જામનગરમાં ‘લવ જેહાદ’નો વધુ એક કેસ!?

• રજીસ્ટ્રાર અધિકારી હરેશભાઈ કુકડિયાએ જાણીને નોટિસ બોર્ડે ઉપર લગાડેલી અરજીમાં છેડછાડ કર્યાનો હિન્દુ સેના અને ધર્મ જાગરણ મંચનો આક્ષેપ
• જવાબદાર અધિકારી  વિરદ્ધ પગલા લેવા કરાઇ માંગ

દેશ દેવી ન્યુઝ જામનગર ૦૫ સપ્ટેમ્બર ૨૨ જામનગર જિલ્લામાં લવ જેહાદ ના કેસમાં દિન પ્રતિદિન વધારો જોવા મળ્યો છે. ત્યારે જામનગરમાં તા. 3-9-2022 ના રોજ લવ જેહાદ નો કિસ્સો સામે આવેલ હતો. આ અંગે જીલ્લા કલેક્ટરને અધિકારી વિરુઘ્ધ યોગ્ય પગલાં ભરવા માટે ધર્મ જાગરણ મંચ અને હિન્દુ સેના દ્વારા આજ રોજ રેલી રૂપે ક્લેક્ટરને આવેદનપત્ર આપ્યું હતું

જેમાં સબ-રજીસ્ટ્રાર દ્વારા લગ્ન નોંધણી કરવામાં આવેલ હતી જેમાં હિન્દુ સમાજ ની દિકરી ને મુસ્લિમ સમાજ ના દીકરો હોય અને તે નોટિસ બોર્ડે ઉપર લગાડેલી અરજી મા ઈનવર્ડ નંબર કે રાજીસ્ટેસન ની તારીખ જાણી જોઈને લવ જેહાદ ને પ્રોત્સાહન આપવા માટે સરકારી અધિકારી થઈ ગંભીર કૃત્ય કરેલ હોય જેવું માલુમ પડતાં તેમને લોકો સમક્ષ ધર્મ જાગરણ મંચ દ્વારા ખુલ્લા પાડેલ છે.લગ્ન નોંધણી રજીસ્ટ્રાર અધિકારી હરેશભાઈ કુકડિયા ની વિરુઘ્ધ સમસ્ત હિન્દુ સમાજ તેમજ દરેક હિન્દુ સંગઠનો તેમનો સખ્ત વિરોધ કરે છે. અને તેમના વિરુઘ્ધ ઉચ્ચ અધિકારીઓ દ્વારા કાયદેસરની કાર્યવાહી કરે અને જે જવાબદાર હોય તેમને સસ્પેન્ડ કરવામાં આવે. તેવી દરેક હિન્દુ સમાજ ની માંગણી છે.

આ અંગેની વિસ્તૃત અહેવાલ મુજબ, જામનગર જિલ્લા સેવાસદનમાં આવેલી લગ્ન નોંધણીની કચેરીમાં એક મુસ્લિમ યુવક અને હિન્દુ યુવતીએ કરેલા રજીસ્ટર મેરેજ અંગે નિયમ મુજબ લગાવવાની થતી યાદીમાં જાણીજોઈને અમુક વિગતો લખવામાં ન આવી હોવાની જાણ જામનગરની હિન્દુ સેનાના પ્રમુખ પ્રતિક ભટ્ટ વગેરેને થતા તે કચેરીમાં હિન્દુ સેનાના પદાધિકારીઓ પહોંચ્યા હતા. ત્યાં તેઓએ કરેલી ચકાસણીમાં લગાડવામાં આવેલી એક યાદીમાં કેટલીક વિગતો લખવામાં આવી ન હોવાનું જણાઈ ન આવતા ઉહાપોહ મચ્યો હતો.હિન્દુ સેનાએ જવાબદાર અધિકારીને તે બાબતે પૂછતા તેઓએ ભૂલથી આ વિગતો લખાઈ નથી તેવો પોકળ ખૂલાસો કર્યો હતો જેની સામે હિન્દુ સેનાએ પ્રકોપ વ્યક્ત કર્યો છે. હિન્દુ સેના દ્વારા જણાવવામાં આવ્યા મુજબ મેરેજ કરાવનાર જવાબદાર કર્મચારીએ જાણીજોઈને પ્રોસેસમાં ખામી રાખી છે, નોટીસ બોર્ડ પર મુકવામાં આવેલી નોટીસમાં તારીખ અને રજીસ્ટર નંબર જાણીજોઈને નાખવામાં આવ્યા નથી. તેથી આવી રીતે નોટીસ છેડખાની કરી જવાબદાર અધિકારી લવ જેહાદને પ્રોત્સાહન આપી રહ્યા છે. તેથી આ બાબતને ગંભીરતાથી લઈને જવાબદાર સામે કડક કાર્યવાહી કરવાની માંગણી કરાઈ છે. જેને લઈ આજરોજ કલેક્ટર કચેરી ખાતે હિન્દુ સેના અને ધર્મ જાગરણ મંચના કાર્યકરો બહોળી સંખ્યામાં ઉપસ્થિત રહી ક્લેક્ટરને આવેદન આપવામાં આવ્યું હતું તેમાં હિન્દુસેનાના પ્રતિક ભટ્ટ, ભરતભાઈ ફલીયા ધર્મ જાગરણ મંચના યુવરાજ સોલંકી સહિતના કાર્યકરો ઉપસ્થિત રહ્યા હતા.

જામનગરના ગાંધીનગર ખાતે હાલાર માજી સૈનિક મંડળની કારોબારી યોજાઈ :

• શહીદ વિરોને ઉચ્ચ સહાય સાથે પરીવારજનોને આજીવન પેન્શન તથા દારૂની પરમીટ લેવામાંથી મુક્તિ સહિતની માગણી સ્વીકારતા માજી સૈનિકોમાં હરખની હેલી
• હવેથી દારૂની પરમીટ બનાવવાની કે ફી ચૂકવાની રહેશે નહી કાર્ડ ઉપરથી મેળવી શકાશે.
• માજી સૈનિકોને “સાંસદ વિર વંદના” પ્રસન્નતાપત્ર એનાયત કરવામાં આવ્યા હતા

દેશ દેવી ન્યુઝ જામનગર તા. oપ સપ્ટેમ્બર ૨૨ જામનગર શહેરના ગાંધીનગર ખાતે હાલાર માજી સૈનિક મંડળના પ્રમુખ ભરતસિંહ જાડેજાના અધ્યક્ષ સ્થાને કારોબારી મીટીંગ યોજાઇ હતી તેમાં માજી સૈનિકોએ રાજ્ય સરકારના નિર્ણયને આવકાર્યો હતોરાજ્ય સરકાર દ્વારા ગુજરાતના માજી સૈનિકોને અગાઉ રૂપિયા એક લાખની સહાય આપવામાં આવતી હતી તે વધારીને એક કરોડ રૂપિયા સુધી કરાઇ હતી અને દારૂની પરમિટ બનાવવા માટે જે ફી ચૂકવવામાં આવતી તેમાંથી પણ મુક્તિ આપવામાં આવતા માજી સૈનિકો આનંદની લાગણી ફેલાઇ હતીસરકાર દ્વારા માજી સનિકોના પરીવારજનોને પાંચ લાખ સુધીની ઉચ્ચ સહાયની જાહેરાત કરાઈ હતી અને તેના ધર્મપત્ની કે પરીવારજનોને આજીવન પેન્સનની જાહેરાત પણ કરવામાં આવી હતી વધુમાં કોઈ પણ સૈનિક પોતાના કાર્ડ ઉપરથી દારૂ મેળવી શકશે. આ  કારોબારી મીટીગમાં બહોળી સંખ્યામાં માજી સૈનિકો ઉપસ્થિત રહતા હતા.

હુમલા પ્રકરણમાં ૩ ભરવાડ સામે ફરીયાદ: ઢોરની સમસ્યાને લઈ મનપા આકરા પાણીએ.

• આરોપી : (૧) રામ ભરવાડ (૨) ધર્મેશ ભરવાડ (૩) મચ્છા ભરવાડ
• પોલીસ કોન્સ.રાહુલ મકવાણાનો કાઠલો પકડવો પડ્યો ભારી.
• જામ્યુકોની સોંલીડ વેસ્ટ શાખાના રાજભા સતાજી જાડેજા બન્યા ફરિયાદી

દેશ દેવી ન્યુઝ જામનગર તા.o૩ સપ્ટેમ્બર ૨૨ જામનગરમાં રણજીતસાગર રોડ પર મારૂં કંસારાની વાડી પાસે રખડતા ઢોર પકડવાની કામગીરી દરમ્યાન પશુપાલકોએ પોલીસ કર્મી સાથે ઝપાઝપી કરી હુમલો કરતા અફડાતફડી મચી ગઇ હતી . પોલીસ સાથે ઝપાઝપી કરી રામ ભરવાડ મચ્છો અને ધર્મેશ નામના ત્રણેય શખસો નાસી છૂટયા હતાં. પોલીસે બનાવ અંગે ગુનો નોંધી ત્રણ ઢોર માલિકોની ધરપકડ કરી છે. પોલીસકર્મીનો કાઠલો પકડી ઢોર છોડાવવું પડ્યું ભારી વધુ એક ફોજદારી ફરિયાદ નોંધાઇ છે.જામનગરમાં રખડતા ઢોરનો ત્રાસ દૂર કરવા મહાનગરપાલિકા દ્રારા ચાર ટીમ બનાવી પોલીસને સાથે રાખી ત્રણ શિફટમાં ઢોર પકડવાની કામગીરી કરવામાં આવી રહી છે . જે અંતર્ગત શુક્રવારે સવારે શહેરના રણજીતસાગર રોડ પર મારૂં કંસારાની વાડી પાસે મનપાની ટીમ દ્વારા પોલીસને સાથે રાખી રખડતા ઢોર પકડવામાં આવી રહ્યા હતાં તે દરમિયાન ઢોર પકડતી વેળા ઢોર માલિકોએ પોલીસ કર્મી સાથે બોલાચાલી અને ઝપાઝપી કરી હુમલો કર્યો હતો . આથી ભારે તંગદીલી સર્જાઈ હતી તે બાદ પોલીસકર્મીનો કાાંઠલો પકડી ઢોર છોડાવી પશુ માલિકો નાસી છૂટયા હતાં .બનાવ અંગે મનપાના કર્મચારી રાજેન્દ્રસિંહ જાડેજાએ ફરિયાદ નોંધાવતા પોલીસે રામ ભરવાડ , ધર્મેશ ભરવાડ અને મચ્છા ભરવાડ સામે હુમલો અને ફરજમાં રૂકાવટ સહિત IPC કલમ ૩૩૨,૧૮૬, ૫૦૬ (૨) ૧૧૪, ૧૮૮ તથા જી.પી એકટ ૯૦(એ) મુજબ ગુનો નોંધી ત્રણેયની ધરપકડ કરી હતી. વધુ તપાસ સીટી – એ ના  PSI આઇ.આઇ નોયડા ચલાવી રહ્યા છે.

જામનગરના મોરકંડા પંથકની ધારી પાસે કોળી યુવાનની કરપીણ હત્યાથી અરેરાટી

• હત્યારાઓની ભાળ મેળવવા પોલીસ ઉંદ્યા માથે
• પોલીસે અલગ અલગ ટીમો બનાવી હત્યારાની શોધખોળ આદરી.
• પ્રમ પ્રકરણ કે જૂની અદાવત કારણભૂત છે કે કેમ.? તે દિશામાં સધન તપાસ.

દેશ દેવી ન્યુઝ જામનગર તા.૩ સપ્ટેમબર ૨૨ જામનગર શહેર નજીક આવેલા મોરકંડા ધારી વિસ્તારમાં કોળી હત્યાની ઘટના બની હોવાના સમાચાર મળતા પંચ – બી પોલીસ ટીમ ઘટનાસ્થળે દોડી ગઈ હતી અને તપાસ કરતા મૃતક યુવાન જામનગર ગોકુલનગરનો રહીશ હોવાનું ખુલ્યું હતું. જેને લઇ પોલીસે તે દિશામાં તપાસ આરંભી હતીઆ મૃતદેહને જી.જી. હોસ્પિટલમાં ખસેડવામાં આવ્યો હતો . પોલીસસૂત્રો પાસેથી પ્રાપ્ત થતી પ્રાથમિક માહિતી અનુસાર જામનગર પાસે આવેલા મોરકંડા ધાર વિસ્તારમાં એક મૃતદેહ પડ્યો હોવાની માહિતી મળતા શુક્રવારે રાત્રે પંચ – બી પોલીસની ટીમ ઘટના સ્થળે દોડી ગઈ હતી અને મૃતદેહનો કબજો મેળવીને તપાસ આરંભી હતી .

પોલીસ તપાસમાં મૃતક યુવકનું નામ સુરેશ ઉર્ફે ગડો રમેશભાઈ મકવાણા ( ઉ.વ. 24 ) હોવાનું ખુલ્યું હતું ,અને સુરેશ જામનગર શહેરના ગોકુલનગર વિસ્તારનો રહેવાસી હોવાનું પણ પોલીસને જાણવા મળ્યું હતું . સુરેશના માથા અને મોઢાના ભાગ પર બોથડ પદાર્થના ઘા મારીને હત્યા નીપજાવવામાં આવી હતી.પોલીસે ઘટના સ્થળે પંચનામુ કરીને મૃતદેહને પોસ્ટમોર્ટમ માટે જામનગરની જી.જી. હોસ્પિટલમાં ખસેડ્યો હતો અને હત્યારાના સગડ દબાવ્યા હતા. ગ્રામ્ય Dyspની રાહબરી હેઠળ PSI જપદિપસિંહ પરમાર અને તેની ટીમે મોડીરાત્રે પંચ – બી પોલીસ સ્ટેશનમાં આઇપીસી કલમ 302 મુજબ ગુનો નોંધવાની તજવીજ હાથ ધરી હતી.

જામનગરમાં 20 PSIની ઓતરિક બદલી કરતા જીલ્લા પોલીસ વડા પ્રેમસુખ ડેલું

દેશ દેવી ન્યુઝ 02 સપ્ટેમ્બર ૨૨ જામનગર સીટી-સીના રવિરાજસિંહ ગોહીલ જોડીયા, સીટી- એના મોઢવાણીયા ટ્રાફિક શાખામાં, પંચ-બીના જયદીપસિંહ પરમાર સીટી-એમાં તથા સીટી-બીના એમ. એન જાડેજા લાલપુર મુકાયા હતા.

જિલ્લા પોલીસ વડા પ્રેમસુખ ડેલું દ્વારા જિલ્લામાં એક સાથે વીસ પીએસઆઇની આંતરિક બદલીઓ કરી છે . જેમાં ખાસ કરીને સતત ત્રણ વર્ષથી એક જ સ્થળે નોકરી કરતા કર્મચારીઓની બદલી કરવામાં આવી છે. જેમાં શહેરના સીટી-એ, બી અને સી ડિવિઝનનો સમાવેશ થયો છે.

દડિયામાં જુની અદાવતમાં બબાલ: સામ-સામી ફરીયાદ જૂની અદાવત કારણભૂત:

દેશ દેવી ન્યુઝ જામનગર ૦૨ સપ્ટેમ્બર ૨૨ જામનગર: દડીયા ગામે મનીષ પાન વાળી શેરીમાં રહેતા પ્રવિણભાઈ બચુભાઈ હરવરા, ઉ.વ.૪ર એ પંચ બી પોલીસ સ્ટેશનમાં ફરીયાદ નોંધાવી છે કે, આરોપીઓ અભય હરવરા, રોહિત હરવરા એ ફરીયાદી પ્રવિણભાઈ આશાપુરા એગ્રો નામની દુકાન પાસે પહોંચતા આરોપી અભય હરવરા એ ફરીયાદી પ્રવિણભાઈને ગાળો આપેલ અને ત્યાંથી તેનું બુલેટ લઈને નીકળી ગયેલ ત્યારબાદ થોડીવાર પછી આરોપીઓ બુલેટમાં આવી ફરીયાદી પ્રવિણભાઈને જાનથી મારી નાખવાની ધમકી આપી ભુંડી ગાળો બોલી ગુનો કરેલ છે.જયારે સામા પક્ષે દડીયા ગામે રામ મંદિર શેરી નંબર-૪ માં રહેતા રોહિત અશોકભાઈ હરવરા ઉ.વ.૨૩ એ પંચ બી પોલીસ સ્ટેશનમાં ફરીયાદ નોંધાવી છે હતી આરોપીઓ શૈલેષભાઈ હરવરા, જગદીશભાઈ હરવરા, વિશાલભાઈ હરવરા, અનિરૃઘ્ધ હરવરા એ ફરીયાદી રોહિત તથા સાહેદ બંન્ને જણા સાથે બુલેટમાં જતા હતા ત્યારે મનીષ પાન નામની દુકાન પાસે પહોંચતા આરોપી શૈલેષભાઈ, જગદીશભાઈ તથા વિશાલભાઈ એ ફરીયાદી રોહિત તથા સાહેદને રોકી કહેલ કે તમે અગાઉ સુજીત ને માર મારેલ હતો અને તેના કેસ કોર્ટમાં ચાલુ છે જે બાબતનો ખાર રાખી જાનથી મારી નાખીશું તેમ ધમકી આપી જાહેરમાં મનફાવે તેવીભુંડી ગાળો બોલી આરોપીઓએ ત્યાંથી નીકળી ગયેલ ત્યારબાદ આરોપી અનિરૃઘ્ધ તથા સાહેદ પાસે જઈને જેમફાવે તેમ ભુ્રંડીગાળો બોલી ગુનો કરેલ છે.

જામનગરમાં ટાઉનહોલ પાસે જીપ ચાલકે પાર્ક કરેલા વાહનોને કચડ્યા

• જીપે વાહનોનો બૂકડો બોલાવ્યાના CCTV આવ્યા સામે.
• જીપ ચાલકે વાહન માલીકોને સ્કૂટર રીપેરીંગ કરાવી આપવાની ખાતરી આપતા મામલો થાળે.

દેશ દેવી ન્યુઝ જામનગર તા.૦૨ સપ્ટેમબર ૨૨ જામનગર શહેરના ટાઉનહોલ પાસે જીપ ચાલકે પાર્ક કરાયેલા વાહનોને અડફેટ લઈ કરચણઘાણ કાઢી નાખતા વાહન માલિકો દોડી ગયા હતા ગાડી અથડાયા નો ઘડાકો થતા  લોકોના ટોળા એકઠા થયા હતા તે જોઈ  જીપ ચાલક ગાડી મુકી ફરાર થઈ ગયો હતોબાદમાં જીપના મૂળ માલિક બનાવની જગ્યાએ આવી જતા નુકસાન પામેલ વાહન માલીકોના વાહન રીપેર કરાવી અથવા વળતર આપવાની તૈયારી દર્શાવતા મામલો થાળે પડ્યો હતો જેથી વાહન માલીકોએ ફરીયાદ કરવાનું ટાવ્યું હતું હાલ જીપે અકસ્માત સર્જાયો હોવાની વાતે શહેરભરમાં સારી એવી ચર્ચા જગાડી છે.

મુખ્યમંત્રી ભુપેન્દ્રભાઈ પટેલનું ધ્રોલ ખાતે ભાવભીનું સ્વાગત કરતા મહાનુભાવો

દેશ દેવી ન્યુઝ જામનગરતા. ૦૧ સપ્ટેમ્બર જિલ્લાના ધ્રોલ તાલુકાના માવાપર ગામ ખાતે રૂ. ૩૧૧૬ લાખના ખર્ચે નવનિર્માણ પામનાર સેન્ટર ઓફ એક્ષલન્સ ફોર હોર્ટીકલ્ચર ક્રોપના ખાતમુહર્ત પ્રસંગે પધારેલા મુખ્યમંત્રી ભુપેન્દ્રભાઈ પટેલ ધ્રોલ હેલિપેડ ખાતે આવી પહોંચ્યા હતા. જ્યાં તેમનું કૃષિમંત્રી રાઘવજીભાઈ પટેલ, સાંસદ પૂનમબેન માડમ, ધારાસભ્ય ધર્મેન્દ્રસિંહ જાડેજા, જિલ્લા પંચાયત પ્રમુખ ધરમશીભાઈ ચનિયારા, જિલ્લા પંચાયત કારોબારી સમિતિના અધ્યક્ષ ભરતભાઈ બોરસદિયા, જામનગર શહેર ભાજપ પ્રમુખ ડો. વિમલભાઈ કગથરા, જિલ્લા ભાજપ પ્રમુખ રમેશભાઈ મુંગરા, કૃષિ વિભાગ અધિક મુખ્ય સચિવ મુકેશભાઈ પૂરી, જિલ્લા કલેકટર સૌરભ પારઘી, જિલ્લા વિકાસ અધિકારી મિહિરભાઈ પટેલ, જિલ્લા પોલીસ અધિક્ષક પ્રેમસુખ ડેલું તેમજ ઉપસ્થિત અન્ય મહાનુભાવોએ ભાવભર્યું સ્વાગત કર્યું હતું.આ તકે મુખ્યમંત્રી ભુપેન્દ્રભાઈ પટેલ સાથે રાજ્યમંત્રી અરવિંદભાઈ રૈયાણી તથા રાજ્યમંત્રી બ્રિજેશભાઈ મેરજા ઉપસ્થિત રહ્યા હતા.

જામનગરમાં ઓપન સૌરાષ્ટ્ર મોદક સ્પર્ધામાં રમેશ જોટંગીયા વિજેતા, 12 મોદકી ઝાપટી ગ્યા!

• બ્રહ્મ સોશિયલ ગુ્રપ દ્વારા યોજાયેલ સ્પર્ધામાં 31 સ્પર્ધકો હાજર રહ્યાં 
• મહિલાઓમાં જામનગરના પદમીનીબેન ગજેરા 9 લાડુ આરોગી અને બાળકોમાં ઓમ જોશી 5 લાડુ આરોગી વિજેતા બન્યા

દેશ દેવી ન્યુઝ જામનગર તા.૩૧ ઓગસ્ટ ૨૨ : જામનગર શહરેમાં છેલ્લા 13 વર્ષથી મોદક સ્પર્ધાનું આયોજન કરતાં જામનગર બ્રહ્મ સોશિયલ ગુ્રપ દ્વારા કોરોનાકાળ બાદ આ વર્ષે ઓપન સૌરાષ્ટ્ર મોદક સ્પર્ધાનું આયોજન કરાયું હતું. આ સ્પર્ધામાં કુલ 56 લોકોએ ભાગ લીધો હતો. જેમાંથી 31 સ્પર્ધકો હાજર રહ્યાં હતાં. તે પૈકીના ભાણવડના રમેશભાઈ જોટંગીયા 12 લાડુ આરોગી મહિલાઓમાં જામનગરના પદમીનીબેન ગજેરા 9 લાડુ આરોગી અને બાળકોમાં ઓમ જોશી 5 લાડુ આરોગી વિજેતા રહ્યાં હતાં.જામનગરમાં બ્રહ્મ સોશિયલ ગ્રુપ દ્વારા આજે ગણેશ ચતુર્થી ના પર્વના દિવસે ઓપન સૌરાષ્ટ્ર મોદક સ્પર્ધા યોજવામાં આવી હતી જેમાં 56 સ્પર્ધકોએ એન્ટ્રી કરાવી હતી, જે પૈકી 31 સ્પર્ધકો એ ભાગ લીધો હતો.15 વર્ષથી ઉપરના ભાઈઓ તેમજ બહેનો અને 15 વર્ષ સુધીના બાળકો એમ ત્રણ કેટેગરીમાં સ્પર્ધા યોજવામાં આવી હતી. ભાઈઓ માટેની સ્પર્ધામાં 31 સ્પર્ધકો જોડાયા હતા જેમાં 12 લાડુ સાથે ભાણવડના રમેશભાઈ જોટંગીયા પ્રથમ નંબરે વિજેતા બન્યા હતા. ઉપરાંત 11 લાડુ સાથે જામકંડોરણાં ના નવીનભાઈ દવે, જ્યારે ત્રીજા સ્થાને જામનગરના પરેશભાઈ જોશી અને મિલનભાઈ ઝવેરી સંયુક્ત વિજેતા જાહેર કરાયા હતા. જે બંનેએ ત્રણ ત્રણ લાડુ આરોગ્યા હતા.આ ઉપરાંત બહેનો માટેની મોદક સ્પર્ધામાં ત્રણ બહેનો જોડાયા હતા જેમાં પદ્મિનીબેન ગજેરા 9 લાડુ સાથે પ્રથમ સ્થાને, ઉપરાંત નેહાબેન ભટ્ટ 5 લાડુ સાથે બીજા સ્થાને, જ્યારે તેજલ બેન વાઢેર 4 લાડુ સાથે ત્રીજા સ્થાને વિજેતા બન્યા હતા. બાળકોમાં જામનગરના ઓમ જોશી પાંચ લાડું સાથે પ્રથમ સ્થાને, કેવિન વાઢેર પાંચ લાડુ સાથે બીજા સ્થાને, જ્યારે જેનીશા વાધેર ત્રણ લાડુ સાથે ત્રીજા સ્થાને વિજેતા બની હતી.બ્રહ્મ સોશિયલ ગ્રુપના પ્રમુખ આનંદભાઈ દવે, પ્રોજેકટ ચેરમેન મનિષ રાવલ, મંત્રી ધર્મેન્દ્ર રાવલ દ્વારા 100 ગ્રામ વજનના શુદ્ધ ઘી અને ડ્રાયફ્રુટ સાથેના લાડુ સાથે દાળ પણ પીરસવામાં આવી હતી. તમામ વિજેતા સ્પર્ધકોને સંસ્થા તરફથી રોકડ પુરસ્કાર અપાયા હતા જ્યારે પુષ્પગુચ્છથી મહેમાનોના હાથે સન્માન કરવામાં આવ્યું હતું. આ મોદક સ્પર્ધામાં ઉદઘાટક તરીકે બાલા હનુમાન સંકિર્તન મંદિરના પ્રમુખ જીતુભાઈ લાલ, નવાનગર બેંકના મેનેજીંગ ડાયરેકટર રમણિકભાઈ શાહ ઉપસ્થિત રહ્યાં હતાં તેમજ અતિથી વિશેષ તરીકે મોદકના સૌજન્ય દુધ ગંગા ડેરી ફાર્મના કિશોરભાઈ પુરોહિત, ચંદુભાઈ રાજ્યગુરૂ, અશોકભાઈ ભટ્ટ હાજર રહ્યાં હતાં.

જામનગરમાં વધુ બે ઢોર માલિક સામે ફોજદારી ફરિયાદ 

હાઈકોર્ટેની ટકોર બાદ તંત્ર સફાળું જાગ્યું: આવનારા દિવસોમાં પશું માલીકો વિરૂદ્ધ કડડ અમલવારી થશે.

હવે જાહેર રસ્તા ઉપર પશુઓ બાંધનાર વિરૂદ્ધ પણ કાર્યવાહી થશે.

ઢોર છોડાવવા જનાર તમામનો રેકર્ડ રાખવામાં આવશે તેના આધારે ફરીયાદ થશે: રાજભા ચાવડા

હવે શહેરી વિસ્તારમાં પશુંઓ રાખવા સ્વપ્ન થઈ જશે: શહેરના તમામ ઢોરવાળનું સર્વે થશે: સુનીલ ભાનુશાળી

દેશ દેવી ન્યુઝ જામનગર તા. ૩૧ ઓગસ્ટ ૨૨ જામનગર  રઝળતાં ઢોર મુદ્દે જામનગર મહાપાલિકાના તંત્ર પર નિષ્ફળતા અંગે ભારે માછલાં ધોવાયા બાદ છેલ્લા કેટલાક દિવસોથી સતર્ક અને સક્રિય બનેલા તંત્રએ રઝળતા ઢોર સામે તેમજ લાપરવાહ ઢોર માલિકો સામે કડક કાર્યવાહી કરવાનું શરૂ કર્યુ છે. જે અંતર્ગત શહેરમાં જયશ્રી ટોકિઝ પાસે એક ગાયને પકડવા બાબતે અડચણ ઉભી કરનાર ઢોર માલિક સામે વધુ એક ફોજદારી ફરિયાદ નોંધવામાં આવી છે. અગાઉ રણજીતસાગર ઢોરના ડબ્બા પર બળજબરી પૂર્વક ઢોર છોડાવવાનો પ્રયાસ કરનાર બે શખ્સો સામે ફોજદારી ફરિયાદ નોંધાવવામાં આવી છે.જામનગર મહાપાલિકાની સોલિડ વેસ્ટ શાખામાં દબાણ નિરીક્ષક તરીકે ફરજ બજાવતાં સુનિલ ભાનુશાળીએ સીટી એ ડિવીઝન પોલીસ સ્ટેશનમાં નોંધાવેલી ફરિયાદ અનુસાર 29 ઓગસ્ટના રોજ સાંજે શહેરના જયશ્રી ટોકિઝ વિસ્તારમાં જામ્યુકોની ઢોર પકડ ટીમ દ્વારા એક રસ્તે રઝળતી ગાયને પકડવામાં આવી હતી. દરમ્યાન આ વિસ્તારમાં રહેતાં આ ગાયના માલિક હેમત કાનાભાઇ વાઘેલા આ ગાયને છોડાવવા માટે દોડી આવ્યા હતા અને ફરજ પરના કર્મચારીઓ સાથે રકઝક કરી માથાકૂટ કરી હતી. જામ્યુકોની ઢોર પકડવાની કામગીરીમાં અવરોધ ઉભો કરનાર આ ઢોર માલિક સામે સીટી એ ડિવીઝન પોલીસ સ્ટેશનમાં જાહેરનામા ભંગ તેમજ જીપીએકટની અન્ય કલમો અંતર્ગત ફરિયાદ નોંધાવવામાં આવી હતી. પોલીસે ફરિયાદના આધારે કાર્યવાહી શરૂ કરી છે. દરમ્યાન જામ્યુકોની સોલિડ વેસ્ટ વિભાગની ઢોર પકડવા માટેની ચાર ટુકડીઓ દ્વારા ગઇકાલે શહેરના જુદા-જુદા વિસ્તારમાંથી 39 ઢોરને પકડીને ડબ્બે પૂર્યા હતા. જયારે રાત્રિ ઝુંબેશ અંતર્ગત નવ ઢોર પકડવામાં આવ્યા હતા. સોલિડ વેસ્ટ શાખાના કાર્યપાલક ઇજનેરના જણાવ્યા અનુસાર જામ્યુકો દ્વારા ચાલુ વર્ષ દરમ્યાન કુલ 1401 ઢોર પકડવામાં આવ્યા છે.

જે પૈકી 745 ઢોરને અમદાવાદ સ્થિત પાંજરાપોળમાં મોકલી આપવામાં આવ્યા છે. સાથે-સાથે રઝળતા ઢોરના માલિકો સામે ફોજદારી કાર્યવાહી કરવાની વધુ એક વખત ચેતવણી ઉચ્ચારવામાં આવી છે.