જામનગર જિલ્લા તલાટી મંડળીની સાધારણ સભા યોજાઇ

• નવી નિમણુંક પામેલા ૧૨૫ તલાટી કમ મંત્રીઓને સન્માનિત કરવામાં આવ્યા
• જોડીયાના તાલુકા વિકાસ અધિકારી જીપીએસસી પરીક્ષામાં રાજયમાં પ્રથમ ક્રમાંક મેળવતાં તેમને પણ સન્માનિત કરાયા

દેશ દેવી ન્યુઝ જામનગર તા.૧૬ જાન્યુઆરી ૨૪ જામનગર જિલ્લા તલાટી મંડળની વાર્ષિક સાધારણ સભા તેમજ સન્માન અભિવાદન કાર્યક્રમ લેઉઆ પટેલ સમાજ ખાતે જિલ્લા વિકાસ અધિકારી વિકલ્પ ભારદ્વાજ અને જિલ્લા પંચયતના પ્રમુખ મયબેન ગરચરના અઘ્યક્ષસ્થાને આયોજીત કરવામાં આવ્યો હતો.જેમાં નવી નિમણૂંક પામેલા ૧૨૫ તલાટી કમ મંત્રી તેમજ ઉત્કૃષ્ટ કામગીરી કરનાર તલાટી કમ મંત્રીઓને અને જોડીયાના તાલુકા વિકાસ અધિકારી રોનક ઠોરીયાએ જીપીએસસી પરીક્ષામાં રાજયમાં અવ્વલ સ્થાને ઉત્તીર્ણ કરતાં તેમનું વિશિષ્ટ સન્માન પણ કરવામાં આવ્યું હતું.આ કાર્યક્રમમાં નાયબ જિલ્લા વિકાસ અધિકારી હર્ષવર્ધનસિંહ જાડેજા, વિમલભાઇ ગઢવી, જિલ્લા પંચાયત કર્મચારી સંઘના મહામંત્રી શ્રીરામ સેજપાલ, વિસ્તરણ અધિકારી મંડળના પ્રમુખ મેસિયાભાઇ, જિલ્લા પંચાયત કર્મચારી સંઘના ઉપપ્રમુખ નિલેશભાઇ ઓઝા સહિત મોટી સંખ્યામાં તલાટી કમ મંત્રી ઉપસ્થિત રહ્યા હતા.

આ કાર્યક્રમને સફળ બનાવવા તલાટી મંડળના પ્રમુખ પરેશભાઇ પારેગી અને ઉપપ્રમુખ હરદેવસિંહ વાઘેલાની રાહબારી હેઠળ મહામંત્રી નિલેશભાઇ ગોજીયા સહિત જિલ્લા-તાલુકાના હોદ્દેદારો સહિતનાઓએ જહેમત ઉઠાવી હતી.

જામનગરની સેવાભાવી સંસ્થા ઇન્ડિયન લાયોનેશ દ્વારા મકરસંક્રાંતિના પર્વની વિશેષ રૂપે ઉજવણી

• સરકારી જી.જી. હોસ્પિટલના ગાયનેક વિભાગના દર્દી મહિલાઓને કાટલા નું વિતરણ કરાયું

દેશ દેવી ન્યુઝ જામનગર તા ૧૬ જાન્યુઆરી ૨૪ જામનગરની સેવાભાવી સંસ્થા ઇન્ડિયન લાયોનેશ ના મહિલા સભ્યો દ્વારા મકરસંક્રાંતિ ના પર્વને અનુલક્ષીને જી.જી. હોસ્પિટલ ના ગાયનેક વિભાગમાં દાખલ થયેલા મહિલા દર્દીઓ તથા પ્રસુતા બહેનોને ૧૭ કિલો જેટલું ચોખા ઘી માંથી બનાવેલા કાટલાનું વિતરણ કરવામાં આવ્યું હતું.

ઇન્ડિયન લાયોનેશ સંસ્થાના સર્વશ્રી પ્રીતિબેન ઓઝા, હંસાબેન રાવલ, પ્રતિભાબેન રામાનુજ, ગીતાબેન રાવલ, કુમુદબેન પાઠક, અલકાબેન વિઠલાણી, નિકિતાબેન કુંવરિયા, ઉષાબેન ગાંધી, રશ્મીબેન વ્યાસ, કાંતાબેન વાકોડે, હર્ષાબેન જોશી, દિનુબા સોઢા, પ્રજ્ઞાબા રાઠોડ સહિતના મેમ્બરોએ જાતે જ કાટલું તૈયાર કર્યું હતું, અને જી.જી. હોસ્પિટલ ના ગાયનેક વિભાગમાં ઉતરાયણ ના પર્વને અનુલક્ષીને દર્દી મહિલાઓને વિતરણ કરી પુણ્યનું ભાથું બાંધ્યું હતું.

અયોધ્યા રામ મંદિરના પ્રાણ પ્રતિષ્ઠા મહોત્સવ ને અનુલક્ષીને જામનગર એસ.ઓ.જી. દ્વારા તમામ જાહેર સ્થળો પર સધન ચેકિંગ

દેશ દેવી ન્યુઝ જામનગર તા ૧૬ જાન્યુઆરી ૨૪, અયોધ્યામાં રામ મંદિરના પ્રાણ પ્રતિષ્ઠા મહોત્સવ ને અનુલક્ષીને સમગ્ર દેશભરમાં તંત્ર દ્વારા એલર્ટ રખાયું છે, જેના ભાગરૂપે જામનગર શહેરમાં પણ તમામ જાહેર સ્થળો તેમજ ધાર્મિક સ્થળો પર પોલીસ તંત્ર દ્વારા સઘન ચેકિંગ સહિતની કાર્યવાહી હાથ ધરવામાં આવી રહી છે.જામનગરની એસ.ઓ.જી. શાખા ના પી.આઇ. શ્રી ચૌધરી ની આગેવાની હેઠળ એસ.ઓ.જી.ની ટુકડી તેમજ બૉમ્બ ડિસ્પોઝલ સ્કવોર્ડ અને ડોગ સ્કવોર્ડ સહિતની ટીમ દ્વારા સધન ચેકિંગ હાથ ધરવામાં આવી રહ્યું છે. ગઈકાલથી આ ચેકિંગની કાર્યવાહી હાથ ધરાઈ છે, અને આગામી ૨૨ તારીખ સુધી અવિરત કાર્યવાહી હાથ ધરવામાં આવશે.જામનગર શહેરના એસ.ટી. ડેપો, રેલવે સ્ટેશન, ઉપરાંત તળાવની પાળ સહિતના ફરવા લાયક સ્થળો, સિનેમાગૃહો, શોપિંગ મોલ તેમજ બાલા હનુમાન મંદિર, ભીડ ભંજન મહાદેવ મંદિર સહિતના ધાર્મિક સ્થળો સહિત શહેરની તમામ જાહેર જગ્યાઓ પર સધન ચેકિંગ હાથ ધરવામાં આવી રહ્યું છે. જિલ્લા પોલીસ વડા પ્રેમસુખ ડેલુના સીધા માર્ગદર્શન હેઠળ આ કાર્યવાહી ચલાવવામાં આવી રહી છે.

જામનગર જિલ્લાના જામજોધપુર- લાલપુર અને જામનગર ગ્રામ્ય વિસ્તારમાં વીજ ચેકિંગ ટુકડીના સામુહીક દરોડો

• ૫૮ વીજ ચેકિંગ ટુકડી મારફતે ચેકીંગ દરમિયાન ૪૯.૨૫ લાખની વીજ ચોરી ઝડપાઈ

દેશ દેવી ન્યુઝ જામનગર તા ૧૫ જાન્યુઆરી ૨૪, જામનગર પીજીવીસીએલ વર્તુળ કચેરીની ચેકિંગ ડ્રાઇવ દ્વારા આજે સોમવારે જામનગર જિલ્લાના જામજોધપુર અને લાલપુર તેમજ જામનગર ગ્રામ્ય વિસ્તારમાં દરોડા પાડ્યા હતા, અને ૫૮ જેટલી ચેકિંગ ટુકડી મારફતે ૧૧૮ વિજ જોડાણ માંથી ૪૯.૨૫ લાખની વીજ ચોરી પકડી પાડી છે.

જામનગર પીજીવીસીએલ વર્તુળ કચેરીની ચેકિંગ દ્રાઈવ દ્વારા આજે જામજોધપુર તાલુકાના મોટા કાલાવડ, મોરઝર, જોગરા, સાઈદેવળીયા, રબારીકા સહિતના ગામોમાં ચેકિંગ કરવામાં આવ્યું હતું,આ ઉપરાંત જામનગર તાલુકાના મોટી ખાવડી, બેડ, રાવલસર અને વસઈ ગામમાં ચેકિંગ કરવામાં આવ્યું હતું. આ ઉપરાંત લાલપુર તાલુકાના આરબલુસ, ઈશ્વરીયા મેઘનાગામ સહિતના વિસ્તારોમાં પણ ચેકિંગ કરાવવામાં આવ્યું હતું.

૫૨ જેટલી વીજ ચેકિંગ ટુકડી દ્વારા કુલ ૫૮૮ જેટલા વિજ જોડાણ ને ચેક કરવામાં આવ્યા હતા, જે પૈકી ૧૧૮ વિજ જોડાણમાં ગેરરીતિ માલુમ પડી હતી, અને તેઓને ૪૯.૨૫ લાખના વિજ ચોરી ના પુરવણી બિલો ફટકારવામાં આવ્યા છે.

જામનગરનાં સેલિબ્રિટી કપલનું ઉતરાયણ સેલિબ્રેશન : રવિન્દ્ર જાડેજાએ રીવાબા સાથે ઉડાડી પતંગ

દેશ દેવી ન્યુઝ જામનગર તા.૧૫ જાન્યુઆરી ૨૪ ભારતીય ટીમનાં ક્રિકેટર અને વિશ્વનાં શ્રેષ્ઠ ઓલરાઉન્ડરમાં જેમની ગણના થાય છે એવા રવિન્દ્ર જાડેજા તથા તેમનાં પત્ની અને જામનગર ઉત્તરનાં ધારાસભ્ય રીવાબા જાડેજાએ પતંગબાજી કરી ઉત્તરાયણ પર્વની આકાશી ઉજવણી કરી હતી. જામનગરમાં આવેલ પોતાનાં નિવાસ સ્થાને ક્રિકેટર તથા ધારાસભ્યે પતંગ ઉડાડી બાળપણ તાજું કર્યું હતું.

જામનગરના વેપારીને રોકાણના બહાને ૨૫ ટકા ની લાલચે રૂપિયા ૫૦ લાખની ઠગાઈ કરવા અંગેના પ્રકરણમાં પશ્ચિમ બંગાળમાંથી બે શખ્સો પકડાયા

• જામનગરની સાયબર ક્રાઈમ સેલ ની ટીમે પશ્ચિમ બંગાળના કલકત્તા અને હાવડા વિસ્તારમાં બંને આરોપીઓને ઝડપી લઇ જામનગર લઈ આવ્યા

દેશ દેવી ન્યુઝ જામનગર તા ૧૫ જાન્યુઆરી ૨૪, જામનગરના એક વેપારીને દર મહિને રોકાણના બદલામાં ૨૫ ટકા જેટલું રિટર્ન આપવાની લાલચ આપીને રૂપિયા ૫૦ લાખની રકમ પડાવી લઇ છેતરપિંડી કરવા અંગે સાયબર ક્રાઇમ પોલીસ મથકમાં ગુનો નોંધાયો હતો, જે પ્રકરણમાં સાઇબર ક્રાઇમ સેલ ની ટીમે તપાસ પશ્ચિમ બંગાળ સુધી લંબાવી બે આરોપીઓને ઝડપી લીધા છે, અને જામનગર લઈ આવ્યા પછી આગળની કાર્યવાહી હાથ ધરી છે.

આ ફરિયાદ ના બનાવ ની વીગત એવી છે કે જામનગરના એક વેપારી ઓન લાઇને ફ્રોડ કરતી ટોળકી ની ચૂંગાલમાં ફસાયા હતા, અને એક ઇન્વેસ્ટમેન્ટ એપ્લિકેશન મારફતે રોકાણ કરાવી દર મહિને ૨૫ ટકા જેટલું રિટર્ન આપવાની લાલચ આપી હતી, અને ૫૦ લાખથી વધુ ની રકમ મેળવી લઈ છેતરપિંડી આચરી હતી. જે મામલે જામનગરના સાઇબર સેલના પોલીસ મથકમાં ફરિયાદ નોંધાવી હતી, અને સાયબર પોલીસની ટીમ સમગ્ર ફરિયાદ મામલે ઊંડાણપૂર્વકની તપાસ કરી હતી.

સોશિયલ મીડિયા ના માધ્યમથી ઊંડાણપૂર્વકની તપાસના આધારે પશ્ચિમ બંગાળના કલકત્તા અને હાવડા શહેર સુધી તપાસનો દોર લંબાવ્યો હતો, ત્યાંથી કલકત્તા શહેરના વિદ્યાનગર વિસ્તારમાં રહેતા વિવેક સુશીલ કુમાર કનોરીયા (૩૮), તેમજ કલકત્તાના હાવડા વિસ્તારમાં રહેતા ભગતસિંહ ઇન્દ્રચંદ્ર વર્મા (૪૧) ની અટકાયત કરી લીધી હતી. અને બંનેને જામનગર લઈ આવ્યા પછી ઉપરોકત ગુનામાં અટકાયત કરી લઇ રિમાન્ડ પર લેવાની કાર્યવાહી હાથ ધરી છે. આરોપીઓએ ફરિયાદી વેપારી ખાતે વોટ્સએપ પર વાતચીત કરી ઇન્વેસ્ટમેન્ટ માટેની મોબાઇલ એપ્લિકેશન ડાઉનલોડ કરાવી હતી, અને ગોલ્ડ, ડાયમંડ તેમજ પ્લાસ્ટિક એમ જુદી જુદી ત્રણ કોમોડીટીમાં ઓપ્શનમાં રોકાણ કરવાની લાલચ આપી દર મહિને ૨૫ ટકા જેટલું રિટર્ન આપવાની જાહેરાતો કરી હતી, અને તે મુજબના નાના નાના ત્રણ પેમેન્ટ કરાવીને ફાયદો કરાવી આપ્યો હતો.

જેથી વેપારી વિશ્વાસ કરી બેઠા હોવાથી વધુ રોકાણના બહાને કુલ ૫૦ લાખથી વધુ ની રકમ ઓનલાઈન ટ્રાન્સફર કરાવી આપી હતી. જે પૈસા મેળવી લીધા હતા, અને મોબાઈલ ફોન સ્વીચ ઓફ કરી લીધા હતા.જેથી પોતાની સાથે છેતરપિંડી થઈ હોવાનું સાઈબર ક્રાઇમ પોલીસ સ્ટેશનમાં જાહેર કર્યું હતું અને પોલીસ ના હાથે તપાસના અંતે બે આરોપીઓ પકડાયા છે. આ પ્રકરણમાં હજુ અન્ય કોણ કોણ સંડોવાયેલું છે તે અંગે જાણવા માટે કવાયત કરવામાં આવી રહી છે.

જામનગરના જલારામ સેવા ટ્રસ્ટ- હાપા દ્વારા ગઇકાલે મકરસંક્રાંતિ નિમિત્તે ગાયમાતા માટે “ગૌચારા અન્નકોટ” યોજાયો

દેશ દેવી ન્યુઝ જામનગર તા ૧૫ જાન્યુઆરી ૨૪, જામનગરમાં જલારામ બાપા નો વિશ્વ વિક્રમી રોટલો બનાવનાર સંસ્થા જલારામ સેવા ટ્રસ્ટ- હાપા, પ્રભુદાસ ખીમજી કોટેચા અન્નક્ષેત્ર હોલ, અને મંગળા વિઠ્ઠલેશ ગૌશાળા- જલારામ મંદિર હાપાના સંયુક્ત ઉપક્રમે ગઈકાલે ૧૪ જાન્યુઆરીને મકરસંક્રાંતિના દિવસે ગૌચારા અન્નકૂટ મહોત્સવ નું આયોજન કરવામાં આવ્યું હતું. જેમાં ગાય માતાને ૪૨ જેટલી સામગ્રીનો અન્નકોટ ધરવામાં આવ્યો હતો, તેમજ ગાય માતાની આરતી કરવામાં આવી હતી. આ ઉપરાંત આગામી બુધવારને ૧૭ જાન્યુઆરીના દિવસે માતૃશ્રી વીરબાઇમાં જલિયાણ અન્નકોટ દ્વારા ૧૧૧ પ્રકારના “રોટલા અન્નકોટ”નું આયોજન કરવામાં આવ્યું છે.સનાતન ધર્મમાં દાન અને અન્નના મહત્વને ધ્યાનમાં રાખીને તેમજ ૩૬ કોટી દેવી-દેવતા ના વાસ ધરાવનારા ગૌમાતાના લાભાર્થે મકરસંક્રાંતિના પવિત્ર દિવસે સતત ચોથા વર્ષે ગૌચારા અન્નકોટ નુ આયોજન કરવામાં આવ્યું હતું.જેમાં ૪૨ જેટલી ખાદ્ય સામગ્રીનો અન્નકોટ ધરવામાં આવ્યો હતો, અને ગૌ ભક્તો માટે દર્શનાર્થે મુકાયો હતો, ત્યારબાદ તમામ વસ્તુઓ ગાયને ખવડાવ્યા પછી ગૌ માતાની આરતી પણ કરવામાં આવી હતી, જેમાં શહેરના અનેક ગૌભક્તો જોડાયા હતા.સાથો સાથ શ્રીનાથજી ની આઠ શમાની ઝાંખી ના દર્શન પણ યોજાયા હતા. સવારે ૯.૦૦ વાગ્યાથી બપોરે ૧૨.૦૦ વાગ્યા સુધી અને સાંજે ૫.૦૦ વાગ્યાથી સાંજે ૭.૦૦ વાગ્યા સુધી દર્શન નો લાભ લેવા હરિભક્તો જોડાયા હતા. સમગ્ર મહોત્સવ ની ઉજવણી જલારામ સેવા ટ્રસ્ટ વતી સર્વશ્રી રમેશભાઈ દતાણી, નવનીતભાઈ સોમૈયા, કિરીટભાઈ દતાણી, ભરતભાઈ મોદી, સુરેશભાઈ રૂપારેલ, રાજુભાઈ ચંદારાણા, અતુલભાઇ કાતર, રાજુભાઈ પતાણી, જયેશભાઈ ધામેચા, દિલીપભાઈ મજીઠીયા, પ્રમોદભાઈ રાજાણી, પ્રફુલભાઈ વારા, અતુલભાઈ પુજારા, શૈલેષભાઈ મલકાન, કમલેશભાઈ વસાણી, અને શૈલેષભાઈ કારીયા દ્વારા કરવામાં આવી હતી.આ ઉપરાંત ગૌચારા અન્નકોટ સમિતિમાં રાજુભાઈ હિંડોચા, સુનિલભાઈ તન્ના, મુકેશભાઈ લાખાણી, હિનેશભાઈ દોઢીયા, ચંદ્રવદનભાઈ ત્રિવેદી, લલિતભાઈ જોશી, હસમુખભાઈ પટેલ, જયેશભાઈ ચંદારાણા, ભાવિનભાઈ સચદેવ, જયેશભાઇ પાબારી અને અશોકભાઈ ભદ્રા જોડાયા હતા.આ ઉપરાંત વિક્રમ સવંત ૧૮૨૦ અને તારીખ ૧૭ જાન્યુઆરીના રોજ માતુશ્રી વીરબાઈ માં તેમજ પૂજ્ય જલારામ બાપા દ્વારા શરૂ કરવામાં આવેલા અન્નક્ષેત્રની ઉજવણીના ભાગરૂપે જલારામ સેવા ટ્રસ્ટ- હાપા દ્વારા સતત ૧૨મી વખત ૧૧૧ પ્રકારના રોટલાના અન્નકોટ નું આયોજન કરવામાં આવ્યું છે.જે રોટલા અન્નકોટ સમિતિમાં એડવોકેટ ભાવિનભાઈ ભોજાણી, જગદીશભાઈ સોમૈયા, નરોત્તમભાઈ થોભાણી, ધીરેનભાઈ દતાણી, ઉદિતભાઈ સોમૈયા, ભાવેશભાઈ તન્ના, ઉદીતભાઈ પંચમતીયા, વિરલભાઈ બગલ, ભાવેશભાઈ દતાણી, ગિરીશભાઈ વિઠલાણી અને જયભાઈ દતાણી જહેમત લઇ રહ્યા છે.

જામનગરમાં યોગેશ્વર નગર વિસ્તારમાં કચરો ફેંકવા ગયેલી એક યુવતી પર પાડોશી નો નિર્લજ્જ હુમલો: પરિવારને પણ માર માર્યાની ફરિયાદ

દેશ દેવી ન્યુઝ જામનગર તા ૧૫ જાન્યુઆરી ૨૪, જામનગરમાં યોગેશ્વર નગર વિસ્તારમાં એક રહેતા એક શખ્સે પોતાના પાડોશમાં જ રહેતી એક યુવતી, કે જે કચરો ફેકવા ગઈ હતી, તેના પર નિર્લજ્જ હુમલો કર્યો હતો, જયારે તેના પરિવારના સભ્યો ને પ્લાસ્ટિક ના પાઇપ વડે માર મારી જાનથી મારી નાખવાની ધમકી આપ્યાની ફરિયાદ પોલીસમાં નોંધાવાઈ છે.

આ બનાવની વિગત એવી છે કે જામનગરમાં યોગેશ્વર નગર વિસ્તારમાં રહેતા અજય દ્વારકાદાસ ગોંડલીયા ઉર્ફે અજલો બાવો નામના શખ્સે તેના પાડોશમાં જ રહેતી એક યુવતી, કે જે ઘર પાસે કચરો ફેંકવા ગઈ હતી, જે દરમિયાન તેણી ના પીઠના ભાગે હાથ ફેરવી, તેણીના વાળ ખેંચીને નિર્લજ્જ હુમલો કર્યો હતો.

ત્યારબાદ તેણીના ઘેર હાજર રહેલા કુટુંબી જેઠ અને તેની પત્ની તથા તેની પુત્રી કે જેને માથામાં પ્લાસ્ટિકનો પાઇપ મારી ધમકી આપી હતી. જેથી મામલો સીટી એ. ડિવિઝન પોલીસ મથકમાં લઈ જવાયો હતો, અને આરોપી અજલા બાવા સામે ફરિયાદ નોંધાવતાં પોલીસે આઈપીસી કલમ ૩૫૪ -એ, ૩૨૩,૫૦૪ તથા જીપીએક્ટ કલમ ૧૩૫-૧ મુજબ ગુનો નોંધ્યો છે, અને આરોપીની શોધ ખોળ હાથ ધરી છે.

જામનગર મા ચેક પરત ફરવા નાં કેસમાં ચેક ની બમણી રકમ નો દંડ અને બે વર્ષ સજા ફરમાવતી અદાલત

દેશ દેવી ન્યુઝ જામનગર તા.૧૧ જાન્યુઆર ૨૪, જામનગર મા નાંણા ધિરધાર કરતી પેઢી માંથી રૂ.૧ લાખ ૫૦ હજાર ની લોન મેળવી તેની પરત ચુકવણી માટે આપેલ ચેક પરત ફરવા નાં કેસ મા આરોપી ને બે વર્ષ ની સજા નો અદાલતે આદેશ કર્યો છે. જામનગર ની સિદ્ધનાથ એન્ટરપ્રાઈઝ ના નામથી ચાલતી નાણા ધીરધાર પેઢી કે જેના ઓથોરાઇઝડ સુનીલ નવીનચંદ્ર ગોરી હોય અને જામનગરમાં રહેતા નંદા માસુમભાઈ નીતિનભાઈ ને નાણાની જરૂરીયાત ઉપસ્થિત થતા સુનીલ નવીનચંદ્ર ગોરી ની પેઢી માથી રૂા.૧,૫૦,૦૦૦ ની અગંત લોન લીધી હતી , અને તે રકમની પરત ચુકવણી માટે નંદા માસુમભાઈ નીતિનભાઈ દ્રારા લોનની પરત ચુકવણી માટે સુનીલ નવીનચંદ્ર ગોરીની પેઢી ને. રૂા.૧,૫૦,૦૦૦ નો ચેક આપવામાં આવ્યો હતો.

જે ચેક “એકાઉન્ટ કલોઝડ” કારણે પરત આવેલ હતો. જેથી સુનીલ નવીનચંદ્ર ગોરી એ નંદા માસુમભાઈ નીતિનભાઈ વિરુદ્ધ ચીફ જ્યુડીશ્યલ મેજી સમક્ષ નેગોશીયેબલ ઇન્સ્ટ્રુમેન્ટ એકટની કલમ-૧૩૮ મુજબ ફોજદારી ફરિયાદ દાખલ કરેલ હતી.  આ અંગે નો કેસ ચલી જતા અદલતે આરોપી નંદા માસુમભાઈ નીતિનભાઈ ને તકસીરવાર ઠરાવી બે વર્ષની કેદની સજા અને ચેકની ડબલ રકમ એટલે કે રૂા.ત્રણ લાખ નાં દંડનો હુકમ ફરમાવેલ છે. અને જો રકમ ભરવામાં કસુર કરે તો આરોપીને વધુ ચાર માસની સાદી કેદની સજા ભોગવવાનો હુકમ ફરમાવેલ છે.

નેગોશિયેબલ ઇન્સ્ટ્રુમેન્ટ્સ કેસ આ ઘટના સાથે સંકળાયેલા તમામ પક્ષકારો માટે તંગ કાનૂની પડકાર બની જાય છે. તેવી જ રીતે, વિશ્વમાં icecasino અમે ખેલાડીઓ માટે નિષ્પક્ષતા અને પારદર્શિતા સુનિશ્ચિત કરવા માટે સ્પષ્ટ નિયમો અને શરતો પ્રદાન કરીએ છીએ. બોનસ અને પ્રમોશન, ચુકાદાઓની જેમ, ખેલાડીઓ માટે એક પુરસ્કાર અને પ્રોત્સાહન છે, જે રમતના તેમના આનંદમાં વધારો કરે છે. સ્લોટ્સ, પોકર, બ્લેકજેક અને રૂલેટ જેવી વિવિધ રમતો દરેક માટે કંઈક છે તેની ખાતરી કરે છે.

ઉપરોક્ત કામે ફરીયાદી સિદ્ધનાથ એન્ટરપ્રાઈઝના ઓથોરાઈઝડ સુનીલ નવીનચંદ્ર ગોરી તરફે જામનગરના યુવા ધારાશાસ્ત્રી જયેન્દ્રસિંહ એન. ઝાલા, નિરલ ઝાલા (હાઇકોર્ટ), હરપાલસિંહ પી. ઝાલા, સત્યજીતસિંહ પી. જાડેજા, કેયુર કે. અજુડિયા રોકાયેલા છે.