લાલપુરમાં યુવાનનું ભેદી મોતે જગાવી ચર્ચાં : હત્યાની આશંકાથી પોલીસ દોડતી થઈ.!

બે શખ્સો વચ્ચે બોલાચાલીમાં મામલો બિચક્યો ધકો અને ઢીકા મારતા યુવાન ઢળી પડયોની ચર્ચાએ જોર પકડ્યું જોર

સૂત્રોમાંથી મળતી માહિતી મુજબ પોલીસ દ્વારા પીએમ રીપોર્ટની જોવાતી રાહ: ફરારી શખ્સની મોડી રાત સુધી શોધખોળ કરવા ચક્રો થયા ગતિમાન.. દેશ દેવી ન્યુઝ નેટવર્ક જામનગર : ૦૯. જામનગરના લાલપુરમાં મર્ડરની થયું હોવાની ચર્ચાઓ વચ્ચે વાતાવરણ ગરમાયું અફવાને પગલે પોલીસ થઈ દોડતી.

લાલપુર ધરાનગર વિસ્તારમાં ગઈ મોડી સાંજે બે યુવાનો વચ્ચે બોલાચાલી થતાં એક યુવાને ધક્કો અને ઢીંકા મારતાં તેનું ભેદી રીતે મોત નિપજતા ભારે ચકચાર ફેલાઇ જવા પામી હતી.

અત્યારની પ્રબળ આશંકા વાળા આ બનાવમાં ફરારી શખ્સને શોધી કાઢવા માટે મોડીરાત સુધી તપાસનો ધમધમાટ આદરવામાં આવ્યો હતો. હાલ શંકાસ્પદ બનાવમાં પીએમ રિપોર્ટમાં સ્પષ્ટતા થશે.

જાણવા મળતી વિગત મુજબ લાલપુરના નાદુરી રોડ પર આવેલ ધરાનગર વિસ્તારમાં ગઈ મોડી સાંજે બે દેવીપુજક યુવકો વચ્ચે બોલાચાલી થઇ હતી દરમિયાનમાં એક સખસે પ્રકાશ ઉંમર વર્ષ ૩૪ નામના યુવાનને માથામાં ધુંબો મારીને ધક્કો દેતા નીચે પટકાતા તેનું મોત નીપજ્યું હતું.

યુવાનનું ભેદી રીતે મોત થતાં અને હત્યા થયાની વાતો વહેતી થતા તાબડતોબ લાલપુરના પીએસઆઇ કરોતરા સહિતની પોલીસ ટુકડી તપાસ માટે ઘટનાસ્થળ અને હોસ્પિટલ ખાતે દોડી ગઇ હતી.

મૃતક યુવાનને પીએમ માટે ખસેડવામાં આવ્યો હતો.આ બનાવમાં હત્યાની પ્રબળ આશંકા સૂત્રો દ્વારા વ્યક્ત કરવામાં આવી છે.

બીજી બાજુ પોલીસે પ્રાથમિક વિગતોના આધારે ધરા નગર વિસ્તારમાં તપાસ હાથ ધરી હતી.જોકે ધક્કો મારનાર શખ્સ નાસી છુટ્યો હતો જેને શોધવા માટે જુદા જુદા વિસ્તારોમાં મોડીરાત સુધી તપાસનો ધમધમાટ ચાલ્યો હતો. પીએમ રિપોર્ટમાં સ્પષ્ટતા થશે અને એના આધારે પોલીસ દ્વારા આ બનાવમાં ગુનો દાખલ કરવામાં આવશે. હાલ આ બનાવે લાલપુર પંથકમાં ભારે ચકચાર જગાવી છે.

વધુમાં જાણવા મળ્યા મુજબ મોડી સાંજના બે શખ્સો દારૂ પીને તોફાન કરતા હતા આથી યુવાન સમજાવવા જતા ઉગ્ર બોલાચાલી કરીને યુવકને ધકકો મારતા પડી જઇ બેશુઘ્ધ થઇ ગયો હતો અને નજીકની હોસ્પીટલે લઇ જતા મૃત્યુ થયાનું જણાવવામાં આવ્યુ હતું, આજે સવારે જામનગરની જી.જી. હોસ્પીટલ ખાતે મૃતકની પીએમ વીધી હાથ ધરવામાં આવી હતી, જેનો વિધીવત રીપોર્ટ આવ્યા બાદ આગળની કાર્યવાહી થશે. આ બનાવમાં હત્યાની આશંકા પ્રબળ બની છે.

જામનગરના ભાટની આંબલી નજીકથી પાંચ બોટલ દારૂ સાથે શખ્સ ધરપકડ.

નવાગામ ઘેડમાં રહેતો હાર્દિક ચુડાસમાની સંડોવણી ખુલી.દેશ દેવી ન્યુઝ નેટવર્ક જામનગર: o૮ જામનગર શહેરમાં ભાટની આંબલી પાસેના વિસ્તારમાં રહેતાં જીજ્ઞેશ ઉર્ફે જીગો દિનેશ સોલંકી નામના શખ્સને આંતરીને તલાસી લેતા તેના કબ્જામાંથી રૂા.2500 ની કિંમતની પાંચ બોટલ દારૂ અને રૂા.5000 ની કિંમતનો એક મોબાઇલ મળી આવતા પીએસઆઇ એન.વી. હરિયાણી તથા સ્ટાફે રૂા.7500 ના મુદ્દામાલ કબ્જે કરી પૂછપરછ હાથ ધરતા દારૂના જથ્થામાં નવાગામ ઘેડના હાર્દિક ચુડાસમાની સંડોવણી ખુલતા પોલીસે બન્ને શખ્સો વિરુધ્ધ ગુનો નોંધી કાર્યવાહી હાથ ધરી હતી.

જામનગર: કારમાં થતી શરાબની હેરાફેરી ઝડપી લેતી એલસીબી

અંગ્રેજી શરાબની 86 બોટલ, 216 નંગ ચપટા, એક કાર અને બે મોબાઇલ સહિત કુલ રૂા.1.63 લાખનો મુદ્દામાલ કબ્જે દેશ દેવી ન્યુઝ નેટવર્ક જામનગર: ૦૮ જામનગરના ગાંધીનગર મચ્છરનગર વિસ્તારમાંથી કારમાં દારૂના જથ્થા સાથે શખ્સ પસાર થવાની એલસીબીના ભગીરથસિંહ સરવૈયા અને દિલીપ તલાવડિયાને મળેલી બાતમીના આધારે જિલ્લા પોલીસવડા દિપન ભદ્રનની સૂચનાથી પીઆઈ એસ. એસ. નિનામા, પીએસઆઈ આર.બી. ગોજિયા, કે.કે. ગોહિલ, બી.એમ. દેવમુરારી તથા માંડણભાઇ વસરા, સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, અશ્ર્વિનભાઈ ગંધા, દિલીપભાઈ તલવાડિયા, ફીરોજભાઈ દલ, હિરેભાઈ વરણવા, ભગીરથસિંહ સરવૈયા, હરદિપભાઈ ધાધલ, પ્રતાપભાઈ ખાચર, વનરાજભાઈ મકવાણા, યશપાલસિંહ જાડેજા, નિર્મળસિંહ જાડેજા, યોગરાજસિંહ રાણા, બળવંતસિંહ પરમાર,  ભારતીબેન ડાંગર, એ.બી. જાડેજા સહિતના સ્ટાફે બાતમી મુજબની જીજે-10-એફ-4487 નંબરની કારને આંતરી લીધી હતી.એલસીબીની ટીમે કારની તલાસી લેતા તેમાંથી રૂા.34,400 ની કિંમતની 86 બોટલ દારૂ અને રૂા.21,600 ની કિંમતના 216 નંગ ચપટા તથા રૂા.7000 ની કિંમતના બે મોબાઇલ ફોન અને રૂા.1 લાખની કિંમતની એક કાર સહિત કુલ રૂા.1,63,000 ના મુદ્દામાલ સાથે કરણસિંહ હરપાલસિંહ ગોહિલ અને શકિતસિંહ ધીરુભા જાડેજા નામના બે શખ્સોને ઝડપી લઇ પૂછપરછ હાથ ધરતા આ દારૂનો જથ્થો ભચાઉ તાલુકાના કાકરવા ગામ પાસે રહેતા શખ્સ દ્વારા સપ્લાય કરવામાં આવ્યો હતો. જેથી એલસીબીની ટીમે ઝડપાયેલા બન્ને શખ્સોનો કોવિડ ટેસ્ટ કરાવી આગળની કાર્યવાહી હાથ ધરી હતી.

15 વર્ષથી ફરાર મઘ્યપ્રદેશના બળાત્કારના આરોપીને જામજોધપુરથી ઝડપી લેતી એસ.ઓ.જીદેશ દેવી ન્યુઝ નેટવર્ક જામનગર : ૦૮. જીલ્લાના પોલીસ અધિક્ષક દીપન ભદ્રનની સુચનાથી એસ.ઓ.જી.ના પો. ઇન્સ. એસ.એસ. નીનામા ના માર્ગદર્શન મુજબ એસ.ઓ.જી.ના પો.સ.ઇ. આર. વી. વીંછી તથા સ્ટાફના માણસો જામ જોધપુર પોલીસ સ્ટેશન વિસ્તારમાં પેટ્રોલીંગમાં હતા.

તે દરમ્યાન સ્ટાફના ઘનશ્યામભાઇ ડેરવાળીયા તથા અરજણભાઇ કોડીયાતર ને બાતમી મળેલ કે, ભીગનગાવ પો.સ્ટે.જી. ખરગોન (મધ્ય પ્રદેશ) ગુ.ર.નં. 276/2005 ઇ.પી.કો. કલમ-363, 366, 376 વિગેરે મુજબના ગુન્હામાં નાસ્તો-ફરતો આરોપી દીલીપ ઉર્ફે મુન્નો વિઠ્ઠલભાઇ કાંજીયા પટેલ ઉ.વ. 45 રહે. જામ જોધપુર કડીવારના નાકા પાસે વાળો હાલ માર્કેટીંગ યાર્ડના મેઇન ગેઇટથી ફાટક તરફ આગળ રોડ પર ઉભેલ છે જે જગ્યાએ જઇ તપાસ કરતા ઇસમ ઉભેલ હોય તુરત જ પકડી લઇ હસ્તગત કરી ભીગનગાવ પો.સ્ટે. જી. ખરગોન (મધ્ય પ્રદેશ) પો. સ્ટે.ને આરોપી પકડયા અંગે જાણ કરી આરોપીને જામ જોધપુર પો. સ્ટે. સોંપી આપેલ છે.

જામનગરની સ્વામી વિવેકાનંદ ક્રેડીટ કો. ઓપરેટીવ સોસાયટીના સભાસદને 1 વર્ષની જેલ : ચેકની રકમ ભરવા પણ આદેશ

દેશ દેવી ન્યુઝ નેટવર્ક જામનગર o૮. સ્વામી વિવેકાનંદ ક્રેડીટ કો. ઓપરેટીવ સોસાયટીના સભાસદ કલ્પેશભાઈ જેન્તીભાઈ સિદ્ધપુરાએ ધંધા માટે સોસાયટીમાંથી લોન લીધેલ હતી.આ લોનમાં તેઓ રેગ્યુલર લોન ભરપાઈ ન કરતા સોસાયટીએ કાયદેસરની નોટીસ આપવામાં આવેલ, ચેક રિટર્નની ફરિયાદ દાખલ કરેલ હતી. ત્યારબાદ સમયાંતરે કેસ ચાલતા આરોપી કોર્ટ સમક્ષ હાજર થયેલ.

આરોપીના વકીલએ ફરીયાદી સોસાયટીના અધિકૃત અધિકારીની ઉલટ તપાસ કરેલ અને આરોપી તરફેની સદર ઉલટ તપાસની તમામ હકીકતો નોંધવામાં આવેલ. ફરીયાદી પક્ષના લેખિત, પુરાવા, દસ્તાવેજો, સોગંધનામું, ફરિયાદ અરજીને અનુરૂપ હોય અને આરોપી તરફેની ઉલટતપાસમાં પણ આરોપી તેઓનું કાયદેસરનું લેણું નથી તેવું સાબીત કરી શકેલ ન હોય અને આરોપી પક્ષ દ્વારા ફરીયાદી પક્ષના પુરાવાઓનું ખંડન કરી શકેલ ન હોય તેથી એડીશનલ ચીફ જ્યુડીશીયલ મેજીસ્ટ્રેટ એન.એન પાથર -જામનગરની કોર્ટમાં કેસ આગળ ચાલતા આ કામના આરોપીને તકસીરવાન ઠરાવવામાં આવેલ. આ કામના આરોપીને એક વર્ષની સાદી કેદની સજા તેમજ અને ચેકની રકમ જેટલો જ રૂ. 2,65,000 નો  દંડ ફટકારવામાં આવ્યો હતો.

જામનગરમાં ક્રિકેટરનો જુગાર રમાડતા ‘સચીન’ને ઝડપી લેતી એલસીબીદેશ દેવી ન્યુઝ નેટવર્ક o૭. જામનગર શહેરના એસ ટી બસ સ્ટેન્ડ પાસે જાહેરમાં આઈપીએલ ક્રિકેટ ટૂર્નામેન્ટમાં રોયલ ચેલેન્જર બેંગ્લોર અને સનરાઈઝ હૈદરાબાદની ટીમ વચ્ચે રમાઈ રહેલા 20-20 ક્રિકેટ મેચના લાઈવ પ્રસારણ ઉપર સટ્ટો રમાડતો હોવાની એલસીબીને મળેલી બાતમીના આધારે પીઆઈ એસ.એસ. નિનામા તથા સ્ટાફે રેઈડ દરમિયાન સચીન કાંતિ નંદા નામના શખ્સને ઝડપી લઇ રૂા.2900 ની રોકડ રકમ અને બે હજારની કિંમતનો મોબાઇલ ફોન મળી કુલ રૂા.4900 ના મુદ્દામાલ સાથે ઝડપી લઇ પૂછપરછ હાથ ધરતા જામનગરના રવિ નામના શખ્સની સંડોવણી ખુલ્લી હતી.જેના આધારે એલસીબીએ સીટી એ ડીવીઝનને સોંપી આગળની કાર્યવાહી હાથ ધરી હતી.

જોગવડમાં પતિ સાથે ઝઘડો થયાનું મનમાં લાગી આવતા પત્નિની આત્મહત્યા.

સામાન્ય ઝઘડામાં પત્ની જીવ ખોઇ બેઠી..દેશ દેવી ન્યુઝ નેટવર્ક જામનગર  ૦૬ લાલપુરના જોગવડ ગામમાં રહેતી નીતાબેન ધનજીભાઈ વાઘ નામની 31 વર્ષની પરિણીત યુવતીએ ગઈકાલે પોતાના ઘેર રૂમનો દરવાજો અંદરથી બંધ કરી પોતાના મેળે બારીમાં દુપટ્ટો બાંધી ગળાફાંસા દ્વારા આત્મહત્યા કરી લીધી હતી.આ અંગે મૃતકના પતિ ધનજીભાઈ ડાયાભાઈ વણકરે પોલીસને જાણ કરતાં મેઘપર પોલીસ સ્ટેશનનો સ્ટાફ ઘટનાસ્થળે દોડી ગયો હતો, અને મૃતદેહનો કબ્જો સંભાળી પોસ્ટમોર્ટમ સહિતની કાર્યવાહી હાથ ધરી છે.

પોલીસમાં જાહેર કરાયા અનુસાર મૃતક યુવતી પોતાના પતિ ઉપર વેમ કરતી હતી, અને પતિ પોતાની રીક્ષા ઘરની સામેની ગલીમાં ચલાવતો હોવાથી ત્યાં ચલાવવા માટેની ના પાડતાં બન્ને વચ્ચે ઝઘડો થયો હતો, અને મનમાં લાગી આવતાં આ પગલું ભરી લીધું હોવાનું જાહેર થયું છે. જે મામલે પોલીસ વધુ તપાસ ચલાવે છે.

જામનગરની યુવતિને ઘરમાંથી કાઢી મુકતા દહેજ ભૂખ્યા સાસરિયાઓ સામે ફરિયાદ

દેશ દેવી ન્યુઝ નેટવર્ક જામનગર ૦૬ જામનગરના નીલકમલ સોસાયટી શેરી નંબર -1 માં રહેતી અંકિતાબેન સુભાષભાઈ ઝાલા નામની યુવતીના લગ્ન પોરબંદરમાં રહેતા નિલેશ અરવિંદભાઈ નાંઢા સાથે થયા હતા .જ્યાં લગ્નની શરૂઆત થી જ અંકિતાબેન ને સાસરિયાઓ દ્વારા નાની નાની બાબતોમાં વાંક કાઢી ને મારકૂટ કરવામાં આવતી હતી.તેમજ માવતર થી કરિયાવર લઇ આપવાની માગણી સાથે પહેરેલા કપડે ઘરમાંથી હાંકી કાઢી હતી. જેથી અંકિતાબેન જામનગર પોતાના માવતરે આવી ગઈ હતી .અને પોતાના દહેજભૂખ્યા સાસરિયાંઓ પતિ નિલેશ અરવિંદભાઈ નાંઢા , સાસુ સરોજબેન અરવિંદભાઈ નાંઢા , સસરા અરવિંદભાઈ છગનભાઈ , દિયર આનંદ અરવિંદભાઈ અને નણંદ સીમાબેન રાહુલભાઈ રાણીગા ( રે. તમામ પોરબંદર ) સામે ફરીયાદ નોંધાવતા પોલીસે દહેજ પ્રતિબંધક ધારા અંગેની કલમ હેઠળ ગુનો નોંધી તપાસનો દોર પોરબંદર સુધી લંબાવ્યો છે.

જામનગરના મારૂતીનગરમાં યુવતિના ઘરે જઇ બબાલ કરતા બે શખસ સામે ફરિયાદ

યુવતી સાથે બોલાચાલી કરી ઝઘડો કર્યા બાદ પતાવી દેવાની ધમકી આપી અન્ય વ્યક્તિ ઉપર લોખંડના પાઈપ વડે માર માર્યો

દેશ દેવી ન્યુઝ નેટવર્ક જામનગર ૦૬ જામનગર શહેરમાં પોલીસ હેડકવાર્ટર પાછળ આવેલા મારુતિનગરમાં રહેતાં પૂજાબા મહિપતસિંહ રાઠોડ નામના યુવતીના ઘરે ગત સોમવારે રાત્રિના સમયે તેના જ વિસ્તારમાં રહેતા દિગ્વીજયસિંહ રેવતુભા જાડેજા અને રેવતુભા ભુરુભા જાડેજા નામના બે શખ્સોએ ઘરે આવી યુવતી સાથે બોલાચાલી કરી ઝઘડો કર્યા બાદ પતાવી દેવાની ધમકી આપી અન્ય વ્યક્તિ ઉપર લોખંડના પાઈપ વડે માર માર્યો હતો.

હુમલામાં બનાવમાં પોલીસે બે શખ્સો વિરુઘ્ધ હુમલાનો ગુનો નોંધી તપાસ હાથ ધરી હતી.

કાલાવડ તાલુકાના બેરાજા ગામના સીમ વિસ્તારમાં પ્રેમલગ્ન કરનાર યુવાનના ભાઈ ઉપર હુમલો: ત્રણ શખ્સ સામે ફરિયાદ

દેશ દેવી ન્યુઝ નેટવર્ક જામનગર: ૦૬. કાલાવડ તાલુકાના બાંગા ગામના રહેતાં પરબત લાખા વાઘેલા નામના વૃદ્ધનું ખેતર બેરાજા ગામની સીમમાં આવેલું છે અને ખેતરના રસ્તેથી પસાર થતા વૃદ્ધનો પુત્ર ભગવાનજીના બાઈકને ગત તા.1 ના રોજ સવારના સમયે લાખા આણંદ સોલંકી, કારા આણંદ સોલંકી અને વાલા કરશન ભીત નામના ત્રણ શખ્સોએ આંતરીને ‘તારો નાનો ભાઈ પ્રવિણ મારી ભાણેજને ભગાડી અને પ્રેમલગ્ન કેમ કર્યા ?તે બાબતનો ખાર રાખી ભગવાનજી ઉપર લાકડી અને લોખંડના પાઈપ વડે હુમલો કરી અપશબ્દો કહ્યા હતાં તેમજ પતાવી દેવાની ધમકી આપી હતી. હુમલામાં ઘવાયેલા યુવાનને સારવાર માટે હોસ્પિટલમાં ખસેડવામાં આવ્યો હતો.જ્યાં બનાવની જાણ થતા એએસઆઈ એસ.આર. ચાવડા તથા સ્ટાફે વૃદ્ધના નિવેદનના આધારે ત્રણ શખ્સો વિરુધ્ધ ગુનો નોંધી તપાસ હાથ ધરી હતી.