સિક્કામાં પતિએ સુતેલી પત્નિનીને આડેધડ છરીના ૧૪ ઘા’ જીક્યા: પત્નિ જીવન મરણ વચ્ચે..

છેલ્લા ૬ વર્ષથી ચાલતો અણબનાવ બન્યો હાફ મર્ડરનું કારણ : મહિલા સારવાર હેઠળ

દેશ દેવી ન્યુઝ જામનગર ૧૭ ઓગસ્ટ ૨૨ જામનગરના સિક્કામાં પતિ પત્નિ વચ્ચેનો અણબનાવે રોદ્ર રૂપ ધારણ કર્યું પતિએ સુતેલી પત્નિને આડેધડ છરીઓના ધા મારી દઈ જીવલેણ હુમલો કરતા નાના ચકચાર મચી જવા પામેલ જામનગર શહેરના સિક્કામાં નાગાણી સરમત ફીસીરીઝ કોલોનીમાં રહેતા સખીનાબેન દાઉદ ગજણ નામની મહિલાને છેલ્લા ઘણા વર્ષથી પોતાના પતિ દાઉદ આમદ ગજણ સાથે અણબનાવ ચાલતો હોય તેને લઈને મહિલા સવારના પોતાના ઘરે સુતી હોય ત્યારે તેનો પતિ અચાનક છરી લઇને ઘસી આવેલ અને નિદ્રાધીન પત્નિ કાઈ સમજે તે પહેલા શરીરે પેટના ભાગે છરીના પાંચ ઘા તથા ડાબા હાથે કોણી તથા કાંડા વચ્ચે છરીના ત્રણ ઘા કરી તથા ડાબા ખંભા ઉપર છરીનો એક ઘા કરી ફરાર થઈ ગયો હતો.

અચાનક થયેલ જીવણેલ હુમલો કરતા નાસભાગ મચી ગઇ હતી ઘટના સ્થળે લોહીના ખાબોચીયા ભરાઇ ગયા હતા મહિલાને તાબડતોબ જામનગરની સરકારી હોસ્પિટલમાં ખસેડાવામાં આવી હતી જ્યા તેના ઉપર શસ્ત્રક્રિયા કરવામાં આવી હતી અને મહિલાની હાલત ગંભીર હોવાનું મનાઈ રહ્યું છે.  બનાવની જાણ થતા સિક્કા પોલીસ સ્ટેશનના PSI વી. કે ગઢવી તથા સ્ટાફ  જામનગર ખાતે દોડી આવી બનાવની વિગત મેળવી હતી પોલીસે મહિલાની ફરીયાદ પરથી ઇ.પી.કો કલમ ૩૦૭, ૩૨૪, ૫૦૪, ૫૦૬ ( ૨ ) તથા જી.પી. એકટ કલમ ૧૩૫ (૧) મુજબ ગુનોં દાખલ કરી આરોપીની શોધખોળ આદરી છે.

જામનગરમાં રાજપુત કરણી સેનાનો ગૌ પ્રેમ: લમ્પી વાઇરસમાંથી ગૌધન મૂક્ત થાય તે માટે રુદ્ર અભિષેક-શિવપૂજા

• સચાણાના હંસેશ્વર મહાદેવ મંદિરે રુદ્ર અભિષેક શિવ પૂજા તેમજ શિવભક્તો માટે પ્રસાદનું આયોજન કરાયું

દેશ દેવી ન્યુઝ જામનગર ૧૬ ઓગસ્ટ ૨૨ જામનગર: સમગ્ર રાજ્યમાં લમ્પી વાઇરસ ફેલાયો છે. ત્યારે જામનગરમાં રાજપુત કરણી સેના દ્વારા લમ્પી વાઇરસને અટકાવવા માટે શિવજીને રુદ્ર અભિષેક કરાયો હતો. જામનગરથી 25 કિ.મી દુર આવેલા સચાણા ગામમાં હંસેશ્વર મહાદેવ મંદિર આવેલું છે ત્યાં રુદ્ર અભિષેક શિવ પૂજા તેમજ શિવભક્તો માટે પ્રસાદ તથા ફરારનું આયોજન કરવામાં આવ્યું હતું.

લમ્પી વાઇરસમાંથી ગૌમાતા તદ્દન મૂક્ત થાય તે માટે મહારુદ્રી અભિષેક તથા શિવપૂજાનું આયોજન કરવામાં આવ્યું હતું. જેમાં રાજપૂત કરણીસેના પ્રદેશ સંગઠનના હોદેદારો જિલ્લા સંગઠનના દોલુભા જાડેજા, મુળરાજસિંહ ઝાલા, સૂરપાલસિંહ વાળા, રાજભા ઝાલા, વિજયસિંહ જાડેજા તેમજ રાજપૂત સમાજના તમામ સંગઠનના હોદ્દેદારો 700થી વધુ સંખ્યામાં હાજર રહ્યા હતા અને પવિત્ર શ્રાવણ માસમાં ઉપસ્થિત રહી શિવપૂજા અને અને પ્રસાદની વ્યવસ્થા કરી હતી.

જામનગરમાં વેપારીના ઘેર થયેલી ચોરીનો ભેદ કલાકોમાં જ ઉકેલાયો

• 7.40 લાખની માલમત્તા સાથે જામનગરના જ બે તસ્કરોને પોલીસે ઝડપી પાડ્યા.

દેશ દેવી ન્યુઝ જામનગર ૧૩ ઓગસ્ટ ૨૨ જામનગરમાં કાલાવડ નાકા બહારના વિસ્તારમાં એક રહેણાંક મકાનને કોઈ તસ્કરોએ નિશાન બનાવી લીધું હતું, અને મકાનમાંથી રોકડ રકમ અને સોનાના દાગીના ની ચોરી થઈ હતી. જે ચોરીનો ભેદ ઉકેલવામાં પોલીસને સફળતા સાંપડી છે, અને ગણતરીના કલાકોમાં જ બે તસ્કરોને ચોરાઉ માલમતા સાથે ઝડપી પાડ્યા છે.જામનગરમાં કાલાવડ નાકા બહાર ખંભોત્રી ફળી વિસ્તારમાં રહેતા ઉવેશ બસીરભાઈ લુસવાલા નામના મેમણ વેપારીના રહેણાક મકાનમાંથી પરમદીને સાંજે 5.00 વાગ્યાથી રાત્રિના 10.00 વાગ્યા સુધીના સમયગાળા દરમિયાન કોઈ તસ્કરો રૂપિયા એક લાખની રોકડ અને સોનાના દાગીના સહિત 7.40 લાખની માલમતા ઉઠાવી ગયા હતા. જે ચોરીના બનાવ અંગે સીટી એ. ડિવિઝન પોલીસ મથકમાં ફરિયાદ નોંધાવવામાં આવી હતી.દરમિયાન ઉપરોક્ત ફરિયાદના અનુસંધાને સિટી એ. ડિવિઝનના પી.આઇ મહાવીરસિંહ જે. જેલુ  અને તેમની ટીમે ગણતરીના કલાકોમાં જ ચોરીનો ભેદ ઉકેલી નાખ્યો છે, અને જામનગરમાં જ રહેતા મોહમ્મદ રફીક દૂધવાલા તેમજ ઇકામુદ્દીન દરવાન નામના બે શખ્સોને ઝડપી પાડ્યા છે, અને તેઓ પાસેથી રૂપિયા 75 હજારની રોકડ રકમ અને સોનાના દાગીના વગેરે મળી 7.40 લાખની ચોરાઉ માલમતા કબજે કરી લીધી છે, અને બંનેની ઘનિષ્ઠ પૂછપરછ હાથ ધરી છે.

જામનગરના પટણીવાડ વિસ્તારમાં રહેણાંક મકાનમાં રૂા.7.40 લાખની મત્તાની ચોરી : પોલીસ તપાસનો ધમધમાટ

• જાણભેદુ હોવાની આશંકા વચ્ચે તપાસનો ધમધમાટ
• ગઇકાલે સાંજે પ થી ૧૦ વાગ્યા વચ્ચેનો બનાવ

દેશ દેવી ન્યુઝ જામનગર: ૧૨ ઓગસ્ટ ૨૨ જામનગર શહેરમાં કાલાવડ નાકા બહાર પટણી વાડ વિસ્તારમાં આવેલી ખંભોત્રી ફળીમાં રહેતાં મેમણ વેપારી ઉવેશ બસીરભાઈ લુસવાલા નામના યુવાનના બંધ મકાનમાં રક્ષાબંધનના દિવસે સાંજના 5 થી રાત્રિના 10 વાગ્યા સુધીના પાંચ કલાકના સમય દરમિયાન તસ્કરો ત્રાટકયા હતાં અને તસ્કરોએ મુખ્ય દરવાજાનું તાળુ કોઇ હથિયાર વડે કાપીને ઉપરના માળે આવેલા રૂમમાં પ્રવેશ કર્યો હતો અને રૂમના કબાટના તાળા તોડી તેમાં રાખેલો દોઢ તોલાનો સોનાની સરવાળો સેટ, અઢી તોલાનો સોનાનો કાળા મોતીના સરવાળા બે મંગલસુત્ર, સાડા પાંચ તોલાના સોનાના બે નંગ પાટલા, બે સોનાની વીંટી, સોનાના ત્રણ નંગ પેડલ, કાનની જુદા જુદા પ્રકારની બુટીઓની છ જોડી, એક પોણા તોલાનો સોનાનો ચેઈન સહિત રૂા.6.65 લાખની કિંમતના પોણા પંદર તોલાના સોનાના દાગીના અને 75 હજારની રોકડ રકમ મળી કુલ રૂા.7,40,000 ની કિંમતની માલમતા ચોરી કરી લઇ ગયા હતાં.આ બનાવ અંગે ઘરે પરત ફરેલા વેપારી ઉવેશભાઈ દ્વારા જાણ કરાતા પીઆઇ મહાવીરસિંહ જે.જલુ  તથા સ્ટાફ ઘટનાસ્થળે દોડી ગયો હતો અને ગુનાશોધક શ્વાન તથા એફએસએલની મદદ વડે ચોરીનો ભેદ ઉકેલવા તપાસના ચક્રો ગતિમાન કર્યા હતાં. જો કે, પોલીસના પ્રાથમિક તારણમાં ચોરી કરનાર કોઇ જાણભેદુ હોવાની આશંકાએ તે દિશામાં તપાસ આરંભી હતી.

જામનગરમાં ચર્ચાસ્પદ બનેલ ફડાકાકાંડમાં વાહન ચાલક સામે ફરિયાદ

આરોપી :- સીલ્વર કલરના એક્સેસ મો.સા રજી નં- GJ10-BL-9843 ના ચાલક 

• જામનગર ટ્રાફિક પોલીસ દ્વારા તાત્કાલીક જવાનને ફરજ મુક્ત કરી દેવાયો છે.
• વિકલાંક યુવાન અગાઉ પણ ટ્રાફિક પોલિસ સાથે ડખ્ખો કરી ચૂક્યો છે. તેવામાં ફરી બ્રિગ્રેડ સાથે બબાલ કરી
• જામનગર શહેરમાં ચર્ચાસ્પદ બનેલ ફડાકા કાંડમાં નવો વણાંક આવ્યો છે. પોતાની ફરજ બજાવતા TRB જવાનને અપશબ્દ બોલી ઉશ્કેરાવટ વાતાવરણ ઉભુ કરનાર એકટીવા ચાલક સામે અંતે ગુનોં નોંધાયો

દેશ દેવી ન્યુઝ ૧૨ ઓગસ્ટ ૨૨ જામનગર શહેરના નાગનાથ સર્કલ પાસે ગઈકાલે સાંજના સમયે ટ્રાફીક જામ સર્જાયો હોય અને એક વિકલાંગ અને ટ્રાફીક બ્રિગેડના જવાન વચ્ચે ગાળાગાળી સાથે બોલાચાલી થઈ હતી તેવામાં TRB જવાને સ્કૂટર ચાલકને ફડાકો ઝીંકી દીધાનો વિડીયો સોશ્યલ મીડીયામાં વાયરલ થતાં ચકચાર મચી જવા પામી છે. બીજી બાજુ સ્કૂટર ચાલકે ટ્રાફિક બ્રિગેડના જવાનન ગાળો ભાંડી હોવાનું સામે આવ્યું છે.શહેરમાં ટ્રાફીક નિયમન માટે ટ્રાફીક પોલીસ વિભાગ દ્વારા ટ્રાફીક બ્રિગેડના જવાનોને રોજમદાર તરીકે રાખ્યા છે . તેઓને શહેરના જુદા જુદા વિસ્તારમાં ટ્રાફીક નિયમન માટે ફરજ પર રાખવામાં આવ્યા છે અને ટ્રાફીક નિયમન કરાવે છે . ત્યારે ગઈકાલે શહેરના નાગનાથ ચોકડી પાસે ટ્રાફીક વોર્ડન ટ્રાફીક નિયમન કરાવી રહ્યા હતાં. તેમ છતાં ટ્રાફીક ચક્કાજામ હતો, ત્યારે એક હાથે વિકલાંગ યુવાન સ્કુટર લઈને નિકળ્યો હતો અને કોઈ બાબતે ટ્રાફીક વોર્ડન સાથે માથાકુટ થઈ અને અપશબ્દો બોલી બોલાચાલી કરી હતી જેથી બ્રિગેડ જવાને ફડાકો ચોડી દીધો હતો આ સમયે લોકો એકઠા થયા હતાં અને થોડીવાર માટે ટ્રાફીક જામ થઈ ગયો હતો . એકઠા થયેલા લોકોમાંથી કોઈએ મોબાઈલમાં વિડીયો ઉતારી લીધો હતો અને સોશ્યલ મીડીયામાં વાયરલ કરતાં પોલીસ બેડામાં સારી એવી ચર્ચા જાગી છે. જે બાદ પોલીસે દશરથસિંહ વનરાજસિંહ વાઢેરની ફરિયાદ પરથી વાહનચાલક સામે ઈ.પી.કો. કલમ ૨૯૪ ( ખ ) , ૫૦૪ મુજબ ગુનોં નોંધી આરોપીની શોધખોળ આદરી છે.

કલ્યાણપુર પંથકમાં લેન્ડ ગ્રેબીંગની ફરિયાદ

• દેવળીયામાં ભાડાનું મકાન ખાલી નહીં કરતા શખસ સામે ફોજદારી
• મકાન ભાડે રાખ્યા બાદ અવાર-નવાર ખાલી કરવાનું કહેવા છતાં ખાલી ન કરાતા થઈ ફોજદારી

દેશ દેવી ન્યુઝ જામનગર ૧૦ ઓગસ્ટ ૨૨  ખંભાળિયા: કલ્યાણપુર તાલુકાના દેવળીયા ગામે રહેતા અને ખેત વ્યવસાય સાથે સંકળાયેલા હરદાસભાઈ કાનાભાઈ ડુવા નામના 35 વર્ષના આહિર યુવાને આ જ વિસ્તારમાં રહેતા દિલીપ રાણાભાઈ અંકલેશ્વરીયા નામના શખ્સ પાસેથી વર્ષ 2016 માં એક ખુલ્લો પ્લોટ વેચાણ દસ્તાવેજથી ખરીદ કરી અને તેના પર બાંધકામ કરીને આ મકાન વર્ષ 2018 માં દિલીપ અંકલેશ્વરીયાને ભાડેથી રહેવા માટે આપ્યું હતું.મકાન માલિક હરદાસભાઈએ આરોપી દિલીપ અંકલેશ્વરીયાને વારંવાર મકાન ખાલી કરવાનું કહેતા આ શખ્સ દ્વારા તેમનું મકાન ખાલી કરવામાં આવતું ન હતું. આથી આશરે રૂપિયા 9,00,000 જેટલી કિંમતનું મકાન પચાવી પાડવા હરદાસભાઈ કાનાભાઈ ડુવા દ્વારા કલ્યાણપુર પોલીસ મથકમાં દિલીપ રાણાભાઈ અંકલેશ્વરીયા સામે ફરિયાદ નોંધાવવામાં આવતા પોલીસે ગુજરાત જમીન પચાવી પાડવા અધિનિયમ અંતર્ગત ગુનો નોંધી, આગળની તપાસ જિલ્લા પોલીસ અધિક્ષક નિતેશ પાંડેયેની રાહબરી હેઠળ ડીવાયએસપી નીલમ ગોસ્વામી દ્વારા હાથ ધરવામાં આવી છે.

જામનગરના ધરાનગરમાં બની ગોજારી ઘટના: તાજીયાના જુલુસ વેળાએ વીજ શોક લાગતા સર્જાયો અકસ્માત

• હેવી વોલ્ટેજ વીજ લાઇનમાં તાજીયાનો ભાગ અડી જતા ૧૫ લોકો દાઝયા: બે ના મોતથી અરેરાટી
• બનાવની જાણ થતા પોલીસ વડા પ્રેમસુખ ડેલું અને નાયબ પોલિસ અધિક્ષક જયવીરસિંહ ઝાલા હોસ્પિટલ દોડી ગયા
• મૃતકનું નામ આશીફ મલેક ઉવર્ષ- ૨૪ અને મહોમદ વાહીદ હુશેન ઉવર્ષ-૨૫ અન્ય એકની હાલત ગંભીર હોવાનું મનાય રહ્યું છે

દેશ દેવી ન્યુઝ જામનગર o૯ ઓગસ્ટ ૨૨ જામનગર શહેરના ધરાનગર વિસ્તારમાં તાજીયાના જુલુસ વેળાને ૧૫ લોકોને વીજ શોક લાગતા તમામને સરકારી હોસ્પિટલમાં ખસેડાયા હતા જયા બે લોકોના મોત થતા અરેરાટી વ્યાપી ગઇ હતી

સુત્રોમાંથી મળતી વિગત મુજબ શહેરના ધરાનગર વિસ્તારમાં મહોરમ પર્વ નિમીતે તાજીયા કાઢતી વેળાએ ઉપરથી પસાર થતી હેવી વોલ્ટેજ વીજ લાઈનમાં તાજીયાનો ભાગ અડી જતા ગોઝારો અકરમાત સર્જાયો હતો જેમાં ૧૫ જેટલા લોકો દાઝયા હતા અને બે લોકોના મોત થયા હતા અચાનક બનેલી ઘટનામાં નાશભાગ મચી ગઈ હતી તમામને જામનગરની જીજી હોસ્પિટલમાં ખસેડાયા હતા બનાવની જાણ થતા જ લોકોના ટોળા એકઠા થયા હતા હોસ્પિટલના ટ્રોમા વાર્ડેમાં માતમ છવાઈ ગયો હતો.વોર્ડ નં-૨ના સ્થાનિક કોર્પોરેટર જયરાજસિંહ જાડેજા અને જયેન્દ્રસિંહ ઝાલા સહિતના મુુુસ્લીમ આગેવાનો દોડી ગયા હતા ઘટનાના પગલે એસ.પી પ્રેમસુખ ડેલું તથા Dysp જયવીર સિહ ઝાલા સહિતનો પોલીસ કાફલો તાબડતોબ જી.જી હોસ્પિટલ ખાતે પહોંચ્યા હતા.

કલેકટર કચેરીના પટાંગણમાં પેટ્રોલ છાંટી લેતા અફડાતફડીના દ્રશ્યો સર્જાયા

• મુખ્યમંત્રીની બેઠક દરમિયાન શહેર કોંગ્રેસ પ્રમુખનો આત્મવિલોપનનો પ્રયાસ 
• આરોપી :- ( ૧ ) વીરેન્દ્રસીહ ઉર્ફે દીગુભા ટેમુભા જાડેજા જામનગર શહેર ક્રોગ્રેસ પ્રમુખ ( ર ) પાર્થ પટેલ – કોંગ્રેસ કાર્યકર વિરૂદ્ધ ગુનો દાખલ: કાર્યકરોમાં રોષ..
• જામનગર શહેરમાં લમ્પી વાયરસની કામગીરીમાં ઢીલી નીતિનો આક્ષેપ કરાયો

દેશ દેવી ન્યૂઝ જામનગર ૦૭ ઓગસ્ટ ૨૨ જામનગરમાં મુખ્યમંત્રીની બેઠક દરમિયાન શહેર કોંગ્રેસ પ્રમુખે કલેકટર કચેરીના પટાંગણમાં પેટ્રોલ છાંટી આત્મવિલોપનનો પ્રયાસ કરતા ભારે અફડાતફડીના દ્રશ્યો જોવા મળ્યા હતાં. તેમણે શહે૨માં લમ્પી વાયરસની કામગીરીમાં ઢીલી નીતિનો આક્ષેપ કરી આ પગલું ભર્યાનું જણાવ્યું હતું . જામનગરમાં શનિવારે લમ્પી વાયરસની સમીક્ષા અર્થે આવેલા રાજયના મુખ્યમંત્રી ભુપેન્દ્ર પટેલે કલેકટર કચેરીના સભાખંડમાં અધિકારીઓ સાથે બેઠક કરી હતી. કલેકટર કચેરીમાં બીજા માળે ચાલી રહેલી બેઠક દરમિયાન જામનગર શહેરકોંગ્રેસ પ્રમુખ દિગુભા જાડેજા કચેરીના પટાંગણમાં કારમાં ધસી આવ્યા હતાં . જયાં તેને પોતાની ક્રેટા કારમાંથી પેટ્રોલનું ડબલુ કાઢી માથા પર રેડી દીધા પછી આત્મવિલોપનનો પ્રયાસ કરતા હોબાળો મચી ગયો હતો . આથી પોલીસે દિગુભા તથા સાથેના શહેર કોંગ્રેસના મહામંત્રીની અટકાયત કરી લીધી હતી . લમ્પી વાયરસમાં ઢીલી કામગીરી સામે રોષ વ્યકત કરી આત્મ વિલોપનનો પ્રયાસ કર્યાનું કોંગી પ્રમુખે જણાવ્યું હતું. જેથી પોલીસ હરક્તમાં આવી અને બંને આગેવાનોની અટકાયત કરી તેની વિરુદ્ધ IPC ક્લમ -૩૦૭, ૩૩૨,૧૮૬ ,૧૧૪ મુજબ હત્યાની કોશિશ સહિતની કલમ હેઠળ ગુનો દાખલ કરી ક્રેટા કાર અને મોબાઈલ સહિતનો મુદામાલ કબ્જે કર્યોં છે. હાલમાં આ મુદાને લઈ ગુજરાતભરમાં સારી એવી ચર્ચાં જગાડી છે.