જામનગરમાં નીલકમલ સોસાયટીમાં એક હોટલમાં ચા પાણી પીવા ગયેલા યુવકને અન્યના ઝઘડામાં માર પડ્યો : માથું ફૂટી ગયું
-
બે જ જૂથ વચ્ચે ચાલતા ઝઘડામાં ઇજાગ્રસ્ત યૂવન સામા સાથે જોડાયેલો છે, તેમ માનીને હોટલમાંથી તવીથો લઈ માથામાં ફટકારી દીધો :ત્રણ સામે ફરિયાદ
દેશ દેવી ન્યુઝ જામનગર તા ૧૮,નવેમ્બર ૨૫ જામનગર નિલકમલ સોસાયટી વિસ્તારમાં આવેલી એક હોટલમાં ચા પાણી પીવા માટે ગયેલા એક યુવાનને બીજા બે જૂથના ઝઘડામાં માર ખાવાનો વારો આવ્યો છે, અને ત્રણ શખ્સોએ માથામાં તવીથો ફટકારી દઈ હીચકારો હુમલો કરી દેતાં તેને લોહી નીતરતી હાલતમાં સારવાર માટે જી.જી. હોસ્પિટલ માં ખસેડાયો છે, અને માથામાં ટાંકા લેવા પડ્યા છે. પોલીસે ત્રણ આરોપીઓ સામે ગુનો નોંધ્યો છે.
આ બનાવની વિગત એવી છે કે જામનગરમાં પુનિત નગર વિસ્તારમાં રહેતો અને મંડપ સર્વિસ ચલાવતો શક્તિસિંહ ઉર્ફે સંજય વિભાજી જાડેજા નામનો ચોવીસ વર્ષનો યુવાન પોતાના મંડપના કામકાજને લઈને પોતાના માસીયાઈ ભાઈ જયપાલસિંહ સાથે નીલકમલ સોસાયટી વિસ્તારમાં મંડપ છોડાવવા માટે ગયો હતો, ત્યારબાદ તે વિસ્તારમાં આવેલી શક્તિ કૃપા નામની ચા ની હોટલમાં ચા પાણી પીવા માટે બંને ઊભા હતા.
તે દરમિયાન હોટલ પાસે બે જૂથ વચ્ચે ઝઘડો થઈ રહ્યો હતો, અને એક જૂથના મીત સંજયભાઈ સોઈગામા, તુષાર બારોટ, અને જયપાલ વગેરે ત્રણેય ચા પીવા માટે આવેલા મંડપ સર્વિસ ના સંચાલક એવા બંને યુવાનોને પણ પોતાની સાથે ઝઘડો કરવા માટે આવ્યા છે, અને વિરોધ જૂથના સભ્યો છે તેમ માનીને તેઓ પર હુમલો કરી દીધો હતો.
આરોપીએ હોટલમાંથી તવિથો લઈ આવી અને શક્તિસિંહના માથામાં હુમલો કરી દેતાં તેના માથામાં ઊંડો ઘા થઈ ગયો હતો, અને લોહીની ધાર વહી ગઈ હતી. આ બનાવ બાદ શક્તિસિંહ ને લોહી નીતરતી હાલતમાં સારવાર માટે જામનગરની સરકારી જીજી હોસ્પિટલમાં ખસેડવામાં આવ્યો હતો, અને તેના માથામાં ટાંકા લેવા પડયા છે, ઉપરાંત હેમરેજ સહિતની પણ ઈજા થઈ છે.આ બનાવની જાણ થતાં સીટી સી. ડિવિઝન ના પીઆઇ એન. બી. ડાભી અને તેઓની પોલીસ ટીમ ઘટના સ્થળે અને ત્યારબાદ સરકારી જી.જી. હોસ્પિટલમાં દોડી ગઈ હતી, અને ઇજાગ્રસ્ત યુવાન શક્તિસિંહ જાડેજા ની ફરિયાદ ના આધારે ત્રણ આરોપીઓ મિત સંજયભાઈ સોઇગામાં, તુષાર બારોટ, અને જયપાલ સામે હુમલા અંગે ગુનો નોંધી ત્રણેયની શોધખોળ હાથ ધરી છે.
વિશેષમાં ધારાસભ્ય જણાવ્યું હતું કે આપ સૌવ ના આશીર્વાદથી હું કુપોષીત બાળકોને દતક લઉં છું, બ્લડ ડોનેશન તેમજ દિવાળીના દિવસોમાં ગરીબ વિસ્તારોમાં મિઠાઇ અને ફટાકડા પણ વેચુ છું, ત્યારે આપ સૌના આશીર્વાદ છે કે તમે એવી પ્રાર્થના કરો કે આગામી દિવસોમાં હું વધુ સેવાકીય કામ કરીશ, કાર્યક્રમમાં સન્માનના પ્રત્યુતરમાં ડે. મેયરે જણાવ્યુ હતું કે મેં મારા વોર્ડમાં સાંસ્કૃતીક હોલ માટે ૧૦ લાખની રકમ ફાળવી હતી ધારાસભ્ય દિવ્યેશભાઇ અકબરીએ પણ ૫ લાખની રકમ ફાળવી હતી જેને લીધે આ સરસ હોલ તૈયાર થયો છે અને હું મારા સન્માન બદલ તમામ જ્ઞાતીજનોનો આભાર માનુ છું.
ભાજપના શહેર પ્રમુખ બીનાબેન કોઠારીએ જણાવ્યુ હતું કે સેવાકીય પ્રોજેકટમાં જ્ઞાતીજનો આવતા હોય છે, ખાસ કરીને આ પ્રોજેકટના ડાયરેકટર અવાર નવાર રજુઆત કરે છે અને જ્ઞાતી માટે સારા પ્રયાસ કરે છે, ભવિષ્યમાં પણ તેઓ સર્વાંગી વિકાસ થાય અને જ્ઞાતી અગ્રેસર થાય તેવા પ્રોજેકટ કરશે અમારા તરફથી પણ અમે સારા કામોમાં ચોકકસ મદદ કરીશું, ભાજપના પુર્વ શહેર પ્રમુખ ડો. વિમલ કગથરાએ યુવા સોશ્યલ ગ્રુપની કામગીરીને બિરદાવીને જણાવ્યુ હતું કે, પત્રકાર અને પ્રોજેકટ ડાયરેકટર અમારા મિત્ર છે અને તેઓ જ્ઞાતીની સેવા માટે કામ કરે છે તેનું અમને પણ ગર્વ છે, ભવિષ્યમાં પણ તેઓ સારા કામ કરે તેવી અમારી શુભેચ્છા છે, આ કાર્યક્રમમાં યુવા સોશ્યલ ગ્રુપના તમામ સભ્યોએ તલવાર અર્પણ કરી, સાલ ઓઢાડી ધારાસભ્ય દિવ્યેશ અકબરી તેમજ ડે. મેયર ક્રિષ્નાબેન સોઢાનું મહિલા પાંખના સભ્યોએ લવાર અને સાલ ઓઢાડી ભવ્ય સ્વાગત કર્યુ હતું. સમગ્ર કાર્યક્રમનું સંચાલન જ્ઞાતીના ટ્રસ્ટી અને પ્રોજેકટ ડાયરેકટર હિરેન ત્રિવેદીએ કર્યુ હતું સમગ્ર કાર્યક્રમને સફળ બનાવવા પ્રમુખ ચેતનભાઇ ત્રિવેદી, પ્રીતીબેન ત્રિવેદી તથા અભ્યુદય મંડળ, યુવા સોશ્યલ ગ્રુપ જામનગર અને મહિલા પાંખના સભ્યોએ જહેમત ઉઠાવી હતી.
દેશ દેવી ન્યુઝ જામનગર તા ૧૪, નવેમ્બર ૨૫ બિહાર વિધાનસભા ની ચૂંટણ ચૂંટણી માં એનડીએ ને સ્પષ્ટ બહુમતી મળી છે. આથી આ બમ્પ પર જીતની ભાજપ દ્વારા થયેલ ઉજવણી કરવામાં આવી રહી છે જામનગરમાં પણ ભાજપના આગેવાનોએ એક મેક ના મોઢા મીઠા કરાવીને તેમજ ફટાકડા ફોડીને આ જીત ની ઉજવણી કરવામાં આવી હતી. આ કાર્યક્રમ માં મેયર વિનોદ ખીમસુરીયા , ધારાસભ્ય દિવ્યેશ અકબરી અને રિવાબા જાડેજા , શહેર ભાજપ પ્રમુખ બીનાબેન કોઠારી , ડેપ્યુટી મેયર ક્રિષ્નાબેન સોઢા.,સ્ટેન્ડિંગ કમિટી.ના ચેરમેન નિલેશ કગથરા , ભાજપ ના કોર્પોરેટરો આગેવાનો કાર્યકર્તાઓ બહોળી સંખ્યા માં ઉપસ્થિત રહ્યા હતા.
દેશ દેવી ન્યુઝ જામનગર તા.૧૪ નવેમ્બર, ૨૫ જામનગર જિલ્લાના પત્રકારો માટે માહિતી વિભાગ અને ગુજરાત રેડક્રોસ દ્વારા હેલ્થ ચેકઅપ કેમ્પનું આયોજન નેશનલ હાઈસ્કૂલ, રેડક્રોસ સોસાયટી ખાતે કરવામાં આવ્યું હતું. આ નિદાન કેમ્પમાં પત્રકારોને લોહીની ટકાવારી, લિપિડ પ્રોફાઇલ, કીડની, થાઇરોઇડ, બી-૧૨ અને વિટામિન ડી, ડાયાબિટીસ, એક્સ રે, ઇસીજી વગેરે ટેસ્ટ કરી આપવામાં આવ્યા હતા. આ કેમ્પનો ૪૪ પત્રકારોએ લાભ લીધો હતો.
