કારમાં પીવીસી પાઈપ રાખનાર વિદ્યાર્થી વિરૂધ્ધ કાર્યવાહી
- સિટીએ ડિવિઝન પોલીસે રૂ.૩૫ લાખની ફોર્ચ્યુન કાર કબજે કરી ચાલક વિરુદ્ધ ગુનો નોંધ્યો
દેશ દેવી ન્યુઝ જામનગર તા. ૨ જાન્યુઆરી ૨૩, જામનગર શહેરમાં એક વિદ્યાર્થીને કારમાં પીવીસી પાઈપ રાખવું ભારે પડ્યું છે. પોલીસે તેની કાર કબ્જે કરી હથિયારબંધી ભંગનો ગુનો નોંધતા ચકચાર જાગી છે. આ બનાવની વિગત એવી છે કે ગત ૩૧ ડીસેમ્બરની રાત્રિએ સીટી એ. ડીવીઝન પોલીસ મથકનો સર્વેલન્સ સ્કોડ રણજીત સાગર રોડ કીર્તી પાન પાસે ટ્રાફીક ડ્રાઈવમાં હતા ત્યારે લાલપુર ચોકડી તરફથી એક કાળા કલરની ફોર્ચ્યુનર કાર નિકળતા તેને અટકાવી તેની તલાશી લેતાં કારની ડેકીમાંથી ચાર ફુટનો પ્લાસ્ટીકનો પાઈપ મળી આવ્યો હતો.
આથી કાર ચાલક નાયબ આરીફભાઈ ખફી (ઉ.વ.૨૨) ધોં અભ્યાસ વાળા વિરૂધ્ધ જિલ્લા મેજીસ્ટ્રેટના જાહેરનામા હથિયારબંધીનો ભંગ જી.પી. એકટ ૧૩૫ (૧) મુજબ ગુનો નોંધી ૩૫ લાખની ફોર્ચ્યુનર કાર કબ્જે કરી હતી.
જામનગર મહાનગરપાલિકા દ્વારા ઘાંચીની ખડકી થી ટીટોડી વાડી સુધીના વિસ્તારમાં ૨૪ મીટર પહોળા અને અંદાજે સવા કિલોમીટર જેટલા લાંબા નવા ડીપી રોડ બનાવવા માટેની કાર્યવાહી હાથ ધરી હતી, અને તેના માટે ઉપરોક્ત જગ્યામાં થયેલા દબાણોને દૂર કરવા માટે આજે મેગા ડીમોલેશન હાથ ધરવામાં આવ્યું છે.
જામનગર મહાનગર પાલિકાના નવા ડેપ્યુટી કમિશનર યોગીરાજસિંહ ગોહિલ, સીટી ઇજનેર ભાવેશ જાની, કાર્યપાલક ઇજનેર મુકેશ વરણવા, એસ્ટેટ ઓફીસર નીતિન દીક્ષિત, સોક્યોરિટી ઓફિસર સુનિલ ભાનુશાલી, દબાણ નિરીક્ષક યુવરાજસિંહ ઝાલા સહિતના અધિકારીઓ ની ટીમ બનાવના સ્થળે હાજર રહી હતી.
જ્યારે સિટી એ. ડિવિઝન ના પી.આઈ. નિકુંજ ચાવડા અને તેમની ટીમ સાથેનો ભારે પોલીસ બંદોબસ્ત ગોઠવવામાં આવ્યો હતો. એસ્ટેટ શાખાની ટુકડી ત્રણ જેસીબી મશીન,ટ્રેક્ટર વગેરે સાથે બનાવ ના સ્થળે પહોંચી હતી, ત્યાં ફાયર બ્રિગેડ ની ટીમ પણ મદદમાં જોડાઈ હતી, અને દબાણો હટાવવાનું શરૂ કર્યું હતું. 
ઉપરોક્ત માર્ગ પર ૧૪ પાકા મકાનો ખડકી દેવાયા હતા, જે તમામ મકાન માલિકો ને નોટિસ આપ્યા પછી તેઓને માલ સામાન ખાલી કરી દેવાની તક અપાઈ હતી, ત્યારબાદ ડીમોલેસન કરવામાં આવ્યું છે, અને તમામ દબાણો દૂર કરાયા છે. સાથો સાથ ૧૦ જેટલા નાના મોટા વાડા બાંધી દેવાયા હતા, જે તમામ જગ્યા પણ ખુલ્લી કરીને તેના પરની કાંટાળી ફેન્સીંગ તાર સહિતનું દબાણ દૂર કરી દેવાયું હતું.ટૂંક સમયમાં જ મહાનગરપાલિકા દ્વારા આ વિસ્તારમાં ૨૪ મીટરની પહોળાઈ નો સવા કિલોમીટર સુધીનો લાંબો ડી.પી. રોડ બનાવવાની કાર્યવાહી શરૂ કરી દેવાશે.
આમ, આવી અસામાજીક પ્રવૃતિઓ કરતા ગુનેગાર વિરૂદ્ધ કાર્યવાહી થતાં ગુંડાઓમાં ભયનો માહોલ અને જામનગરની પ્રજામાં હર્ષ સાથે સંતોષની લાગણી પ્રસરી ગઇ છે. અને પોલીસ પ્રત્યે ગર્વ સહ વિશ્વાસમાં વધારો થતો જોવા મળી રહ્યો છે.અત્રે એ ઉલ્લેખ છે કે આરોપી રજાક સાયચા સામે તાજેતરમાં લેન્ડ ગ્રેબિંગ એક્ટ અંગેનો ગુનો દાખલ કરાયો હતો, જે ગુનામાં તેની ધરપકડ કરવા માટે જામનગરની જિલ્લા જેલમાંથી કબજો લેવાયો હતો, અને તેને ફરીથી જેલ હવાલે કરાયો છે.
જામનગર જિલ્લામાં વિવિધ જગ્યા પર ચેકપોસ્ટ ઉભી કરવામાં આવનાર છે, અને વાહન ચેકિંગ, બ્રેથ એનાલીઝર દ્વારા નશા નું સેવન કર્યું છે કે કેમ, તેની પણ ખરાઈ કરીને ડ્રિન્ક એન્ડ ડ્રાઈવ, દારૂ ના સેવન, અને પ્રોહીબિશનના ગુના દાખલ કરવામાં આવશે. જેથી જામનગરની જનતાએ નિર્ભિત રહીને તેમની સાથે કોઈ અનિચ્છનીય બનાવ બને, અથવા તો કોઈ પણ અસામાજિક પ્રવૃત્તિ અંગેની માહિતી મળે, તો તુરતજ જામનગર પોલીસ નો ૧૦૦ નંબર પર સંપર્ક સાધવા જિલ્લા પોલીસવડા દ્વારા અનુરોધ કરાયો છે.
