જામનગર તાલુકાના મોટા થાવરિયા ના એક પરિવારના મિલકતના ભાગ અંગેના કેસમાં ‘દેર હૈ પર અંધેર નહી’ નું સૂત્ર સાર્થક થયું

• પિતરાઈ ભાઈ ના રસ્તા અને વિજળી મેળવવાના મુળભુત હકક છીનવવા કાકાની દિકરીના કારસા પર અદાલતનો રૂક જાવ નો હુકમ

દેશ દેવી ન્યૂઝ જામનગર તા ૧૧ નવેમ્બર ૨૪ આ કેશની રસપ્રદ હકીકત એવી છે કે જામનગર તાલુકાના મોટા થાવરીયા ગામે. ૫૫ વર્ષ પહેલાં ભાયુભાગ પડેલી જમીન અંગે ધીરૂભાઈ ચોવટીયાનો કબજો પણ તે મુજબ સંભાળી અને ત્યારથી ભાગમાં આવેલ જમીનનો કબજો ભોગવટો-વપરાશ ચાલુ હતો.

પરંતુ અચાનક રેવન્યુ પેપર્સમાં ફેરફાર કરી શોભનાબેન તુલસીભાઈ ચોવટીયા એટેલે કે ડો.હિતેન પટેલના પત્નિએ પોતાની મેળે કબજા અંગે અર્થઘટન કરી અને હકુમત ન હોય તેવી સરકારી કચેરીમાં રસ્તામાં ધીરૂભાઈ ચોવટીયાનો હકક હોવા અંગે તદન ગેરકાયદેસર કાર્યવાહિ શરૂ કરી હતી. સૌપ્રથમ પોલીસ ડીપાર્ટમેન્ટમાં ફોજદારી અરજી તેમા ધીરૂભાઈ ચોવટીયાએ વારંવાર પોલીસ સમક્ષ હાજર રહેવુ પડલું. ત્યારબાદ પી.જી.વી.સી.એલ. સમક્ષ વિજ જોડાણ અંગે અરજી કરી માનસીક ત્રાસ આપવાનું શરૂ કર્યું હતું.

આથી ધીરૂભાઈએ અદાલતનું શરણ લીધુ હતું, અને અદાલત સમક્ષ પણ પ્રતિવાદી શોભનાબેને જવાબ આપવાની દરકાર કરી ન હતી. પરંતુ મામલતદાર સમક્ષ રસ્તો ન હોવા અંગે દાવો કર્યો હતો.અગાઉ લેન્ડ ગ્રેબીગ દબાણના કેશો ધીરૂભાઈ વિરૂધ્ધ ખાનગી મિલકત દબાણ અંગે મામલતદાર ચિંતિત હતા. પરંતુ કોઈ હુકમ કરી શક્યા નહતા. મામલતદારે કોર્ટ એકટ મુજબ ચાલુ રસ્તો બંધ કરવામાં આવેતો ખુલ્લો કરવા તે રસ્તો બંધ કરવો નહી, તે મામલતદાર પાસે સતા હોય છે.

જે દરમિયાન મામલતદાર એમ.બી.દવે ની ટ્રાન્સફર થઇ હતી, તે છતા ચાર્જ છોડતા પહેલાં ફોટોગ્રાફનું નીરક્ષણ કરી સતા કે હકુમત ન હોવા છતા ફોટોગ્રાફ જોતા “તાજેતરમાં રસ્તો થયો હોય તેવુ જણાય છે” માત્ર ફોટો જોતા રસ્તો કયારથી છે તેવુ દિવ્યજ્ઞાન ધરાવતા હોય કોઈ અગમ્ય કારણસર હુકમ કરી અને હોદાનો ચાર્જ છોડયો હતો.

વાદી તરફે રોકાયેલા એડવોકેટ હેમાંશુ સોલંકી અને કૌશિક પરમારે અદાલત સમક્ષ પ્રતિવાદી મામલતદાર કન્ટેમ્પ્ટ ઓફ કોર્ટ અંગે કાર્યવાહિ શરૂ કરી હતી.

જે હકીકતની ગંભીરતા જોતાં અદાલતે દાવાની તારીખ ન હોવા છતા દાવો હાથ પર લઈ તુરંત મનાઈ હુકમ ફરમાવતાં કાકાની દિકરી શોભનાબેનના હાથ હેઠા પડયા હતા, અને ન્યાયતંત્ર મે દેર હૈ અંધેર નહી, નું સૂત્ર સાર્થક થયું હતું. આ કેસમાં વાદી વતી સીનીયર એડવોકેટ હિતેન ભટ્ટ, હેમાંશુ સોલંકી, ધર્મેન્દ્ર ઠાકર અને કૌશિક પરમાર રોકાયેલા છે.

કાલાવડ વિશ્વ હિન્દુ પરિષદના પ્રમુખ અને તેના ભાઈ પર ત્રણ શખ્સોએ હીચકારો હુમલો કરી દેતાં ભારે ચકચાર

• વાડીએ જતી વખતે વાહન અથડાતાં નુકસાનીના ૨૦,૦૦૦ માંગી હુમલો કરાયો: વધુ સારવાર માટે જામનગર ખસેડાયા

દેશ દેવી ન્યૂઝ જામનગર તા ૧૧ નવેમ્બર ૨૪, જામનગર જિલ્લાના કાલાવડ ટાઉનના વિશ્વ હિન્દુ પરિષદના પ્રમુખ રમેશભાઈ દોંગા તેમજ તેના ભાઈ હસમુખભાઈ દોંગા ઉપર ત્રણ વ્યક્તિએ હુમલો કરી દેતાં ભારે દોડધામ થઈ હતી. બંને ઈજાગ્રસ્ત ને સૌપ્રથમ કાલાવડ ની સરકારી હોસ્પિટલમાં પ્રાથમિક સારવાર આપ્યા પછી વધુ સારવાર માટે જામનગરની સરકારી જી.જી. હોસ્પિટલમાં ખસેડવામાં આવ્યા છે.

જાણવા મળતી વિગતો અનુસાર કાલાવડના વિશ્વ હિન્દુ પરિષદના પ્રમુખ રમેશભાઈ દોંગા ના ભાઈ હસમુખભાઈ દોંગા કે જેઓ પોતાનું વાહન લઈને વાડીએ જઈ રહ્યા હતા, જે દરમિયાન એક બાઈક સાથે અથડાતાં અકસ્માત સર્જાયો હતો. જે અકસ્માતમાં નુકસાન થયું છે તેમ કહી સામાવાળા ત્રણ વ્યક્તિએ નુકસાની ના ૨૦,૦૦૦ રૂપિયા ની માંગણી કરી હતી. ત્યારબાદ તેઓએ પોતાના ભાઈ રમેશભાઈને બોલાવી લીધા હતા.

જ્યાં બંને ભાઈઓ પર ત્રણેય વ્યક્તિએ હુમલો કરી દેતાં કાલાવડમાં ભારે ચર્ચા જાગી છે. આ બનાવની જાણ થતાં કાલાવડ ટાઉન પોલીસની ટુકડી જામનગરની સરકારી હોસ્પિટલમાં દોડી ગઈ છે અને આ બનાવ અંગે પોલીસ ફરિયાદ નોંધવા તજવીજ હાથ ધરાઇ છે.

જામનગરની ટ્રાફિક શાખા દ્વારા ટ્રાફિક આવેરનેશ ના ભાગરૂપે અલગ અલગ પંદર વિસ્તારોમાં પોસ્ટર ઝુંબેશ હાથ ધરાઈ

દેશ દેવી ન્યૂઝ જામનગર તા ૧૧ નવેમ્બર ૨૪, જામનગર જિલ્લા પોલીસ તંત્ર તેમજ ટ્રાફિક શાખા દ્વારા વાહન અકસ્માતની સલામતીના ભાગરૂપે અલગ અલગ ટ્રાફિક અવેરનેશના કાર્યક્રમો ચલાવવામાં આવી રહ્યા છે, જેના ભાગરૂપે લોકો દ્વારા સલામત રીતે વાહન ચલાવવામાં આવે, અને અકસ્માત તિવારી શકાય તેના ભાગરૂપે ખાસ પોસ્ટર ઝુંબેશ શરૂ કરવામાં આવી છે, અને શહેરના જુદા જુદા વિસ્તારો તેમજ જામનગર ના અલગ અલગ પ્રવેશ દ્વાર સહિતના ૧૫ જેટલા વિસ્તારોમાં બેનર- પોસ્ટર લગાવવામાં આવ્યા છે.

જામનગરની ટ્રાફિક શાખાના પી.આઈ. એમ.બી. ગજજર તેમજ પી.એસ.આઇ. અબ્દુલ ચોવટ તથા સ્ટાફના મહેન્દ્રસિંહ ઝાલા, મનોહરસિંહ ઝાલા સહિત ની ટીમ દ્વારા જામનગર શહેરના જુદા જુદા વિસ્તારો, તેમજ ખંભાળિયા બાયપાસ થી ખીજડીયા બાયપાસ ના હાઈવે માર્ગ પર ઉપરાંત જામનગર શહેરના અલગ અલગ પ્રવેશ દ્વારા પાસે આ પ્રકારના બેનર-પોસ્ટર લગાવીને ટ્રાફિક સંદર્ભે લોકોમાં જાગૃતિ આવે તે અંતર્ગત આ કાર્યવાહી કરવામાં આવી છે.

જામનગરના હાપા માર્કેટિંગ યાર્ડમાં મગફળીના વેચાણ માટે ખેડૂતોના વાહનોની લાંબી લાંબી કતારો

• સૌરાષ્ટ્ર ભરના ખેડૂતો હાપા માર્કેટિંગ યાર્ડમાં મગફળીના ઊંચા ભાવ મળતા હોવાથી વેચાણ માટે કતાર બંધ જોડાયા

દેશ દેવી ન્યૂઝ જામનગર તા ૧૧ નવેમ્બર ૨૪, જામનગરના હાપા માર્કેટિંગ યાર્ડમાં મગફળીના વેચાણ માટે ખેડૂતો દ્વારા વાહનોની લાંબી કતાર લગાવી છે, અને બે દિવસથી મગફળી ભરેલા વાહનોના થપ્પા લાગી ગયા છે.

જામનગરના હાપા માર્કેટિંગ યાર્ડમાં સમગ્ર સૌરાષ્ટ્રમાં મગફળીના ખૂબ જ ઊંચા ભાવ બોલાતા હોવાના કારણે ખેડૂતો પોતાના વાહનો સાથે હાપા માર્કેટિંગ યાર્ડ માં આવે છે, અને યાર્ડની બહાર આશરે ૮૫૦ થી પણ વધુ મગફળી ભરેલા ટ્રક, ટેમ્પો,બોલેરો,ટ્રેકટર,રીક્ષા છકડા સહિતના વાહનોની કતાર લાગી ગઈ છે.

ખેડૂતો પોતાના વાહનો લઈને ૨૪ થી ૪૮ કલાક સુધી મગફળીના વેચાણ માટે કતાર બંધ રાહમાં ઊભા રહે છે, જ્યારે માર્કેટિંગ યાર્ડના સંચાલકો દ્વારા તમામ ખેડૂતોને ટોકન આપી દેવામાં આવે છે, જે ટોકરના આધારે ખેડૂતો ક્રમશઃ પોતાના વાહનોને માર્કેટિંગ યાર્ડમાં આવ્યા પછી તેની હરાજી ની પ્રક્રિયા થાય છે.

હાપા યાર્ડમાં મગફળીના વેચાણ માટે ખેડૂતો જામનગર અને સૌરાષ્ટ્રમાંથી આવે છે, એટલું જ માત્ર નહીં પરંતુ હાલાર પંથકની મગફળી ની ખૂબ જ સારી જાત હોવાના કારણે છેક તામિલનાડુથી વેપારીઓ અહીં મગફળીની ખરીદી અર્થે આવતા હોય છે, જેના લીધે સમગ્ર સૌરાષ્ટ્રમાં જામનગરના હાપા યાર્ડમાં મગફળી નો ખૂબ જ ઊંચો ભાવ બોલાતો હોવાથી ખેડૂતો પણ આકર્ષાય છે, અને જામનગર અને દેવભૂમિ દ્વારકા જિલ્લા સિવાય રાજકોટ, મોરબી,અમરેલી વિસ્તારના જુદાજુદા તાલુકા મથકો માથી પણ ખેડૂતો પોતાની મગફળી લઈને અહીં વેચાણ અર્થે આવતા હોય છે, જેના કારણે વાહનોની મોટી કતાર લાગી ગઈ છે.

લાભ પાંચમના સૌ પ્રથમ મગફળીની ખરીદી શરૂ થઈ હતી, અને યાર્ડને ખુલ્લું મુકાયું હતું, પરંતુ એક જ દિવસમાં યાર્ડ સંપૂર્ણપણે ભરાઈ ગયું હોવાથી મગફળી લઈને આવવા માટે ખેડૂતો પર રોક લગાવવામાં આવી હતી. પરંતુ આજે સોમવારથી ફરીથી નવી મગફળીની હરાજીની પ્રક્રિયાઓ શરૂ કરવામાં આવનાર હોવાથી ખેડૂતો બે દિવસ અગાઉથી જ હાપા માર્કેટિંગ યાર્ડના દ્વારે કતાર બંધ ગોઠવાયા છે, જેના કારણે વાહનોના થપ્પા જોવા મળ્યા હતા.

કાલાવડ તાલુકાના હરીપર મેવાસા ગામમાં ફટાકડા ફોડવાના પ્રશ્ને બે પાડોશીઓ વચ્ચે તકરાર

• એક પરિવારના મહિલા-બાળક સહિતના સાત સભ્યો પર ફાયરિંગ કરીને હત્યાનો પ્રયાસ કરાયાની પોલીસ ફરિયાદ

• બંદૂકના જોટા અને દેશી બનાવટ ના બે હથિયારો સાથે આવેલા ચાર શખ્સોએ ફાયરિંગ કરી પથ્થર વડે હુમલો કર્યો

• આરોપી :- (૧) યુનુસભાઇ તૈયબભાઇ હાલેપૌત્રા (૨) આસીફભાઇ તૈયબભાઇ હાલેપૌત્રા (૩) આમીનભાઇ યુનુસભાઇ હાલેપૌત્રા (૪) મામદભાઇ નાથાભાઇ સમા રહે. બધા હરીપર (મેવાસા) ગામ તા.કાલાવડ જી.જામનગર

દેશ દેવી ન્યૂઝ જામનગર તા ૯ નવેમ્બર ૨૪, જામનગર જિલ્લાના કાલાવડ તાલુકાના હરીપર મેવાસા ગામમાં રહેતા અને ખેતી કામ કરતા એક ખેડૂત પરિવાર ના સાત સભ્યો પર ગઈકાલે જૂની અદાવત નો ખાર રાખીને તેમજ ફટાકડા ફોડવાના તકરાર કરીને પાડોશી આરોપીઓએ બંધુક ના જોટા સહિત ના હથીયારમાંથી ફાયરિંગ કરી, છરી વડે તેમજ પથ્થર વડે હુમલો કર્યાની ફરીયાદ પોલીસમાં નોંધાવાઈ છે, ત્યારે તમામ ઈજાગ્રસ્તોને સારવાર માટે જામનગરની સરકારી જી.જી. હોસ્પિટલમાં ખસેડવામાં આવ્યા છે.આ ફરિયાદ અંગેના બનાવની વિગત એવી છે કે કાલાવડ તાલુકાના હરીપર મેવાસા ગામમાં રહેતા અને ખેતી કામ કરતા ફિરોજભાઈ કાસમભાઇ હાલાણી નામના ૪૫ વર્ષના ખેડૂત યુવાને પોતાના ઉપર તેમજ પોતાના પરિવારના સાત સભ્યો ઉપર બંદૂક ના ઝોટા સહિતના હથીયારમાંથી ફાયરિંગ કરી જાનથી મારી નાખવાના ઇરાદે પથ્થર મારો કરીને હુમલો કરવા અંગે પાડોશી યુનુસ તૈયબભાઈ હાલેપોત્રા તેમજ આસિફ તૈયબ ભાઈ હાલેપોત્રા ઉપરાંત આમીન ભાઈ હાલેપોત્રા અને મામદભાઈ નાથાભાઈ સમા વગેરે સામે ફરિયાદ નોંધાવી છે.પોલીસ ફરિયાદના જાહેર કરાયા અનુસાર ફરિયાદી ફિરોજભાઈ અને તેના ભાઈની બે પુત્રીઓ કે જે તાજેતરમાં રોકાવા માટે તારાણા ગામે આવી હતી, અને તે બંને પુત્રીઓના બાળકો પર પાસે ફટાકડા ફોડી રહ્યા હતા, જે આરોપીઓનો પસંદ ન હતું. તેથી તેને ફટાકડા ફોડવાની ના પાડતા ખેડૂત પરિવારને કહ્યું કે અમે ફટાકડા ફોડશુ. જેનો બંધુક રાખીને તેમજ અગાઉ પણ તકરાર કરી હતી, અને આ બાબતે મનદુઃખ રાખીને આ હુમલો કરાયા નું પોલીસમાં જાહેર થયું છેસમગ્ર ઘટના ની જાણ થતા કાલાવડ ગ્રામના પોલીસી ઇન્સ્પેક્ટર એન. બી. ડાભી બનાવના સ્થળે તેમજ જામનગરની સરકારી જી.જી. હોસ્પિટલમાં પહોંચી ગયા હતા, અને ફિરોજભાઈ કાસમભાઈ હાલાણીની ફરિયાદના આધારે આરોપીઓ સામે હત્યા પ્રયાસ સહિત  બી.એન.એસ. કલમ ૧૦૯ ,૧૧૫ (૨),૩૫૨, ૩૫૧(૨)(૩)  ,૧૨૫ (એ),૫૪ તથા આર્મ્સ એક્ટ કલમ ૨૫ (૧-બી) એ,૨૭ તથા જી.પી.એક્ટ કલમ ૧૩૫(૧) મુજબ  જુદી જુદી કલમો હેઠળ ગુનો નોંધ્યો છે. જ્યારે ફરીયાદી ફિરોજ તેમજ તેના ભાઈ તાજુ ઉપરાંત તેની બે પુત્રીઓ માતા અને બાળક સહિત કુલ સાત વ્યક્તિઓ ઘાયલ થઈ છે, અને હાલ જી જી હોસ્પિટલમાં સારવાર હેઠળ છે  જેમાં કેટલાકના શરીરમાં બંદુકના જોટા ઘૂસી ગયા હોવાથી તે કાઢવા માટેના પ્રયાસો થઈ રહ્યા છે.

જામનગર નજીક મસીતીયા ના સીમ વિસ્તારમાંથી જુગારધામ ઝડપાયું

• રૂા.૬.૮૪ લાખની મત્તા સાથે ૧૨ જુગારીઓ ઝડપાયા

• પંચકોશી-બીના જયપાલસિંહ જાડેજા અને ભયપાલસિંહ જાડેજાની બાતમી

દેશ દેવી ન્યૂઝ જામનગર તા. ૯ નવેમ્બર ૨૪ જામનગર નજીક મસીતીયા ગામના સીમ વિસ્તારમાં ધમધમતું જુગારધામ પોલીસે ઝડપી પાડ્યું હતું. જુગાર રમી રહેલા ૧૨ શખ્સોને રોકડ રકમ, મોબાઇલ ફોન અને કાર સહિત રૂા.૬.૮૪ લાખના મુદ્દામાલ સાથે ઝડપી લીધા હતા.

જામનગર તાલુકાના મસીતીયા ગામની સીમ વિસ્તારમાં આવેલી હાજીભાઇ ઓસમાણભાઇ ખફીની વાડીમાં જુગાર રમાઇ રહ્યો હોવાની બાતમીના આધારે પંચકોશી બી ડીવીઝન પોલીસે દરોડો પાડતા બલ્બના અજવાળે જુગાર રમી રહેલા અકરમ ગુલમામદ ખફી, ઇકબાલ ઇસ્માઇલ ખફી, તૌફીક અબ્દુલભાઇ દેખાન, યાશીન ફિરોજભાઇ ખફી, સતિષ હરિશભાઇ મંગી, અકરમ સલીમભાઇ બ્લોચ, અનીલ સોમાભાઇ ચાવડા, હિતેષ ઉર્ફે સાકીડો ચાવડા, અક્ષય દિનેશભાઇ રાઠોડ, રમેશ મુળજીભાઇ વાઘેલા અને સુનીલ ગ્યાનચંદ લાલવાણીને રંગેહાથ ઝડપી પાડ્યા હતા, પકડાયેલા શખ્સો પાસેથી રોકડ રકમ રૂા.૧,૦૯,૪૦૦ અને ત્રણ મોટરસાયકલ, એક કાર સહિત રૂા.૬.૮૪.૯૦૦નો મુદ્દામાલ કબજે કરી જુગારધારા કલમ-૧૨ મુજબ ગુનો નોંધી વધુ તપાસ હાથ ધરી છે.

જામનગરના નીલકંઠનગર આરોગ્ય કેન્દ્રના કર્મચારીનો ગળાફાંસા દ્વારા આપઘાત

• પત્ની રિસાઈને માવતરે ચાલી જતાં પત્નીના વિયોગમાં ગળાફાંસો ખાઈ જીવ દીધો

દેશ દેવી ન્યુઝ જામનગર તા ૮ નવેમ્બર ૨૪, જામનગરમાં પટેલ પાર્કમાં રહેતા અને નીલકંઠ નગર આરોગ્ય કેન્દ્રમાં કેશબારી માં ઓપરેટર તરીકે નોકરી કરતા એક કર્મચારીએ પોતાની પત્નીના વિયોગમાં ગળાફાંસા દ્વારા આત્મહત્યા કરી લીધી છે. પત્ની રિસાઈને ચાલી ગઈ હોવાથી આ પગલું ભરી લીધા નું પોલીસમાં જાહેર થયું છે.

આ બનાવની વિગત એવી છે કે જામનગરમાં પટેલ પાર્ક માં રહેતા અને નીલકંઠ નગર આરોગ્ય કેન્દ્રમાં કેસ બારી પર બેસતા હંગામી કર્મચારી જીગરભાઈ ગીરીશભાઈ સોલંકી નામના ૨૬ વર્ષના યુવાને ગઈકાલે પોતાના ઘેર ગળાફાંસા દ્વારા આત્મહત્યાનો પ્રયાસ કરતાં તેના પિતા ગીરીશભાઈ વગેરે ૧૦૮ ની ટીમને બોલાવી હતી, અને ૧૦૮ ની ટુકડી એ જીગરભાઈને નીચે ઉતારીને તપાસણી કરતાં તેનું મૃત્યુ નીપજ્યું હોવાનું જાહેર કર્યું હતું.

આ બનાવ અંગે મૃતકના પિતા ગિરીશભાઈ કાળાભાઈ સોલંકી એ પોલીસને જાણ કરતાં પીએસઆઇ એલ બી જાડેજા બનાવના સ્થળે પહોંચી ગયા હતા, અને જીગર સોલંકી ના મૃતદેહ નો કબ્જો સાંભળી પોસ્ટ મોર્ટમ સહિતની કાર્યવાહી હાથ થઈ હતી.

પોલીસમાં જાહેર કરાયા અનુસાર મૃતકના દોઢ વર્ષ પહેલા લગ્ન થયા હતા. દરમિયાન તેની પત્ની માનસી બેન કે જે છેલ્લા એકાદ માસ પહેલાં પતિ સાથે ઝઘડો થયો હોવાથી રિસાઈને માવતરે ચાલી ગઈ હતી. જેનું મનમાં લાગી આવતાં પોતે ગુમસુમ રહ્યા પછી ગળાફાંસા દ્વારા આપઘાત નું પગલું ભરી લીધું હતું. સમગ્ર મામલે પોલીસ વધુ તપાસ ચલાવે છે.

જામનગર શહેર તેમજ જિલ્લામાંથી 50 પોલીસ કર્મીઓની બદલીનો ગંજીપો ચિપતા જિલ્લા પોલીસ વડા

દેશ દેવી ન્યૂઝ જામનગર તા.૭ નવેમ્બર ૨૪ જામનગર શહેર તેમજ જિલ્લામાંથી પચાસ પોલીસ કર્મચારીની આંતરિક બદલીનો પોલીસ વડા પ્રેમસુખ ડેલુ એ આદેશ કર્યો હતો તેમાં સીટી-એ બી , સી નો સમાવેશ થયો છે.

જામનગરમાં ખોડીયાર કોલોની વિસ્તારમાં બાળમજૂરી કરાવનાર એક હોટલ સંચાલક સામે ગુનો નોંધાયો

• પોલીસની ટીમેં હોટલમાં કામ કરતા બે બાળમજૂરોને મુક્ત કરાવી બાળ સંરક્ષણ ગ્રહમાં મોકલી આપ્યા

દેશ દેવી ન્યૂઝ જામનગર તા ૭ નવેમ્બર ૨૪ જામનગરના ખોડીયાર કોલોની વિસ્તારમાં આવેલી એક હોટલનો સંચાલક પોતાની હોટલમાં નાની વયના બાળકોને કામે રાખીને બાળમજૂરી કરાવતો હોવાની માહિતી જામનગરની એ.એચ.યૂ. ટી. ની ટીમને મળી હતી, જેથી ઉપરોક્ત પોલીસ ટુકડી ગઈકાલે સાંજે ખોડિયાર કોલોની વિસ્તારમાં આવેલી જય ગોપાલ માલધારી ટી.સ્ટોલ માં તપાસ અર્થે પહોંચી હતી, જયાં તપાસ કરતાં ૧૪ વર્ષની વયનો એક બાળક તેમજ ૧૩ વર્ષની વય નો એક બાળક, આમ બે બાળકો ચા ની હોટલમાં કામ કરતા મળી આવ્યા હતા, અને હોટલ સંચાલક દ્વારા બાળમજૂરી કરાવાતી હોવાનું ધ્યાનમાં આવ્યું હતું.

આથી પોલીસ ટીમે બંને બાળકોને ત્યાંથી મુક્ત કરાવ્યા હતા, અને જામનગર જિલ્લા બાળ સુરક્ષા ગ્રહ માં કરી દીધા હતા. આ ઉપરાંત હોટલના સંચાલક સપડા ગામમાં રહેતા મુન્નાભાઈ લાખાભાઈ જોગસવા સામે સીટી સી. ડિવિઝન પોલીસ મથકમાં બાળમજૂરી પ્રતિબંધ અધિનિયમ ૩, ૧૪(૧) તથા જુવેનાઈલ જસ્ટિસ એક્ટ ૨૦૧૫ ની કલમ ૭૯ મુજબ ગુનો નોંધવામાં આવ્યો છે.

જામનગર એ.એચ.યૂ. ટી. ના પોલીસ ઇન્સ્પેક્ટર વાય. જે. વાઘેલા અને તેમની ટીમ દ્વારા આ કાર્યવાહી કરવામાં આવી હતી.