જામનગરના રામેશ્વરનગર વિસ્તારમાં ગૃહકંકાસથી કંટાળી યુવાને તળાવમાં પડતું મૂકયું
- પતિ પત્ની વચ્ચે ફરવા બાબતે ડખ્ખો કારણભૂત
દેશ દેવી ન્યુઝ તા.૦૪ નવેમ્બર ૨૨ જામનગર: જામનગર શહેરના રામેશ્વરનગર વિસ્તારમાં આવેલા નિર્મળનગર મુખ્ય રોડ પર રહેતાં ભાવિન પરેશભાઈ ગૌતમી (ઉ.વ.22) નામના યુવકે સાત માસ પૂર્વે પ્રેમલગ્ન કર્યા હતાં. લગ્ન બાદ પતિ-પત્ની વચ્ચે ઘરકામ બાબતે તેમજ યુવકના મિત્રો સાથે ફરવા જવાની બાબતે અવાર-નવાર ઘર કંકાસ થતો હતો.
પ્રેમ લગ્ન બાદ ચાલુ રહેલા ઘર કંકાસનું મનમાં લાગી આવતા ભાવિન ગુરૂવારે બપોરના સમયે તેના ઘરેથી કોઇની કહ્યા વગર ચાલ્યો ગયો હતો અને ત્યારબાદ તેણે નાઘેડીના લહેર તળાવમાં ઝંપલાવી આપઘાત કર્યો હતો.
આ અંગેની જાણ થતા એએસઆઈ પી.બી. ગોજિયા તથા સ્ટાફ સ્થળ પર પહોંચી ગયો હતો અને તળાવમાંથી યુવકનો મૃતદેહ બહાર કાઢી પીએમ માટે મોકલવા કાર્યવાહી હાથ ધર હતી. આ ઘટનામાં પોલીસે મૃતકના પિતા પરેશભાઈના નિવેદનના આધારે આગળની કાર્યવાહી હાથ ધરી હતી.
દેશ દેવી ન્યુઝ જામનગર તા. o૧ નવેમ્બર ૨૨ જામનગર જિલ્લા અધ્યક્ષ પ્રકાશભાઈ દોંગાના અધ્યક્ષસ્થાને હોલિડે રિસોર્ટમાં આપનું સ્નેહમિલન યોજાયું બીજી બાજુ મોરબીની દુર્ઘટનામાં સમગ્ર રાજ્યના સરકારી અને રાજકીય કાર્યક્રમો રદ થયા છે ત્યારે જામનગરમાં આમ આદમી પાર્ટીનું “સ્નેહમિલન” અને ભાવતા ભોજનની મીજબાની યોજાતા રાજકીય વર્તુળોમાં ભારે ચકચાર વ્યાપી છે.
મોરબીની દુર્ધટના લઈ સમગ્ર રાજ્ય શોકમય બન્યું છે. સરકારી તેમજ રાજકીય સ્નેહમિલન સહીતના કાર્યક્રમો અને જલારામ જંયતિમાં જ્ઞાતિ ભોજન રદ કરાયા છે. ત્યારે જામનગરમાં આમ આદમી પાર્ટીનું હોલીડે રિસોર્ટમાં ભવ્ય સ્નેહમિલન યોજાયું હતું સાથે ભાવતા ભોજનની મીજબાની માણતા રાજ્કીય વર્તુળોમાં સારી એવી ચર્ચા જાગી છે તો બીજી બાજુ લોકોમાં પણ આમ આદમી પાર્ટીના કાર્યકરો સામે રોષ જોવા મળી રહ્યો છે.
જામનગર જિલ્લા અધ્યક્ષ પ્રકાશભાઈ દોંગા દ્વારા આ સ્નેહમિલન અને ભવ્ય ભોજન સંભારમનું આયોજન કરવામાં આવ્યું હતું. અને મોરબીની ઘટના અંગે કોઈ કોમેન્ટ નહીં કરવા જણાવ્યું હતું.
