ભાણવડ પંથકના મોરઝરમા કથિત પ્રેમસંબંધનો આક્ષેપ કરી યુવાન ઉપર હુમલો: ચાર સામે ફરિયાદ

દેશ દેવી ન્યુઝ નેટવર્ક ૧૪. ખંભાળિયા : ભાણવડ તાલુકાના મોરઝર ગામે રહેતા જીગરભાઇ ભીખુભાઇ કદાવલા નામના 27 વર્ષના સગર યુવાન ગત તારીખ 1રના રોજ રાત્રીના અગિયાર વાગ્યે આ ગામની ગરબીમાં ગયા હતા. ત્યારે આ જ વિસ્તારના રહીશ વિમલ ઉર્ફે ગુગો જેમૈયાભાઇ પરમાર, કમલેશભાઇ ઉર્ફે કલો બુધાભાઇ રાઠોડ, હિરેન પરમાર અને કૌશિકભાઇ બગડા નામના ચાર શખ્સોએ આ વિસ્તારના રહીશ એવા એક આસામીની પુત્રી સાથે પ્રેમસંબંધ રાખવા અંગેનું પુછતા ફરીયાદી જીગરભાઇએ ના કહી હતી.

જે બાબતે બોલાચાલી કરી, આરોપીઓએ જીગરભાઇને બેફામ માર મારી, જાનથી મારી નાખવાની ધમકી આપી હતી. આ ઉપરાંત તેમને ફેકચર સહિતની ઇજાઓ પહોંચાડી હતી.

આ બનાવ અંગે ભાણવડ પોલીસે ચારેય શખ્સો સામે આઇ.પી.સી. કલમ 325, 323, 504, 506(2), 114 તથા જી.પી.એકટની કલમ મુજબ ગુનો નોંધી ધોરણસરની કાર્યવાહી હાથ ધરી છે.

જામજોધપુરમા રેલવે કર્મચારીની સગર્ભા પત્ની નો પુત્ર સાથે ટ્રેન હેઠળ ઝંપલાવી આપઘાત

દેશ દેવી ન્યુઝ નેટવર્ક ૧૩. જામનગર: જામનગર જિલ્લાનાજામજોધપુરમા રેલવે કર્મચારીની સગર્ભા પત્ની એ એક પુત્ર સાથે ટ્રેન હેઠળ ઝંપલાવી આપઘાત કરી લીધાનુ જાણવા મળ્યુ છે જે અંગે પોરબંદર રાજકોટ રૂટની ટ્રેન ના યાર્ડ પાસેના ટ્રેક ઉપર જીંદગી ટુકાવતા અરેરાટી અને કરૂણતા સભર રહસ્ય સર્જાયુ છે.

જામ-જોધપુર માર્કેટિંગ પાર્ડ સામેથી પસાર થયેલ ટ્રેનમાં માતા પુત્રએ છલાંગ લગાવી મોતની સોડ તાણી લીધી છે અને બંનેના કમકમાટીભર્યા મૃત્યુ થયા છે આ મરણ જનારના પતિ રેલ્વે કર્મચારી છે સસરા પણ નિવૃત રેલકર્મચારી છે

સોનલબેન યોગેશભાઈ ભેડા ઉ.વ.30નામની પરણીતા એ પાંચ વર્ષીય પુત્ર મયંક યોગેશભાઈ ભેડા. ઉ.વ.5 સાથે આપઘાત કરી લીધો છે આ મહિલા સર્ગભા હતી તેવું સુત્રો જણાવે છે.

તેમજ છ વર્ષના લગ્નજીવનમા સામાન્ય રીતે કોઇ ગંભીર બાબતો નુ કારણ હોય કે બિમારી કે કંકાસ કે બીજુ કઇ આક્ષેપ જન્ય હોય કે ગમે કારણ થી જીંદગી ટુકાવા જેવુ તે પણ એક બાળક પેટમા બીજુ આંગળીએ લઇ એ બાબત પણ આ ગામ મા તેમજ પરિવાર સ્વજનો સૌમાટે ખુબજ દુખદાયક બની રહી છે.

જામનગરમાં જલાનીજારમાં 330 માં વર્ષે ઇશ્વર વિવાહ સંપન્ન..

દેશ દેવી ન્યુઝ નેટવર્ક ૧૩.જામનગર: જામનગરમાં પરંપરાગત યોજાતી 330 વર્ષોથી જૂની અને પ્રાચીન જલાની જારની ગરબીમાં નવરાત્રીના સાતમા નોરતે ભગવાન શિવ અને પાર્વતીના ઈશ્વર વિવાહ યોજી પરંપરા યથાવત જાળવી રાખવામા આવી છે. જામનગરમાં જલાની જારના ચોકમાં 330 વર્ષથી યોજાતી પુરૂષોની ગરબીમાં રમતા ઈશ્વર વિવાહમાં ઘૂમતા પુરૂષોએ પરંપરા છંદોથી ઈશ્વરવિવાહ યોજાયા હતા. જામનગરમાં જલાની જારના ચોકમાં 330 વર્ષથી પુરૂષોની ગરબી યોજાય છે

સંગીતના કોઇ આધુનિક સાધનનો ઉપયોગ થતો નથી કે પ્રોફેશનલ મ્યુઝીશ્યન, સીંગર રખાતા નથી. રમનારા જ છંદો થી ગરબા ગાય છે. આ ગરબીમાં કોઇ પણ જ્ઞાતિ ભેદ વગર નાના બાળકથી લઇને વયોવૃધ્ધ સામેલ થઇ શકે છે. શર્ત માત્ર એટલી છે કે તેણે ધોતી, અબોટીયુ પહેર્યું હોવું જોઇએ અને લલાટે  (કપાળમાં) ચંદન લગાડેલ હોવું જોઇએ. જલાની જારના ચોકથી 150 મીટર દૂર આવેલ બાજરીયાફળીમાં રહેતા ચતા બાજરીયા નામના સદગ્રહસ્થને માતા સપનામાં આવેલા અને તેની પૂણ્ય પ્રેરણાથી તેમને લત્ત્માવાસીઓની મદદથી ગરબીની શરૂઆત કરાવી હતી. તેવી લોકવાયકા છે. આ ગરબી માટે માતાજીની મૂર્તિ પણ બળદગાડા મારફત છેક રાજસ્થાનથી લાવવામાં આવી હતી.

ગરબીમાં પણ આ વખતે પરંપરાગત રીતે ઉભા ગરબા જ યોજાયા છે અને તેથી જ ઈશ્વરવિવાહ પ્રસંગ પણ તે રીતે જ યોજાયો હતો. ઈશ્વરવિવાહ રમવા નાના મોટા સૌ કોઈ ધોતી-અબોટિયા, પીતાંબરી જેવા વસ્ત્રોમાં સજ્જ થઈને પરંપરાગત ઈશ્વર વિવાહમાં જોડાયા હતા.

દર નવરાત્રીએ સાતમા નોરતાની રાત્રે 12 વાગ્યા બાદ સંત દેવિદાસ રચિત ઈશ્વર વિવાહનો પ્રસંગ યોજાય છે. નગારા-નોબતના તાલે છંદો દ્વારા પુરૂષો ભગવાન શિવ અને માતા પાર્વતીના વિવાહના પ્રસંગને ગાયન કરી ઈશ્વર વિવાહ તરીકે મનાવાય છે. જેઙ્ગ પરોઢીયે સંપન્ન થતો હોય છે.

પરંતુ આ વર્ષે ખાસ માસ્ક અને સોશિયલ ડિસ્ટન્સીંગ સાથે એક જઙ્ગ જગયાએ ઊભા રહીને આ ઈશ્વર વિવાહની પરંપરા જાળવવામાં આવી છે.

બાળકો માટે Covaxin રસીને મળી મંજૂરી, 2 થી 18 વર્ષના બાળકોને અપાશે રસી.

દેશ દેવી ન્યુઝ નેટવર્ક ૧૨.Vaccination For Children : બાળકો માટેની કોરોનાની રસીને મંજૂરી મળી ગઇ છે. 2 થી 18 વર્ષના બાળકોને કોવેક્સિનના ડોઝ આપવામાં આવશે. સરકાર દ્વારા આ અંગે ટુંક સમયમાં માર્ગદર્શીકા જાહેર કરવામાં આવશે.

કોરોનાની રસી અંગે બાળકો માટે રાહતના સમાચાર છે. 2 વર્ષથી 18 વર્ષના બાળકો માટે કોરોનાની રસીને મંજૂરી આપી છે.

મળતી માહિતી મુજબ, ભારત બાયોટેકની (Bharat Biotech) કોવેક્સિનનને (Covaxin) આ માટે મંજૂરી આપવામાં આવી છે. રસીકરણ દરમિયાન બાળકોને કોવેક્સિનના બે ડોઝ પણ આપવામાં આવશે. કહેવામાં આવી રહ્યું છે કે સરકાર દ્વારા ટૂંક સમયમાં આ અંગે માર્ગદર્શિકા પણ જારી કરવામાં આવશે. હાલમાં 18 વર્ષથી મોટી ઉમરના લોકોને કોરોના વિરુધ્ધની રસી આપવામાં આવી રહી છે.

નિર્મલ જીગ્નેશ અને ગોવિંદ નંદાણીયા વચ્ચે ચાલતો આંતરિક વિવાદનો અંત…જામનગર મહાનગર પાલિકાના નવનિયુકત કમિશનરે ચિફ એકાઉન્ટ નિર્મલ જીગ્નેશ પાસેથી એમસી ટેકસનો ચાર્જ લઈ લેતા ખડખળાટ.

મનપામાં ટેક્સ ઓફિસર તરીકે ફરજ બજાવતા ગોવિંદભાઈ નંદાણીયા પાસેથી હાઉસ ટેક્સ અને વ્યવસાય વેરા ટેકસની કામગીરીમાંથી મુક્ત કરવામાં આવતા ચર્ચાએ જોર પકડયું છે.

દેશ દેવી ન્યુઝ નેટવર્ક ૧ર. જામનગર મહાનગર પાલિકામાં છેલ્લા ઘણા સમયથી ચીફ એકાઉન્ટન્ટ નિર્મલ જીગ્નેશ અને ટેક્સ ઓફિસર ગોવિંદભાઈ નંદાણીયા વચ્ચે આંતરિક વિવાદ ચરમસીમાએ હોય જેમાં નિર્મળ જીગ્નેશે ગોવિંદ નંદાણીયા વિરુદ્ધ બે વાર કમિશનરને ખાનગી રિપોર્ટ કર્યો હોય જેની તપાસ પણ ચાલતી હોય જેની આંતરિક વિખવાદની લડાઈ જગ જાહેર હોય તેવામાં મ્યુનિસિપલ કમિશનરે બંને પાસેથી ચાર્જ લઇ બંને ચાર્જ મુક્ત કર્યા હતા જેથી મનપામાં હડકંપ મંચી ગઈ હતી.હાલ આસિસ્ટન્ટ મ્યુનિસિપલ ટેક્ષનો ચાર્જ  ડો. ભાર્ગવ ડાંગરને (AMC)ને આપવામાં આવેલ છે. જ્યારે હાઉસ ટેકસ અને વ્યવસાય વેરા ટેકસનો ચાર્જ નાયબ ઇજનેર મુકેશ બી. ચાવડા આપવામાં આવતા મનપામાં સોપો પડી ગયો હતો અને કર્મચારીમાં અંદરો-અંદર ખુશ -કુસ શરૂ થઈ જતાં જેને લઇ  મનપામાં સારી એવી ચર્ચાં જાગી છે.

જામનગર તાલુકાના ૧૦૭ ગામોના સરપંચઓ દ્વારા કૃષિમંત્રી  રાઘવજીભાઈ પટેલનો અભિવાદન સમારોહ યોજાયો અંતરાયો-અવરોધોનો સામનો કરી તાલુકાનો વધુમાં વધુ વિકાસ થાય તે બાબત દરેકના લક્ષ્યમાં હોવી જરૂરી – મંત્રી રાઘવજીભાઈ પટેલ…

દેશ દેવી ન્યુઝ નેટવર્ક જામનગર તા.૧૦ ઓક્ટોબર, જામનગર તાલુકા સરપંચ મંડળ દ્વારા કૃષિમંત્રી રાઘવજીભાઈ પટેલનો ઠેબા ગામ ખાતે અભિવાદન સમારોહ યોજવામાં આવ્યો હતો.જ્યાં તાલુકાના ૧૦૭ ગામોના સરપંચશ્રીઓએ ઉપસ્થિત રહી મંત્રીશ્રીને સન્માનિત કર્યા હતા.

આ પ્રસંગે મંત્રી એ જણાવ્યું હતું કે અંતરાયો તથા અવરોધોનો સામનો કરી તાલુકાનો કઈ રીતે વિકાસ થાય એ બાબત દરેક સરપંચના લક્ષ્યમાં હોવી જરૂરી છે. જામનગર તાલુકો ૧૯૮૫ની સાલથી મારી કર્મભૂમિ રહી છે ત્યારે આ તાલુકાની વહીવટી, સામાજિક કે વ્યક્તિગત બાબતે શક્ય તેટલી તમામ મદદ કરવા હું હંમેશા તત્પર રહીશ અને વધુમાં વધુ આપ સૌને મદદરૂપ થવા પ્રયત્ન કરતો રહીશ.

મારી સતા, અનુભવ અને સમજનો લાભ સતત આ વિસ્તારને મળતો રહે તે માટે કાર્ય કરતો રહીશ. મંત્રીશ્રીએ આ પ્રસંગે કુદરતી આફતમાં મદદરૂપ થવા તથા વિકાસ કાર્યોની બાબતે જામનગર તાલુકા સંગઠન દ્વારા હાથ ધરવામાં આવેલ ઉત્કૃષ્ટ કામગીરીને બિરદાવી હતી તેમજ સરપંચો દ્વારા રજૂ કરાયેલ પ્રશ્નો સાંભળી તે પરત્વે યોગ્ય કાર્યવાહી હાથ ધરવા જણાવ્યું હતું.

આ પ્રસંગે જિલ્લા પંચાયતના પ્રમુખ  ધરમશીભાઈ ચનીયારા, તાલુકા પંચાયત પ્રમુખ  હસમુખભાઈ, તાલુકા પંચાયત ઉપપ્રમુખ  વિઠ્ઠલભાઈ માંડવીયા, તાલુકા ભાજપ પ્રમુખ  મુકુંદભાઈ સભાયા, મંત્રી શ્રી કુમારપાલસિંહ રાણા, મહામંત્રી  મહેન્દ્રસિંહ જાડેજા, મહિલા મોરચાના પ્રમુખ  કાજલબેન સંચાણી, આગેવાન બકુલસિંહ જાડેજા, સરપંચ સર્વશ્રી મહેશભાઈ, ભગવાનજીભાઈ વસોયા, બાબુભાઇ વાગડીયા તથા સામાજિક અગ્રણીઓ ઉપસ્થિત રહ્યા હતા.

જામનગરની આરામ હોટલમાં અકસ્માતે ગળું કપાઇ જતાં યુવકનું મોત

દેવ ન્યુઝ નેટવર્ક જામનગર: ૧૦. જામનગરની આરામ હોટલમાં કડિયાકામ કરતા યુવાનનું મોત નિપજતા ભારે ચકચાર સાથે અરેરાટી પ્રસરી છે. જીમરૂમમાં રીનોવેશન કામગીરી કરતો હતો ત્યારે ગ્રાઇન્ડર મશીન છટકતા ગળાની નસ કપાઇ જતાં યુવાનનું મૃત્યુ નિપજયું હતું.

બનાવ અંગે પોલીસે અકસ્માત મોતની નોંધ કરી તપાસ હાથ ધરી છે. મૃતક યુવાનની બહેનના એક મહિના પછી લગ્ન હોવાનું જાણવા મળ્યું છે.

જામનગરમાં કડીયાવાડ વિસ્તારમાં રહેતો અને કડિયાકામ કરતો સંજય રાજુભાઇ ખેતાણી નામનો(ઉ.વ.33) યુવાન શનિવારે શહેરની આરામ હોટલમાં જીમરૂમમાં કડિયાકામ કરતો હતો. કડિયાકામ દરમ્યાન સાંજે 7 વાગ્યા આસપાસ સંજય દિવાલમાં ગ્રાઇન્ડર મશીનથી ઝરી પાડી રહ્યો હતો.

આ સમયે અચાનક સંજયના હાથમાંથી ગ્રાઇન્ડર મશીન છટકયું હતું અને ગળાની ભાગે લાગતા ગળાની નસ કપાઇ ગઇ હતી. આથી લોહીના ફુવારા ઉડયા હતાં. લોહીલુહાણ હાલતમાં તે બહાર દોડયો હતો અને ઢળી પડયો હતો. આથી ઘાયલ યુવાનને હોટલના સ્ટાફે તાકીદે જી.જી.હોસ્પિટલમાં ખસેડવાની કાર્યવાહી હાથ ધરી હતી. પરંતુ માર્ગમાં જ તેનું મૃત્યુ નિપજયું હતું. બનાવની જાણ થતાં સીટી બી ડીવીઝન પોલીસ સ્ટાફ ઘટના સ્થળે દોડી ગયો હતો અને બનાવ અંગે તપાસ હાથ ધરી છે.

મૃતક યુવાનના પિતા પણ આરામ હોટલમાં કડિયાકામ કરતા હતાં. મૃતક યુવાનની બહેનના એક મહિના પછી લગ્ન હોય આ બનાવથી ભારે અરેરાટી પ્રસરી છે.