જામનગર માં ભાજપ દ્વારા કોંગ્રેસ અગ્રણી રાહુલ ગાંધી ના પૂતળા દહન નો કાર્યક્રમ: પોલીસ દ્વારા ભાજપ ના આઠ કાર્યકર્તાઓની અટકાયત
દેશ દેવી ન્યુઝ જામનગર તા. ૧૦ ફેબ્રુઆરી ૨૪ કોંગ્રેસ ના નેતા રાહુલ ગાંધીએ વડાપ્રધાન નરેન્દ્રભાઈ મોદી અને ઓબીસી અંગે અશોભનીય નિવેદન આપ્યુંછે. આ અંતર્ગત ભાજપ નાં બક્ષીપંચ મોરચા દ્વારા રાહુલ ગાંધી ના પૂતળા દહન કાર્યક્રમ આજે લાલ બંગલા સર્કલમાં યોજવામાં આવ્યો હતો. જે વિરોધ પ્રદર્શન કરી રહેલા ૮ કાર્યકરોની પોલીસ દ્વારા અટકાયત કરાઈ હતી.
ભારતીય જનતા પાર્ટી જામનગર ના બક્ષીપંચ મોરચા દ્વારા શહેર નાં લાલ બંગલા સર્કલમાં કોંગ્રેસ અગ્રણી રાહુલ ગાંધી નાં પૂતળાં દહન નો કાર્યક્રમ યોજવામાં આવ્યો હતો. વડા પ્રધાન નરેન્દ્રભાઈ મોદી અને ઓબીસી વિશે એલફેલ ભાષણ રાહુલ ગાંધીએ કર્યું હતું.આથી તેના વિરોધ મા જામનગર માં આજે રાહુલ ગાંધી ના પૂતળાં દહન નો કાર્યક્રમ ભાજપ દ્વારા યોજવામાં આવ્યો હતો.
ભાજપના કાર્યકર્તાઓ પૂતળું લઈ ને આવતાની સાથેજ પોલીસે તેને કબ્જે કરવા દોડધામ કરી હતી. આ સમયે પોલીસે ભાજપના આઠ જેટલા કાર્યકર્તાઓની અટકાયત કરી હતી. આ કાર્યક્રમમાં શહેર ભાજપ પ્રમુખ ડો. વિમલ કગથરા, મહામંત્રી વિજયસિંહ જેઠવા, ભાજપ ના કોર્પોરેટરો કાર્યકર્તા ભાઈ – બહેનો અને બક્ષી પંચ મોરચા ના કાર્યકર્તાઓ જોડાયા હતા.
જામનગર મહાનગર પાલિકાની સ્ટેન્ડીંગ કમિટીની બેઠકમાં આજે ચેરમેન નિલેષ કગથરા ના અધ્યક્ષ સ્થાને મળી હતી .જેમાં મેયર વિનોદ ખીમસુર્યા, ડેપ્યુટી મેયર ક્રિષ્નાબેન સોઢા, મ્યુનિ. કમિશનર ડી.એન.મોદી, ઉપરાંત કમિટી નાં સભ્યો અને અધિકારી ઓ ઉપસ્થિત રહ્યા હતાં.ગત તા. ર-ર-ર૪ના મ્યુનિ. કમિશનર દ્વારા વર્ષ ર૦ર૪-રપ નું વાર્ષિક રૃા. ૧ર૪૩.૭૦ કરોડના ખર્ચવાળું અંદાજપત્ર રજુ કરવામાં આવ્યું હતું તેમાં સવાસો કરોડના આવક-ખર્ચની ગણતરી કરી તેઓએ બજેટનું કદ વધારે કુલ રૃા. ૧૩૬૮ કરોડનું કરવામાં આવ્યું હતું. જેના ઉપર ચર્ચા કર્યાના અંતે બજેટને મંજુરી આપી સામાન્ય સભા તરફ મંજુરી માટે મોકલી આપવામાં આવ્યું હતું.
મિલકત વેરા, પાણી વેરા, સરચાર્જ, કન્ઝર્વન્સી ચાર્જ, વ્હીકલ, મનોરંજન વેરો, વ્યવસાય વેરો રીબેટ માં.કોઈ ફેરફાર સૂચવાયો ન હતો. રેન્ટ બેઈઝ મુજબ ની વ્યાજ માફી યોજનાની મુદ્દત ૩૧-૩-રપ સુધી કરવા ભલામણ કરવામાં આવી છે. જ્યારે ક્ષેત્રફળ આધારીત બાકી મિલકત વેરા વસુલાત માટે વ્યાજ માફી યોજનામાં ૧૦૦ ટકા માફી આપવા ભલામણ કરવામાં આવી છે.વોટર વર્કસ, એસ્ટેટ શાખાના દર, ટાઉન હોલ ભાડા, કારખાના લાયસન્સ, પાર્કિંગ જાહેરાત નાં દર , સોલીડ વેસ્ટ, ફાયર ચાર્જ, ભૂગર્ભ ગટર ચાર્જ યથાવત રાખવામાં આવ્યા છે. ગાર્ડન એન્ટ્રી ફ્રી, તળાવ એન્ટ્રી ફ્રી, ભુજીયા કોઠા એન્ટ્રી ફ્રી, કોમ્યુનિટી હોલ ભાડું સહિતના નો દરો પણ યથાવત રાખવા નિર્ણય લેવાયો હતો.
આંતરરાષ્ટ્રીય મહિલા દિવસ, ભાઈબીજ અને રક્ષાબંધનના દિને સિટી બસમાં મહિલાઓને મફત મુસાફરી કરવા દેવામાં આવશે. સમર્પણ જંકશન સર્કલ પાસે ૬પ કરોડના ખર્ચ અને અને ઠેબા ચોકડી પાસે રૃા. ૬૦ કરોડના ખર્ચે ઓવરબ્રીજ બનાવવામાં આવશે આ માટે કુલ ૧રપ કરોડની રકમ સરકાર ફાળવશે. જે રકમ નો આજ ની બેઠક માં સમાવેશ કરાયો હતો. આથી બજેટનું કદ વધવા પામ્યું છે. ઉપરાંત મહાનગરપાલિકાની સેવાઓ ઓનલાઈન કરાશે. આ માટે એપ્લીકેશન લોન્ચ કરવામાં આવશે.તેની પણ જાહેરાત કરવામાં આવી છે.
આ બનાવની વિગત કેવી છે કે જામનગરના રામેશ્વર નગર નજીક ગાયત્રી નગર શેરી નંબર ત્રણ માં રહેતા અને પંચવટી વિસ્તારમાં દુકાન ચલાવતા ભાગ્યદીપસિંહ ધર્મેન્દ્રસિંહ જાડેજા નામના ૨૫ વર્ષના યુવાને પોતાની દુકાનમાં કોઈ અગમ્ય કારણસર પોતાની કાયા પર પેટ્રોલ છાંટી અગ્નિસ્તાન કરી લીધું હતું.
જે બનાવ અંગે ૧૦૮ ની ટીમને જાણ થતાં ૧૦૮ ની ટુકડી ઘટના સ્થળે દોડી આવી હતી, અને ભાગ્યદીપસિંહ ને ગંભીર હાલતમાં સારવાર માટે જામનગરની જી.જી. હોસ્પિટલમાં પહોંચાડ્યો હતો. જયાં ફરજ પરના તબીબે તેનું મૃત્યુ નીપજયું હોવાનું જાહેર કર્યું હતું.આ બનાવ અંગે મૃતકના નાનાભાઈ કૃષ્ણદીપસિંહ ધર્મેન્દ્રસિંહ જાડેજાએ પોલીસને જાણ કરતાં સીટી બી ડિવિઝન પોલીસે મૃતદેહનો કબજો સંભાળ્યો છે, અને સમગ્ર બનાવ મામલે ઊંડાણપૂર્વકની તપાસ શરૂ કરી છે.
હાપા માર્કેટ યાર્ડની ચૂંટણી સમરસ થાય તેવા પ્રયત્નો થયા હતાં. પરંતુ તેમાં સફળતા મળી ન હતી આથી આજે બેલેટ પેપર થી મતદાન પ્રક્રિયા હાથ ધરવામાં આવી હતી. ખેડૂત વિભાગની ૧૦ બેઠક માટે ૧૭ ઉમેદવારો અને વેપારી વિભાગની ૪ બેઠક ૧૧ ઉમેદવારો એ ચૂંટણીમાં ઝુકાવ્યું છે. 
ખેડૂત વિભાગ માં ૭૬૦ અને વેપારી વિભાગ ૧૧૦ મળી કુલ ૧૪ બેઠક માટે ૮૭૦ મતદારો નોંધાયા છે.આજે સોમવારે સવારે ૯ વાગ્યે માર્કેટ યાર્ડમાં મતદાન પ્રક્રિયાનો પ્રારંભ થયો હતો.અને સાંજે પાંચ વાગ્યા સુધી મતદાન થયું હતું. ખેડૂત વિભાગમાં ૭૬૦ મતદારો નોંધાયા છે તેમાંથી ૭૧૯ મતદારોએ પોતાના મત અધિકારનો ઉપયોગ કરતા ૯૪ ટકા જેવું મતદાન નોંધાયું છે. જ્યારે વેપારી વિભાગમાં તમામ ૧૧૦ મતદારોએ પોતાના મતાધિકાર નો ઉપયોગ કરતા સો ટકા મતદાન નોંધાયું હતું. આમ બંને વિભાગમાં મળીને સરેરાશ ૯૭ ટકા જેવું ભારે મતદાન થયું છે.
હવે મંગળવારે મતગણતરી હાથ ધરવામાં આવશે. ખેડૂત વિભાગમાં ભાજપ પ્રેરીત પેનલ સામે પક્ષનાં જ બે સભ્યોએ ઉમેદવારી નોંધાવી ઉપરાંત આમ આદમી પાર્ટીનાં જીલ્લા પ્રમુખ વશરામભાઈ રાઠોડ પણ ચૂંટણી મેદાનમાં છે. ચૂંટણી અધિકારીઓ જીલ્લા રજીસ્ટ્રારની સિધી દેખરેખ હેઠળ મતદાનની પ્રક્રિયા પૂર્ણ કરવામાં આવી હતી.
