આણદા બાવા ના ચકલા પાસે વેહલી સવારે ધાડ પાડનાર સખ્શ ને જમીનમુક્ત કરતી જામનગર સેસન્સ કોર્ટ

• આરોપીઓથી કોઈ ખતરો ન હોય તો જામીન બાબતે અમને કોઈ વાંધો નથી: જૈન આગેવાનો
• આણંદબાવા ચકલામાં આવેલ જૈન દેરાસરમાં ઘૂસી તોડફોડ કરી
• જૈન ઉપાશ્રયોમાં સાધુ-સાધ્વીજીઓના ચાર્તુમાસ પ્રવેશ સમયે જ બનાવ બનતા જૈન સમાજમાં ધેરા પ્રત્યાઘાત પડયા હતા
• યુવા ધારાશાસ્ત્રી શિવરાજસિંહ રાઠોરની ધારદાર દલીલ: જામનગર શહેરના ઇતિહાસમાં પ્રથમ ઘટના

દેશ દેવી ન્યુઝ જામનગર તા. ૧૫ સપ્ટેમ્બર ૨૨ જામનગર સહિત ગુજરાતભરમાં ચર્ચા જગાડનાર બનાવામાં જામનગર શહેરમાં અનેક સ્થળોએ જૈન ઉપાશ્રયોમાં સાધુ-સાધ્વીજીઓના ચાર્તુમાસ પ્રવેશના કાર્યક્રમો ચાલી રહ્યા હતો તેમા શહેરમાં આવેલી જુની તાલુકા શાળા સામેના દેરાસરમાં વહેલી સવારે લુખ્ખા તત્વો બેફામ બની સાધુ-સાધ્વીજીઓ સાથે ગેરવર્તન કરી તોડફોડ કરી હતી. તેમજ દેરાસરની બહાર પાર્ક કરેલાં વાહનોમાં તોડફોડ કર્યાની ઘટનાથી જૈન સમાજમાં ઉગ્ર રોષ ફેલાઇ ગયો હતો.બનાવની જાણના પગલે પોલીસના ધાડે -ધાડા ઉતરી ગયા હતા અને પોલીસે ગણતરીની મિનિટોમાં જ ૬ શખ્સોને ઉઠાવી લઈ સારાભરા કરી હતી અને તેના વિરૂદ્ધ તોડફોડ, ધાડ સહિતની કલમ હેઠળ સિટી-એ ડીવીઝનમાં IPC 395, 341, 441, 337, 323, 324, 504, 506(2) મુજબ મુજબ ની કલમો હેઠળ આરોપીઓ વિરૂદ્ધ ગુન્હો દાખલ કરેલ હતો જે બાબતે 6 એ આરોપી દ્વારા પોતાના વકીલ મારફત કરવામાં આવેલ જમીન અરજી ચાલી જતા સરકાર દ્વારા કેસ માં આજીવન કેસ ની સજા ને પાત્ર ગુન્હો હોઈ જમીન રદ કરવા અરજી કરેલ હતી જ્યારે જૈન સમજ ના આગેવાનો કોર્ટ રૂબરૂ આવી તેમનો ધર્મ માફી માં વધુ માને છે અને આરોપીઓ થી કોઈ ખતરો ના હોઈ તેમજ જામીન મુક્ત કરવા રજુઆત કરેલ હતી ઉપરાંત મેરીટ પર અરજદાર ના વકીલની રજુઆત હતી કે આ કોઈ ધાડ નો ગુન્હો નથી પરંતુ એક દાખલો બેસાડવા પોલીસ દ્વારા ગંભીર કલમો હેઠળ ગુન્હો નોંધેલ છે.જેના સંદર્ભ ના બનાવ મા વાઇરલ થયેલ CCTV ફૂટેજ રજૂ કરેલ હતા તેમજ અરજદાર એ JMFC કોર્ટ રૂબરૂ કરેલ અરજીઓ રજૂ કરાવી હતી જે રજૂઆત ધ્યાને લઇ નામદાર સેશન્સ કોર્ટે દ્વારા 6 એ આરોપીઓ ને જામીન મુક્ત કરવા હુકમ ફરમાવેલ છે. આરોપીના વકીલ તરીકે યુવા ધારાસાસ્ત્રી શિવરાજસિંહ રાઠોર રોકાયા હતા.

ગુજરાત રાજ્યના ૧૧૩ બિન હથીયારી પોલીસ ઇન્સ્પેક્ટરની આંતરિક બદલી

• એલસીબીના ઇન્ચાર્જ પી.આઈ કે જે ભોઈ અને સીટીસીના કે એલ ગાંધે સુરત મુકાયા
• જામનગરના શ્રીમતી યુએસ વસાવા અને દેવભૂમિ દ્વારકાના શ્રીમતી પી.બી ઝાલા અમદાવાદ શહેરમાં મુકાયા
• પશ્ચિમ કચ્છના એચ.એસ ચાવડાને દેવભૂમિ દ્વારકા મુકાયા

દેશ દેવી ન્યુઝ જામનગર તા.૧૪ સપ્ટેમ્બર ૨૨ જામનગર સહિત રાજ્યના 113 બિન હથિયાર પોલીસ ઇન્સ્પેક્ટરની આંતરિક બદલીનો ગંજીપો ચિપતા DG તેમાં જામનગર LCBના ઇન્ચાર્જ Pl કે, જે ભોયે અને સીટી -સીના કે. એલ ગાંધેની સુરત શહેર ખાતે બદલી કરવામાં આવી છે. જ્યારે જામનગરમાં નવા ૪ પોલિસ ઇન્સપેક્ટ મુકવામાં આવ્યા છે જેમાં ગાંધીનગરથી એચ.પી ઝાલા, સાબરકાઠાથી પી.એલ વાધેલા, સુરતથી ડી.કે ચૌધરી અને બોટાદથી જે.વી ચૌધરીનો સમાવેશ થાય છે. સાથો સાથ દેવભૂમિ દ્વારકામાં પણ એક મહિલા PIની અમદાવાદ ખાતે બદલી કરવામાં આવી છે તેની સામે પશ્ચિમ કચ્છના એચ.એસ ચાવડાને દેવભૂમિ દ્વારકા મુકવામાં આવ્યા છે.

રાજ્યમાં પોલિસતંત્રમાં લાંબા સમયથી બદલીની રાહ જોવાઈ રહી હતી તેવામાં DG કચેરીથી ૧૧૩ પોલીસ ઇન્સ્પેક્ટરની બદલી નો ઘાણવો નીકળતા કહી ખુશી કહી ગમ જેવો ઘાટ સર્જાયો છે.

જામનગરના ધુવાવ નજીક ધિંગેશ્વર મહાદેવના મંદિર પાસે અજાણી મહિલાનો નગ્ન મૃતદેહ મળી આવતા ખળભળાટ

• પીએમ રીપોર્ટમાં માથાના ભાગે હેમરેજ થયાનું ખુલ્યું: બનાવ હત્યાનો : ગુનોં નોંધવાની તજવીજ
• બદકામના ઇરાદે હત્યા કરી મૃતદેહને ફેંકી દેવાયો હોવાની આશંકા: શંકાસ્પદ વૃદ્ધને ઉઠાવી લીધાના હોવાનું ચર્ચાય રહ્યું છે.
• હત્યાની આશંકા વચ્ચે મહિલાને માથાના ભાગે ઇજાના નિશાન મળી આવતા તપાસનો ધમધમાટ
• મોક્ષ ફાઉન્ડેશનના વિક્રમસિંહ ઝાલા દ્વારા લાશને પીએમ ખાતે ખસેડાઈ
• ગ્રામ્ય ડીવાયએસપી કુણાલ દેસાઈ LCB તથા SOG સહિતનો પોલિસ કાફલો દોડી ગયો

દેશ દેવી ન્યુઝ જામનગર તા. ૧૪. સપ્ટેમ્બર ૨૨ જામનગર શહેરના ધુવાવ નજીક આવેલ ધિંગેશ્વર મહાદેવના મંદિર પાસે અજાણી મહિલાની લાશ પડી હોવાના સમાચાર મળતા ગ્રામ્ય Dysp કુણાલ દેસાઈ, LCB અને SOG નો પોલીસ કાફલો ઘટના સ્થળે દોડી ગયો હતો અને મહિલાની ઓળખ મેળવવાની તજવીજ હાથ ધરી હતી અને મોક્ષ ફાઉન્ડેશન વિક્રમસિંહ ઝાલાના માધ્યમથી મૃતદેહને એમ.પી શાહ કોલેજ ખાતે પોસ્ટમોર્ટમ માટે લઈ જઈને તેના મૃત્યુનું કારણ જાણવાના પ્રયાસો હાથ ધરવામાં આવ્યા હતા.આ બનાવમાં મૃતક મહિલાના માથાના ભાગે ઇજાના નિશાનો જોવા મળ્યા હતા આથી પોલિસે હત્યાની આશંકા વચ્ચે તપાસના ચક્રો ગતિમાન કર્યા છે, સુત્રોમાંથી જાણવા મળતી વિગત મુજબ ધુવાવ નજીક આવેલ મંદિર પાસે અવાવરૂ જગ્યાએ મહિલા પહોંચી કેમ.? અને મહિલાને શરીરે ઇજાના નિશાન આવ્યા કેમ તે દિશામાં તપાસના ચક્રો ગતિમાન કર્યા હતા અને શંકાસ્પદ વૃદ્ધને ઉઠાવી લીધાનું ચર્ચાય રહ્યું છે અને ફરીયાદની તજવીજ હાથ ધરાઇ રહી છે. હાલ તો આ મુદ્દો શહેરભરમાં સારી એવી ચર્ચા જગડી છે.

જામનગર ડિસ્ટ્રિક્ટ બેંકમાં કર્મચારીઓના કૌભાંડમાં પાંચ કર્મચારી બરતરફ: 250 થી વધુ કર્મચારીઓની સામૂહિક બદલી

• (૧)જી.પી. ભટ્ટ (૨) સી.એમ. જોશી (3) નીરજ એમ. પટેલ (૪) બી.એસ. જાડેજા અને (પ) એચ.એમ. જાડેજા બરતરફ
• 456.03 લાખનું ફિક્સ ડિપોઝિટ અંગેનું કૌભાંડ મામલે ચેરમેન આકરા પાણીએ : ૨૫૦ કર્મીની સામૂહિકની બદલી

દેશ દેવી ન્યુઝ જામનગર ૧૩. સપ્ટેમ્બર ૨૨ : જામનગર ડિસ્ટ્રિક્ટ કો-ઓપરેટીવ બેંકની જામજોધપુર શાખામાં વર્ષ 2017-18 દરમિયાન રૂપિયા 456.03 લાખનું ફિક્સ ડિપોઝિટ અંગેનું કૌભાંડ પ્રકાશમાં આવ્યું હતું. આ સંદર્ભે ડીસ્ટ્રીક્ટ બેંકના નવા વરાયેલા ચેરમેન પી.એસ. જાડેજા દ્વારા ગેરરીતિ મુદ્દે ગંભીરતા લઈ અને નિષ્પક્ષ ખાતાકીય તપાસ શરૂ કરવામાં આવી હતી.આ તપાસ પૂર્ણ થતા તેના રિપોર્ટ બાદ આ કૌભાંડમાં પાંચ કર્મચારીઓ સંડોવાયેલા હોવાનું ખુલવા પામ્યું હતું. જેના અનુસંધાને કર્મચારીઓ જી.પી. ભટ્ટ, સી.એમ. જોશી, નીરજ એમ. પટેલ. બી.એસ. જાડેજા અને એચ.એમ. જાડેજા નામના પાંચ કર્મચારીઓને બેંકના ચેરમેન પી.એસ. જાડેજા દ્વારા તાકીદની અસરથી સસ્પેન્ડ કરવામાં આવ્યા છે. એટલું જ નહીં, આ નાણાકીય ગેરરીતિમાં અન્ય કોઈ કર્મચારીઓ સામેલ હશે તો તેની સામે પણ સખત કાર્યવાહી કરવા માટે સી.આઇ.ડી. ક્રાઇમ બ્રાન્ચ- ગાંધીનગર ખાતે ફરિયાદ કરવામાં આવી છે.

આ ઉપરાંત બેંકની અન્ય શાખામાં કોઈ કર્મચારીઓ કે સેવા સહકારી મંડળીઓના કોઈપણ વ્યક્તિ દ્વારા કોઈપણ ગેરરીતિ આચરવામાં આવી હશે તો તેની સામે પણ આગામી સમયમાં કડક કાર્યવાહી કરવામાં આવશે તેમ બેંકના ચેરમેન પી.એસ. જાડેજા દ્વારા જણાવાયું છે.આટલું જ નહીં, બેંકની જુદી જુદી શાખામાં ફરજ બજાવતા અઢીસોથી વધુ કર્મચારીઓની બદલીના ઓર્ડરો પણ ચેરમેન દ્વારા કરવામાં આવ્યા છે. જેથી અરસપરસ બ્રાંચોમાં ગેરરીતિઓ અટકાવી શકાય. જિલ્લા બેંકના ચેરમેન દ્વારા પ્રથમ વખત લેવામાં આવેલા આ કડક પગલાથી ગેરરીતિ કરનારા તત્વોમાં દોડધામ સાથે ફફડાટની લાગણી પ્રસરી છે.

જામનગરમાં પોલીસ વિભાગમાં ખાતાકીય પરીક્ષા પાસ કરનાર ૭ પીએસઆઇને ફરજ ફાળવણી કરાઈ

• ઘરઆંગણે પોસ્ટિંગ મળતા પોલીસબેડામાં આંનદની લાગણી છવાઈ
• સુરેન્દ્રસિંહ સિયારામ સિંહ ચૌહાણને હેડ કવાર્ટર મુકવામાં આવ્યા
• ખીમાભાઈ ભોચીયા તથા અશ્વિનભાઈ ગંધાને LCBમાં મુકાયા

દેશ દેવી ન્યુઝ જામનગર તા.૧૨. સપ્ટેમ્બર ૨૨જામનગરમાં પોલીસ વિભાગમાં ખાતાકીય પરીક્ષા પાસ કરનાર પાંચ પીએસઆઇને ફરજ ફાળવણી કરાઈ જેમા સરકાર દ્વારા લેવાયેલ ખાતાકીય બઢતી પરીક્ષા (મોડ – ર) માં ઉતિર્ણ થયેલ પોલીસ કર્મચારીઓ (૧) UHC અનોપસિંહ ભીખુભા જાડેજા, જામ જોધપુર પો.સ્ટે., (૨) UHC ખોડુભા માનસંગ જાડેજા પંચ બી પો.સ્ટે. (૩) UASI વસંતલાલ રામજીભાઇ ગામેતી સીટી સી ડીવી. પો.સ્ટે. (૪) UHC ખીમાભાઇ હાજાભાઇ ભોચીયા એલ.સી.બી. (સ્ટેટ મોનીટરીંગ સેલ એટેચ તરીકે) (૫) UHC સુરેન્દ્રસિંહ સિયારામસિંહ ચૌહાણ પોલીસ હેડ કવાટર (૬) UHC રાજેશભાઇ હરદાસભાઇ સુવા પેરોલ ફર્લો સ્કોવડ (૭) UASI અશ્વિનકુમાર ભગવાનજીભાઇ ગંધા એલ.સી.બી. જામનગર વાળાઓને પોલીસ સબ ઇન્સ્પેક્ટર તરીકે બઢતી આપવામાં આવેલ. જે બાબતે પોલીસ અધિક્ષક પ્રેમસખ ડેલુ તથા નાયબ પોલિસ અધિક્ષક જયવીરસિંહ ઝાલા દ્વારા સ્ટાર સેરેમની રાખી નિમણૂંક આપવામાં આવેલ જેથી પોલિસ બેડામાં આંનદની લાગણી છવાઈ હતી

રખડતા ઢોરે વધુ એક જીવ લીધો: સીક્કા પાટીયા નજીક બાઈક સાથે ખુટીયો અથડાતા યુવાનનું મોત…અરેરાટી

દેશ દેવી ન્યુઝ જામનગર તા.૧૨ સપ્ટેમ્બર ૨૨ જામનગર: જામનગર તાલુકાના સીક્કા ગામમાં હાઉસીંગ બોર્ડમાં રહેતાં અને ડ્રાઈવિંગ કરતા હર્ષવર્ધનસિંહ પ્રદ્યુમનસિંહ જાડેજા (ઉ.વ.47) નામના યુવાન ગત તા.10 ના રોજ સવારના સમયે તેના જીજે-10-સીપી-2958 નંબરના બાઈક પર સીક્કા પાટીયાથી મોટી ખાવડી ગામ તરફ જતાં હતાં ત્યારે સીક્કા પાટીયા નજીકથી જ આવેલી હોટલ નજીક પહોંચ્યા ત્યારે એકાએક ખુટીયો બાઈક સાથે અથડાતા અકસ્માત થયો હતો.આ અકસ્માતમાં ગંભીર રીતે ઘવાયેલા હર્ષવર્ધનસિંહને સારવાર માટે હોસ્પિટલમાં ખસેડવામાં આવ્યાં હતાં. જ્યાં તેનું સારવાર દરમિયાન આજે સવારે મોત નિપજ્યાનું તબીબોએ જાહેર કર્યુ હતું. બનાવની મૃતકના ભાઈ યોગેન્દ્રસિંહ દ્વારા જાણ કરાતા હેકો જે.ડી.જેઠવા તથા સ્ટાફે મૃતદેહનો કબ્જો સંભાળી આગળની કાર્યવાહી હાથ ધરી હતી.

વિજરખી ફાયરિંગ રેજ પાસે ખેતી કરતા પરપાંતિય યુવને ગોળી વાગી.

• જામનગર નજીકના વિઝરખી ફાઇરીગ રેન્જ પાસે પ્રેક્ટિસ કરતી વેળાએ ખેત શ્રમિકને ગોળી વાગી
• વિજરખી ગ્રામજનોએ ફાયરિંગ અન્ય જગ્યાએ કરવા બાબતે અગાઉ પણ રજૂઆત કરી હતી

દેશ દેવી ન્યુઝ જામનગર તા.૧૨ સપ્ટેમ્બર ૨૨ જામનગર નજીકના વિજરખી ફાયરીંગ રેન્જ પાસે ખેતી કામ કરતા મૂળ એમપીના પરપ્રાંતિય મજુરને ખેત કામ કરતી વેળાએ ગોળી વાગતા 108 મારફત જામનગરની જીજી હોસ્પિટલ ખાતે ખસેડવામાં આવ્યો હતો

પ્રાપ્ય પ્રાપ્ત વિગત મુજબ જામનગર તાલુકાના વિજરખી ગામ ખાતે વિક્રમ શિયાર નામના આસામીની વાળીએ ખેત મજૂરી કરતા મૂળ એમ.પીના રહેવાસી અને હાલ વિજરખી વાડી વિસ્તારમાં પરપ્રાતિય યુવકને સવારે ખેતમજૂરી કરતી વેળાએ પગમાં ગોળી થાગતા અક્ડા તફડી મચી ગઈ હતી બનાવના પગલે યુવકના પરિવારજનો તથા વાડી માલિક દોડી આવ્યા હતા અને તાત્કાલિક ૧૦૮ મારફત હોસ્પિટલે ખસેડવામાં આવ્યો હતો વાડી માલિકના જણાવ્યા અનુસાર ફાયરિંગ પ્રેક્ટિસ બંધ કરવા અથવા તો અન્ય જગ્યાએ ખસેડવા બાબતે ઉચ્ચ કક્ષાએ રજૂઆત પણ કરાઈ હતી હાલતો ખેતમજૂરોમાં કરતો માહોલ ફેલાયો છે સાથે ગ્રામજનોમાં રોષ જોવા મળી રહે છે.

કોંગ્રેસના ગુજરાત બંધના એલાનને જામનગર સહિત રાજયભરમાં મિશ્ર પ્રતિસાદ

• પ્રદેશ પ્રમુખ જગદીશ ઠાકોર પોતે દુકાનો બંધ કરાવવા નીકળ્યા
• રાજ્યના અનેક શહેરમાં કોંગી કાર્યકર્તાઓની અટકાયત
• મોંઘવારી અને બેરોજગારી મામલે કોંગ્રેસ બની આક્રમક
• ક્યાંક બંધની અસર દેખાઇ તો ક્યાંક નહિવત અસર દેખાઇ
• જામનગરમાં ધારાસભ્ય વિક્રમ માડમની પોલીસ સાથે રકઝક, અટકાયત
• સિક્કામાં કોંગ્રેસી આગેવાન-કાર્યકર્તાઓની અટકાયત

દેશ દેવી ન્યુઝ તારીખ 10 સપ્ટેમ્બર 22 જામનગર: ગુજરાતમાં વધતી જતી મોંઘવારી અને બેરોજગારીના વિરોધમાં ગુજરાત પ્રદેશ કોંગ્રેસ સમિતિ દ્વારા આજ તા. 10ના સવારે 8 થી 12 સુધી ગુજરાત બંધનું એલાન કરવામાં આવ્યું છે. જેમાં જામનગરના તમામ વેપારીઓ, ઉદ્યોગકારો, ખાનગી શાળાઓ વગેરેને પણ જોડાણા હતાં. જામનગર શહેર કોંગ્રેસ સમિતિ પ્રમુખ વિરેન્દ્રસિંહ જાડેજા (દિગુભા) દ્વારા અપીલ કરવામાં આવી હતી.આજે જામનગર જી.જી.હોસ્પિટલ નજીક ધારાસભ્ય વિક્રમ માડમ સહિતના નેતાઓએ વેપારીઓને બંધ પાળવા અપીલ કરતા હોય દરમ્યાન પોલીસ સાથે તેઓની રકઝક થઇ હતી અને વિક્રમ માડમ સહિતનાઓની અટકાયત કરવામાં આવી હતી.જામનગર શહેરમાં આવેલ દરબાગઢ વિસ્તાર, બર્ધન ચોક વિસ્તાર, માંડવી ટાવર વિસ્તાર, સિંધી માર્કેટ, પાંચ હાટડી વિસ્તાર, કાલાવડ નાકા બહાર આવેલ વિસ્તારના તમામ રોજગાર તથા દુકાનો બંધ રાખી લોકોએ સમર્થન આપ્યું હતું.આ ઉપરાંત જામનગર મહાનગર પાલિકાના પૂર્વ વિપક્ષી નેતા તેમજ વોર્ડ નં.12 ના કોર્પોરેટર અસલમભાઇ ખીલજી, કોર્પોરેટર અલ્તાફભાઇ ખફી, કોર્પોરેટર જેનબબેન ખફી સહિતના કોંગ્રેસી નેતા-આગેવાનો અને કાર્યકર્તા જોડાયા હતા.દરમ્યાન જામનગર પંથકના સિક્કા ગામમાં કોંગ્રેસી નેતાઓ અને કાર્યકર્તાઓની પોલીસ દ્વારા અટકાયત કરવામાં આવી હતી. આ તકે સિક્કા સજ્જડ બંધ હોવાનો કોંગ્રેસે દાવો કર્યો હતો. ગુજરાત કોંગ્રેસે આજે સવારના 8 થી 12 વાગ્યા સુધી આજે રાજ્યવ્યાપી બંધનું એલાન આપ્યું છે. ત્યારે ક્યાંક-ક્યાંક બંધની અસર જોવા મળી રહી છે તો ક્યાંક-ક્યાંક બંધની નહિવત અસર જોવા મળી રહી છે. ત્યારે અહીં જોઇશું કે ગુજરાત બંધના એલાનની સમગ્ર રાજ્યમાં હાલ કેવી અસર જોવા મળી રહી છે.મહત્વનું છે કે, ગઇકાલે સ્વયં ગુજરાત પ્રદેશ કોંગ્રેસના પ્રમુખ જગદીશ ઠાકોરે લોકોને સ્વૈચ્છિક બંધમાં જોડાવા લોકોને અપીલ કરી હતી. ત્યારે આજે સુરતમાં કોંગીઓ અનોખો વિરોધ કરી રહ્યાં છે. બંધને સફળ બનાવવા કોંગીઓએ વેપારીઓને ગુલાબ આપી બંધ જોડાવવા અપીલ કરી છે.નોંધનીય છે કે, ગુજરાતમાં વિધાનસભાની ચૂંટણીના પડઘમ વાગી રહ્યાં છે. ત્યારે કોંગ્રેસે પણ વિધાનસભાની ચૂંટણીને લઈને તડામાર તૈયારીઓ શરૂ કરી દીધી છે અને કોંગ્રેસ કોઈપણ ભોગે સત્તા હાંસલ કરવાના લક્ષ્યાંક સાથે ધીરે-ધીરે આગળ વધી રહી છે. ત્યારે આજે કોંગ્રેસ દ્વારા રાજ્યભરમાં મોંઘવારી અને બેરોજગારી સહિતના મુદ્દે રાજ્ય સરકારને ઘેરવા આજે સમગ્ર રાજ્યમાં ગુજરાત બંધનું એલાન આપવામાં આવ્યું છે, જેને લઇને કોંગ્રેસના કાર્યકર્તાઓએ અગાઉથી વેપારી એસોસિએશનને મળીને વિનંતી કરી હતી. ત્યારે આજે રાજ્યમાં ઠેર-ઠેર કોંગી નેતાઓ વેપારીઓને દુકાનો બંધ રાખવાની અપીલ કરી રહ્યાં છે.

જામનગર મહાનગરપાલિકાએ ગોલ્ડન સિટી પાસે બનાવેલ પશુ વાડામાં પશુપાલકોનું ટોળું ત્રાટક્યું વાડામાં તોડફોડ કરી ૧૫૦ થી વધુ ઢોર છોડાવી ગયા.

• અડધી રાત્રીનો બનાવ: પોલિસ આવી જતા અક્ડાતફડીમાં બાઇક મૂકી નાશી ગયા..
• મનપાના ઉચ્ચ અધિકારીઓ દોડી ગયા: ફરીયાદની તજવીજ
• જામનગર સહિત ગુજરાત માટે ઢોરની સમસ્યા માથાનો દુખાવા સમાન

દેશ દેવી ન્યુઝ જામનગર તા.૧૦ સપ્ટેમ્બર ૨૨ જામનગર મહાનગર પાલિકા દ્વારા પોલીસ હેડ ક્વાર્ટર પાછળ આવેલ ગોલ્ડન સીટી સોનલ નગર પાસે બનાવેલ ઢોર વાડામાં અડધી રાત્રે  લોકોનું ટોળું વાડા ખાતે ઘસી આવ્યું હતું અને દાદાગીરી કરી ઢોર ડબ્બામાં તોડફોડ કરી  ગાયું છોડાવી ગયા હતા ઢોર ડબામાં તોડફોડને કારણે માલિકી સિવાયના ઢોર છૂટી આજુબાજુ ફેલાઈ ગયા હતા જેને લઈ આસપાસનો વિસ્તાર પશુઓએ બાનમાં લીધો હતો તેને પકડવામાં મહાનગરપાલિકાની ટીમને પસીનો વળી ગયો હતો બનાવના પગલે મનપાના ઉચ્ચ અધિકારીઓ દોડી ગયા અને બનાવની વિગત મેળવી હતી  તેવામાં અડધી રાત્રે પોલીસની ગાડીઓ આવી જતા તમામ પશુપાલકો બાઈક મૂકીને ફરાર થઈ ગયા હતા

જામનગરમાં ભારે પાવન વચ્ચે લાખોટા તળાવ પર લેઝર શો ના છાપરા ઉડ્યા

• વોકીંગ કરતા નાગરીકોમાં ભગદડ : એક વ્યક્તિને ગંભીર ઇજા
• લાખોટા લેક પરની દિવાલ,ગ્રીલ અને રેલીંગને ભારે નુક્સાન
• જામનગરમાં ભારે પવન વચ્ચે વરસાદ વરસતા લાખોટા તળાવ પર મ્યુઝિકલ લાઈટ એન્ડ લેઝર શોનો ડોમ ઉડ્યો, એક યુવતી ઘાયલ જામનગર

દેશ દેવી ન્યુઝ જામનગર તા. o૯ સપ્ટેમ્બર ૨૨ જામનગર શહેરમાં અચાનક વરસાદ સાથે ફુંકાયેલા મીની વાવાઝોડાએ લાખોટા પરના બ્યુટીફીકેશન અને લેઝર શોના છાપરા ઉડાળી દેતા અફડાતફડી મચી ગઈ હતી સદનશીબે જાનહાની ટળી જતા હાશકારો થયો બનાવની જાણના પગલે મનપાના ઉચ્ચ અધિકારી પદાધિકારીઓ દોડી ગયા હતા.પ્રાપ્ત વિગત મુજબ આજ રોજ શહેરમાં અચાનક વરસાદ સાથે મીની વાવાઝોડું ફુંકાતા લાખોટા તળાવ ગેઈટ નંબર – ૨ પાસે લેઝર શોના છાપરા હવામાં ફંગોળાઇને રોડ ઉપર ઉડ્યા હતા અને વોકિંગ કરતા નાગરીકોમાં નાસભાગ મચી જવા પામી હતી હાજર સીનીયર સીટીઝન બચવા માટે દોટ મૂકી હતી પરંતુ ભગદડના કારણે એક વ્યક્તિને ગંભીર ઇજા થઇ હતી તેવામાં હાજર ગાર્ડે ૧૦૮ ને જાણ કરતા ઇજાગ્રસ્તને તાત્કાલિક સારવાર માટે ખસેડાયા હતા ધોધમાર વરસાદ સાથે અચાનક વાવાઝોડું ત્રાટકતા અનેક વૃક્ષોનો સોથ વળી ગયો હતો આખા દિવસના બફરા બાદ હવામાં ઠંડક પ્રસરી હતી સાથો-સાથ લાખોટા તળાવની દિવાલ સહિતની વસ્તુને ભારે નુકસાન થયું હતું