દેવભૂમિ દ્વારકા જીલ્લા આમ આદમી પાર્ટીના આગેવાનની ધરપકડ

ધો. 10 – 12ના ડુપ્લીકેટ સર્ટીફીકેટ બનાવી આપતા બનાવી પૈસા લુંટતા કાળુ ઉર્ફે કે. જે. ગઢવીની અટકાયત : અન્ય શખ્સોની સંડોવણી મુદ્દે તપાસનો ધમધમાટ

દેશ દેવી ન્યુઝ નેટવર્ક ખંભાળિયા: ખંભાળિયાના ઉગમણાબારા ગામે રહેતા પ્રવિણસિંહ પથુભા વાઘેલા (ઉ.વ. 43) નામના આધેડે ખંભાળીયા પોલીસમાં નોંધાવેલી ફરીયાદમાં જણાવ્યુ છે કે તેના પુત્ર વિરમદેવસિંહ વર્ષ 2017માં ધો. 10ની બોર્ડની પરીક્ષા આપી હતી અને તેમા ગણિત, વિજ્ઞાન અને અંગ્રેજી વિષયમાં ફેઈલ થતા તેમનુ આર્મીમાં જવાનું સપનુ ટોળાયુ હતુ.

આ દરમિયાન મારા મિત્ર સુખદેવસિંહ ભીખુભા જાડેજાએ જણાવેલ કે મારા કૌટુંબીક પરિવારમાં એક પુત્ર ધો. 10 માં નાપાસ થયો હતો તેને કજુરડા પાટીયા પાસે માનવ મંદિર સ્કૂલમાં કે.જે. ગઢવી પાસે ધો. 10 પાસ કરાવ્યું હતુ અને તેનો 15 હજાર ખર્ચ થયો હતો.

આથી હું અને મારો મિત્ર કજરૂડા પાટીયા પાસે આવેલી કારૂભાઈ ગઢવીની ઓફિસે ગયા હતા અને વાતચીત કરતા કાળુભાઈએ કહેલ કે તમારા દિકરાને ધો. 10 પાસ કરાવી આપીશ મેં આવા કેટલાક છોકરાને ધો. 10 પાસ કરાવી આપ્યા છે.તમારે પરીક્ષા દિલ્હી બોર્ડમાં આપવાની રહેશે અને તેનો ખર્ચ 27 હજાર થશે પાસ થવાની તમામ જવાબદારી રહેશે અને ભવિષ્યમાં પણ તમારા દિકરાને કોઈ નડતર ન થાય તે પણ મારે જોવાનું રહેશે તમે મારા ઉપર વિશ્વાસ કરો આથી મને કાળુભાઇ ઉપર વિશ્વાસ આવી ગયો હતો અને જરૂરી ડોકયુમેન્ટ સાથે રૂ. 27 હજાર કાળુભાઇને આપ્યા હતાં.

કાળુભાઇએ કહેલ કે પરીક્ષા આવશે એટલે હું તમને જણાવીશ. તમે હવે ચિન્તા ન કરતા તેનું અર્મીમાં જવાનું સપનું પણ પુરૂ થઇ જશે.

જે બાદ દોઢેક મહિના પછી મને ફોન આવેલ કે તમારા દિકરાએ ધો. 10ની દિલ્હી બોર્ડની પરીક્ષા પાસ કરી છે તેનું રીઝલ્ટ તમે લઇ જાવ આથી હું અને મારો મીત્ર સુખેવસિંહ કાળુભાઇને ઓફીસે ગયા હતા અને મેં કાળુભાઇને જણાવેલ કે મારા પુત્રએ તો પરીક્ષા આપી નથી તો કેમ પાસ થઇ ગયો ત્યારે કાળુભાઇએ અમને અવું કહયું કે, દિલ્હી સરકારે ધો. 10 ના તમામ છોકરાઓને પરીક્ષા લીધા ગર પાસ કરી દીધા છે. અને તમે નસીબદાર છો કે તમારા છોકરો પણ પરીક્ષા આપ્યા વગર પાસ થઇ ગયો છે. આથી અમે ખુશ થઇ ત્યાંથી સર્ટી લઇને ઘરે આવી ગયા હતાં.

એ પછી આર્મીની તૈયારી માટે મારા પુત્રને ધો. 11 અને ધો. 1ર પાસ કરી ખંભાળીયા ગોરીયા કોલેજ ખાતે એડમીશન મેળવી કોલેજના બે વર્ષ પાસ કરી હાલ ત્રિજા વર્ષમાં અભ્યાસ કરી રહ્યો છે. હાલમાં આર્મીની ભરતી ચાલુ હોવાથી પુત્રએ ઓનલાઇન ફોર્મ ભરી ધો. 10 માં જણાવેલ વિગત લખી આર્મીની દ્વારકા ખાતે દોડની પરીક્ષા પણ પાસ કરી લીધી હતી. અને આર્મી ઓફીસરને ધો. 10 માં પાસ થયાનું સર્ટી તેમજ લીવીંગ સર્ટી સહિતના ડોકયુમેન્ટ વેરીફીકેશન માટે જમા કરાવ્યા હતાં.

આ દરમિયાન 1પ દિવસ પછી અમને સલાયા પોલીસ મથકમાંથી ફોન આવ્યો હતો આથી મારો પુત્ર અને ભાઇ કિરીટસિંહ બન્ને પોલીસ મથકે ગયા હતા ત્યાં અમને જણાવેલ કે, ધો. 10નું દિલ્હી બોર્ડનું સર્ટી આપેલ તે આર્મીની ભરતીમાં બોગસ અને બનાવટી સર્ટી છે. આથી મેં કાળુભાઇ ગઢવીને ફોન કરતા તેમણે કહેલું કે મેં આપેલું સર્ટી. ઓરીજનલ છે. આ સર્ટી. ઓનલાઇન થયેલ નહીં હોય એટલે લોચો થયો હશે હું રાજકોટવાળા અશોકભાઇ લાખાણીને વાત કરૃં છું અને સર્ટી ઓનલાઇન કરાવી દઉં છું એવું હોય તો તમે રાજકોટ સાથે આવજો હું તમને તેમની સાથે મળાવી દઇશ આથી હું તથા મારો પુત્ર, મીત્ર સહિતના કાળુભાઇ અને તેમની સાથે દાવાભાઇ ગઢવી સાથે રાજકોટ ખોડીયારનગર-ર માં સીનીયર સેક્ધડરી સ્કુલ જઇ અશોકભાઇ લાખાણી વિશે પુછતા જાણવા મળ્યું કે અશોકભાઇનું તો અવસાન થઇ ગયું છે.

એ પછી અમેં આવતા રહ્યાં હતા અને અવાર-નવાર કાળુભાઇને ફોન કરતા તો તે ફોન ઉપાડતા ન હતા અને મહિલાઓને ફોન આપી દેતાં હતાં આથી અમને વિશ્વાસઘાત અને છેતરપીંડીનો ભોગ બન્યાનું લાગતાં અને મારા પુત્રની જીંદગી બગડી નાખતાં આ અંગે ફરીયાદ નોંધાવી છે.

પોલીસે આઘેડની ફરીયાદ પરથી કાળુ ગઢવી વિરૂધ્ધ આઇપીસી 406, 4ર0, 46પ, 467, 468, 471, 474 ની કલમ હેઠળ ગુનો નોંધી કાળુ ઉર્ફે કે. જે. ગઢવીની ખંભાળીયા પોલીસે અટકાયત કરી આ બોગસ સર્ટી. કૌભાંડમાં તેમની સાથે કોણ કોણ સામેલ છે અને આ સર્ટી કયાં બનાવ્યું સહિતની બાબતે પોલીસે વધુ પુછપરછ હાથ ધરી છે.

દ્વારકામાં લાંચ લેતા ઝડપાયેલા નાયબ કલેકટર નિહાર ભેટારીયાને સંપૂર્ણ ફરજમુકત કરાશે

નિમણૂકને 5 વર્ષ પૂર્ણ થતા ન હોય સરકારના કાયદાકીય નિયમ અનુસારની નીતિ મુજબ સંપૂર્ણ ફરજ મુકત કરાશે

દેશ દેવી ન્યુઝ નેટવર્ક જામનગર ૧૫. દ્વારકા  દેવભૂમિ દ્વારકા જિલ્લાના દ્વારકા ખાતે છેલ્લા આશરે બે વર્ષથી પ્રાંત અધિકારી તરીકે ફરજ બજાવતા વર્ગ-1ના અધિકારી એન.ડી. ભેટારીયા (નિહાર દુધાભાઈ ભેટારીયા) પાસે એક આસામી તથા તેમના બે મિત્રોને જરૂરિયાત હોવાથી પાક રક્ષણ માટે હથિયાર રાખવા અંગેનો પરવાનો મેળવવા માટેની નિયમ મુજબ દરખાસ્ત થોડા સમય પૂર્વે કરવામાં આવી હતી.

દ્વારકાની પ્રાંત કચેરીમાં કરવામાં આવેલી આ દરખાસ્ત મંજુર કરવાની સત્તા ધરાવતા પ્રાંત અધિકારી એન.ડી. ભેટારીયાએ ઉપરોક્ત અરજદારોને વ્યક્તિ દીઠ રૂપિયા એક લાખ મળી ત્રણ પરવાના માટે કુલ રૂપિયા ત્રણ લાખની રકમની માગણી કરી હતી. આથી અરજદાર દ્વારા જાગૃતિ કેળવી અને એ.સી.બી. કચેરીનો સંપર્ક સાધવામાં આવ્યો હતો. જેના અનુસંધાને ગઈકાલે સવારે ગાંધીનગરથી ખાસ આવેલા એ.સી.બી. અધિકારી તથા તેમની ટીમે દ્વારકાની પ્રાંત કચેરી ખાતે લાંચનું છટકું ગોઠવ્યું હતું. જેમાં લાંચની રકમ રૂપિયા ત્રણ લાખ સ્વીકારતા પ્રાંત અધિકારી ભેટારીયા રંગે હાથે ઝડપાઇ ગયા હતા.

આ કાર્યવાહી બાદ ઉપરોક્ત અધિકારીને એ.સી.બી. દ્વારા જિલ્લાના મુખ્ય મથક ખંભાળિયા સ્ધિત એ.સી.બી. કચેરી ખાતે લાવવામાં આવ્યા હતા. જયાં તેમની પૂછપરછ સહિતની ધોરણસરની કાર્યવાહી કરવામાં આવી હતી.

આ ટ્રેપ બાદ ઝડપાયેલા અધિકારી ભેટારીયાના દ્વારકા સ્થિત નિવાસસ્થાને એ.સી.બી.ના અધિકારીઓ દ્વારા ચેકિંગ કાર્યવાહી પણ કરવામાં આવી હતી. આજરોજ શુક્રવારે કોરોના રિપોર્ટ બાદ તેમને અહીંના મેજિસ્ટ્રેટ સમક્ષ રજૂ કરી અને રિમાન્ડની માંગણી સહિતની કાર્યવાહી કરવામાં આવનાર છે.

દેવભૂમિ દ્વારકાના ડેપ્યૂટી કલેક્ટર 3 લાખની લાંચ લેતા ઝડપાયા, એસીબી છટકુ ગોઠવી રંગેહાથ ઝડપી પાડતા ખળભળાટ..

નિહાર દુધાભાઇ ભેટારીયા, વર્ગ-1, ડેપ્યુટી કલેક્ટર (પ્રાંત અધિકારી), દેવભુમિ દ્વારકાને રૂ.3,00,000/- ની લાંચ લેતા ઝડપી લેતી ACB.

પાક રક્ષણ હથીયાર પરવાનો આપવા માંગી હતી 300000 ની લાંચ..

દ્વારકાના ઈતિહાસમાં બીજા એસડીએમ લાંચ લેતાં ઝડપાયા..

દેશ દેવી ન્યુઝ નેટવર્ક દેવભૂમિ દ્વારકા ૧૪. દ્વારકાના પ્રાંત અધિકારી નિહાર ભેટરિયા લાંચ લેતો ઝડપાયો છે. ગાંધીનગર એસીબીએ છટકુ ગોઠવી ત્રણ લાખની લાંચ લેતા લાંચિયા અધિકારીને રંગેહાથે ઝડપી પાડ્યો છે. એક જાગૃત નાગરિકની સમજદારીથી અધિકારી ઝડપાયો હતો. લાંચિયો અધિકારીએ પાક રક્ષણ હથિયાર પરવાનો આપવા લાંચ માંગી હતી.

ફરીયાદી તથા ફરીયાદીના બે મિત્રોએ પાક રક્ષણ માટે હથિયાર પરવાનો મેળવવા સારૂ પ્રાંત કચેરી, દેવભુમિ દ્વારકા ખાતે દરખાસ્ત મુકેલ હતી.

જે દરખાસ્ત મંજુર કરવા સારૂ દેવભુમિ દ્વારકાના ડેપ્યુટી કલેક્ટર (પ્રાંત અધિકારી) નાઓએ વ્યક્તિ દીઠ એક લાખ રૂપિયા, એમ કુલ ત્રણ પરવાના મંજુર કરવા સારૂ રૂ.3,00,000(ત્રણ લાખ રૂપિયા)ની લાંચના નાણાંની માંગણી કરેલ.

પરંતુ ફરીયાદી તથા અન્ય સાહેદનાઓ લાંચના નાણાં આપવા માંગતા ન હોય, ફરીયાદી તથા અન્ય સાહેદ નાઓએ એ.સી.બી.નો સંપર્ક કરેલ.

જેથી ફરીયાદીની ફરીયાદને આધારે એ.સી.બી. દ્વારા લાંચના છટકાનુ આયોજન કરવામાં આવેલ, તે લાંચના છટકા દરમ્યાન, ફરીયાદી તથા સાહેદ સાથે આરોપી નિહાર દુધાભાઇ ભેટારીયા, વર્ગ-1, ડેપ્યુટી કલેક્ટર (પ્રાંત અધિકારી) નાઓએ હેતુલક્ષી વાતચીત કરી, રૂ.3,00,000/- લાંચની માંગણી કરી, સ્વીકારી, પકડાઇ ગયેલ હોય આરોપી વિરૂધ્ધ કાયદેસરની કાર્યવાહી ચાલુમાં છે. ડેપ્યુટી કલેકટર એસીબીના છટકામાં આવી ગયાના સમાચાર વાયુવેગે પ્રસરી જતા લાંચિયા બાબુઓમાં ફફડાટ ફેલાયો છે.