જામનગરના પટેલ કોલોની નં.9 માં વેપારી ઉપર હિચકારો હુમલો..

યુવાનને રસ્તા વચ્ચે ઉભો રાખી 10 થી 12 શખસોએ માર મારતા ફ્રેકચર અને હેમરેજ જેવી ઇજાઓ પહોંચાડી ધમકી પણ આપી..

દેશ દેવી ન્યુઝ નેટવર્ક જામનગર: ૨૯  જામનગરના પટેલ કોલોની-9 ના છેડે વેપારી યુવાનને રસ્તા વચ્ચે ઉભા રાખીને છોકરાઓને કેમ માર માર્યો હતો તેમ કહીને 10 થી 12 જેટલા શખ્સોએ ગેરકાયદે મંડળી રચીને પાઇપ, લાકડી, ગેડીયા વડે હુમલો કરી ફ્રેકચર અને હેમરેજ જેવી ઇજાઓ પહોંચાડીને ધમકી દીધી હતી.

આ અંગે ચાર સહિતના શખ્સો સામે રાયોટીંગ તથા અન્ય કલમ મુજબ ફરીયાદ નોંધાવવામાં આવતા તપાસ ચલાવવામાં આવી રહી છે.

જામનગરની પટેલ કોલોની-7ના છેડે અજંતા સોસાયટી બ્લોક નં. 5 માં રહેતા દેવેન્દ્રસિંહ રણજીતસિંહ ચાવડા (ઉ.વ.45) ને ગત તા. 26ના રોજ પટેલ કોલોની-9 ના છેડે પ્રોવિઝન સ્ટોર પાસે આરોપીઓએ ગેરકાયદે મંડળી રચી એક સંપ કરી લાકડાની ગેડીઓ, પાઇપ, લાકડીઓ લઇ આવી રસ્તાની વચ્ચે ફરીયાદીને ઉભા રાખીને અમારા છોકરાઓને સાંજે કેમ મારેલ હતા તેમ કહીને અપશબ્દો કહી, જાનથી મારી નાખવાની ધમકી આપી હતી.

ઉપરાંત હુમલો કરીને હાથમાં ફ્રેકચર કરી બંને પગ તથા પીઠમાં મુંઢ ઇજા અને આંખ-કપાળના ભાગે સામાન્ય ઇજા તેમજ માથામાં હેમરેજ જેવી ગંભીર ઇજા પહોંચાડી હતી.

દેવેન્દ્રસિંહ ચાવડા દ્વારા સીટી-બી ડીવીઝનમાં વિરલ, રિધીશ, રાઠોડ, જાડેજા તેમજ સાતથી આઠ અજાણ્યા ઇસમોની વિરુઘ્ધ આઇપીસી કલમ 325, 323, 143, 146, 147, 504, 506(2), 114 તથા જીપીએકટ 135(1) મુજબ ફરીયાદ કરી હતી. ઇજાગ્રસ્તને સારવાર માટે હોસ્પીટલમાં ખસેડવામાં આવ્યો છે અને ફરીયાદ આધારે પોલીસ દ્વારા આરોપીઓની ધરપકડ કરવા ચક્રો ગતીમાન કર્યા છે.

જામનગરના દિ.પ્લોટ વિસ્તારમાં પીજીવીસીએલ કર્મચારીની ફરજમાં રૂકાવટ : સુમીત નંદા સહિત ચાર શખસ સામે ફરિયાદ

દિગ્વિજય પ્લોટ વિસ્તાર નો બનાવ: કર્મચારીને સારવાર લેવાનો વારો આવ્યો..

તહેવાર ટાણે જ વીજ ચેકિંગ હાથ ધરાતા લોકોમાં રોષ…

દેશ દેવી ન્યુઝ નેટવર્ક જામનગર: ર૮ જામનગર સીટી એ ડિવીઝન પોલીસ સ્ટેશનમાં પી.જી.વી.સી.એલ. કંપનીમાં નોકરી કરતા વિજયભાઈ દેવાયતભાઈ મોરી, ઉ.વ.3પ, રે. પોરબંદરવાળાએ ફરીયાદ નોંધાવી છે કે, તા.27-10-21ના દિ.પ્લોટ – પર માં આવેલ જીવનલાલ સામજીભાઈ ભાનુશાળીના મકાન, જામનગરમાં ફરીયાદી વિજયભાઈ તથા સાહેદ વિજ ચેકીંગ ની પોતાની કાયદેસરની ફરજ હોય ત્યારે આરોપીઓ સુમીત નંદા તથા અન્ય ત્રણ અજાણ્યા ઈસમો એ ફરીયાદી વિજયભાઈ તથા સાહેદની કાયદેસરની ફરજમાં રૂકાવટ કરી ગાળો બોલી ઢીકાપાટુનો માર મારી ફરીયાદી વિજયભાઈ તથા સાહેદને શરીરે મુંઢ ઈજા કરી જાનથી મારી નાખવાની ધમકી આપી એકબીજાની મદદગારી કરી ગુનો કરેલ છે.

કાલાવડમાં ખેતરમાં પાણી બાબતે બઘડાટી બોલી: પતિને બચાવવા ગયેલ પત્નિને પણ માર માર્યાની ફરિયાદ

દેશ દેવી ન્યુઝ નેટવર્ક જામનગર : ર૭.કાલાવડ ગ્રામ્ય પોલીસ સ્ટેશનમાં મુકતાબેન ઘનશ્યામભાઈ કપુરીયા, ઉ.વ.50, રે. ગોલણીયા ગામ વાળા એ ફરીયાદ નોંધાવી છે કે તા.27-10-21 ના ગોલણીયા ગામે ફરીયાદી મુકતાબેન તથા તેના પતિ સાહેદ ઘનશ્યામભાઈ તેઓની વાડીએ ખેતીના કામ માટે ગયેલ હોય અને ફરીયાદી મુકતાબેનની વાડીના સેઢે આરોપી વિપુલભાઈ પ્રેમજીભાઈ કપુરીયા, રે. નાગપુર ગામવાળા ની વાડી આવેલ હોય અને આરોપી વિપુલભાઈના ખેતર માંથી ફરીયાદી મુકતાબેનના ખેતરમાં પાણી આવતા સાહેદ ઘનશ્યામભાઈ આરોપી વિપુલભાઈને ખેતરમાં પાણી ન આવે તે બાબતે સમજાવવા જતા આરોપી વિપુલભાઈ એકદમ ઉશ્કેરાઈ જઈ અને સાહેદ ઘનશ્યામભાઈને જેમ ફાવે તેમ ભુંડા ગાળો બોલી ફરીયાદી મુકતાબેનની વાડીમાં પડેલ લાકડાના હાથા વાળો પાવડો લઈ સાહેદ ઘનશ્યામભાઈને પાવડા વડે એક ઘા જમણા હાથમા મારી મુંઢ ઈજા કરી ફરીયાદી મુકતાબેન તેના પતિને બચાવવા વચમા પડતા આરોપી વિપુલએ પાવડાનો એક ઘા ફરીયાદી મુકતાબેનને માથાના જમણા ભાગે મારી લોહી લુહાણ કરી ચાર ટાકા જેવી ઈજા કરી તથા પાવડાનો એક ઘા વાસાના ભગો મારી મુંઢ ઈજા કરી ફરીયાદી મુકતાબેનને તથા સાહેદને જાનથી મારી નાખવાની ધમકી આપી જિલ્લા કલેકટરના હથીયારબંધી જાહેરનામાનો ભંગ કરી ગુનો કરેલ છે.

પોલીસકર્મીઓનું આંદોલન : ગ્રેડ પે…આંદોલન શરૂ થાળી – વેલણ ખખડયાં…

ગ્રેડ – પે આંદોલનની આગ રાજ્યભરમાં પ્રસરી ગઈ…સોશિયલ મીડિયામાં ગ્રેડ પે આંદોલન મુદ્દે… જામનગરમાં મહિલાઓએ બોલાવ્યો દેકારો..!

ગુજરાત પોલીસના કર્મચારીઓએ ગ્રેડ-પે વધારવાની માગણી સાથે પહેલા સોશિયલ મિડીયા અને હવે ખુલ્લેઆમ ધરણાં સહિતના આંદોલન રાજ્ય ભરમાં શરૂ થઈ ગર્યા છે. તેવામાં જામનગરમાં પણ થાળી-વેલણ સુર ગુંજયા અને સાથ આપવાની અપીલ કરી રહ્યા છે.

જામનગરના પોલીસ કર્મીની મહિલાઓએ થાળી વગાડી વિરોધ દર્શાવ્યો..

દેશ દેવી ન્યુઝ નેટવર્ક જામનગર ૨૭. સોશિયલ મીડિયામાં ગ્રેડ પે મુદ્દે પોલીસ કર્મીઓ આંદોલન ચલાવી રહ્યા છે. અને હેડ કોન્સ્ટેબલ હાર્દિક પંડ્યા ગાંધીનગર વિધાનસભામાં ધરણા કરવા બેઠા હતા. ત્યારે તેના ટેકામાં અન્ય સ્વેચ્છિક સંસ્થાઓ પણ જોડાઈ હતી અને સટે કોઈએ ટેકો જાહેર કર્યો હતો.ત્યારે આજરોજ જામનગર સીટી પોલીસ લાઈનના પોલીસ કર્મીની પત્ની તથા બાળકો દ્વારા થાળી વગાડી ને વિરોધ દર્શાવવામાં આવી રહ્યા છે. ત્યારે પોલીસે જ પોલીસના ધર પાસે બંદોબસ્ત ગોઠવવાનો વારો આવ્યો હતો..! જેના પગલે જામનગર હેડ કવાટર્સ પોલીસ લાઈનની મહિલાઓ પણ બહોળી સંખ્યામાં રોડ પર ઉતરી આવતા ગરમા-ગરમીનો માહોલ જોવા મળ્યો હતો પરંતુ તાત્કાલિક ધોરણે પોલીસે બંદોબસ્ત ગોઠવી દેવામાં આવ્યો હતો અને સમજાવટનો પ્રયાસ કરવામાં આવી રહ્યો હતો પણ પોલીસકર્મીના પરિવારો સામે ખુદ પોલીસ પણ લાચાર બની હતી..!

બીજી બાજુ  રાજ્યના પોલીસ કર્મચારીઓને પગારની સાથે અન્ય ભથ્થા તથા સુવિધા અપાતી હોવાની સ્પષ્ટતા પણ આદેશમાં કરવામાં આવી રહી છે.

હાર્દિક પંડ્યાના આ ધારણા બાદ પોલીસ વિભાગ એક્શનમાં આવ્યું છે. અને તેને લઈને આદેશ જાહેર કરવામાં આવ્યો છે. આદેશમાં કહેવાયું છે કે પગાર અને અન્ય ભથ્થાઓ સરકાર દ્વારા આપવામાં આવી રહ્યા છે.

જેમાં કોન્સ્ટેબલનો પગાર 18 હજારથી 56900,  હેડ કોન્સ્ટેબલનો પગાર 21700 થી 69 હજારની આસપાસનો હોવાનું કહેવામાં આવ્યું છે મદદનીશ પોલીસ ઇન્સ્પેકટરનો પગાર પણ 25500 થી 81 હજારની આસપાસ છે.

આ આદેશમાં પોલીસ વિભાગે બે મુદ્દા સ્પષ્ટ કર્યા છે. સાતમાં પગાર પંચ પ્રમાણે પગાર આપવામાં આવી રહ્યું છે. તેમજ અન્ય ભથ્થા આપવામાં આવી રહ્યા છે. ઝઅ, ઉઅ અને રજાઓમાં વધારો કરવામાં આવ્યો છે. આમ છતાં કોઈ કર્મચારીને તકલીફ હોય તો તે પોલીસ ફોરમમાં તેની રજૂઆત કરી શકે છે. હાલ તો આંદોલનને વેગ મળી રહ્યો હોય તેવું લાગી રહ્યું છે.

જામજોધપુર તાલુકાના કોટડા બાવીસી ગામે સસ્તા અનાજના ગેરકાયદે જથ્થા અંગે જિલ્લા પુરવઠા તંત્રની કાર્યવાહી..

ચોખાના 301 કટ્ટા તેમજ ટ્રક મળી કુલ 7.25 લાખનો મુદ્દામાલ સ્થગિત કરાયો.. કડબાલ ગામની વ્યાજબી ભાવની દુકાનેથી ચોખાનો જથ્થો ભરાયાનું ખૂલતાં દુકાનદારનો પરવાનો મોકુફ કરી ફરિયાદ દાખલ કરવા અંગે તંત્ર દ્વારા કાર્યવાહી હાથ ધરાઈ.. દેશ દેવી ન્યુઝ નેટવર્ક જામનગર,26 ઓકટોબર જામજોધપુર તાલુકાના કોટડાબાવીસી ગામના પાટીયા પાસે વ્રજ ફુડ પ્રોડકટસ નામની દુકાન/ગોડાઉનમાં વાજબી ભાવની દુકાનનો શંકાસ્પદ જથ્થો ઉતરતો હોવાની પોલીસ વિભાગ દ્વારા  જામજોધપુરને ટેલિફોનિક જાણ કરવામાં આવી હતી

જેના અનુસંધાને મામલતદાર જામજોધપુર અને ટીમ દ્વારા ગત તા.૨૪/૧૦/૨૦૨૧ ના રોજ સ્થળની આકસ્મિક તપાસણી કરવામાં આવતાં વ્રજ ફુડ પ્રોડકટસ નામની દુકાન/ગોડાઉન ખાતેથી ચોખાના ૫૦ કિ.ગ્રા.ના એક એવા કુલ-૩૦૧ કટૃાઓ જેનો કુલ ચોખાનો જથ્થો તેમજ ટાટા કંપનીના ટ્રક નંબર GJ04AW1891 ની હાલની બજારકિંમત રૂા. ૫,૦૦,૦૦૦/- થાય છે આ બંન્ને મળી કુલ રૂા.૭,૨૫,૦૦૦/- નો જથ્થો સ્થગિત કરવામાં આવેલ છે.

તપાસણી દરમ્યાન ડ્રાયવરના નિવેદન મુજબ તેઓ દ્વારા કડબાલ ગામની વ્યાજબી ભાવની દુકાન ખાતેથી ચોખાનો જથ્થો ભરવામાં આવેલ હોવાનું જણાવેલ. જે અન્વયે જિલ્લા પુરવઠા અઘિકારી અને પુરવઠા નિરીક્ષકોની ટીમ સાથે આસી.ડાયરેકટર ગાંધીનગરની ટીમ તથા મામલતદાર જામજોધપુર અને ટીમ દ્વારા તા.૨૫/૧૦/૨૦૨૧ ના રોજ વિશેષ તપાસણી અર્થે કડબાલ ગામના વ્યાજબી ભાવના દુકાનદાર ભાયાભાઇ જીવાભાઇ બેલાની દુકાનની તપાસણી કરવામાં આવેલ અને તપાસણીમાં જણાયેલ ગેરરીતિઓ બદલ દુકાને હાજર કુલ રૂા. ૧,૨૭,૧૮૪/- કિંમતનો તમામ જથ્થો સ્થગિત કરવામાં આવેલ છે

તેમજ આ અંગે એફ.પી.એસ. દુકાનદારનો પરવાનો મોકુફ કરવા, પોલીસ ફરીયાદ દાખલ કરવા તેમજ ગેરકાયદેસર ઉતરેલ જથ્થાની વિસ્તૃત તપાસ શરૂ હોય, આ પ્રકરણમાં સંડોવાયેલા તથા ગુન્હાહિત પ્રવૃતિઓ આચરનાર તમામ ઇસમો સામે સખ્ત પગલાં લેવા અંગેની કાર્યવાહી તંત્ર દ્વારા હાથ ધરવામાં આવી છે.

તેમજ આગામી સમયમાં પણ આ પ્રકારની ગેરકાયદે પ્રવૃત્તિ કરતા સસ્તાં અનાજના પરવાનેદારો વિરુદ્ધ સખત કાયદાકીય કાર્યવાહી હાથ ધરવામાં આવશે તેમ જિલ્લા પુરવઠા અધિકારી  જામનગર દ્વારા જણાવાયું છે.

જામનગરના શાપર નજીક બોલેરોમાં થતી શરાબની હેરાફેરીનો પર્દાફાશ: દારૂનો જંગી જથ્થો ઝડપાયો

બોલેરો, અંગ્રેજી શરાબની 600 બોટલ સહિત કુલ રૂા.6.56 લાખનો મુદ્દામાલ જપ્ત : બે શખસની ધરપકડ..

કૃષ્ણપાલસિંહ કરણસિંહ જાડેજાને મળેલ ખાનગી બાતમીના આધારે મળી મોટી સફળતા..

દેશ દેવી ન્યુઝ નેટવર્ક ૨૭.જામનગર તાલુકાના શાપરના પાટિયાથી ગામ તરફ જવાના માર્ગ પરથી પસાર થતા બોલેરા પીકઅપ વાહનને આંતરીને પોલીસે તલાશી લેતા તેમાંથી રૂપિયા ત્રણ લાખની કિંમતની 600 બોટલ દારૂ અને બોલેરો સહિત રૂા.6,56,500 ના મુદ્દામાલ સાથે બે શખ્સોને ઝડપી લઇ વધુ પૂછપરછ આરંભી હતી. લાલપુર ગામમાંથી પોલીસે શખ્સને દારૂની બોટલ સાથે ઝડપી લઇ વધુ કાર્યવાહી આરંભી હતી.

આ અંગેની વિગત મુજબ જામનગર તાલુકાના શાપર ગામમાં પાટિયાથી ગામમાં જવાના માર્ગ પરથી દારૂના જથ્થા સાથે વાહન પસાર થવાની મળેલી બાતમીના આધારે પીએસઆઇ જે.ડી.પરમાર તથા સ્ટાફ  એ.એસ.આઇ જયરાજસિંહ રામસિંહ જાડેજા તથા પો.કોન્સ ભુપેન્દ્રસિંહ મહીપતસિંહ જાડેજા તથા પો.કોન્સ જીજ્ઞેશ પરમાર, જયરાજસિંહ ઘનશ્યામસિંહ રાણા વિગેરે વોચ ગોઠવી પસાર થતા જીજે10 ટીટી 1293 નંબરના બોલેરો પીકઅપ વાહનને આંતરીને તલાશી લેતા વાહનમાંથી રૂપિયા ત્રણ લાખની કિંમતની 600 નંગ દારૂની બોટલો મળી આવતા પોલીસે દારૂનો જથ્થો અને રૂા.3.50 લાખની કિંમતની પીકઅપ વાહન અને રૂા.6,500 ની કિંમતના ચાર મોબાઇલ સહિત રૂા.6,56,500ના મુદ્દામાલ સાથે

(1) રમેશભાઇ હીરાભાઇ ખીંટ
(જાતે ભરવાડ ઉ.વ 23 ધંધો અભ્યાસ રહે.પલાસવા ગામ તા.રાપર જી.પુર્વ કચ્છ)
(2) લખમણભાઇ મેપાભાઇ ગળચર
(જાતે રબારી ઉ.વ 22 ધંધો ડ્રાઇવીંગ રહે.ખોડા પીપર ગામ તા.પડધરી જી.રાજકોટ) નામના બે શખ્સોને ઝડપી લઇ ગુનો નોંધી વધુ પૂછપરછ હાથ ધરી હતી અને દારૂનો જથ્થો કોની પાસેથી ખરીદ કરી અને કોને આપવા જતા હતા તે અંગેની વિગતો મેળવવા તપાસ આરંભી હતી.