જામનગર નજીક ગઢવી યુવાનની હત્યાના ત્રણ આરોપીઓ રિમાન્ડ પર

દેશ દેવી ન્યુઝ જામનગર: ૧૦ ડીસેમ્બર ૨૨ જામનગર તાલુકાના ગોરધનપર નજીક ગઢવી બંધુઓ ઉપર કરાયેલા જીવલેણ હુમલામાં એક યુવાનનું મોત નિપજતા બનાવ હત્યામાં પલ્ટાયો હતો. હત્યાના બનાવ સંદર્ભે પોલીસે તપાસ દરમિયાન ત્રણ શખ્સોની ધરપકડ કરી અદાલતમાં રજૂ કરતાં ચાર દિવસના રિમાન્ડ મંજૂર કર્યા હતાં.

આ પ્રકરણમાં ગઢવી યુવાનની હત્યાના કારણે તેમના સમાજમાં ઉગ્ર રોષ ફેલાઈ ગયો હતો અને સમાજના આગેવાનો અને લોકો દ્વારા પોલીસવડાને આવેદનપત્ર પાઠવવામાં આવ્યું હતું.
આ અંગેની વિગત મુજબ, જામનગર તાલુકાના સરમત પાટીયા પાસે રહેતા અને ખેતીકામ કરતા દેવદાસ ભાયાભાઈ રાજાણી નામનો યુવાન તેનો મોટોભાઈ ખીમરાજભાઈ અને ભરતભાઈ વગેરે ગત તા.1 ના રાત્રિના સુમારે ગોરધનપર પાટીયા પાસે આવેલી ઈંડાકળીની રેંકડીએ નાસ્તો કરવા ગયા ત્યારે અજાણ્યા શખ્સોએ જમવાના ઓર્ડર બાબતે બબાલ કરી હતી. દરમિયાન ઝપાઝપી થયા બાદ શખ્સોએ છરી વડે દેવદાસ, ખીમરાજ અને ભરતભાઈ પર તૂટી પડયા હતાં. જેમાં ખીમરાજનું મૃત્યુ થયું હતું જ્યારે અન્ય બે વ્યકિતને ગંભીર ઈજા પહોંચી હતી.

આ બનાવ અંગે પીએસઆઈ એ.વી. સરવૈયા તથા સ્ટાફે હત્યા, હત્યાની પ્રયાસનો ગુનો નોંધી તપાસ શરૂ કરી હતી. જેમાં હુમલો કરનાર દેવાંગ રામ ચાવડા, હિતેશ ચાવડા અને સાગર ચાવડાને પોલીસે પકડી પાડી કોર્ટમાં રજૂ કરતાં કોર્ટે ત્રણેયને ચાર દિવસના રિમાન્ડ પર સોંપવા હુકમ કર્યો છે. સિક્કા પોલીસ દ્વારા આરોપીઓની પૂછપરછ કરીને અન્ય આરોપી અંગે જુદી જુદી દિશામાં તપાસ લંબાવવામાં આવી રહી છે.

જામજોધપુરમાં પતિએ માવતરે જવા માટે ના પાડતાં માં શિક્ષિકાનો આપઘાત

દેશ દેવી ન્યુઝ જામનગર ૧૦ ડીસેમ્બર રર જામનગર જિલ્લાના જામજોધપુરમાં રહેતી અને ખાનગી સ્કૂલમાં શિક્ષિકા તરીકે ફરજ બજાવતી એક શિક્ષિકાએ ગઈકાલે પોતાના ઘેર ઝેરી દવા પી લઈ આત્મહત્યા કરી લીધી છે. માવતરે જવાની પતિએ ના પાડતા મનમાં લાગી આવ્યું હોવાથી આ પગલું ભરી લીધાનું પોલીસમાં જાહેર થયું છે.

આ બનાવની વિગત એવી છે કે જામજોધપુરમાં રહેતી અને ખાનગી સ્કૂલમાં શિક્ષિકા તરીકે નોકરી કરતી જ્યોત્સનાબેન ચેતનભાઇ ચિત્રોડા નામની 37 વર્ષની પરણીતા એ ગઈકાલે પોતાના ઘેર ઝેરી દવા પી લઈ આત્મહત્યાનો પ્રયાસ કરતાં તેણીને સારવાર માટે હોસ્પિટલમાં ખસેડવામાં આવી હતી, જ્યાં સારવાર દરમિયાન તેણીનું મૃત્યુ નીપજ્યું છે.

આ બનાવ અંગે મૃતકના પતિ ચેતન ધીરજલાલ ચિત્રોડાએ પોલીસને જાણ કરતાં જામજોધપુર પોલીસે મૃતદેહનો કબજો સંભાળી પોસ્ટમોર્ટમ સહિતની કાર્યવાહી હાથ ધરી છે. મૃતક જ્યોત્સનાબેનને પોતાના માવતરે આટો દેવા જેવું હતું, પરંતુ પતિએ બીજા દિવસે જવાનું કહેતાં મનોમન લાગી આવ્યું હતું, અને ઘરમાં પડેલી ઝેરી દવા પી લઇ મોતની સોડ તાણી હતી.

જોડિયાના રામપરમાં ખેડૂત પર હુમલોઃ સેઢાના બાવળ કાઢવા બાબતે વૃદ્ધની હત્યાની કોશીશ.

• જોડીયામાં જમીનના સેઢા ખોદવા બાબતે ગેરકાયદેસર મંડળી ૨ચી વૃદ્ધની હત્યાની કોશીશ કર્યાંની ૬ શખ્સો સામે ફરિયાદ
• ખેતીની જમીન પવનચક્કીને ભાડે આપ્યા બાદ JCB થી સેઢાના બાવળ કાઢવા બાબતે ડખ્ખો સર્જાયો
• ખોદકામ બંધ કરાવ્યા બાદ ૬ શખ્સો મંડળી રચી લોખંડના પાઈપ,લાકડાના ધોકા,ધારીયુ, પ્લાસ્ટીકના પાઈપ સાથે ટુટી પડ્યા.
• આરોપી :- (૧) ભીખુભાઈ જીવાભાઈ મકવાણા (૨) વિનુભાઈ જીવાભાઈ મકવાણા (૩) અશોકભાઈ ભીખાભાઈ મકવાણા (૪) અશોકભાઈનો છોકરો (૫) ટીનાભાઈ મેસુરભાઈ મકવાણા (૬) ભુરાભાઈ મેસુરભાઈ મકવાણા રે બધા વાધા ગામ તા.જોડીયા જી.જામનગર. (અટક કરવા પર બાકિ)

ખેતીની બાજુની જમીનમાં જેસીબીથી ખોદકામ કરવાના પ્રશ્ર્ને તકરાર કર્યા પછી હુમલો કરી ખૂનની કોશિશ કર્યાની ફરિયાદ

દેશ દેવી ન્યુઝ જામનગર તા. o૯ ડીસેમ્બર ૨૨ જામનગર જોડિયા તાલુકાના રામપર ગામમાં રહેતા એક ખેડૂત બુઝુર્ગ ઉપર જૂની અદાવત ના કારણે તેજ ગામના 6 શખ્સોએ પાઇપ ધોકા જેવા હથિયારો વડે જીવલેણ હુમલો કરી ખૂનની કોશિશ કર્યા ની ફરિયાદ પોલીસમાં નોંધાવવામાં આવી છે. સમગ્ર મામલે જોડીયા પોલીસ વધુ તપાસ ચલાવે છે.

આ બનાવની વિગત એવી છે કે જોડિયા તાલુકાના રામપર ગામમાં રહેતા અને ખેતી કામ કરતા નરસંગભાઈ કમાભાઈ જાટીયા નામના 72 વર્ષના ખેડૂત બુઝુર્ગ કે જેમણે પોતાના ઉપર તેમજ હિંમતભાઈ ઉપર લોખંડના પાઇપ, ધોકા, પ્લાસ્ટિકના પાઈપ વગેરે હથિયારો વડે હુમલો કરી ખુન ની કોશિશ કરવા અંગે વાઘા ગામમાં રહેતા ભીખુભાઈ જીવાભાઈ મકવાણા, વિનુભાઈ જીવાભાઇ મકવાણા, અશોક ભીખુભાઈ મકવાણા, અશોકભાઈ નો પુત્ર, ટીનાભાઇ મકવાણા અને ભુરાભાઈ મૈસુરભાઈ મકવાણા વગેરે સામે ફરિયાદ નોંધાવી છે.

પોલીસ ફરિયાદમાં જાહેર કરાયા અનુસાર ફરિયાદી પોતાની વાડીની બાજુની જગ્યામાં સરકારી ખરાબામાં જે.સી.બી. નું કામ કરાવી રહ્યા હતા જે દરમિયાન આરોપીઓએ આવીને ઉશ્કેરાઈ જઇ તકરાર કરી હતી, અને ઝઘડો કરીને જતા રહ્યા હતા. ત્યારબાદ લોખંડ ના અને પ્લાસ્ટિકના પાઇપ, ધોકા વગેરે હથિયારો સાથે તમામ આરોપીઓ ધસી આવ્યા હતા, અને ખેડૂત બુઝુર્ગ અને તેના સંબંધિ હિંમતભાઈ પર હુમલો કરી દીધો હતો. જે મામલે જોડીયા પોલીસે હત્યા પ્રયાસ સહિતની કલમો હેઠળ ગુનો નોંધ્યો છે.

આથી ગ્રામ્ય Dysp ની રાહબરી હેઠળ જોડીયા પો.સ્ટેશનના PSI ૨વિરાજસિંહ ગોહિલે IPC કલમ ૩૦૭, ૩૨૫, ૩૨૩, ૩૫૨, ૫૦૪, ૫૦૬(૨), ૧૪૩, ૧૪૭, ૧૪૮, ૧૪૯ તથા જી.પી.એકટ કલમ ૧૩૫(૧) મુજબ નોંધી આરોપીની શોધખોળ આદરી છે.

જામનગર નજીકના પસાયા બેરાજા ગામની વાડી વિસ્તારમાં બાર વર્ષીય પરપ્રાંતીય કિશોરની તીક્ષણ હથિયાર વડે ધાતકી હત્યા કરી ગુપ્તાંગ કાપી નખાયું: ભારે અરેરાટી

• કિશોરની હત્યા કરી ગૃપ્તાંગ કાપી નખાયું: પરિવાર શંકાના દાયરામાં.
• પોલીસ દ્વારા એફએસેલની મદદ લેવાઈ રહી છે.
• વાડી વિસ્તારમાં પરિવાર સાથે ખેતમજૂરી કરતો હતો : કારણ અકબંધ.

દેશ દેવી ન્યુઝ જામનગર તા.૦૭ ડીસેમ્બર ૨૨ જામનગર નજીકના પસાયા બેરાજા ગામ વાડી વિસ્તારમાં અજાણ્યા કિશોરી લાશ પડી હોવાના અહેવાલ થયા બાદ LCB સહિતનો પોલીસ કાફલો ઘટનાસ્થળે પહોંચી જઈ તપાસના ચક્રો ગતિમાન કર્યાં હતા.પરપ્રાંતીય કિશોર પરિવાર સાથે ખેત મજૂરીએ આવ્યો હોવાનું અને વાડી વિસ્તારમાં રહેતો હોવાનું જાણવા મળેલ છે. હત્યાના પગલે શહેરભરમાં સારી એવી ચર્ચા જગાડી છે બીજી બાજુ કિશોરની હત્યા કરી ગૃપ્તાંગ કાપી ગળાના ભાગે તિક્ષણ હથીયારના ‘ધા’ ઝીંકી કુરતાથી હત્યા કરી દેવાત્તા ભારે અરેરાટી વ્યાપી ગઈ હતી હાલતો પોલીસે પરિવારજનોની પુછપરછ હાથ ધરી ક્યા કારણોસર કરવામાં આવી તે દિશામાં તપાસી આંરભી છે.

જામનગર શહેરના કનસુમરા પાટિયા સામે આવેલ મયુર એવન્યુમાં તસ્કરોનો તરખાટ

• બાવાજી પરીવાર પ્રસંગોપાત બહારગામ ગયો અને તસ્કરો પાછળથી કળા કરી ગયા.
• સોના ચાંદી રોકડ સહિત ૨૬.૩૦૦ની મતા ઉઠાવી ગયા
• પોલીસ દ્વારા સીસીટીવી કેમેરાની મદદથી શખ્સોની શોધખોળ

દેશ દેવી ન્યુઝ જામનગર તા.૬ ડીસેમ્બર ૨૨ જામનગર શહેરના કનસુમરા પાટિયા સામે આવેલ મયુર એવન્યુમાં રહેતા જયેશભાઇ નરશીગર અપારનાથી જાતે બાવાજી તેના પરીવાર સાથે ગામડે પ્રસંગ હોય ધરને બંધ કરીને બહાર ગયેલ હતા ત્યારે કોઇ અજાણ્યા ચોરે ધરનો મુખ્ય દરવાજાનો નકુચો તોડી અંદર પ્રવેશ કરી ઉપરના રુમમા કબાટમા રાખેલ (૧) રોકડા રુ.૮૦૦૦/- (૨) ચાંદીની હાથમા પહેરવાની બંગડી જોડી-૧ કી.રુ.૪૦૦૦/- (૩) ચાંદીના મોટા સાકળા જોડી-૧ કી.રુ.૪૦૦૦/- (૪) ચાંદીના નાના સાકળા જોડી-૨ કી.રુ.૫૦૦૦/- (૫) સોનાના ચેનનો આકડીયો/લોક કી.રુ.૫૦૦/- (૬) સોનાના નાના છોકરાના કાનમા પહેરવાની દાણા જોડી-૧ કી.રુ.૧૫૦૦/- (૭) નાકમા પહેરવાનો સોનાનો દાણો એક કી.રુ.૧૫૦૦/- (૮) ખોટા મંગળસુત્ર જોડ-૨ કી.રુ.૬૦૦/- (૯) ફાસ્ટ ટ્રેકની ધડીયાળ-૧ કી.રુ.૧૨૦૦/- એમ કુલ સામાન કી.રુ.૨૬,૩૦૦/- ના સામાનની ચોરી કરી નાશી ગયા હતા.આથી સીટી-સી ડિવિજને જયેશભાઇ નરશીગર અપારનાથી નામના બાવાજી યુવાનની ફરીયાદ પરથી અજાણ્યા શખ્સ સામે ઈ.પી.કો. કલમ ૪૫૪, ૪૫૭, ૩૮૦ મુજબ ગુનોં નોંધી આગળની તપાસ હાથ ધરી છે. વધુ તપાસ સીટી-સી ડિવિઝન પોલીસ સ્ટેશનના PSI એચ.ડી હિગરોજા ચલાવી રહ્યા છે.

કિશાન ચોકના લાલખાણ વિસ્તારમાં અડધી રાત્રે બધળાટી : મુસ્લિમ જમાતના પ્રમુખના પુત્રની મોટરકારમાં તોડફોડ

• આરોપી :- (૧) સદામ બાડો રહે- સુમરા ચાલી (૨) અબ્દુલ બાલાજી રહે સનસીટી-૨ (૩) અકરમ ઉર્ફે કારો રહે.સુમરાચાલી જામનગર
• તુ ‘ પોલીસને અમારી બાતમી કેમ આપશ તેમ કહી હુમલો કરતા નાસભાગ મચી

દેશ દેવી ન્યુઝ જામનગર તા. પ ડીસેમ્બર ૨૨ જામનગરના લાલખાણ વિસ્તારમાં ગઇકાલ રાત્રે મુસ્લિમ જમાત પ્રમુખના પુત્ર અશરફ ખફી ઉપર ત્રણ શખ્સોએ હથીયારો સાથે હુમલો કરી મોટરકારના કાચ તોડી નાખતા અફડાતફડી માહોલ સર્જાયો હતો.પોલીસ સૂત્રોમાંથી જાણવા મળતી માહિતી મુજબ શહેરના કિશાન ચોક, ચુનાનો ભઠો પાસેની રીધ્ધી સીધ્ધી સોસાયટી, શેરી નં.૧ માં રહેતા અને મુસ્લિમ જમાતના પ્રમુખના પુત્ર અશરફ ખફી પોતાના ઘરે જતા હતા ત્યારે લાલખાણ વિસ્તારમાં અડધી રાત્રે સુમરા ચાલીમાં રહેતો સદામ ઉર્ફે બાડો પોતાની એક્સેસ ગાડી રોડ વચ્ચે ઉભી રાખી અશરફ ખફીને અટકાવીને કહેલ કે તુ અમારી પોલીસને બાતમી કેમ આપશ તેમ કહી મનફાવે તેવી ભૂંડી ગાળો આપી એકસંપ થઇ બાતમી અંગેનો ખાર રાખી ત્રણ શખ્સે મારી નાખવાની ધમકી આપી અશરફ ખફીની આર્ટીકા ફોરવીલ રજી નં GJ-10-DJ-8273 પાછળના ભાગે કાચ તોડી તથા આગળ નંબર પ્લેટ તોડી આશરે રૂ ૫૦૦૦/- ની કીમતની વસ્તુનુ તોડફોડ કરી નુકશાનનાશી ગયા હતા આથી અશરફે પોલીસને જાણ કરતા કાફલો ઘટનાસ્થળે દોડી ગયો હતો અને બનાવની સઘળી વિગત મેળવી આરોપીની ધરપકડના ચક્રો ગતિમાન કર્યા હતા બનાવની જાણના પગલે મુસ્લિમ સમાજના આગેવાનો દોડી ગયા હતા જેને લઈ શહેરભરમાં ભારે ચર્ચા જાગી હતી.આથી સીટી – એ ડિવિઝન પોલીસે અશરફખફીની ફરિયાદ પરથી ત્રણ શખ્સો વિરૂદ્ધ જાનથી મારી નાખવાની ધમકી સહિત IPC કલમ ૫૦૪, ૫૦૬(૨), ૪૨૭, ૩૪૧ તથા જી.પી. એક્ટ ૧૩૫(૧) મુજબ ગુનો નોંધી આરોપીની શોધખોળ આદરી હતી.

જામનગરના કુખ્યાત દિવલા ડોને ફરી પોત પ્રકાશ્યું

• પાનના વેપારીએ ઉધાર નહીં આપતાં ઈંટો ના ઘા કરી વેપારીનું માથું ફોડી નાખ્યું

દેશ દેવી ન્યુઝ જામનગર તા.પ ડીસેમ્બર ૨૨ જામનગર જામનગરમાં રાંદલનગર વિસ્તારમાં રહેતા અને પાનની દુકાન ચલાવતા ભરતસિંહ જુવાનસિંહ ચૌહાણ નામના વેપારી યુવાને પોતાના માથા પર ઈંટો ના ઘા ઝીકી દઈ માથું ફાડી નાખવા અંગે શાંતિનગર વિસ્તારમાં રહેતા કુખ્યાત દિવ્યરાજસિંહ ઉર્ફે દિવલો ડોન ફરિયાદ નોંધાવી છે

જ્યારે તેનું માથું ફાટી ગયું હોવાથી સારવાર માટે જામનગરની જી.જી હોસ્પિટલમાં ખસેડાયા છે, અને માથામાં 11 ટાંકા લેવા પડ્યા છે. વેપારી યુવાન ભરતસિંહ ચૌહાણ ગઈકાલે પોતાની દુકાને વેપાર કરી રહ્યા હતા, દરમિયાન સાડા આઠેક વાગ્યાના અરસામાં આરોપી દીવલો પાન મસાલા ખાવા આવ્યો હતો, અને ઉધારમાં પાન મસાલા ની માંગણી કરતાં વેપારી યુવાને ઉધારમાં આપવાની ના પાડી હતી.

જેથી આરોપી ઉસકેરાઈ ગયો હતો, અને હંગામા મચાવી આ હુમલો કરી ભાગી છૂટ્યો હતો

ગોરધનપર નજીક ગઢવી યુવાનની હત્યાના કેસમાં ચારણ સમાજમાં ભારે રોષ ફેલાયો

• સમાજના આગેવાનો અને લોકોએ તાત્કાલિક પગલા લેવા એસપીને આવેદન આપ્યું.
• હત્યા અને હત્યાની કોશીશમાં ત્રણ શખ્સો નહી પાંચ શખ્સો હતા : પરિવારજનો આક્ષેપ
• આરોપી હાથવેંતમાં હોવાનું જાણવા મળ્યું છે.
• ચારણ સમાજે કરેલ રજુઆતમાં તમામ આરોપીઓના નામ જણાવાયા.

દેશ દેવી ન્યુઝ જામનગર તા.પ નવેમ્બર ૨૨ જામનગર નજીક ગોરધનપર પાસે ઇંડાકળીની રેંકડી પર ગઢવી બંધુઓ ઉપર થયેલા હુમલામાં એક યુવાનની હત્યા તેમજ અન્ય બે શખસો ગંભીર હાલતમાં પહોચતા આ બનાવે ભારે ચકચાર જગાવી હતી. બનાવમાં 4 દિવસ વીતી ગયા છતાં હત્યારાઓને પોલીસ પકડી ન પાડતા ગઢવી સમાજમાં ભારે રોષ ફેલાઇ ગયો છે અને આ અંગે જામનગર શહેર-જિલ્લાના ચારણ સમાજના લોકોેએ એસપીને આવેદનપત્ર આપી તાત્કાલિક ગુનેગારોને પકડી પાડી સખત સજા કરવાની માંગણી કરી છે.

પ્રાપ્ત વિગત અનુસાર ગત તા. 1-12-2022ના રોજ 9.30 વાગ્યાના સુમારે જામનગર નજીક ગોરધનપરના પાટિયા પાસ ે ઇંડાકળીની રેંકડીએ ખીમરાજ ભાયા રાજાણી, દેવદાસભાયા રાજાણી અને ભરત રણમલ રાજાણી સાથે અજાણ્યા શખસોએ તકરાર કરી ખીમરાજ પર હુમલો કરી તેનું મૃત્યુ નિપજાવ્યું હતું, જયારે અન્ય બે પર જીવલેણ હુમલો થતાં સારવાર માટે જી.જી. હોસ્પિટલમાં હજુ પણ દાખલ છે.

બનાવ અંગે પેાલીસે હત્યા , હત્યાની કોશીષ વગેરે કલમ અંગે ગુનો નોંધી તપાસ શરૂ કરી હતી, પરંતુ ચાર દિવસ વીતી જવા છતાં ગુનેગારો પકડાયા ન હતાં અને તહોમતદાર ત્રણની જગ્યાએ પાંચ હોવાનું બહાર આવતા જામનગર શહેર-જિલ્લા ચારણ સમાજમાં ભારે રોષ વ્યાપી ગયો હતો અને રવિવારે સમાજના આગેવાનો સાથે વિશાળ સંખ્યામાં લોકો એસપી ઓફિસે દોડી જઇ આવેદનપત્ર પાઠવ્યું હતું.

જેમાં જણાવ્યું હતું કે, નજરે જોનાર સાક્ષી હોવા છતાં પોલીસ ત્રણ જ વ્યકિતના નામ લે છે અને બીજા બે વ્યકિતઓના નામ નથી લેતી આ હુમલો ઇરાદાપૂર્વક કરવામાં આવ્યો છે અને તાત્કાલિક ગુનેગારોને પકડી તેને સજા કરવાની માંગણી કરવામાં આવી છે. અન્યથા સમાજમાં રોષ ફાટી નિકળશે તેવી ચિમકી પણ આપવામાં આવી છે.

• જામનગરના સીટી એ. ડિવિઝન પોલીસ મથકમાં નોંધાયેલા ચીટીંગના ગુના સંદર્ભમાં અમદાવાદ ATS ની ટીમે ધરપકડ કરી લઈ જામનગર પોલીસને સુપ્રત કર્યો
• ડેકોરેશન નું કામ કરી પૈસા ન આપતા ફરીયાદ નોંધાવાઈ
• ફરીયાદી બે ત્રણ વાર આપના કાર્યલય ખાતે ધક્કા ખાઈ ચુક્યો : ચૂટણી પછીનો વાયદો આપ્યો

દેશ દેવી ન્યુઝ જામનગર તા ૫ ડીસેમ્બર ૨૨ જામનગરના ૭૯- દક્ષિણ વિધાનસભા વિસ્તારના આમ આદમી પાર્ટીના ઉમેદવાર વિશાલ ત્યાગી કે જેની છેતરપિંડીના ગુનામાં રાજસ્થાનથી ધરપકડ કરી લેવામાં આવી છે, અને જામનગર પોલીસને સુપ્રત કરી દેવાયા છે.

પોલીસ ચોપડેથી જાણવા મળતી માહિતી મુજબ આ બનાવની વિગતે એવી છે કે જામનગરના ૭૯- દક્ષિણ વિધાનસભા વિસ્તારના આમ આદમી પાર્ટીના ઉમેદવાર વિશાલ રાજબલભાઈ ત્યાગી કે જેમણે આજથી દોઢ વર્ષ પહેલાં જામનગરમાં જ સાંઈ ડેકોરેશન ના નામથી ડેકોરેશન- સજાવટનું કામ કરતા ભાવિનભાઈ વલ્લભભાઈ નકુમ પાસેથી સમૂહ સાદીના એક કાર્યક્રમમાં ડેકોરેશન નું કામ કરાવ્યું હતું, જયારે ટાઉનહોલમાં પણ એક ફંકશનમાં ડેકોરેશન નું કામ કરાવ્યું હતું, અને તેના આર્ટિફિશિયલ ફૂલો વગેરે લગાવેલા હતા.

જે અંદાજે ત્રણેક લાખ રૂપિયા નો માલ સામાન કે જે વિશાલ ત્યાગી એ પોતાના પાસે રાખી લીધો હતો. જે તે વખતે ૭૦,૦૦૦ માં ત્રણ ફંકશનનું કામ નક્કી થયા પછી તે પૈકી ૪૫,૦૦૦ રૂપિયા આપ્યા હતા, જયારે ૨૫,૦૦૦ રૂપિયા વિશાલ ત્યાગી એ બાકી રાખ્યા હતા, અને ત્રણેક લાખનો માલ સામાન થોડા સમય વાપરવા માટે માંગ્યો હતો, અને તેનું જરૂરી ભાડું આપી દેશે તેમ જણાવ્યું હતું.

ત્યાર પછી લાંબો સમય વીતી ગયો હોવા છતાં વિશાલ ત્યાગી એ ત્રણેક લાખનો માલ સામાન પરત કર્યો ન હતો, અને પચાવી પાડ્યો હતો. સાથો સાથ ૨૫,૦૦૦ પણ આપ્યા ન હતા. તાજેતરમાં વિધાનસભાની ચૂંટણીમાં તેઓએ ૭૯- વિધાનસભા વિસ્તારમાં ઉમેદવારી કરી હતી, અને આમ આદમી પાર્ટીનું દિગવિજય પ્લોટ વિસ્તારમાં કાર્યાલય ખોલવામાં આવ્યું હતું, ત્યાં પણ પૈસાની ઉઘરાણી કરવા ગયા હતા. તો તે સમયે પોતે કાર્યાલયમાંથી ક્યાંક ચાલ્યા ગયા હતા, અન્ય કાર્યકરમારફતે ચૂંટણી પતી જાય પછી પૈસા આપીશ તેમ કહ્યું હતું.

પરંતુ ચૂંટણી પતી ગયા પછી પણ કોઈ પૈસા કે વસ્તુ નહીં આપતા આખરે ભાવિનભાઈ નકુમ દ્વારા સમગ્ર મામલો સીટી એ. ડીવિઝન પોલીસ મથકમાં લઈ જવાયો હતો, અને રવિવારે સાંજે તેની સામે સીટી એ. ડિવિઝન પોલીસમાં તકમાં આઈપીસી કલમ ૪૨૦,૪૦૬ સહિતની કલમો હેઠળ ગુનો દાખલ કરવામાં આવ્યો હતો.

દરમિયાન પોલીસને ચોક્કસ બાતમી મળી હતી કે વિશાલ ત્યાગી પોતાના પરિવાર સાથે માનતા ઉતારવા માટે રાજસ્થાન તરફ ગયા છે, જેથી અમદાવાદ એટીએસ ની ટીમ રાજસ્થાન સુધી પહોંચી હતી, અને રસ્તામાંથી જ વિશાલ ત્યાગીની અટકાયત કરી લેવામાં આવી હતી, અને અમદાવાદ લઈ આવ્યા પછી તેને જામનગર પોલીસને સુપ્રત કરવા માટેની કાર્યવાહી હાથ ધરવામાં આવી હતી. આ ફરિયાદને લઈને જામનગરમાં ભારે ખડભળાટ મચી ગયો છે.

મોરકંડા રોડ પર આવેલ સનસીટી-૨ નજીકનો બનાવ

• બંને શખ્સો વાહનો સાથે ઝડપાઇ ગયા: પોલીસને સુપ્રત કરવામા આવ્યા હોવાનું મનાઈ રહ્યું છે.

દેશ દેવી ન્યુઝ તા. o૩ ડીસેમ્બર ૨૨ જામનગર કાલાવડ નાકા બહાર મોરકંડા વિસ્તારની સનસીટી-૨ વિસ્તારમાં છરી બતાવી લોકોને લૂંટી લેતી ગેંગને સ્થાનિક લોકોએ ઝડપી લઈ વિજ પોલ સાથે બાંધી મેથી પાક ચખાડ્યા હોવાનો વિડીઓ વાઈરલ થતા ભારે ચકચાર મચી જવા પામી છે.

સૂત્રોમાંથી મળતી માહિતી મુજબ જામનગર શહેરના કાલાવડ નાકા બહાર મોરકંડા રોડ ઉપર આવેલી સન સીટી-૨માં બેત્રણ શખ્સો લોકો તેમજ વાહનચાલકોને ઉભા રાખી છરી બતાવી પૈસા લૂંટી લેતા હોવાની વાત સ્થાનીકોને માલુમ પડતા લોકોએ બે શખ્સોને શંકાસ્પદ હાલતમાં રંગે હાથે પકડી પાડી વિજપોલ સાથે બાંધી મેથીપાક ચખાડતા ઝડપાયેલા શખ્સે પોતે નહી સાથે રહેલા બીજા શખ્સે લૂંટી લીધાની કબુલાત આપી હતી

તેવામાં સ્થાનિકોએ બંને શખ્સોનો વિડીયો ઉતારી સોશિયલ મીડિયામાં વાયરલ કરી દેતા શહેરભરમાં સારી એવી ચર્ચા જગાડી છે.