જામનગરમાં હત્યા-લુંટ જેવા ગંભીર ગુન્હાનો આરોપી પાસા હેઠળ જેલમાં ધકેલાયો
સુત્રોમાંથીમાંથી મળતી વિગત મુજબ હજુ પણ અનેક નામીચા પાંજરે પુરાશે : ગુનેગારોમાં ફફડાટ
એલસીબીની ટીમ દ્વારા સુરત લાજપોર મધ્યસ્થ જેલમાં ધકેલી આગળની કાર્યવાહી હાથ ધરાઈ
દેશ દેવી ન્યુઝ જામનગર ૨૨ જૂન ૨૨.જામનગરમાં અસામાજિક તત્વો પર કંટ્રોલ કરવા માટે અને શહેર જિલ્લામાં શાંતિ જળવાઈ રહે તે માટે જામનગરના નવ નિયુક્ત એસ.પી પ્રેમસુખ ડેલુએ પાસાનું હથિયાર અજમાવ્યું છે. જામનગરમાં ખૂન, હથિયાર ,મારામારી, આંગડિયા લૂંટ સહિતના કેસમાં સંડોવાયેલા આરોપીને પાસા હેઠળ જેલમાં મોકલવામાં આવ્યો છે.
પાસાની દરખાસ્ત મુકાઈ હતી યાસીન ઉર્ફે મોટો હાજીભાઇ ખેરાણી સામે પોલીસે કરેલી પાસાની દરખાસ્ત કલેક્ટરે મંજૂર રાખી હતી. જેથી એલસીબીએ શખ્સની ધરપકડ કરી હતી અને સુરત લાજપોર મધ્યસ્થ જેલમાં ધકેલી આગળની કાર્યવાહી હાથ ધરી છે.
અનેક ગંભીર ગુના નોંધાયાઆરોપી યાસીન સામે ખૂન, આંગળીયા લૂંટ મારામારી, હથિયાર રાખવા સહિતના ગંભીર ગુનાઓ નોંધાયેલા છે.
બે જુથ વચ્ચે સર્જાયેલી મારામારીના બે ઘવાયેલાને સારવાર અર્થે જી.જી. હોસ્પીટલમાં ખસેડાયા હતા.જેમાં એક કેસના ફરીયાદી તેમજ સામાપક્ષના કેસમાં આરોપી તરીકે જાહેર થયેલો એક ઘવાયેલો શખસ હોસ્પીટલમાંથી પોબારા ભણી ગયાનુ સામે આવ્યુ હતુ જેથી દોડધામ મચી હતી.જેની પોલીસે તલાશ હાથ ધરતા પેરોલ ફર્લો સ્કવોડે નાશી છુટેલા અકરમને દબોચી લીઘો છે.
દેશ દેવી ન્યુઝ જામનગર ૨૦ જૂન ૨૨. જામનગરમાં રાજ્ય સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ દ્વારા આઝાદીકા અમૃત મહોત્સવ અંતર્ગત દેશના સ્વાતંત્ર્ય માટે પોતાના પ્રાણની આહૂતિ આપનારા વીર ક્રાંતિકારીઓની શહાદતને સલામ કરતો વીરાંજલિ કાર્યક્રમ યોજાયો.જામનગર શહેરના પ્રદર્શન ગ્રાઉન્ડ ખાતે હજારો નગરજનોની ઉપસ્થિતિમાં આ મલ્ટીમીડિયા શો થકી વતનના વીસરાયેલા વીરોની વાત રજૂ કરવામાં આવી.
આ પ્રસંગે ગૃહ રાજ્ય મંત્રી હર્ષ સંઘવીએ જણાવ્યું કે, આજનો સમય અલગ છે.આજે દેશ માટે મરવાનો નહીં પરંતુ કંઈક કરવાનો સમય છે. દેશ માટે શહાદત વહોરનારા વીરોના બલિદાનોના કારણે આજે આપણે આઝાદીનો અમૃત મહોત્સવ મનાવી રહ્યા છીએ તેમ જણાવી મંત્રીશ્રીએ દેશના વીરોની ગાથાને બિરદાવી હતી. સમગ્ર જામનગરને દેશભક્તિના રંગે રંગવા બદલ મંત્રીશ્રીએ વીરાંજલી કાર્યક્રમના આયોજકોને પણ આ તકે બિરદાવ્યા હતા. મંત્રીએ વધુમાં જણાવ્યું હતું કે છેલ્લા 6 માસમાં 4 હજાર કરોડથી વધુનું ડ્રગ્સ પકડી સરકારે દેશના ડ્રગ્સના નેટવર્કને નાકામ કર્યું છે. સરકારે મક્કમ નિર્ધાર કરી દુષ્કર્મ કેસના આરોપીઓને ત્વરિત સજા મળે તેવી વ્યવસ્થા ઉભી કરી છે. સાથે સાથે વ્યાજના દુષણને ડામવા પણ ગુજરાત પોલીસ તત્પર છે તેમ મંત્રીએ ઉમેર્યું હતું.
જામનગરની ઐતિહાસિક ધરા પરથી ભારતના વીર સપૂતોની શહિદીની ગાથાની સાથે સાથે સાંપ્રત સમયમાં આપણે શું કરી શકીએ તેની વાત આ કાર્યક્રમ થકી કરવામાં આવી. પ્રસિદ્ધ સાહિત્યકાર સાંઈરામ દવે અને તેમની ટીમના 100 જેટલા કલાકારો દ્વારા અત્યાધુનિક ટેક્નોલોજીના સમન્વયથી આજના યુવાનોને ગમે તેવી ભવ્ય રજૂઆત દ્વારા ઝાંસીની રાણી, ભગતસિંહ, સુખદેવ, રાજ્યગુરૂ, મેડમ ભીખાઈજી કામા, સરદારસિંહ રાણા, મુરૂ માણેક-જોધા માણેક, અશ્ફાક ઉલ્લા ખાન, ચંદ્રશેખર આઝાદ સહિતના નામી-અનામી સ્વાતંત્ર્યવીરોની રાષ્ટ્રભાવનાની વાત રજૂ કરવામાં આવી હતી.
આ પ્રસંગે સાંસદ પૂનમબેન માડમ, ધારાસભ્ય આર.સી.ફળદુ તથા ધર્મેન્દ્રસિંહ જાડેજા, મેયર શ્રીમતી બિનાબેન કોઠારી, જિલ્લા પંચાયત પ્રમુખ ધરમશી ચનિયારા, ભરતભાઈ બોઘરા, જિલ્લા પ્રભારી અભયસિંહ ચૌહાણ, ડે. મેયર તપન પરમાર, સ્ટેન્ડીંગ, જિલ્લા ભાજપ પ્રમુખ રમેશભાઈ મુંગરા, શહેર ભાજપ પ્રમુખ વિમલભાઈ કગથરા, કલેકટર ડો.સૌરભ પારઘી, કમિશનર વિજય ખરાડી, પોલીસ અધિક્ષક પ્રેમસુખ ડેલુ તેમજ બહોળી સંખ્યામાં જામનગરના પ્રબુદ્ધ નાગરિકો ઉપસ્થિત રહ્યા હતા.
કાર્યક્રમને સફળ બનાવવાનો શ્રેય શહેર અધ્યક્ષ વિમલ કગથરા અને મહામંત્રી વિજયસિંહ જેઠવા, પ્રકાશભાઈ બાંભણીયાને જાય છે, ત્યારે દિલીપભાઈ ભોજાણી, કિશન વઢવાણા, વિરલ બારડ, યતિન પંડ્યા, મૃગેશ દવે, પ્રવિણસિંહ જાડેજા, રમત-ગમત સાંસ્કૃતિક સમિતીના ચેરમેન હર્ષાબા જાડેજા વગેરેએ જહેમત ઉઠાવી હતી.
અગ્નિપથ યોજનાના વિરોધમાં એસપી કચેરી નજીક મોટી સંખ્યામાં વિદ્યાર્થીઓ એકઠા થયા હતા, જેને લઈ જામનગરના એસપી પ્રેમસુખ ડેલુ સહિત એલ.સી.બી, એસ.ઓ.જી સહિતનો પોલીસસ્ટાફ દોડી ગયો હતો અને સમગ્ર સ્થળ પોલીસ છાવણીમાં ફેરવાઈ ગયું હતું. મોટી સંખ્યામાં યુવાનો એકઠા થતાં પોલીસે સમજાવવાનો પ્રયાસો હાથ ધર્યા છે તેમજ પોલીસે પાણીનો મારો ચલાવવા વોટર કેનન પણ મગાવ્યા હોવાનું સામે આવ્યું છે.
અગ્નિપથના વિરોધ દરમિયાન વિદ્યાર્થીઓ અને પોલીસ વચ્ચે ઘર્ષણ પણ થયું હતું. જેથી પોલીસને હળવો લાઠીચાર્જ પણ કરવો પડ્યો હતો. તેમજ કેટલાક વિદ્યાર્થીઓની અટકાયત કરી હોવાનું પણ સામે આવ્યું છે.
ઉલ્લેખનીય છે કે સેનામાં ભરતીની ‘અગ્નિપથ’ યોજનાના વિરુદ્ધમાં ઠેર-ઠેર દેખાવો થઈ રહ્યા છે. હિંસાની આગ બિહાર, ઉત્તરપ્રદેશ, હરિયાણા, ઉત્તરાખંડ, રાજસ્થાન પછી તેલંગાણા, પશ્ચિમ બંગાળ, ઓડિશા, દિલ્હી સહિત 13 રાજ્યમાં પહોંચી હતી. આ રાજ્યોનાં 40થી વધુ શહેરોમાં તોફાન થયાં છે તેમજ રેલવેટ્રેક અને સડકો જામ કરવામાં આવી હતી
