ચાઈલ્ડલાઈન 1098 દ્વારા દરેડ વિસ્તારના વિવિધ કારખાનોની મુલાકત લઈ બાળમજુરી અંગેની ચકાસણી કરાઈ

દેશ દેવી ન્યુઝ જામનગર ૧૩ જૂન ૨૨.જામનગર ચાઈલ્ડલાઈન 1098ના પ્રોજેક્ટ ડાયરેક્ટના માર્ગદર્શન હેઠળ 12 જૂન વિશ્વ બાળમજુરી વિરોધી દિવસની ચાઈલ્ડલાઈન 1098 ટીમ દ્વારા ઉજવણી કરવાના હેતુથી જામનગરના દરેડ ફેસ-2ના વિવિધ વિસ્તારોમાં ચાલતા કારખાનોની ચાઈલ્ડલાઈન 1098 દ્વારા આકસ્મિક તપાસણી કરવામાં આવી હતી. મુલાકાત દરમ્યાન ચકાસણી કરવામાં આવેલ કે કારખાનાઓમાં કામ કરવા માટે રાખવામાં આવેલ કારીગરો કે મજૂરોની ઉમર 18 વર્ષથી વધુ છે કે નહી. કારખાનાની તપાસ દરમ્યાન અમુક કારીગરો અને મજૂરોની ઉમર 18 વર્ષથી નાની હોય એવા શંકાસ્પદ લાગતા કારીગરો અને મજુરોના ઉમરના પુરાવા 1098 ટીમ દ્વારા માંગવામાં આવ્યા હતા. કારીગરો અને મજુરોની સાથે ઉમરના પુરાવા ન હોવાથી એ પુરાવા ફોનમાં મંગાવવામાં આવેલ. આ પુરાવાઓની ચકાસણી દરમ્યાન પુરવાર થયેલ કે કારીગરો અને મજુરોની ઉમર 18 વર્ષ ઉપરની હતી. કારખાનામાં ચાલુ કામના સ્થળોની મુલાકાત કરતા સમયે ચાઈલ્ડલાઈન 1098ની ટીમને કારખાનાના માલિકો અને સંચાલકોનો ખુબ સારો અને સકારાત્મક સહયોગ મળેલ અને 18 વર્ષથી નાના બાળકોને કારખાનામાં કામ કરવા માટે ન રાખવા જોઈએ એ બાબતે પણ તેમનામાં સકારાત્મક વલણ જોવા મળેલ.કારખાનાની મુલાકાત દરમ્યાન કારખાનાના માલિક અથવા સંચાલક સાથે પ્રાથમિક વાતચીત દરમ્યાન ચાઈલ્ડલાઈન 1098 દ્વારા બાળકો માટે કરવામાં આવતી કામગીરીની માહિતી આપવામાં આવેલ સાથો સાથ 1098 ટીમ દ્વારા કારખાનાના માલિકોને એવી પણ રજૂઆત કરવામાં આવેલ કે તેમના કારખાનામાં કામ કરતા જે પણ કારીગરો કે મજુરોની ઉમર શંકાસ્પદ લાગે તેવી હોય તેના ઉંમરના પુરાવા માટે સ્કુલ લીવીંગ સર્ટીફીકેટ અથવા તો જન્મના દાખલા મેળવીને ફાઈલ કારખાનામાં જ રાખવામાં આવે એ ઉપરાંત કારખાનામાં કામ કરતા તમામ કારીગરો કે મજુરોના પ્રાથમિક ડોક્યુમેન્ટની ફાઈલ મેન્ટેન કરવા આવે.આ ડોક્યુમેન્ટના આધારે કારખાનામાં કામ કરનાર દરેક વ્યક્તિની પ્રાથમિક માહિતી કારખાનાના માલિકો પાસે હોય તો ભવિષ્યમાં કોઈ અઈચ્છનીય બનાવ કે ઘટનાબને ત્યારે કારીગરો કે મજુરોની તમામ માહિતી ઉપલબ્ધ થઈ શકે. કારખાના માલિકોને એ પણ માહિતી અપાઈ કે કારખાનામાં જયારે પણ કારીગરો કે મજુરો લેવાના થાય ત્યારે તેમનું પોલીસ વેરીફીકેશ કરાવ્યા બાદ જ કામ પર રાખવામાં આવે તો તે કારખાના અને તેમાં કામ કરતા લોકો વધુ સુરક્ષિત રહેશે.કારખાનાઓની મુલાકાત દરમ્યાન બાળ મજુરી અટકાવવા તેમજ ચાઈલ્ડલાઈન 1098ની સેવાના પ્રચાર-પ્રસારના હેતુથી કારખાનાના શટરો અને ગેટ પર સ્ટિકરો લગાડવામાં આવેલ અને લોકોને પેમ્પ્લેટ વિતરણ કરી બાળ મજૂરી અંગે જાગૃત કરવામાં આવેલ.

ચાંદી બજાર વાણિયાવાડમાં મોતનો નગ્નનાચ: વૃદ્ધે જીવ ગુમાવ્યો..

શહેરના મોટાભાગના વિસ્તારોમાં વકરેલી માથાના દુખાવા સમી સમસ્યા સામે તંત્રવાહકો મુકપ્રેક્ષક

જામનગરમાં રખડતા ઢોરનો જીવલેણ આતંક , વધુ એક વૃદ્ધે જીવ ગુમાવ્યો બજાર પાસે વાણીયાવાડ વિસ્તારનો બનાવ , ઘરેથી નિકળેલા વેપારી વૃધ્ધને ઢોરે ઢીકે ચડાવ્યા , સારવાર પૂર્વે મોત..

દેશ દેવી ન્યૂઝ જામનગર ૧૩ જૂન ૨૨.જામનગર શહેરમાં રખડતા ઢોરનો ત્રાસ વધુ એક વખત જીવલેણ બન્યો છે.જેમાં ચાંદી બજાર વિસ્તારમાં રહેતા એક વેપારી વૃધ્ધને ઘર નજીક જ વાણીયાવાડ વિસ્તાર પાસે રખડતા ઢોરે ઢીકે ચડાવતા બેભાન હાલતમાં તેઓને તુરંત હોસ્પીટલમાં લઇ જવાતા સારવાર પુર્વે તેનુ મૃત્યુ નિપજ્યું હોવાનો બનાવ બહાર આવ્યો છે . જામનગર સહિત આજુબાજુના સિમાડા પરના માર્ગો પર રખડતા ઢોરના અડીંગા હવે સામાન્ય બન્યા છે.તંત્રવાહકોના ભેદી મૌન અને બેદરકારી વચ્ચે માથાના દુખાવા સમાન બનેલી રખડતા ઢોરની સમસ્યા વધુ એકવાર જીવલેણ બની હોવાનુ સામે આવ્યુ છે જેમાં શહેરના ચાંદી બજાર વિસ્તાર પાસે રહેતા ભરતભાઇ જેઠાલાલ બોસમીયા નામના પાંસઠ વર્ષીય વેપારી વૃધ્ધ ઘરેથી નિકળ્યા હતા . જે બાદ તેઓ ઘર નજીક વાણીયાવાડ વિસ્તાર પાસે પસાર થઇ રહયા હતા ત્યારે રખડતા ઢોરએ તેઓને ઢીકે ચડાવ્યા હતા આથી માથાના ભાગે ઇજા સાથે બેશુદ્ર બની તેઓ ઢળી પડતા તુરંત જ સારવાર માટે જી.જી. હોસ્પીટલ ખાતે લઇ જવાયા હતા જયાં સારવાર મળે એ પુર્વે જ તેનુ મૃત્યુ નિપજયાનુ તબીબે જાહેર કર્યુ હતુ.આ બનાવની જાણ થતા હોસ્પીટલ ચોકી પોલીસ સ્ટાફ પણ દોડી ગયો હતો અત્રે ઉલ્લેખનીય છેકે , શહેરમાં લગભગ તમામ મુખ્ય માર્ગો ઉપરાંત નાની મોટી ગલીઓમાં છેલ્લા કેટલાક સમયથી રખડતા ઢોરના ત્રાસે માઝા મુકી છે.જેના પગલે સામાન્ય અકસ્માતના બનાવો રોજીંદા બન્યા છે.છેલ્લા અમુક સમયગાળા દરમિયાન જ રખડતા ઢોરના કારણે અડધો ડઝન જેટલી માનવી જીંદગી હોમાઇ હોવાનુ સામે આવ્યુ છે.ત્યારે તંત્રવાહકો કયારે જાગશે ? આવા ઢોરમાલિકો સામે ફોજદારી પગલા ભરશે ? કે કેમ એવા આક્રોશ સાથે શહેરીજનોમાં રોષની લાગણી વ્યાપી છે. બીજી બાજુ ગાયે અન્ય નાગરિકને ઢીકે ચડાવ્યાનું સામે આવ્યું છે.હાલ તો હચમચાવી નાખે તેવી કરૂણ ઘટનામાં વધુ એક નિદોષ વૃદ્ધે જીવ ગુમાવતા લોકોમાં આક્રોશ ફાટી નિકળ્યો છે.

સિક્કાની સગીરાના અપહરણમાં કેસમાં તપાસનો ધમધમાટ : પોક્સોની કલમ ઉમેરાઇ

મુખ્ય આરોપી રીયાજ મુસ્તાક ગંઢાર નામના શખ્સની ધરપકડ 

સગીરાને ભગાડી જવામાં મદદગારી બે શખ્સોની પણ અટકાયત

ઉપયોગમાં લેવાયેલી કાર-મોબાઈલ કબજે કરતી પોલીસ

દેશ દેવી ન્યુઝ જામનગર તા. ૧૧ જૂન ૨૨  : જામનગર તાલુકાના સિક્કા ગામ માં ટી.પી.એસ. કોલોનીમાં રહેતી 17 વર્ષીય સગીરાનું ગત 8મી તારીખે અપહરણ થઈ ગયું હતું. જે અપહરણ ના બનાવ અંગે સગીરાના માતા દ્વારા સિક્કા પોલીસ મથકમાં ફરિયાદ નોંધાવાઈ હતી .

પ્રકરણમાં પોલીસે સઘન તપાસ હાથ ધરી સિક્કા ગામમાં જ રહેતા રીયાજ મુસ્તાક ગંઢાર નામના એક શખ્સની ધરપકડ કરી લીધી છે, અને તેની પાસેથી સગીરાનો કબજો છોડાવી લઇ મેડિકલ તપાસ કરાવી હતી. જેમાં સગીરા સાથે દુષ્કર્મ થયું હોવાથી પોલીસે આરોપી રિયાઝ સંઘાર સામે 363, અને 366 ની કલમ ઉપરાંત 376 અને પોક્સો એક્ટની કલમ 4-6 નો ઉમેરો કર્યો છે.આ પ્રકરણમાં મદદગારી કરનારા મુખ્ય આરોપી રિયાઝ ના અન્ય બે પિતરાઇ ભાઇઓના પણ નામો ખુલ્યા હતા. જેઓએ કારની વ્યવસ્થા કરીને તરુણીને ભગાડી જવામાં મદદગારી કરી હતી. આથી પોલીસે અન્ય બે આરોપીઓ એજાજ ઈકબાલ ગંઢાર અને અફઝલ સાલેમામદ ગંઢાર ની પણ અટકાયત કરી લઈ એક કાર, મોબાઈલ ફોન, સહિતની સામગ્રી કબજે કરી લીધી છે. આ બનાવને લઇને સિક્કા પંથકમાં ભારે ચકચાર જાગી છે.પોલીસની પ્રાથમિક પૂછપરછમાં દરમિયાન સગીરાના અન્ય દાખલાઓ ના આધારે આરોપી દ્વારા જામનગરમાં મૈત્રી કરાર ના દસ્તાવેજો પણ કરાવી લીધા હોવાનું જાણવા મળ્યું છે. જે નોટરી કરાર કબજે કરી લઇ તેની પણ ખરાઇ કરવામાં આવી રહી છે.

જામનગરનાં વિશ્વ વિખ્યાત શ્રી બાલા હનુમાન સંકિર્તન મંદિરના પ્રમુખ તરીકે લોહાણા સમાજના પ્રમુખ જીતુભાઇ લાલની વરણી

દેશ દેવી ન્યુઝ.જામનગર 1O. જામનગરના ગીનીશબુક ઓફ વર્લ્ડ રેકોર્ડમાં સ્થાન પામેલ વિશ્વ વિખ્યાત શ્રી બાલા હનુમાન સંકિર્તન મંદિરના પ્રમુખ તરીકે લોહાણા સમાજના પ્રમુખ જીતુભાઇ લાલની બનીહરીફ વરણી થઇ છે. આ વરણીને લઇ લાલ પરિવાર તથા લોહાણા સમાજમાં ખુશી સાથે જીતુભાઇને અભિનંદન પાઠવવામાં આવ્યા હતાં. વિશ્વ વિખ્યાત અને અખંડ રામધૂનથી સુપ્રસિધ્ધ એવા જામનગરના બાલા હનુમાન સંકિર્તન મંદિર ટ્રસ્ટમાં પ્રમુખ તરીકે લોહાણા સમાજના પ્રમુખ એવા જીતુભાઇ લાલની બિનહરિફ વરણી કરવામાં આવી છે. શિયાળો, ઉનાળો, ચોમાસુ સહિતની દરેક સિઝનમાં પણ બાલા હનુમાન મંદિરમાં અખંડ રામધૂનની જ્યોત ચાલી રહી છે. આ વિશ્વ વિખ્યાત મંદિરના ટ્રસ્ટના પ્રમુખ તરીકે જીતુભાઇ લાલની વરણી થતાં રઘુવંશી સમાજ તેમજ રાજકીય અગ્રણીઓ દ્વારા જીતુભાઇ લાલને શુભેચ્છાઓ પાઠવવામાં આવી હતી.

જી.જી.હોસ્પિટલમાં તબિબ પર હુમલો કરનાર પરબત ચેતરિયાની અટકાયત 

દેશ દેવી ન્યુઝ જામનગર O9.જામનગરની સરકારી જી.જી. હોસ્પિટલ ના ટી.બી.વિભાગ માં એક તબિબ પર ફડાકા વાળી કરાયા પછી મામલો ગરમાયો હતો, અને તબીબ પર હુમલો કરવા અંગે સીટી બી. ડિવિઝન પોલીસ મથકમાં ફરિયાદ નોંધાવી હતી.જે ફરિયાદ પહેલાંજ જી. જી. હોસ્પિટલમાં સારવાર મેળવી રહેલા દર્દી રાણાભાઇ આલાભાઈ ચેતરીયા ઉંમર (68)હોસ્પિટલમાંથી રજા લીધા વિના ભાગી છૂટ્યા હતા. તેઓની તપાસમાં કલ્યાણપુર તાલુકાના લાંબા ગામના વતની હોવાનું જાણવા મળ્યું હતું.ઉપરાંત સીસીટીવી ફૂટેજ વગેરેની ચકાસણી કરવામાં આવતાં તેનો પુત્ર પરબત રાણાભાઇ ચેતરીયા હુમલાખોર હોવાનું માલુમ પડ્યું હતું. જેથી સીટી બી. ડિવિઝન પીઆઈ એસ એમ રાદડિયા અને તેમની ટીમે આરોપી પરબત ચેતરિયા ને અટકાયતમાં લઇ લીધો છે, અને તેના કોવિડ ટેસ્ટ ની કાર્યવાહી ચાલી રહી છે. જે દરમિયાન તેની ડિટેઇન કરીને સીટી બી. ડિવિઝન પોલીસ મથકમાં કોરેન્ટેઇન કરીને રાખવામાં આવ્યો છે.

જામનગરમાં નવતર કિમીયાથી લોકો પાસેથી પૈસા ખંખેરતા બે ઝડપાયા

અકસ્માત કરી સામે વાળા વ્યકિતને ધમકાવીને નુકસાનીના પૈસા પડાવતા બેની ધરપકડદેશ દેવી ન્યુઝ જામનગર O8 જામનગર શહેરમાં ખોટી રીતે અકસ્માત કરી સામાવાળાને ધમકાવી ડરાવી અને નુકસાનીના રૂપિયા પડાવવા માટેની ગેંગ ઘણાં સમયથી સક્રિય થઈ હતી જેથી પોલીસવડા દ્વારા આ પ્રકારના ગુનાઓ અટકાવવા માટે કરાયેલી તાકીદ સંદર્ભે પોલીસે તપાસ આરંભી હતી.

દરમિયાન હેકો ફૈઝલ ચાવડા અને પો.કો. મહેન્દ્રસિંહ જાડેજાને મળેલી બાતમીના આધારે જિલ્લા પોલીસવડા પ્રેમસુખ ડેલુની સૂચના અને ઈન્ચાર્જ ડીવાયએસપી જે.એસ. ચાવડાના માર્ગદર્શન હેઠળ પીઆઈ કે.એલ. ગાધે, પીએસઆઈ આર.એલ. ઓડેદરા, ઉદ્યોગ ચોકીના પીએસઆઈ આર.ડી. ગોહિલ, હેકો પ્રદિપસિંહ જાડેજા, ફૈઝલ મામદ ચાવડા, હેકો જાવેદભાઈ વગોળ, પો.કો. વિજયભાઈ કાનાણી, રવિભાઈ શર્મા, વિજય કારેણા, હિતેન્દ્રસિંહ જાડેજા, ખીમશીભાઈ ડાંગર સહિતના એ શંકરટેકરી રામનગર વિસ્તારમાંથી ગુલામે મુસ્તફા ઉર્ફે લાલુ બોદુ બ્લોચ અને સદામ આદમ ખીરા નામના બે શખ્સોને ઝડપી લીધા હતાં.

આ બન્ને શખ્સો ખોટી રીતે અકસ્માત કરી સામેવાળાને ડરાવી નુકસાનીના પૈસા આપવા પડશે નકર અમે પોલીસ ફરિયાદ કરશું તેવી ધમકી આપી પૈસા ઉઘરાવતા હોય જેથી પોલીસે જાહેર જનતા જોગ અપીલ કરીને આ શખ્સો દ્વારા ભોગ બનેલા કોઇપણ વ્યકિતને જામનગર પોલીસનો સંપર્ક કરવો તેવી અપીલ કરી હતી.

નવાગામ ઘેડ ઇન્દીરા સોસાયટીમાં શ્વાનને નિર્દયતાથી માર-મારતો વિડીઓ સામે આવતા અરેરાટી: દંપતિ તાળુ મારી ગુમ..!!

નવાગામ ધેડ ઈન્દીરા સોસાયટી શેરી નંબર -૯ માં  રાત્રીનો બનાવા : પાડોશી છોડાવા પડતા દંપતિએ મનફાવે તેવી ગાળો ભાડી..

નિદોષ શ્વાસને બર્બરતા પૂર્વક માર મારતા શ્વાનના મોત થયાના અહેવાલથી અરેરાટી વ્યાપી ગઈ

પ્રાણી અત્યાચાર નિવારણ કાયદા હેઠળ ફરિયાદ નોંધાવવા જીવદયા પ્રેમીઓની માંગ.

દેશ દેવી ન્યુઝ જામનગર 08. જામનગર શહેરના નવાગામ ઘેડ સોસાયટીમાં રાત્રીના ભાગે નિદોષ શ્વાનને દંપતિ દ્વારા દંડા વડે નિર્દયતાથી માર મારતા શ્વાનની ચીચયારી સાંભળી આજુબાજુના રહીશો જાગી ગયા હતા અને અબોલ શ્વાનને છોડાવાના પ્રયાસ કર્યાં હતો પરંતુ દંપતિએ પાડોશીને મનફાવે તેવી ગાંળો ભાડતા સામસામે આવી ગયા હતા તે સમગ્ર ઘટના કેમેરામાં કેદ થઈ હોવાનું વિડીઓમાં સ્પષ્ટ જણાઇ રહ્યું છે.બેરહમીપૂર્વક મારને કારણે શ્વાનને ગુપ્ત ભાગે ગંભીર ઇજા પહોંચી હતી અને કણસતી હાલતમાં તેનું સવારે મોત થયાની વાત વાયુવેગે પ્રસરી જતા ઈન્દીરા સોસાયટીમાં માર મારનાર ઉપર ફિટકાર વરસી રહ્યો છે.નિર્દોષ શ્વાનને બર્બરતા પૂર્વક માર મારતો વીડિયો વાયરલ થતા જીવદયા પ્રેમીઓએ જવાબદાર વિરૂદ્ધ પશુ ક્રુરતા અધિનિયમ હેઠળ ગુનો નોંધી કાયદેસરની કાર્યવાહી કરવાની માંગ કરી રહ્યા છે. જો કે, દેશ દેવી ન્યુઝ આ વાયરલ વીડિયોની પુષ્ટિ કરતું નથી.