જામનગરમાં અપમૃત્યુના બે બનાવથી અરેરાટી.

મંગલબાગમાં પાંચમા માળેથી નીચે પટકાતા વૃદ્ધનું મોત.

પુનિતનગરમાં અગમ્યકારણોસર યુવાનની આત્મહત્યા.

જામનગર : જામનગરના મંગલબાગ, શેરી નં.4 ના છેડે, શ્રીજી ઍપાર્ટમેન્ટ ખાતે રહેતાં સુરેશભાઈ વિઠ્ઠલભાઈ દત્તાણી (ઉ.વ.68 )ને છેલ્લા 10 વર્ષથી બીપી-ડાયાબિટીસ ની બિમારી હોય અને બે વર્ષથી ફેફસામાં પાણી ભરાતું હતું જેની સારવાર ચાલુ હતી. દરમિયાન કોઈ કારણસર પાંચમા માળે અગાશી પરથી નીચે પડી જતાં તેમનું મૃત્યુ થયું હતું.

આ બનાવની જાણ વાલકેશ્ર્વરી, મંગલબાગ ખાતે રહેતાં ક્ધસલ્ટન્ટ ઍન્જિનિયર ચિરાગ સુરેશભાઈ દત્તાણી દ્વારા સિટી ‘બી’ પોલીસમાં કરવામાં આવતાં તપાસ હાથ ધરી છે.

જયારે બીજા બનાવમાં જામનગરના પુનિતનગર, શેરી નં.2માં રહેતાં યુવરાજસિંહ ભિખુભા જાડેજા (ઉ.વ.18) નામના યુવાને ગઈકાલે પોતાના ઘરે કોઈ અગમ્ય કારણોસર ગળાફાંસો ખાઈ લેતાં સારવારમાં લઈ જવામાં આવેલ જ્યાં ફરજ પરના તબીબે તપાસીને મરણ ગયાંનું જણાવ્યું હતું.

આ બનાવની જાણ પુનિતનગરમાં રહેતાં કૃષ્ણસિંહ બચુભા જાડેજાએ સિટી ‘બી’માં કરતાં પોલીસ દ્વારા બનાવ પાછળનું કારણ જાણવા તપાસ આગળ ધપાવી છે.

દ્વારકામાંથી ગેરકાયદેસર ગાંજાનું વાવેતર ઝડપાયું : રૂા. 6.20 લાખના મુદ્દામાલ સાથે વૃઘ્ધની ધરપકડ.

દ્વારકા: દેવભૂમિ દ્વારકા જિલ્લામાં દારૂ-જુગાર, ગેરકાયદેસર રીતે બોકસાઈટ ખનન સહિતની ગેરકાયદેસર તથા સમાજ વિરોધી પ્રવૃતિ ડામવા માટે જિલ્લા પોલીસ વડા સુનિલ જોશી દ્વારા કડક હાથે કામગીરી કરવામાં આવી રહી છે.

જે અંતર્ગત અહીંના એસ.ઓ.જી. વિભાગને પણ આ અંગે જરૂરી સૂચનાઓ આપતા એસ.ઓ.જી.ના ઈન્ચાર્જ પી.આઈ. જે.એમ. ચાવડા તથા પી.એસ.આઈ. એ.ડી. પરમાર અને સ્ટાફ દ્વારા ગત સાંજે જિલ્લામાં પેટ્રોલિંગ સહિતની કામગીરી કરવામાં આવી હતી.

એસ.ઓ.જી. સ્ટાફ દ્વારા દ્વારકા પંથકમાં પેટ્રોલિંગ દરમિયાન સ્ટાફના એ.એસ.આઈ. અશોકભાઈ સવાણી અને હેડ કોન્સ્ટેબલ જીવાભાઈ ગોજીયાને મળેલી ચોક્કસ બાતમીના આધારે સ્ટાફ દ્વારા દ્વારકાના નાગેશ્વર રોડ ઉપર આવેલા રામેશ્વર વિસ્તારમાં શ્રી રામદેવપીરના મંદિરની બાજુમાં રહેતા બાલુભાઈ રાજાભાઈ ભવાનભાઈ ખાવડીયા નામના 70 વર્ષીય વૃદ્ધના રહેણાંક મકાનમાં મોડી રાત્રીના સમયે દરોડો પાડવામાં આવ્યો હતો.

આ સ્થળે પોલીસ કાર્યવાહી દરમ્યાન ઉપરોક્ત વૃધ્ધ દ્વારા પોતાના અંગત ફાયદા માટે પોતાના કબજા ભોગવટાના રેણા મકાનના ફળિયામાં ગેરકાયદેસર રીતે માદક પદાર્થ (ગાંજા) નું વાવેતર કરવામાં આવ્યું હોવાનું પોલીસના ધ્યાને આવ્યું હતું.

આ અંતર્ગત પોલીસે જરૂરી કાર્યવાહી કરી, ઉપરોક્ત દ્વારા વાવવામાં આવેલ ગાંજાના આશરે 56.786 ગ્રામ વજનના અને રૂ. 5,67,860/- ની કિંમત ધરાવતા 43 નંગ લીલા છોડ તેમજ રૂ. 53,140/-ની કિંમતના પાંચ કિલો 313 ગ્રામ સુકો ગાંજો અને રૂપિયા 500ની કિંમતનો એક નંગ મોબાઈલ ફોન પોલીસે કબ્જે કર્યો છે. રૂ. 6,20,490/- ની કિંમતના 62.049 કિલોગ્રામ ગાંજા સાથે પોલીસે બાલુભાઇ રાજાભાઈ ખાવડીયાની અટકાયત કરી, વધુ તપાસ અર્થે તેનો કબ્જો દ્વારકા પોલીસને સોંપ્યો છે.

નોંધપાત્ર માત્રામાં ગાંજાનો જથ્થો કબજે કરવા અંગેની આ સમગ્ર કાર્યવાહી એસ.ઓ.જી. સ્ટાફના પી.આઈ. જે.એમ. ચાવડા સાથે એ.ડી. પરમાર, અશોકભાઈ સવાણી, વિરેન્દ્રસિંહ જાડેજા, હરદેવસિંહ જાડેજા, લાખાભાઈ આંબલીયા, જીવાભાઈ ગોજીયા, ઇરફાનભાઈ ખીરા તથા દિનેશભાઈ માડમ દ્વારા કરવામાં આવી હતી.

જામનગર જિલ્લામાં ફળ, શાકભાજી અને ફૂલ પાકોનું રોડસાઈડ વેચાણ કરતા લારીધારકો માટે વિનામૂલ્યે છત્રી/શેડ કવર આપવાની યોજના.

જામનગર,જામનગર જિલ્લાના તમામ તાલુકા તેમજ ગ્રામ્ય કક્ષાએ ફળ, શાકભાજી તથા નાશવંત બાગાયત-કૃષિ પેદાશોનું વેચાણ કરતા રોડસાઇડપાથરણાવાળા, લારીવાળા, ફેરિયાઓને તેમજ નાના વેચાણકારો માટે વર્ષ 2021 માટે વિનામૂલ્યે છત્રી/શેડ કવર પુરા પાડવા માટેની યોજના અમલમાં છે.

આ યોજના હેઠળ કુટુંબ દીઠ પુખ્ત વયની એક વ્યક્તિને જ લાભ મળવાપાત્ર થશે.

આ યોજનાનો લાભ લેવા ઇચ્છતા લાભાર્થીઓએ આઈ-ખેડુત પોર્ટલ મારફતે તા.15/07/2021 સુધીમાં ઓનલાઇન અરજી કરી તેની સહી કરેલ નકલ તથા જરૂરી સાધનિક પુરાવાઓ રેશનકાર્ડઅનેઆધારકાર્ડની નકલતથા સંબંધિત ગ્રામ્ય વિસ્તારમાટે ગ્રામ સેવક/તલાટી કમ મંત્રીનો દાખલો તથા શહેરી વિસ્તાર માટે જે તે અર્બન લાઇવલી હુડ મિશનનો ફળ, ફૂલ, શાકભાજી કે કૃષિ પેદાશોનું વેચાણ કરતા હોવા અંગેનો દાખલો કે ઓળખપત્ર સહિતની અરજી નાયબ બાગાયત નિયામકશ્રીની કચેરી, જિલ્લા સેવાસદન-4, પ્રથમ માળ, રૂમ.નં. 48, સુભાષ પુલ પાસે, જામનગર ફોનનં.0288-2571565 ખાતે તાત્કાલિક પહોંચાડવા નાયબ બાગાયત નિયામક જામનગરની યાદીમાં જણાવાયું છે.

પી.એસ.આઇ. શક્તિસિંહનો સપાટો : જામનગરમાં ઘૂસે તે પહેલા જ શરાબનો જંગી જથ્થો ઝડપી લેવાયો.

દેવી ન્યુઝ નેટવર્ક જામનગર : જામનગર શહેરમાં લાલપુર બાયપાસ ચોકડી પાસેથી એક છોટા હાથીમાં માતબર ઈંગ્લીશ દારૂનો જથ્થો ઘૂસાડવામાં આવી રહ્યો હોવાની બાતમીના આધારે ખંભાળિયા ગેઇટ પોલીસ ચોકીના સ્ટાફે 588 નંગ ઇંગ્લિશ દારૂની બાટલી નો માતબાર જથ્થો પકડી પાડયો છે, અને છોટા હાથી ના ચાલકની અટકાયત કરી લીધી છે.

પોલીસ પૂછપરછ દરમિયાન મોરકંડા રોડ પર રહેતો એક શખ્સ આ દારૂના પ્રકરણમાં સંડોવાયેલો હોવાથી તેને ફરારી જાહેર કરી શોધખોળ હાથ ધરી છે.

જામનગરના ખંભાળિયા ગેટ પોલીસ ચોકી ના પી.એસ.આઇ શક્તિસિંહ.પી.સોઢા ને ચોક્કસ બાતમી મળી હતી કે લાલપુર બાઈપાસ ચેકપોસ્ટ પાસેથી એક છોટા હાથીમાં કાચા રસ્તે ઈંગ્લીશ દારૂની બાટલી નો જથ્થો જામનગર શહેરમાં ઘૂસાડવામાં આવી રહ્યો છે જે બાતમીના આધારે વહેલી સવારે વોચ ગોઠવી જી. જે. 10 વાય 3145 નંબરના છોટા હાથી ને આંતરી લેવાયું હતું.

પોલીસ દ્વારા વાહનની તલાશી હાથ ધરવામાં આવતા અંદરથી 588 નંગ ઈંગ્લીશ દારૂની બાટલી નો જથ્થો મળી આવ્યો હતો. આથી પોલીસે રૂપિયા બે લાખ 93 હજારની કિંમતનો દારૂ અને એક લાખનું છોટા હાથી વગેરે કબજે કરી લઈ તેના ચાલક જામનગરમાં ખોજા ગેઇટ વિસ્તારમાં રહેતા શાહનવાઝ ઉર્ફે ટોની દિલાવરભાઈ દરજાદા ને પકડી પાડયો હતો.

પોલીસ પુછપરછ દરમિયાન આ દારૂના જથ્થા માં મોરકંડા રોડ પર સન સીટી વિસ્તારમાં રહેતો વસીમ યુસુફભાઈ દરજાદા નામનો શખ્સ સંડોવાયેલા હોવાથી પોલીસે તેને ફરારી જાહેર કરી શોધખોળ હાથ ધરી છે.

જામનગરમાં વાલકેશ્ર્વરીનગરીમાંથી સાંપડતો અજ્ઞાત પુરૂષનો મૃતદેહ.

દેશ દેવી ન્યુઝ જામનગર :

જામનગરમાં વાલ્કેશ્વરી નગરી વિસ્તારમાં પાણીના ટાંકા પાસે ખુલ્લા પ્લોટમાંથી અજ્ઞાત પુરૂષનો મૃતદેહ મળ્યો છે. પોલીસે મૃતદેહનો કબ્જો સંભાળી પોસ્ટમોર્ટમ સહિતની કાર્યવાહી હાથ ધરી છે.

આ બનાવની વિગત એવી છે કે જામનગરમાં વાલ્કેશ્વરી નગરી વિસ્તારમાં આવેલા પાણીના ટાંકા પાસેથી આશરે 50 વર્ષની વયના એક અજ્ઞાત પુરૂષનો મૃતદેહ મળી આવ્યો હતો.

આ બનાવ અંગે ચેતનભાઇ જીવરાજભાઈ ઝાલા નામના વ્યક્તિએ પોલીસને જાણ કરતાં સીટી બી ડિવિઝન પોલીસે મૃતદેહ નો કબજો સંભાળી પોસ્ટ મોર્ટમ કરાવ્યું છે, અને તેની ઓળખ કરવા માટે મૃતદેહને જીજી હોસ્પિટલના કોલ્ડરૂમમાં રાખ્યો છે. કોઈ બીમારીના કારણે મૃત્યુ નીપજયું હોવાનું

લાલપુર પંથકની માનસીક બિમાર પરણિતાએ કરી આત્મહત્યા.

જામનગર : લાલપુર તાલુકાના કાઠીતળ ગામમાં રહેતી ભારતીબેન ચંદુભાઈ દવે નામની 36 વર્ષની વિપ્ર જ્ઞાતિની પરિણીત મહિલાએ ગત 28મીએ પોતાના ઘેર કાયા પર કેરોસીન રેડી અગ્નિસ્નાન કરી લેતાં તેણીને સારવાર માટે હોસ્પિટલમાં ખસેડાયા પછી સારવાર દરમિયાન મૃત્યુ નિપજ્યું છે.

આ બનાવ અંગે મૃતકના પતિ ચંદુભાઇ હિરજીભાઇ દવેએ પોલીસને જાણ કરતાં લાલપુર પોલીસે મૃતદેહનો કબ્જો સંભાળી પોસ્ટમોર્ટમ સહિતની કાર્યવાહી હાથ ધરી છે.

પોલીસ પૂછપરછમાં ભારતીબેન છેલ્લા બે વર્ષથી માનસિક બીમારીથી પીડાતા હતા. જે બીમારીથી તંગ આવી જઇ તેણે ગત 28મી તારીખે અગ્નિસ્નાન કરી લીધું હતું. અને સારવારમાં મૃત્યુ થયું છે. લાલપુર પોલીસ વધુ તપાસ ચલાવે છે.