

આ રેપીડ ટેસ્ટ કીટ તેમજ કોરોના વેકસીન પુરતા પ્રમાણમાં જામનગર શહેરમાં તાત્કાલિક વ્યવસ્થા કરવામાં આવે નહીંતર ટુંક સમયમાં જામનગર શહેર કોંગ્રેસ દ્વારા ઉગ્ર આંદોલ તેમજ ઉપવાસ કરવામાં આવશે તેવી ચેતવણી પત્રના અંતમાં શહેર કોંગ્રેસ પ્રમુખે આપી છે.