જામનગરમાં અખિલ ભારતીય સફાઈ મજદૂર કોંગ્રેસ યુનિયન અને પાવર લાઈન કંપનીના સફાઈ કામદારો ના ધરણાં
દેશ દેવી ન્યુઝ જામનગર તા ૨૯ જાન્યુઆરી ૨૪ જામનગર મહાનગરપાલિકા હસ્તક પાવર લાઈન કંપનીના સફાઈ કામદાર કે જેઓના પ્રશ્નોનો ઉકેલ નથી આવ્યો, તેવા ડોર ટુ ડોર ગારબેજ કલેક્શન સહિતના સફાઈ કામદારો દ્વારા આજે અખીલ ભારતીય સફાઈ મજદૂર કોંગ્રેસ યુનિયન ના નેજા હેઠળ પોતાના પ્રશ્નોને વાચા આપવા માતે લાલ બંગલા સર્કલમાં ધરણા કરવામાં આવ્યા હતા.
જામનગર મહાનગરપાલિકાના તાબા હેઠળ ચાલતી પાવર લાઈન કંપની માં ફરજ બજાવતા ગારબેજ કલેક્શનના સફાઈ કામદારો કે જેના પ્રાણ પ્રશ્નોનો અનેક વખતની રજુઆત બાદ પણ ઉકેલ આવ્યો નથી. તેવા અંદાજે ૧૪૦ જેટલા કામદારો ત્રીજી જાન્યુઆરીથી તેઓની ફરજથી અળગા રહીને ગાંધી ચીંધ્યા માર્ગે ન્યાયિક અપેક્ષા થી હડતાલ ઉપર છે. જે કામદારો માટેનું કંપની દ્વારા કોઈ નિરાકરણ લાવવામાં આવ્યું ન હોવાથી પોતાની માંગણીઓ ના સંદર્ભમાં આજે તમામ સફાઈ કામદારો દ્વારા અખિલ ભારતીય સફાઈ મજદૂર કોંગ્રેસ ના નેજા હેઠળ લાલ બંગલા સર્કલમાં ઘરણાં યોજવામાં આવ્યા છે.
જો પોતાની માંગણીનો ઉકેલ નહીં આવે તો કંપનીના ભાડૂતી કામદારોની કામગીરી પણ અટકાવી ગારબેજ કલેક્શનની કામગીરી ગાંધી ચીંધ્યા માર્ગે બંધ કરાવવાની પણ ચીમકી ઉચ્ચારવામાં આવી છે.
જે અકસ્માતમાં બસની અંદર બેઠેલા શ્રમિકોમાં ભારે અફડા તફડીનો માહોલ સર્જાયો હતો. જેમાં બેઠેલા ૧૦ જેટલા શ્રમિકો ઇજા ગ્રસ્ત બન્યા હતા, અને તમામને ૧૦૮ નંબરની એમ્બ્યુલન્સ મારફતે સારવાર માટે જામનગરની સરકારી જી.જી. હોસ્પિટલમાં ખસેડાયા હતા. જે પૈકી બે શ્રમિકોને ગંભીર ઈજા થઈ છે.
આ અકસ્માતના બનાવની વિગત એવી છે કે ઝારખંડ થી ટ્રેન મારફતે ૪૦ જેટલા શ્રમિકો જામનગર તરફ આવ્યા હતા, અને મોટી ખાવડી સ્થિત ખાનગી કંપનીમાં પહોંચાડવા માટે તેઓને જી.જે.-૧ડી.એક્સ. ૨૧૯૨ નંબરની ખાનગી લકઝરી બસ મારફતે મોટી ખાવડી પહોંચાડવામાં આવી રહ્યા હતા.જે દરમિયાન ચેલા-ચંગા ગામના પાટીયા પાસે એકાએક ખાનગી લકઝરી બસ રોડ થી નીચે ઉતરીને પલટી મારી ગઈ હતી, અને ઊંધા માથે થઈ હતી. જે અકસ્માતના બનાવને લઈને બસની અંદર બેઠેલા શ્રમીકોમાં ભારે અફડા તફડીનો માહોલ સર્જાયો હતો.
આ અકસ્માતના બનાવની જાણ થતાં જામનગર આસપાસની જુદી જુદી ત્રણ ૧૦૮ નંબરની એમ્બ્યુલન્સ બનાવના સ્થળે પહોંચી હતી, અને દસેક જેટલા ઇજાગ્રસ્ત શ્રમિકોને તાત્કાલિક અસરથી સારવાર માટે જામનગરની સરકારી જી.જી. હોસ્પિટલમાં પહોંચાડવામાં આવ્યા છે. જેમાં બે શ્રમિક ને ગંભીર ઇજા થઇ છે. બાકીના ને પ્રાથમિક સારવાર અપાઈ રહી છે. 
આ અકસ્માતના બનાવની જાણ થતાં પંચકોષી એ. ડિવિઝનનો પોલીસ કાફલો દોડતો થયો હતો, અને સમગ્ર બનાવ અંગે વધુ તપાસ હાથ ધરી છે.
દેશ દેવી ન્યુઝ જામનગર તા ૨૮ જાન્યુઆરી ૨૪ જામનગરમાં ખેતીવાડી ફાર્મ નજીક સિદ્ધાર્થ નગરમાં રહેતા એક દલિત યુવાન પર જુની અદાવત રાખીને ચાર શખ્સોએ હુમલો કરી હડધૂત કર્યો હોવાની ફરિયાદ પોલીસમાં નોંધાવાતાં ચકચાર જાગી છે. જ્યારે ઇજાગ્રસ્ત યુવાનને સારવાર અપાઇ છે.
દેશ દેવી ન્યુઝ જામનગર તા. ૨૭ જાન્યુઆરી ૨૪ જામનગર બ્રિલિયન્ટ સ્કૂલ્સ આયોજીત શ્રીરામ પૂજન નો કાર્યક્રમ યોજાયો હતો સાથે ભગવાન શ્રી રામ-લક્ષ્મણ-જાનકી ની ભવ્ય શોભાયાત્રા , સ્વાગત , પાદુકા પૂજન , સાંસ્કૃતિક કાર્યક્રમો તથા મહાઆરતીનું આયોજન કરાયું હતું 
જામનગરની પ્રતિષ્ઠીત અને શિસ્ત સાથે શિક્ષણને વરેલી વટવૃક્ષ સમાન જ્ઞાનયજ્ઞ સમાન બ્રિલિયન્ટ ગૃપ ઓફ સ્કુલ્સ દ્વારા અયોધ્યામાં ભગવાન શ્રી રામના પુન:પ્રતિષ્ઠાનના ભવ્યાતિભવ્ય મહામહોત્સવના સમાંતર જ જામનગરમાં દિવ્ય આયોજન કરી વિદ્યાર્થીઓમાં મુલ્યોનું સિંચન થાય તેવા ઉમદા ભાવથી આસ્થામય માહોલને તાદ્રશ્ય કર્યો હતો જેથી બાળવયથી જ સત્ય-અનુશાસન- વચનબદ્ધતા સહિતના સદગુણો થકી વિદ્યાર્થીઓ સ્વયં ઉજાગર થાય જે દિવ્ય સમાજ અને દિવ્ય રાષ્ટ્રનું સર્જન કરી માં ભારતીના ચરણોમાં ભેંટ ધરી શકે છે.
આ તકે બ્રિલિયન્ટ ગૃપ ઓફ સ્કુલના ડાયરેક્ટર શ્રીમતી ઉસ્મિતાબેન ભટ્ટ અને ચેરમેન અશોકભાઈ ભટ્ટે જણાવ્યુ હતુ કે અમારૂ આ આયોજન સહજ રીતે સાકાર થયાનો અમે અનુભવ કર્યો અને સમગ્ર આયોજનની પરીપુર્તિ વિદ્યાર્થીઓ અને વાલીઓની ઉંડી શ્રદ્ધાનુ પ્રતિક બની રહી હતી
વધુમાં બ્રિલિયન્ટ ગ્રુપ ઓફ સ્કૂલ્સ જામનગરનાં ચેરમેનશ્રી અશોકભાઈ ભટ્ટએ જણાવ્યુ કે અયોધ્યાપુરીના પ્રાણ પ્રતિષ્ઠા મહોત્સવ અંતર્ગત અહી શાળાના વિદ્યાર્થીઓ, વાલીઓ અને શિક્ષકગણ સાથે ભવ્યાતિ ભવ્ય કાર્યક્રમનું આયોજન કરવામાં આવેલુ જે ખુબજ સફળ બની રહ્યું હતુ ..
જેમાં તા.૨૨ ને સોમવારના નાં સવારે લાલ બંગલા સર્કલથી સ્કુલ્સના વિદ્યાર્થીઓ દ્વારા શ્રી ગણેશજી -હનુમાનજી – શ્રી રામ, લક્ષ્મણ, જાનકી તેમજ ભારતમાતાનાં પોષાકમાં સુ-સજજ થઈ શોભાયાત્રાનું આયોજન કરવામાં આવ્યુ હતુ આ શોભાયાત્રા લાલ બંગલા સર્કલથી નીકળી બ્રિલિયન્ટ સ્કૂલ ખાતે આવી જયાં શાળાનાં ડાયરેકટર ઓફ એજયુકેશન શ્રીમતી ઉસ્મિતાબેન ભટ્ટ ધ્વારા શોભાયાત્રાનું સ્વાગત તેમજ સામૈયા કરી શ્રી રામ ભગવાનનું સહ પરિવારનું પવિત્ર તીર્થજળથી પાદુકા પુજન તેમજ શાસ્ત્રોકત વિધિથી પુજન કરવામાં આવ્યુ હતુ 
ત્યારબાદ શાળા ખાતે રામ ભગવાન મૂર્તિ પ્રાણ પ્રતિષ્ઠા અંતર્ગત વિવિધ સાંસ્કૃતિક કાર્યક્રમનું આયોજન કરવામાં આવ્યુ હતુ અને અંતમાં ૧૦૦૮ દિપ પ્રગટાવી શાળાનાં ટ્રસ્ટી મૌલિકભાઈ ભટ્ટ તથા ભવ્યતાબેન ભટ્ટ ધ્વારા વિદ્યાર્થીઓ, વાલીગણ અને શિક્ષકગણને સાથે રાખી મહાઆરતી કરવામાં આવી હતી જે સંપુર્ણ આયોજન “અવધમાં પધાર્યા શ્રીરામ”ની થીમ અને આયોજન ને સમાંતર કાર્યક્રમો યોજાયા હતા જે ઉર્જામપ માહોલમાં સંપન્ન થયુ હતુ. કાર્યક્રમના અંતે રાષ્ટ્રગીતનું ગાન રાષ્ટ્રભાવના સાથે કરાયુ હતુ
ખાસ કરીને ભારત માં સદીઓ બાદ એક એવો અવસર આવ્યો છે જે નવા યુગનુ નિર્માણ કરનાર છે ત્યારે બ્રિલિયન્ટ ગૃપ ઓફ સ્કુલ્સના બાળકોમાં ભગવાન શ્રીરામ ના મર્યાદા પુરૂષોતમ અવતારના આદર્શો જાણી બાળવયથી જ જીવનમાં મુલ્યોનું સિંચન કરી પોતાના જીવનભર અનોખી દિવ્ય ઉર્જા સાથે પતાના ક્ષેત્રમાં નિરંતર પ્રગતિ કરે તે હેતુ સાથેનુ આ સમગ્ર આયોજન યાદગાર બની રહ્યું હતુ તેમજ વાલીઓના શુભેચ્છકોના, સ્નેહીઓના આ આયોજન અંગે સુંદર અને પ્રોત્સાહક પ્રતિભાવો સાંપડ્યા છે.
જે બાઈક યાત્રા હવાઈ ચોક, એવેડીયા મામા, સેન્ટર બેંક, વર્ધન ચોક, દરબારગઢ, ચાંદી બજાર, પંજાબ નેશનલ બેંક, કડિયાવાડ, સ્વામિનારાયણ મંદિર, બેડીનું નાકુ,અને અંતમાં ટાવરે શ્રીરામ દૂધ હનુમાન મંદિરે શ્રીરામ-લક્ષ્મણ -જાનકી અને હનુમાનજીનું સ્વાગત કર્યું હતું. શ્રી રામરથ યાત્રા દરમિયાન તળાવની પાળે બજરંગ ગ્રુપ, એવડિયા મામા પાસે ગજ કેસરી યુવા ગ્રુપના પંડ્યા સહિત, વર્ધન ચોક સીંધી માર્કેટ વાસણ એસોસિએશન, લાલવાડી ફટાકડા એસોસિએશન, કાશી વિશ્વનાથ ખવાસ રાજપૂત યુવા ગ્રુપ દિપક ટોકીઝ, પંજાબ નેશનલ બેંક કોર્પોરેટર આકાશ બારડ દ્વારા સ્વાગત, આ રીતે અનેક સ્થાનો પર સ્વાગત તેમજ ઠંડા પીણા ની વ્યવસ્થા ઉભી થયેલ હતી. શ્રી રામ-લક્ષ્મણ-જાનકી અને હનુમાનજીના રથનું અનેક સ્થળો પર ફટાકડા ફોડી સ્વાગત કરાયું હતું.
યાત્રા દરમિયાન જામનગર શહેર દક્ષિણ-૭૯ ના ધારાસભ્ય શ્રી દિવ્યેશભાઈ અકબરી તેમજ ડેપ્યુટી મેયર ક્રિષ્નાબેન સોઢા, સ્ટેન્ડિંગ કમિટીના ચેરમેન નિલેશ કગથરા, દંડક કેતન નાખવા, કોર્પોરેટર અરવિંદ સભાયા, પાર્થ કોટડીયા,પ્રભાબેન ગોરેચા,ડિમ્પલબેન રાવલ, પૂર્વ મેયર હસમુખ જેઠવા, પૂર્વ કોર્પોરેટર સુરેશ હાલરીયા તેમજ ભાજપ યુવા મોરચાના હોદ્દેદારો તથા બીજેપીના આગેવાનો ખાસ ઉપસ્થિત રહ્યા હતા.
આ યાત્રા દરમિયાન બીજેપીના જીતુભાઈ લાલે ફોનથી અભિનંદન સાથે શુભેચ્છા પાઠવી હતી. સાંસદ પૂનમબેન માડમે હિન્દુ સેનાને પત્ર મોકલાવી શુભકામના પાઠવી હતી.આ યાત્રામાં હિન્દુ ઉત્સવ સમિતિના કાર્યકારી અધ્યક્ષ ધીરુભાઈ કનખરા તેમજ મહાદેવ હર મિત્ર મંડળના પ્રમુખ રાજુભાઈ મહાદેવ તેમજ સંસ્થાના કાર્યકર્તાઓ ખાસ ઉપસ્થિત રહી હિન્દુ સેનાને પૂરો સહયોગ આપ્યો હતો.
યાત્રાની શરૂઆતથી જામનગર ઇલેક્ટ્રોપ્લેટર્શ એસોસિયેશનના પ્રમુખ મનસુખભાઈ ચૌહાણ, સહમંત્રી અમૃતભાઈ વાડીયા, ખજાનચી પંકજભાઈ બોરેચિય તથા અયોધ્યાનગર રામ મંદિરે ગ્રુપના આગેવાન લીલાભાઈ મોઢવાડિયા, જીવાભાઈ કારાવદરા, શૈલેષભાઈ વસોયા, કિશોરભાઈ ડાભી તેમજ સિંધી સમાજના પ્રમુખ ઘનશ્યામદાસ ગંગવાણી, સેક્રેટરી ધનરાજભાઈ મનગવાણી, પ્રમુખ ઓધવદાસ ચંદીરામાણી,બ્રહ્મ સમાજના અગ્રણી સુનિલભાઈ ખેતિયા તેમજ હિન્દુ કટ્ટર નેતા વ્રજલાલભાઇ પાઠક, વિશાલભાઈ ખખર, ભાવેશભાઈ ઠુમર, કરણી સેના જામનગરના મહામંત્રી હાર્દિકસિંહ ચુડાસમા, જીમી ભરાડની યાત્રા દરમિયાન ખાસ ઉપસ્થિતિ રહી હતી.
આ યાત્રા નું આકર્ષણ રથ બેઠેલા શ્રી રામ-લક્ષ્મણ-જાનકી તથા હનુમાનજી અને રથની પાછળ બહેનો દ્વારા જય શ્રી રામના નારાથી વાતાવરણ રામમય બની ગયું હતું. આજ યાત્રામાં સિંધી યુવાન દ્વારા પોતાની પીઠ પર અયોધ્યા વાપસી ના ચિત્રો દોરી લોકોમાં ઉત્સાહ તેમજ આકર્ષણ જગાવ્યું હતું.