જામનગર થી બાલાચડી બીચ પાસે દરિયામાં ન્હાવા ગયેલા શ્રમિક યુવાનનું ડૂબી જતાં કરુણ મૃત્યુ
દેશ દેવી ન્યુઝ જામનગર તા ૧૫ જૂન ૨૬, જામનગર નજીક બાલાચડી બીચ વિસ્તારમાં દરિયામાં ડૂબી જવાથી એક વ્યક્તિનું કરુણ મોત નિપજ્યું હોવાની ઘટના સામે આવી છે.પ્રાપ્ત વિગતો મુજબ જામનગરના મચ્છીપીઠ વિસ્તારના રહેવાસી સલીમ અબાસભાઈ જખરા (ઉ.વ. ૪૦) પોતાના ઘરેથી ફરવા જવાનું કહી નીકળ્યા હતા. ત્યારબાદ તેઓ બાલાચડી બીચ પાસે આવેલા દરિયામાં નહાવા પડ્યા હતા. આ દરમિયાન તેઓ અકસ્માતે ગારા-કીચડમાં ફસાઈ જતાં અને દરિયાના પાણીમાં ડૂબી જતાં ગંભીર સ્થિતિ સર્જાઈ હતી.
ઘટનાની જાણ થતાં તાત્કાલિક ૧૦૮ એમ્બ્યુલન્સને બોલાવવામાં આવી હતી, પરંતુ ફરજ પરના તબીબે તપાસ કરતાં સલીમ જખરાનું મૃત્યુ થયાનું જાહેર કર્યું હતું આ બનાવ અંગે બેડી મરીન પોલીસ સ્ટેશનમાં બી.એન.એસ.એસ. કલમ ૧૯૪ મુજબ અકસ્માત મોતનો દાખલો નોંધવામાં આવ્યો છે. પોલીસે આગળની કાર્યવાહી હાથ ધરી છે.
