જામનગરમાં નવતર મોડેસ ઓપરેન્ડીથી સેલ્સમેનને લુંટી લેતી ત્રિપુટી

ત્રણ શખસોએ ધાક-ધમકીથી રૂા. બે હજારની લુટ ચલાવી ફરાર : પોલીસ તપાસ શરૂ

જામનગર: મૂળ ધ્રોલ તાલુકાના હમાપર ગામનો વતની નવઘણ ભુપતભાઈ સોલંકી નામનો 27 વર્ષનો દેવીપૂજક યુવાને કે જે જામનગર શહેરમાં જુદાજુદા વિસ્તારોમાં કિચન વેર ના માલ સામાનનું વેચાણ કરી રહ્યો છે, અને સેલ્સમેન તરીકે કામ કરે છે. જે ગત.24 જુલાઈ ના સાંજના પાંચેક વાગ્યાના અરસામાં વુલન મિલ પાસેથી પોતાનો સમાન વેંચી ને બાઇક પર એસટી રોડ તરફ જવા માટે નીકળ્યો હતો.

દરમિયાન સુમેર કલબ નજીક ત્રણ અજાણ્યા બાઇક પર આવેલા શખ્સોએ તેને આંતરી લીધો હતો, અને મારકૂટ કરી તેના ખિસ્સામાંથી રૂપિયા 2,000 ની લૂંટ ચલાવી હતી, અને ત્રણેય લૂંટારુઓ ભાગી છૂટયા હતા.

જે બનાવ અંગે સીટી એ ડીવીઝન માં પોલીસ સ્ટેશનમાં અજાણ્યા લૂંટારૂ શખ્સો સામે ફરિયાદ નોંધાવી હતી. જે ફરિયાદના અનુસંધાને એલસીબીની ટીમ તેમજ સીટી એ ડીવીઝન પોલીસ વગેરેએ જુદાજુદા વિસ્તારના સીસીટીવી કેમેરા ચેક કર્યા હતા. જેમાં ત્રણેય શખ્સો વુલનમિલથી બાઈકમાં પીછો કરી રહ્યા હોવાનું ધ્યાનમાં આવ્યું હતું, અને લૂંટની ઘટનાને અંજામ આપી ભાગી છૂટયા હતા.

જે ત્રણેયને શોધવા માટેની પોલીસે કવાયત હાથ ધરી છે અને જામનગરના રાંદલનગર વિસ્તારમાં ત્રણેય વસવાટ કરતા હોવાનું પણ અનુમાન લગાવવામાં આવ્યું છે, અને તે દિશામાં પોલીસે તપાસનો દોર આગળ ધપાવ્યો છે.

જામનગરના જાણીતા ઉદ્યોગપતિ જીતુ લાલનું ફેસબુક એકાઉન્ટ હેક

એકાઉન્ટ હેક કર્યા બાદ તેમા પાકિસ્તાનના ઝંડા ફરકાવતા ચકચાર

સાથો સાથ પાકિસ્તાનની તરફેણમાં લખાણો મુકતા ખળભળાટ

જામનગરના જાણીતા ઉદ્યોગપતિ જીતુ લાલ એ પોતાનું ફેસબુક એકાઉન્ટ એક થયું હોવાની ફરિયાદ સાયબર  પોલીસ સ્ટેશનમાં કરતાં ભારે ચકચાર મચી છે

ઉદ્યોગપતિ જીતુ લાલ ના ફેસબુક એકાઉન્ટ પર અનેક મિત્રો છે આ ફેસબુક એકાઉન્ટ થોડા દિવસ પહેલા કોઈ અજાણ્યા શખ્શે હેક કરી તેમાં પાકિસ્તાની ઝંડો દર્શાવ્યો હતો આ અંગે તેમણે તપાસ કરતાં ખબર પડી કે તેમનું એકાઉન્ટ હે થઈ ગયું છે અને કોઈ અજાણ્યો શખ્સ તેમના એકાઉન્ટ પર પોસ્ટિંગ કરી રહ્યો છે.

જીતુ લાલને પોતાના મિત્ર વર્તુળમાંથી ખબર પડતાં તેઓ ચોંકી ઊઠયા હતા તેમણે ગુરુવારની રાત્રે સાયબર પોલીસ સ્ટેશનમાં અજાણ્યા શખ્સ વિરુદ્ધ ફોજદારી ફરિયાદ નોંધાવી હતી પોલીસે જીતુ લાલની ફરિયાદ નોંધીને અજાણ્યા શખ્સ વિરુદ્ધ કાર્યવાહી હાથ ધરી છે

સાયબર પોલીસ હવે આ મામલે facebook નો સંપર્ક કરી વધુ વિગતો મેળવવાના પ્રયાસો હાથ ધર્યા છે

ફેસબુક એકાઉન્ટ હેક થવાની આ ઘટનાથી રાજકીય અને સામાજિક વર્તુળમાં ભારે ચકચાર મચી જવા પામી છે આ બનાવની વધુ તપાસ ઇન્સ્ટ્રક્ટર એલ ગાંધે તથા સ્ટાફ ચલાવી રહ્યા છે

જામજોધપુર પંથકના ઝીણાવાડીમાં જમીન પ્રકરણમાં વૃઘ્ધ પર હિચકારો હુમલો

દેશ દેવી ન્યુઝ નેટવર્ક જામનગર: જામજોધપુર પોલીસ સ્ટેશનમાં પરબતભાઈ વેજાભાઈ સોલંકી, ઉ.વ.પપ, રે. ઝીણાવારી ગામ વાળા એ ફરીયાદ નોંધાવી છે કે, ઝીણાવારી ગામે ફરીયાદી પરબતભાઈની જમીન આવેલ હોય જે જમીન બાબતે રમેશ જેશાભાઈ સોલંકી એ ફરીયાદી પરબતભાઈ સાથે અવાર-નવાર બાલચાલી કરતા હોય તેમજ ફરીયાદી પરબતભાઈની વાડી પાસે આરોપી રમેશ જેશાભાઈ સોલંકી, હરેશ ઉર્ફે હરૂ જેશાભાઈ સોલંકી ફરીયાદી પરબતભાઈ પાસે આવી આરોપી રમેશભાઈ તથા જાંજીબેન જેશાભાઈ સોલંકી એ ગાળો આપી ઢીકાપાટુનો માર મારી આરોપી હરેશ એ લાકડાના ધોકા વડે ડાબા પગના કંડામાં મુંઢ ઈજા કરી આરોપી ગુગડીયો રમેશભાઈ સોલંકી એ કુહાડીનો હાથાનો એક ઘા ફરીયાદી પરબતભાઈના કપાળના ભાગે મારી લોહીની ફુટની ઈજા કરી પકડી રખી આરોપી રમેશભાઈ તથા હરેશ ઉર્ફે હરૂ એ લાકડાના ધોકા વડે શરીરે વાસાના ભાગે સામાન્ય મુંઢ ઈજા કરી આરોપી રમેશભાઈએ જાનથી મારી નાખવાની ધમકી આપી ગુનો કરેલ છે.

જામનગર જી.જી. હોસ્પિટલના 500 થી વધુ જુનીયર તબીબો માં પગાર સહિતના મુદ્દેની હડતાલની બીજો દિવસ

હોસ્પિટલના સીનીયર ડોકટરોએ સંભાળી ઓપીડી અને ઇમરજન્સી સેવા

જામનગર: જી.જી. હોસ્પિટલમાં જુનિયર તબીબો હડતાળ પર ઉતર્યા છે. બોન્ડ, બદલી, 7માં પગાર પંચ સહિતની 4 માંગણીને લઈ તબીબોે વિરોધ કરી રહ્યા છે. નિમણૂક સમયે 10 લાખના બોન્ડ અને સીવિલમાં ડ્યુટી કરવાની શરત હતી. જે શરતો નો પણ ભંગ કરાયાનું આક્ષેપ લગાવાઇ રહ્યો છે. જ્યા સુધી સરકાર પોતાના નિર્ણય નહીં બદલે ત્યાં સુધી હડતાળ રહેશે.

આ તકે સારવાર અર્થે હોસ્પિટલની ઓપીડીમાં આવતા દર્દીઓને કોઇ મૂશ્કેલી ન પડે તે માટે તબીબો ડો. પરમાર, ડો.તન્ના સહિતના હોસ્પિટલના સીનીયર ડોકટર્સોએ ઓપીડીની કમાન પોતાના હાથમાં લઇ દર્દીઓને તપાસ અને સારવાર કરી હતી.

પૈસા “ન”  દેવા પડે એટલે કરી ફરીયાદ.!

જામનગરમાં યુવાન પર અપહરણ અને ખંડણીની ખોટી ફરીયાદ આક્ષેપો સાથે શહેર Dysp ને મહાકાલ સેનાના નેતૃત્વમાં રજુઆત

સીટી બીના PI, અને PSI સામે તપાસ કરી ગુનો નોંધવાની માંગણી કરી

ધર્મ ગોરીયા અને હાર્દિકસિંહ ચુડાસમાં સ્વેચ્છિક ગાડીમાં સાથે ગયા અને તમામ વાતચીત મોબાઇલમાં થઈ કેદ.!જામનગર શહેરના મેહુલ પાર્ક સોસાયટીમાં રહેતા હાર્દિકસિહ જગદીશસિહ ચુડાસમાં ઉ વર્ષ -૨૨ નામના યુવાને આજે બહોળી સંખ્યામાં મિત્ર વર્તુળ સાથે આવેદન આપવા પહોંચ્યા હતા જેમા તેમણે મિત્ર ઘર્મ રામભાઈ ગોરીયાને નિત્રતાના દાવે પ.૧૦ લાખ હાથ ઉછીના આપ્યા હતા શરૂશેકશન રોડ પર ધર્મ ગોરીયા મળી જતા તેની પાસે પૈસાની ઉધરાણી કરી હતી જેથી તે પીધેલી હાતમાં હોવાથી તેમની કારમાં પ્રદર્શન ગ્રાઉન્ડમાં બેઠા હતા જ્યાં મિત્ર ધર્મ રામભાઈ કોરિયાએ પૈસા ચૂકવવા માટે નોં વાયદો કર્યો હતો

જે બાદ ગત તારીખ ૧૮ – ૭-૨૦૨૧ ના રોજ ધર્મ ગોરીયાએ પૈસા ન ચૂકવવા પડે તે માટે અપહરણ, ખંડળી ધમકી સહીતની કલમ હેઠળ ખોટી ફરિયાદ નોંધાવી હોવાના આક્ષેપ કર્યા હતા

સીટી-B ના પોલીસકર્મીએ તેની ધરપકડ કરી પોલીસ સ્ટેશન લઇ ગયા હતા જ્યા PI ભોયે અને PSI એસ.વી સામાણી હતા અને તેમની સામે ખોટી ફરીયાદ થઈ હોવાનું રેકોર્ડિંગ સાંભળવા જણાવ્યું હતું તેમ છતા તેમની સામે ખોટી ફરીયાદ નોંધવાનોં આક્ષેપ કરીને ફરીયાદી એ PI અને PSI સામે તપાસ કરી ગુનો નોંધવાની માંગણી કરી હતી.

જામનગરમાં મસાલાના બાકી પૈસાની ઉઘરાણી કરતા પાનની દુકાને મારામારી : પિતા-પુત્ર પર હુમલો

જામનગર: જામનગર જીલ્લાના પંચ એ પોલીસ સ્ટેશનમાં વિનોદભાઈ ઉર્ફે વિનુભાઈ મુળજીભાઈ વિજુંડા, ઉ.વ.39, રે. હડમતીયા ગામ, શંકરના મંદિરની બાજુમાં વાળા એ ફરીયાદ નોંધાવી છે કે, તા.3-8-2021ના મતવા ગામ બસ સ્ટેશન હડમતીયા ગામ જતા રસ્તે ફરીયાદી વિનોદભાઈની સોનલકૃપા પાન સેન્ટર નામની દુકાને ફરીયાદી વિનોદભાઈના દિકરા ગૌતમભાઈ બેઠેલ હોય જેની પાસે આરોપી હિતેષ, કેશુભાઈ વાળા એ મસાલો લઈ પૈસા નહીં આપતા ગૌતમએ ફરીયાદી વિનોદભાઈને બોલાવતા ફરીયાદી વિનોદભાઈએ આવી આરોપી હિતેષ તથા કેશુભાઈ વાળા પાસે અગાઉના બાકી પૈસા માંગતા આરોપી હિતેષભાઈ, કેશુભાઈવાળા ઉશ્કેરાઈ જઈ તેને જેમ ફાવે તેમ ભુંડીગાળો બોલી તેમજ તેના ભાઈઓ સાગર અને રાહુલ તથા તેના બાપુજી કેશુભાઈને ફોન કરી બોલાવી લાઠી વડે મારામારી કરી ફરીયાદી વિનોદભાઈને બંન્ને હાથમાં મુંઢ ઈજાઓ કરી તથા સાહેદ ગૌતમને ડાબા હાથની ટચલી આંગળીમાં ફેકચર જેવી ઈજા કરી આરોપીઓએ એક સંપ કરી ફરીયાદી વિનોદભાઈની દુકાનમાં નુકશાન કરી જાનથી મારી નાખવાની ધમકી આપી જિલ્લા કલેકટરના હથીયારબંધી જાહેરનામાનો ભંગ કરી ગુનો કરેલ છે.

જી. જી. હોસ્પિટલમાં બદલીના વિરોધમાં બોન્ડેડ તબીબોની હડતાલ

રાજય સરકારના આરોગ્ય વિભાગ આદેશમાં સુધારો અથવા સ્પષ્ટતાની માંગણી સાથે તબીબો દ્વારા વિરોધ પ્રદર્શન કરાયુ

જામનગર : જામનગરની સરકારી જી.જી હોસ્પિટલ માં ફરજ બજાવતા તમામ બોન્ડેડ તબીબો દ્વારા આજે સરકાર ના નવા પરિપત્ર ને લઈને વિરોધ પ્રદર્શન કરાયું હતું અને આજે મેડીકલ કોલેજના દ્વારે બોન્ડેડ તમામ તબીબો સોશિયલ ડિસ્ટન્સ ને ધ્યાનમાં રાખીને ધરણા પર ઉતર્યા હતા, અને વિરોધ દર્શાવ્યો હતો.

ઉપરાંત સરકારના 31 જુલાઈના પરિપત્રમાં સુધારો થાય, અથવા તો તે અંગેની જરૂરી સ્પષ્ટતા થાય તેવી માંગણી કરવામાં આવી છે.

બોન્ડેડ તબીબો કે જેઓએ કોરોના કાળ દરમ્યાન કોવિડ હોસ્પિટલમાં કપરી ફરજ બજાવી છે, તેના 11 મહિનાના સમયગાળા પૈકી પાંચ મહિના મજરે આપવાની વાત થઇ છે.

પરંતુ તે સમયગાળો બાદ કરવા બાબતે પરિપત્ર માં સ્પષ્ટતા નથી. તે તમામ બદલી સાથેના પરિપત્ર માં યોગ્ય સ્પષ્ટતા થાય તેવી માગણી સાથે આજે વિરોધ પ્રદર્શન કરવામાં આવ્યું છે.