રણજિતસાગર ડેમ પર પોલીસની ખોટી ઓળખ આપી મોબાઇલ પડાવી લીધા..
જામનગરના સંજય લખમણ સુવા તથા લાંબાના હેમત ધરણાંત વરૂ ને પોલીસની ઓળખ આપવી પડી ભારી..
જામનગરમાં યુગલની પજવણી કરનાર બે આરોપીને 2 વર્ષની સજા ભોગ બનનાર યુવતીને રૂ .50000 વળતર ચૂકવવા કોર્ટનો આદેશ
દેશ દેવી ન્યુઝ 31.જામનગરના રણજીતસાગર ડેમ પર સાડા છ વર્ષ પહેલા ફરવા ગયેલા એક યુગલને પોલીસની ખોટી ઓળખ આપી મોબાઈલ પડાવી લઇ પજવણી કરનાર બંને આરોપીને અદાલતે બે વર્ષની સજા ફટકારી છે ભોગ બનનાર યુવતીને રૂ .50000 વળતર ચૂકવવા અદાલતે આદેશ કર્યો છે .
જામનગરમાં રણજીત સાગર ડેમ પર ગત તા .11 / 05 / 2015 ના એક યુવતી મંગેતર સાથે ફરવા માટે ગઈ હતી સાંજે ચારેક વાગ્યે લીલા રંગની સ્વીફ્ટ મોટરમાં 25 થી 30 વર્ષની વયના બે અજાણ્યા શખસ ધસી આવ્યા હતા અને પોતાની ઓળખ પોલીસ તરીકેની આપી આ યુગલને અહીં શું કરો છો ? તેમ કહીબન્નેના મોબાઈલ પડાવી લીધા હતાં.
ત્યારપછી બન્નેને પોલીસ સ્ટેશન લઈ જવા પડશે તેમ કહી આ શખ્સોએ તેમના ફોટા પાડી યુવતી પાસે અણછાજતી માંગણી કરી હતી . પરંતુ યુવતીએ ઇનકાર કરતા પોલીસ મથકે લઈ જવાનું કહી બન્નેને મોટરમાં બેસાડાયા હતા આટલું જ નહીં પોલીસ સ્ટેશન લઈ જવાના બ્હાના હેઠળ આ શખ્સોએ ગેરવર્તન કરી બન્નેને રોડ પર ઉતારી દીધા હતા અને ફોન આવે ત્યારે પોલીસમથકે આવી જવાનું કહી બંને શખસો નાસી ગયા હતા .
બાદમાં આ શખસોએ પાડેલા ફોટા સોશિયલ મિડિયામાં જાહેર થયા હતા . જેની જાણ યુવતી તથા તેના મંગેતરને થતા તેઓએ પોલીસને જાણ કરી હતી . આથી પોલીસે અપહરણ ,જાતીય હુમલો , ગેરકાયદે અટકાયત, બિભત્સ માંગણીનો ગુનો નોંધી જામનગરના સંજય લખમણ સુવા તથા લાંબાના હેમત ધરણાંત વરૂ હોવાનું ખૂલતા બન્નેની પોલીસે ધરપકડ કરી મોટર તથા મોબાઈલ કબ્જે કર્યા હતા .
આ કેસ જામનગરની અદાલતમાં ચાલી જતાં સરકારી વકીલ લોપાબેન ભટ્ટ અને મૂળ ફરીયાદીના વકીલ વી . એચ . કનારાની રજૂઆતો ધ્યાને લઇ ન્યાયાધીશે બંને આરોપીઓને અપહરણના ગુનામાં બે વર્ષ , જાતીય હુમલાના ગુનામાં બે વર્ષ , ગેરકાયદે અટકાયતના ગુનામાં એક મહિનાની કેદ અને બનાવટી પોલીસ તરીકે ઓળખ અંગે એક વર્ષની કેદની સજા ફટકારી છે . ફરીયાદી યુવતીને રૂ .50000 વળતર પેટે પણ આપવા હુકમ કર્યો છે .
દેશ દેવી ન્યુઝ જામનગર 30.: જામનગર શહેરના રણજીત સાગર રોડ પર આવેલી પુષ્કરધામ સોસાયટીમાં રહેતાં પંકજ વિનોદ મુંગરા નામના યુવાને મયુરસિંહ જાડેજા ચાર વર્ષ અગાઉ રૂા.3,50,000 પાંચ ટકા વ્યાજે લીધા હતાં અને તેનું વ્યાજ પણ સમયસર ભરતો હતો અને આજ દિવસ સુધીમાં 4,00,000 જેટલી રકમ ચુકવી દીધી હતી તેમ છતાં 
દરમ્યાન એલ.સી.બી. સ્ટાફના 
બીજા દરોડામાં એલ.સી.બી
જામનગર : મુખ્યમંત્રી ભૂપેન્દ્ર ભાઈ પટેલે જામનગર જિલ્લાના ભૂચર મોરી ખાતે અખિલ ગુજરાત રાજપૂત યુવા સંઘ દ્વારા આયોજિત શૌર્ય કથામાં સહભાગી થઈ શહીદોને વિરાંજલી આપતાં જણાવ્યું હતું કે મહાન વીરો – યોદ્ધાઓને યાદ કરવા અને તેઓના પરાક્રમને, બલિદાનોને લોકો સમક્ષ રજુ કરવા એ આપણું પરમ કર્તવ્ય છે.
દેશ અને સ્વધર્મ માટે પોતાના જીવનની પરવા કર્યા વગર બલિદાનો આપનારા ગુજરાતના વીર સપૂતોની યશગાથા ગાવાની આ ધન્ય ઘડી છે એમ જણાવીને મુખ્યમંત્રી એ ઉમેર્યું કે શરણે આવેલાની રક્ષા કરવી તે ક્ષાત્ર ધર્મ છે. ગુજરાત અને તેમાય સૌરાષ્ટ્રનો ઇતિહાસ આવા અનેક પ્રસંગોની સાક્ષી પુરે છે.
વધુમાં તેઓએ જણાવ્યું હતું કે અપ્રતિમ શૌર્ય, બલિદાન, સાહસ અને પરાક્રમની ઘટના એટલે જામ સતાજીની આગેવાનીમાં લડાયેલું ભુચરમોરીનું યુદ્ધ.કાઠીયાવાડના કુરુક્ષેત્ર સમાન ભૂચરમોરીના યુદ્ધમાં આશરા ધર્મ નિભાવવાને કાજે અનેક ક્ષત્રીયો અહીં શહીદ થયા હતા.
સત્ય, ન્યાય અને ધર્મ માટે લડવાની આપણી ઉજળી પરંપરા રહી છે તેમ જણાવતાં મુખ્યમંત્રીશ્રીએ જામ રાવલ, જામ સત્તાજી,જામ દિગ્વિજયસિંહજી, જામ અબડા અળભંગ, જામ ઉન્નડ વગેરે શુરાવીરોને યાદ કરી તેમની શૌર્યતાને બિરદાવી આદરાંજલી અર્પણ કરી હતી.
ભારતના ભૂતપૂર્વ વડાપ્રધાન સ્વર્ગસ્થ અટલ બિહારી વાજપેયજીની સ્મૃતિમાં તા.25 થી 31મી ડિસેમ્બર સુધી સુસાશન સપ્તાહ ઉજવાઇ રહ્યુ છે ત્યારે ભારત માં ના સપૂત એવા વાજપેયીજીના શૌર્યને પણ મુખ્યમંત્રીએ યાદ કર્યું હતું.વીર યોદ્ધાઓના શૌર્યથી દેશની રક્ષા થાય છે અને એટલે જ દેશમાં સુસાશન, શાંતિ અને વિકાસ સંભવ બને છે. ભારતમાતાના આવા વીર, સાહસી અને પરાક્રમી સપૂતોની કથાઓનું વાંચન, ગાયન અને રસપાન થતું જ રહેવું જોઇએ તેમ મુખ્યમંત્રીશ્રીએ ઉમેર્યું હતું.
