જામનગરમાં પુનિતનગર વિસ્તારમાં જૂની અદાવતના કારણે ખેડૂત યુવાન પર છરી વડે હુમલો : પીન્ટુ લાખાણી સામે ફરિયાદ

દેશ દેવી ન્યુઝ જામનગર 11. મૂળ લાલપુર તાલુકાના જાખર ગામ માં રહીને ખેતી કામ કરતા નરેન્દ્રસિંહ ગુમાનસિંહ જાડેજા નામના ખેડૂત યુવાને પોતાના ઉપર છરી વડે હુમલો કરી ઈજા પહોંચાડી પોતાની કારમાં પથ્થરમારો કરી તોડફોડ કરી નાખવા અંગે પીન્ટુ લાખાણી નામના શખ્સ સામે ફરિયાદ નોંધાવી છે.

ફરિયાદી ખેડૂત યુવાન તથા આરોપીને અગાઉ તકરાર થઈ હતી. જેનું મન દુ:ખ રાખીને ગઈકાલે ફરિયાદી યુવાન પોતાની કાર લઇને પસાર થઈ રહ્યા હતા, તે દરમિયાન આરોપીએ આવી હુમલો કરી દીધો હતો, અને કારમાં તોડફોડ કરી નુકસાન પહોંચાડી હતી.

આથી સીટી બી. ડિવિઝન પોલીસે નરેન્દ્રસિહ ગુમાનસિંહ જાડેજાની ફરિયાદ પરથી IPC કલમ 324, 427, 504 તથા જી.પીએકટ 135 (1) મુજબ  પીન્ટુ લાખાણી વિરુદ્ધ ગુનો નોંધી આરોપીની શોધખોળ હાથ ધરી છે.

જામનગરમાં લૂંટ સહિત અનેક અપરાધને અંજામ આપનારો નામીચો ‘દિવલો ડોન’ પોલીસ પાંજરે પુરાયો.

દેશ દેવી ન્યુઝ જામનગર O8: જામનગર શહેરમાં ખોડિયાર કોલોની વિસ્તારમાં નવાનગર બેંક પાસેથી થયેલી લૂંટની ઘટનામાં નાસ્તો ફરતો નામચીન શખ્સ દિવ્યરાજસિંહ ઉર્ફે દિવલો ડોન મંગળસિંહ ચૌહાણ નામનો શખ્સ જામનગરમાં આવ્યો હોવાની પો.કો. મહેન્દ્રસિંહ જાડેજાને મળેલી બાતમીના આધારે પીઆઇ કે.એલ.ગાધે, પીએસઆઇ આર.એલ. ઓડેદરા, હે.કો.ધર્મેન્દ્રસિંહ ઝાલા, હિતેશ ચાવડા, જાવેદ વજગોળ, પ્રદિપસિંહ જાડેજા, પોકો.ફિરોઝ ખફી, વિજય કારેણા, પ્રદિપસિંહ રાણા, હિતેશ મકવાણા, મહેન્દ્રસિંહ જાડેજા, વિજય કાનાણી, રવિ શર્મા સહિતનાએ પેટ્રોલિંગ દરમિયાન શાંતિનગરમાં રહેતા દિવલા ડોનને ઝડપી લઇ આગળની કાર્યવાહી કરી હતી. અત્રે ઉલ્લેખનીય છે કે, કહેવાતો ‘દિવલો ડોન’ જામનગર શહેરમાં અનેક અપરાધને અંજામ આપી ચૂક્યો છે.

જામનગરના પૂર્વ મેયર અમીબેન પરીખને કેન્દ્ર સરકારે મહત્વનું પદ આપ્યું: પવનહંસના ડાયરેકટર પદે નિમણુક

દેશ દેવી ન્યુઝ જામનગર O7 જામનગરના પૂર્વ મેયર અમીબેન પરીખની ભારત સરકાર દ્વારા પવનહંસ (હેલીકોપ્ટર) લિમિટેડમાં સ્વતંત્ર ડારેકટર પદે નિયુકતી કરવામાં આવી છે. આ પહેલા જામનગરના પૂર્વ શહેર પ્રમુખ હસમુખભાઇ હિંડોચાને પણ મહત્વનું કેન્દ્ર સરકારે આપ્યુ છે.

કેન્દ્રીય ઉદ્યન મંત્રાલય અંતગેતની પી.એસ.યુ કમ્પની પવન હંસ લિમિટેડ જેની સ્થાપના 1985માં કરવામાં આવેલ તેના સ્વતંત્ર ડાયરેકટર તરીકે જામનગરના પૂવે મેયર અમીબેન પરીખની કેન્દ્ર સરકાર દ્વારા નિમણુંક કરવામાં આવેલ છે.

પવન હંસ લિમિટેડ કમ્પની આઇલેન્ડ ટુ આઇલેન્ડ, વૈષ્ણવદેવી, ઓ.એન.જી.સીના ફ્લોટિંગ સ્ટેશન, વી.આઈ.પી હેલિપેડ ટૂ હેલિપેડ હવાઈ પરિવહન, એર એમબ્યુલન્સ અથ હેલિકોપટરની સેવા પ્રદાન કરતી કમ્પની છે. પવનહંસ લિમિટેડ પાસે હાલ હેલીકોપટરો ઉપલબ્ધ છે. પવન હંસ લિમિટેડ નું મુખ્યાલય નોયડા માં છે. પવનહંસ હાલ સેવાઓ પ્રદાન કરી રહી છે.
પવન હંસ કંપ્ની ઓફશોર ઓપરેશન, ઇન્ટર ઇન્ઝલેન્ડ ટ્રાન્સપોર્ટેશન કનેકટી ઇન સેલીબલ એરીયા, હેલીપીલ ગ્રીમેજ ટુરીઝમ ટ્રેનીંગ એન્ડ સ્કીલ ડેવલપમેન્ટ કસ્ટમ એન્ડ પાઇપલાઇન સર્વેલન્સ ક્ધસલ્ટન્સી એન્ડ રીસયોર વર્ક, ચાર્ટર સર્વિસ, જોય રાઇડઝ, વીઆઇપી ટ્રાન્સપોર્ટેશન, એરીયલ ફોટોગ્રાફી, ફલાવર ડોપીંગ એન્ડ અઘ્ધર ક્ધટોમાઇઝ સર્વિસીસ, હેલીપોડ સર્વિસીસ, એમઆર સર્વિસીસ અને હેંગસ સેવાઓ પ્રદાન કરી રહી છે.

અમીબેન પરીખ બે દાયકાઓ થી વધુ સમયથી ભારતીય જનતા પાર્ટી સાથે જોડાયેલ છે તથા ભારતીય જનતા પાર્ટી સંગઠનના મહિલા મોરચાના મહામંત્રી. મહિલા મોરચાના પ્રમુખ, સહીત જવાબદારીઓ નિભાવી ચુક્યા છે, જામનગર મ્યુનિસિપલ કોપારેશનમાં મેયર તરીકેની જવાબદારી તેઓ નિભાવી ચુક્યા છે તથા લોકસભા, રાજ્યસભા તથા સ્થાનિકસ્વરાજ્ય ની ચૂંટણીઓ દરમિયાન નિરીક્ષક તરીકે ની મહત્વની જવ્વાદબારી પણ નિભાવી ચુક્યા છે.

ભારતીય જનતા પાર્ટી સંગઠન ના મજબૂતીકરણ અર્થ તેઓનું યોગદાન મહત્વપૂણે રહ્યું છે. હાલ તેઓ ભારતીય જનતા પાર્ટી શહેર સંગઠન ઉપાધ્યક્ષ, રાષ્ટ્રીય સદસ્યતા અભિયાનના સંયોજક, પ્રદેશ કારોબારી સભ્યની જવાબદારી નિભાવી રહ્યા છે. જામનગર મ્યુનિસિપલ કોર્પોરેશનના મેયર તરીકે તેઓ ની કામગીરી નગરજનો માટે યાદગાર રહેલ.

કેન્દ્રીય ઉદયન મંત્રાલય અંતગેતની પવન હંસ કમ્પનીમાં સ્વતંત્ર ડાયરેકટર તરીકે અમીબેન પરીખની જવાબદારીને શહેર ભાજપ અધ્યક્ષ ડો. વિમલભાઇ કગથરા, સાંસદ પૂનમબેન માડમ, પૂર્વ મંત્રી – ધારાસભ્ય આર.સી.ફળદુ, પૂર્વ મંત્રી – ધારાસભ્ય ધમેન્દ્રસિહ જાડેજા (હકુભા), મેયર બીનાબેન કોઠારી, મહામંત્રી પ્રકાશભાઈ બામભણીયા, વિજયસિહ જેઠવા, મેરામણભાઈ ભાટુ, સહીત કાર્યકરોએ આ ગૌરવભરી નિમણાંકને આવકારી માનનીય વડાપ્રધાન નરેન્દ્રભાઈ મોદી સહીત પાર્ટીના વરિષ્ઠ નેતૃત્વનો આભાર વ્યક્ત કરેલ. અને નિમણુંક મેળવનાર અમીબેન પરીખને સૌએ અભિનંદન પાઠવી શુભકામના પાઠવેલ છે.

નાગેશ્ર્વર કોલોનીમાં પ્રેમીકાના પતિને છૂટાછેડા આપી દેવાની ધમકી આપી માર માર્યો

દેશ દેવી ન્યુઝ જામનગર O7.જામનગરના જુના કુંભારવાડામાં રહેતા કેતન ચૌહાણ નામનો શખસ નાગેશ્વર કોલોનીમાં જઇ જોર જોરથી રાડો પાડી ઘર બહાર બોલાવી કહેલ કે તારી પત્નિ દિપાલીને મારા સાથે પ્રેમસંબંધ છે તું તેને છુટાછેડા આપી દે તેમ કહી…અહીં રહેતા રાહુલ ભાણજીભાઈ બારીયાને લોખંડના પાઈપ વડે ફરીયાદીને માર મારી જાનથી મારી નાખવાની ધમકી આપી હતી.

જે અંગે રાહુલ ભાણજીભાઈ બારીયાએ કેતન ચૌહાણ વિરૂઘ્ધ સીટી બી ડિવિઝન પોલીસ મથકે ફરીયાદ નોંધાવી છે. આથી પોલીસે રાહુલ ની ફરિયાદ પરથી 323,324, 504,506 (2) તથા જી.પી એકટની કલમ 135 (1) મુજબ ગુનો નોંધી આરોપીની ધરપકડના ચક્રો ગતિમાન કર્યા છે.

કાલાવડ પંથકમાં ફુલ જેવી નવજાત બાળકી મળી આવતા ચકચાર..ફીટકારની લાગણી..

ટોડા ગામની સીમમાંથી મળી આવેલ બાળકનો કાલાવડ ગ્રામ્ય પોલીસે કબજો સંભાળી તપાસ હાથ ધરી..

ત્યજી દેનાર અજાણ્યા પુરુષ સ્ત્રી સામે ફરિયાદ: ખાનગી તપાસનો ધમધમાટ

દેશ દેવી ન્યુઝ જામનગર 06. કાલાવડ તાલુકાના ટોડા ગામની સીમમાં બુધવારેે સાંજે એક બોરડીના ઝાડમાં નવજાત શીશુ જીવંત હાલતમાં મળી આવતા નાના એવા ગામમાં ચકચાર મચી જવા પામી હતી. આ મામલે પોલીસને જાણ કરવામાં આવી હતી આથી પોલીસ ટુકડી સ્થળ પર દોડી આવી હતી અને પ્રાથમિક પુછપરછ કરવામાં આવી હતી.

નવજાત શીશુનો કબ્જો લઇ સારવાર માટે હોસ્પીટલ મોકલી આપવા અને આ અંગે તપાસ હાથ ધરવામાં આવી હતી દરમ્યાનમાં ટોડા ગામમાં રહેતા કનકસિંહ ઉર્ફે ગટુભાઇ હરીસિંહ જાડેજા (ઉ.વ.36) દ્વારા કાલાવડ ગ્રામ્ય પોલીસમાં કોઇ અજાણ્યા સ્ત્રી-પુરૂષ સામે આઇપીસી 317 મુજબ ફરીયાદ દાખલ કરવામાં આવી હતી.

જેમાં જણાવ્યુ હતું કે ટોડાની સીમમાં અજાણ્યા આરોપીએ પોતાના બાળકનો જન્મ છુપાવવાના ઇરાદે નવજાત શીશુ (બાળકી) આશરે એકથી ચાર દિવસનું ત્યજી દેવા અહીં બોરડીના ઝાડમાં જીવત હાલતમાં છોડી ગયા હતા અને અપરાધ કર્યો હતો.

આ ફરીયાદના આધારે કાલાવડ ગ્રામ્યના પીએસઆઇ એચ.વી. પટેલ તપાસ ચલાવી રહયા છે આ ઘટનાને પગલે સીમ વિસ્તારમાં ત્યજી દેવાયેલ નવજાત શીશુ મળી આવતા અરેરાટી સાથે ચકચાર મચી જવા પામી હતી, આવી ફુલ જેવી બાળકીને ત્યજી દેનાર સામે ફીટકારની લાગણી પ્રસરી રહી છે.

ગુજરાતમાં આ પ્રકારના કડક પ્રતિબંધ લાગે તેવા એંધાણ, શાળાઓ માટે પણ લેવાશે મોટો નિર્ણય

રાજ્યમાં વધી રહ્યુ છે કોરોના સંક્રમણ..

રાજ્ય સરકારે બોલાવી ઉચ્ચસ્તરીય બેઠક
ગુજરાતમાં લાગુ થઇ શકે છે કડક નિયમો
10 જાન્યુઆરી બાદ શાળાઓ મુદ્દે લેવાશે નિર્ણય..

દેશ દેવી ન્યુઝ જામનગર 06.ગાંધીનગર રાજ્યમાં કોરોના તેજ ગતિથી વધી રહ્યો છે. છેલ્લા બે દિવસથી કોરોનાના કેસમાં સતત વધારો થઇ રહ્યો છે જેને લઇને રાજ્ય સરકારે કોરોનાની સ્થિતિ મુદ્દે સમીક્ષા કરવા ઉચ્ચસ્તરીય બેઠક બોલાવી છે.

મુખ્ય સચિવની અધ્યક્ષતામાં બેઠક બોલાવી છે જેમાં કોરોનાને કાબૂમાં લેવા માટે શું કરવુ તે અઁગે તમામ પાસાઓ પર ચર્ચા વિચારણા કરવામાં આવી છે.

રાજ્યમાં તરૂણોને કોરોના રસી આપવાની કામગીરી ચાલી રહી છે તો બીજી તરફ વિદ્યાર્થીઓ કોરોનાની ચપેટમાં આવી રહ્યા છે. શાળામાં કોરોનાના કેસ વધતા ઓફલાઇન સ્કૂલો ચાલુ રાખવી કે કેમ તે અંગે પણ બેઠકમાં નિર્ણય લેવાઇ શકે છે.

10 જાન્યુઆરી બાદ રાજ્ય સરકાર શાળાઓ ચાલુ રાખવી કે ઓનલાઇન શિક્ષણ યથાવત કરવુ તે અંગે નિર્ણય લેશે.

રાજ્યમાં કોરોના વકરી રહ્યો છે. કોરોના ગાઇડલાઇનનું પાલન કરવુ આવશ્યક છે પરંતુ 3 હજારથી પણ વધારે કેસો રાજ્યમાં કોરોનાના નોંધાઇ રહ્યા છે. જે જોતા કહી શકાય કે રાજ્યમાં કોરોનાના નિયમોને લોકો ઘોળીને પી ગયા છે.

વધતા કેસને પગલે કદાચ સરકાર કોરોનાની નવી ગાઇડલાઇન જાહેર કરી શકે છે. તેમજ કેટલાક નિયમોમાં બદલાવ લાવીને કડક નિયમો લાવી શકે છે. હાલમાં રાત્રે 11થી સવારે 5 વાગ્યા સુધી જે કર્ફ્યૂ છે તેનો સમય પણ વધારી શકે છે.