જામનગરના ગોકુલનગરમાં અપશબ્દો બોલવાની ના પાડતા યુવાન ઉપર પાંચ શખસોનો હિચકારો હુમલો

દેશ દેવી ન્યુઝ જામનગર ૧૮ : શહરેમાં તા.૧૬-૦ર-ર૦રરના દલવાડી સોસાયટી શેરી નં.૪, ગોકુલનગરમાં આરોપી સુરેશકોળી જાહેરમાં અપશબ્દ બોલતા હોય જેથી ફરીયાદી જીતેન્દ્રસિંહ એ તેઓને જાહેરમાં અપશબ્દ બોલાવની ના પાડતા આરોપી સુરેશકોળીએ ફરીયાદી જીતેન્દ્રસિંહ રાઠોડની સાથે ઝઘડો કરી ઝપાઝપી કરી ઢીકાપાટુનો માર મારી કોણી વડે ડાબા હાથમાં એક ઘા કરી સામાન્ય ઈજા કરી આરોપી સવજીભાઈ કોળી એ કોણી વડે ફરીયાદી જીતેન્દ્રસિંહ રાઠોડને ગરદનના ભાગે વાસાના ભાગે માર મારી સામાન્ય ઈજા કરી તેમજ આરોપી જીતુભાઈ કોળીએ નીચે પાડી રોડ ઉપર ઢસડી ને જમણા પગમાં છોલછાલ કરી તેમજ આરોપી ભાવનાબેન કોળી એ સાહેદ વૈશાલીબા સાથે ઝપાઝપી કરી ઢીકાપાટુનો માર મારી સામાન્ય ઈજા કરેલ તેમજ આરોપી સવજીભાઈ કોળીએ ફરીયાદી જીતેન્દ્રસિંહના પિતાને પણ કોણી વડે જમણા ખંભાના ભાગે એક ઘા કરી ઈજા કરી તેમજ આરોપીઓએ એકબીજાની મદદગારી કરી ગુનો કરેલ હોય જે અંગે અહીં સીટી સી ડિવીઝન પોલીસ સ્ટેશનમાં જીતેન્દ્રસિંહ વિરસિંહ રાઠોડ, ઉ.વ.3પ, રે. ગોકુલનગર, દલવાડી સોસાયટી શેરી નં.4, જામનગરવાળા એ ફરીયાદ નોંધાવતા પોલીસે તપાસ હાથ ધરી છે.

કાલાવડનાં નપાણીયા ખીજડીયા સહકારી મેડળીના પ્રમુખે- મંત્રી વિરૂદ્ધ ૬૦ લાખના ઉચાપતની ફરીયાદ નોંધાવતા ખળભળાટ

દેશ દેવી ન્યુઝ જામનગર 18. શ્રી નપાણીયા ખીજડીયા સેવા સહકારી મંડળી લીમીટેડના મંત્રી તરીકે ફરજ બજાવતા બીપીનભાઇ ચંપકભાઇ જોષી રહે – નપાણીયા ખીજડીયા ગામ વાળાએ પોતાની મંડળીના મંત્રી તરીકેની કાયદેસરની ફરજ દરમ્યાન પોતાના અંગત ફાયદા માટે ઠગાઇ કરવાના ઇરાદાથી મંડળીના ખેડુત ખાતેદારો ( સભાસદો ) પાસેથી પાક ધીરાણ પેટેના નાણાની વસુલાત કરી મંડળીની અલગ અલગ પહોચો આપી તેમજ તે પૈકીની અમુક પહોચોમા પોતાની જાતે ફેરફાર કરી ખોટી પહોચો બનાવી હોવાનું ધ્યાનમાં આવ્યું હતું

તેમજ રોજમેળમા ખોટો મનધડત હીસાબ ઉધારી રોજમેળમા પાના નં -૬૧ મા સામાન્ય ખાતાવહી પાના નં -૧૧૫ થી “ શ્રી જમીન ખરીદ ખાતે બા.જે. ( બાબત જે ) મંડળીના ગોડાઉન માટે જમીન ખરીદ કરતા મંત્રી બીપીનભાઇ જોષીએ ( વાઉચર ) મુજબ ” વાઉચર નં -૬૬ રોકડા રૂ .૬૦,૦૦,૦૦૦ / – ની કોઇ પણ ઠરાવ કે મંજુરી વગર એન્ટ્રી કરી રૂ .૬૦,૦૦,૦૦૦ / – ( અંકે રૂપીયા સાઇઠ લાખ ) ની નાણાની ઉચાપત કરી મંડળીના મંત્રી તરીકે ગુનાહીત વિશ્વાસધાત કર્યો હતો

શ્રી નપાણીયા ખીજડીયા સેવા સહકારી મંડળી લીમીટેડના મંત્રી આરોપી બીપીનભાઇ ચંપકભાઇ જોષી એ તા .૨૯ / ૧૨ / ૨૦૨૦ ના રોજ મંડળીના લેટર-પેડ ઉપર મામલતદાર સાહેબ કાલાવડ નાઓને સંબોધીને વિષય : શ્રી નપાણીયા ખીજ્ડીયા સેવા સહકારી મંડળી લીમીટેડના બોજા / ગીરો મુક્તી કરવા મળેલ નોટીશનો જવાબ ” તેમ વિષય રાખી મંડળીના લેટરપેડ ઉપર મામલતદાર સાહેબ ને પોતાનો બચાવ કરવાના ઇરાદાથી પોતાની રીતે ખોટુ લખાણ આપી તે લખાણમા પ્રમુખ તરીકે “ રાઘવ દેવશી ” નામની ફરીયાદીની ખોટી સહી કરી મંડળીનો સીક્કો મારી ખોટો દસ્તાવેજ બનાવી ખરા તરીકે ઉપયોગ કરતા આથી કાલાવડ પો.સ્ટેશનમાં આરોપી વિરૂદ્ધ આઇ.પી.સી. કલમ ૪૦૮ , ૪૬૪ , ૪૬૫ , ૪૬૭ , ૪૬૮ , ૪૭૧ , ૪૭૭ ( ક ) મુજબ ગુનો નોંધી તપાસના ચક્રો ગતિમાન કર્યાં છે.

જુના નાગનાના સરપંચને પદ પરથી શા માટે હટાવવામાં આવ્યા…જાણો?

જામનગર:જુના નાગનાના સરપંચ હરિલાલ રણછોડભાઈ નકુમને સસ્પેન્ડ કરાયા.

ભ્રષ્ટાચારના આક્ષેપ સરપંચ વિરુદ્ધ સાબિત થતાં જિલ્લા વિકાસ અધિકારીએ કર્યા આદેશ..

દેશ દેવી ન્યુઝ જામનગર 17. જામનગરના શહેરના નવાગામ ઘેડ પાછળ આવેલ જુના નાગના સરપંચ તરીકે સોંપવામાં આવેલ કાર્યો અને ફરજો બજાવવામાં સદંતર નિષ્કાળજી અને બેદરકારી દાખવી ગંભીર પ્રકારની ફરજચૂક તથા દોષીત માનસ સહ ગેરવર્તણુંક તેમજ ભ્રષ્ટાચાર, સરકારી નાણાની ઉચાપત કરેલ હોવાનું સાબિત થતા લેવાયું પગલું.

હરીલાલ રણછોડભાઈ નકુમ સરપંચ ગ્રામ પંચાયત, જુના નાગના, તા.જામનગર, તેઓને સરપંચ તરીકે સોંપવામાં આવેલ કાર્યો અને ફરજો બજાવવામાં સદંતર નિષ્કાળજી અને બેદરકારી દાખવી ગંભીર પ્રકારની ફરજચૂક તથા દોષીત માનસ સહ ગેરવર્તણુંક તેમજ ભ્રષ્ટાચાર, સરકારી નાણાની ઉચાપત કરેલ હોવાનું સાબિત થાય છે. જેથી આ કામે નીચે મુજબ હુકમ કરવામાં આવે છે.

મિહીર પી. પટેલ (IAS) જિલ્લા વિકાસ અધિકારી-જિ.પં.જામનગર, ગુજરાત પંચાયત અધિનિયમ ૧૯૯૩ ની કલમ ૫૭(૧) ની જોગવાઈ મુજબ મળેલ સત્તા અને અધિકારની રૂએ ઉપરોક્ત વિગતે કરેલ ચર્ચા મુજબ સરપંચ હરીલાલ રણછોડભાઈ નકુમ, ગ્રામ પંચાયત-જુના નાગના તા.જામનગરને તાત્કાલિક અસરથી સરપંચ પદેથી દુર કરવા હુકમ કરવામાં આવે છે.

સરમત પાટીયા પાસે યુવાન ઉપર છરી વડે હુમલોદેશ દેવી ન્યુઝ જામનગર 17. જામનગરના સરમત પાટીયા પાસે આવેલી સોનલકૃપા હોટલે ફરીયાદી તથા અન્ય ચા પીવા ઉભા હોય ત્યારે જુની અદાવતના કારણે ગામમાં રહેતો શખ્સ ઘસી આવ્યો હતો અને એક યુવક પર છરી વડે હુમલો કરી ઇજા પહોચાડી મારી નાખવાની ધમકી આપીને નાશી છુટયો હતો આ અંગે એક સામે ફરીયાદ નોંધાવવામાં આવતા સિકકા પોલીસે તપાસ હાથ ધરી છે.જામનગર નજીક સરમત ગામના અને હાલ રસુલનગરમાં રહેતા માછીમાર સિકંદર દાઉદભાઇ સેતા (ઉ.વ.27) એ ગઇકાલે સિકકા પોલીસ સ્ટેશનમાં સરમત ગામના ભિષ્મરાજસિંહ હકુભા જાડેજાની વિરુઘ્ધ આઇપીસી કલમ 326, 504, 506 (2) તથા જીપીએકટ 135(1) મુજબ ફરીયાદ નોંધાવી હતી.જેમાં જણાવ્યું છે કે ઇજા પામનાર દાઉદભાઇ મહમદભાઇ મેપાણી આશરે બે વર્ષ પહેલા સરમત ગામે રહેતા હતા ત્યારે આરોપીના પિતા સાથે મજુરી બાબતે બોલાચાલી અને ઝઘડો થયો હતો જેનુ મનદુ:ખ રાખીને દાઉદભાઇ તથા ફરીયાદી સિકંદર અને અફઝલભાઇ ગઇકાલે સરમત પાટીયા પાસે આવેલી હોટલે ચા પીવા ઉભા હોય એ વખતે આરોપી ભિષ્મરાજસિંહ ત્યાં આવીને ફરીયાદીના ફઇના દીકરા દાઉદભાઇ મેપાણીને અપશબ્દો કહી પેટ, પડખાના ભાગે છરીનો ઘા મારી ઇજા પહોચાડી હતી તેમજ જાનથી મારી નાખવાની ધમકી આપી હતી.

જામનગરના ગોકુલનગર વિસ્તારમાં સામાન્ય બાબતે બે ભાઈઓ ઉપર છરી અને ધોકાના આડેધડ ઘા ઝીંકી જીવલેણ હુમલો : દંપતી સહિત ત્રણ સામે ફરિયાદ

દેશ દેવી ન્યુઝ જામનગર 17. જામનગરના ગોકુલનગર વિસ્તારમાં આવેલા દલવાડી સોસાયટીમાં અને બકાલાનો વ્યવસાય કરતા સુરેશ સવશીભાઈ સોનારા નામના યુવાનને અગાઉ વિરસિંહ રાઠોડ સાથે બોલાચાલી અને ઝઘડો થયો હતો. દરમિયાન બુધવારે રાત્રિના સમયે સુરેશ સોનારા તેની દુકાને જતો હતો તે દરમિયાન વિરસિંહ રાઠોડ નામના શખ્સે યુવાન ઉપર થૂંકતા યુવાન વેપારીએ ઠપકો આપ્યો હતો. આ ઠપકાનો ખાર રાખી વિરસિંહ રાઠોડ, તેનો પુત્ર જીતુ વિરસિંહ રાઠોડ અને પુત્રવધુ સહિતના ત્રણ શખ્સોએ એકસંપ કરી યુવાન ઉપર છરી વડે માથામાં પગમાં સાથળમાં આડેધડ ઘા ઝીંકી હુમલો કર્યો હતો.

હુમલામાં યુવાનને છોડાવવા વચ્ચે પડેલા તેના ભાઈ વિજય ઉપર વિરસિંહએ તલવાર વડે પડખામાં જીવલેણ ઘા ઝીંકયો હતો તેમજ મહિલાએ ધોકા વડે માર મારી પતાવી દેવાની ધમકી પણ આપી હતી.

દંપતી સહિતના ત્રણ શખ્સો દ્વારા કરાયેલા હુમલામાં યુવાન ભાઈઓ ઘવાયા હતાં અને ત્યારબાદ તેમની સારવાર માટે હોસ્પિટલમાં ખસેડવામાં આવ્યાં હતાં. જ્યાં બનાવની જાણ થતા પીએસઆઈ એન.એ. ચાવડા તથા સ્ટાફ હોસ્પિટલે પહોંચી ગયો હતો અને સુરેશના નિવેદનના આધારે દંપતી સહિત ત્રણ શખ્સો વિરૂધ્ધ હત્યાના પ્રયાસનો ગુનો નોંધી હુમલાખોરોને ઝડપી લેવા ચક્રો ગતિમાન કર્યા હતાં. ઘવાયેલા ભાઈઓમાં વિજયને ગંભીર ઈજા પહોંચી હોવાનું તબીબોએ જણાવ્યું હતું.

જામનગર શહેર અને જિલ્લામાં મોડીરાત સુધી ડી.જે. વગાડતા સાત શખ્સો વિરૂઘ્ધ કાર્યવાહી..

પોલીસ દંડાત્મક કાર્યવાહી કરતા ૭ બેન્ડબાજાનો સમાન થયો જમા..

 દેશ દેવી ન્યુઝ જામનગર 17. હાલ લગ્નગાળાની સીઝન ચાલી રહી છે અને રાજ્ય સરકાર દ્વારા કોરોના ગાઈડલાઈન અંતર્ગત જાહેર કરાયેલા નિયમોનું પાલન કરવા માટે તંત્ર કાર્યવાહી કરી રહ્યું છે.

દરમિયાન બુધવારે રાત્રિના સમયે જિલ્લા પોલીસવડા નિતેશ પાંડેયની સૂચનાથી સીટી બી ડીવીઝન પોલીસ સ્ટાફે મોડીરાત સુધી ડીજે સાઉન્ડ સીસ્ટમ વગાડતા લોકો સામે કાર્યવાહી અંતર્ગત બેડેશ્ર્વર વિસ્તારમાં અજય ધીરુ સવાસડિયા, ધરારનગર વિસ્તારમાં ભરત વેરશી ચારોલા, મહાપ્રભુજીની બેઠક પાસે શ્રીજી સોસાયટીમાં કાનજી ધનજી પરમાર, ધરારનગર -૨ માં માનવ પાર્ટી પ્લોટમાં દિપક શાંતિ કણઝારિયા, ધરારનગર-૨ માં હુશેની ચોક વિસ્તારમાં મુસાઈ દરજા ઓસમાણ ગની કમોરા, એમ.પી. શાહ ઉદ્યોગનગરમાં સાગર ચના મકવાણા અને દિગ્જામ સર્કલ પાસે ગણપતિનગરમાં સંજય રમેશ પરમાર સહિતના સાત શખ્સો વિરૂધ્ધ પોલીસે ગુનો નોંધી બેન્ડવાજા જપ્ત સહિતની કાર્યવાહી હાથ ધરી હતી.

જગજીવન કોમ્પ્લેક્ષની 2 દુકાનોમાંથી 1.20 લાખ ઉઠાવ્યા હતાં.

LCB સ્ટાફના હિતેન્દ્રસિંહ જાડેજા , સંજયસિંહ વાળા તથા દિલીપભાઇ તલાવડીયાને મળેલ સંયુક્ત બાતમી આધારે ઘરફોડ ચોરીનો ભેદ ગણતરીની કલાકમાં ઉકેલાયો.

જામનગરના પટેલ કોલોની , નાગનાથ ગેઇટ ” સુરેશ ફરસાણ, ઝુલેલાલના મદિર સહિતની 4 ચોરીનો ભેદ ઉકેલાયો 

સીસી ટીવીનું ડીવીઆર પણ ચોરી ગયો હતો: આરોપી બન્યો પોપટ..દેશ દેવી ન્યુઝ જામનગર 16. જામનગર શહેરમાં વિકાસગૃહ રોડ પર જગજીવન કોમ્પલેક્ષમાં આવેલ બે દુકાનમાં ત્રાટકેલા તસ્કરો રૂા .1.46 લાખનો મુદ્દામાલ ચોરી કરી ગયાની પોલીસ દફતરે ફરિયાદ નોંધાઇ છે . બન્ને દુકાનમાંથી તસ્કરો સીસીટીવીનું ડીવીઆર ચોરી કરી ગયા હોવાનું પણ સામે આવ્યું હતું જે ચોરીના બનાવમાં ગણતરીની કલાકોમાં જ એલસીબીએ એક શખસને પકડી પાડી રોકડ રૂપિયા અને ડીવીઆર કબજે કર્યુ છે

આ ઉપરાંત તેણે અન્ય બે ચોરી કર્યા હોવાની કબુલાત કરતા ચાર ચોરીનો ભેદ ઉકેલાયો છે . જામનગરમાં વિકાસગૃહ રોડ ૫૨ જગજીવન કોમ્પલેક્ષમાં આવેલ જે.કે.ફૂડઝોન અને ન્યુ પટેલ સ્વિટ એન્ડ ફરસાણ માર્ટ નામની બન્ને દુકાનને તસ્કરોએ નિશાન બનાવી હતી . જેમાં તા .13 મીના રાત્રે 11 વાગ્યાથી ગઇકાલે સવારના 6.30 વાગ્યાના ગાળા દરમિયાન કોઇ તસ્કરોએ દુકાનના શટરનું તાળું તોડી અંદર પ્રવેશ કરી લાકડા – લોખંડના ટેબલમાં રાખેલ જુદા – જુદા દરની રૂપિયા એક લાખ વીશ હજારની રોકડ રકમ અને સીસીટીવીનું ડીવીઆર હાથવગું કરી ચોરી કરી ગયા હતાં . ઉપરાંત બાજુમાં આવેલ કેવલ વિનોદભાઇ કંસારાની ન્યૂ પટેલ સ્વિટ એન્ડ ફરસાણ માટે નામની દુકાનમાંથી નવ હજારની કિંમતનો એક મોબાઇલ ફોન રૂપિયા ચાર હજારની કિંમતનુંસીસીટીવી કેમેરાનું ડીવીઆર તેમજ ટેબલના કાઉન્ટરમાંથી રૂપિયા 9 હજારની રોકડ રકમ ચોરી કરી ગયા હતાં .

ચોરીની આ ઘટના બાદ એલસીબીએ તાત્કાલિક પોતાના બાતમીદારો દોડાવી તપાસ કરતા ગુલાબનગર બસ સ્ટેશન પાસેથી નરેશ ઉર્ફે લાલો ગોવિંદ પરમાર નામના શખસને પકડી પાડયો હતો જેની પૂછપરછમાં તેને પટેલ કોલોનીની બે ચોરી કરી હોવાની કબુલાત આપી હતી , પોલીસે તેના કબજામાંથી 56500 રોકડ , ફોન , ડીવીઆર મળી રૂા . 69500 નો મુદ્દામાલ કબજે કર્યો હતો.પ્રાથમિક પુછપરછમાં આ ચોરી ઉપરાંત તેણે નાગનાથ ચોક પાસે આવેલી સુરેશ ફરસાણ નામની દુકાનમાંથી રૂા 22 હજારની કરેલી ચોરી તેમજ ત્રણબતી પાસે ફરસાણની દુકાન ઉંચકાવી 5 હજારની ચોરીની કબુલાત આપી હતી .