જામનગરમાં નવજાત શિશુને તરછોડવાનો પ્રકરણનો ભેદ ઉકેલાયો : માતા સહિતનાઓની અટકાયત
- ‘દેશદેવી ન્યુઝે’ સૌ પ્રથમ રાત્રે ૨:૩૦ કલાકે અહેવાલ પ્રસિઘ્ધ કર્યોં હતો.
- માવતરે રિસામણે બેઠેલ પરિણીતાને પરપુરૂષ સાથેના અનૈતિક સંબંધોમાં ગર્ભ રહી ગયા બાદ બાળકની જન્મ આપ્યો, પોતાનું પાપ છુપાવવા બાળકને નોધારૂ તરછોડી દેવાયું’તુ
- સીટી-બી ડીવીઝનની સર્વેલન્સ સ્ક્વોડે બાળકની માતા અને તેના પરિવારજનોને ઝડપી લીધા
દેશદેવી ન્યુઝ નેટવર્ક-જામનગર તા.૦૩ ફેબ્રુઆરી ૨૩ જામનગરમાં ગત તા. oર ફેબ્રુઆરીની વહેલી સવારે જામનગર જી.જી હોસ્પિટલના ગેટ બાજુમાં આવેલા પીસીઓ પાસે તાજુ જન્મેલ નવજાત બાળક ચૂંદડીમાં વીંટળાઈ લોહીથી નિતરતી હાલતમાં મળી આવતા ભારે ચકચાર મચી જવા પામી હતી. જે અંગેનો અહેવાલ સૌ પ્રથમ ‘દેશદેવી ન્યુઝ’ દ્વારા પ્રસિઘ્ધ કરવામાં આવ્યો હતો અને બાદમાં સીટી-બીની સર્વેલન્સ સ્ક્વોડ દ્વારા આ પ્રકરણની ગંભીરતાથી તપાસ હાથ ધરતા આ પ્રકરણના આરોપીઓ એવી માતૃત્વને લાંછન લગાડનાર બાળકની જનેતા માતા અને તેના ચાર પરિવારજનોને અટકાયતમાં લઇ વધુ સઘન તપાસ હાથ ધરાઇ છે.
સમગ્ર જામનગરમાં ચકચાર જગાવનાર આ કેસની વધુ વિગત મુજબ, તા.૦૩/૦૨/૨૦૨૩ ના રોજસીટી-બી સર્વેલન્સ સ્ટાફને બાતમી મળી હતી કે, જામનગર ન્યુ ઈદીરા કોલોની, ખેતીવાડી વિસ્તારમાં રહેતી જનેતાએ નવજાત બાળકને જન્મ આપેલ છે અને તેઓએ તથા તેમના પરીવારના સભ્યોએ રાત્રીના સમયે જામનગર જી.જી.હોસ્પીટલના કમ્પાઉન્ડ બાકડા પાછળ નવજાત બાળકને ત્યજી ત્યાંથી ફરાર થઇ ગયેલ છે. જેના આધારે પોલીસ દ્વારા ખાનગી તપાસમાં પરીવારની આગવી ઢબે પુછપરછ કરતા આ મહિલા સાસરેથી છેલ્લા અઢી ત્રણ વર્ષથી તેના માવતરે રીસામણે હોય અને આ સમય દરમ્યાન અન્ય એક પુરુષ સાથે તેને પ્રેમસબંધ થઈ જતા અને તેની સાથે શરીર સબંધ બંધાતા તે ગર્ભવતી થઈ ગયેલ હોવાનું જણાવેલ હતું.
આ બનાવ બનેલ તે દીવસે તેણીને એક રીક્ષામાં બેસાડી જામનગર જી.જી. હોસ્પીટલ સુધી લઈ આવેલ અને જી.જી. હોસ્પીટલ કમ્પાઉન્ડમાં પહોચતા ત્યાં પ્રસુતી થઈ જતા મેડીકલ સ્ટાફ કે અન્ય કોઈને જાણ કર્યા વગર બાળકને જી.જી.હોસ્પીટલના કમ્પાઉન્ડમા ત્યજી દઈને બધા જતા રહેલ હોવાનું જણાવ્યું હતું. અને તેઓએ કરેલ ગુન્હાની કબુલાત આપી હતી. ઉપરોકત્ત ચારેય આરોપીઓ એકબીજાની મદદગારી કરેલ હોય જેથી ચારેય આરોપીઓની અટકાયત કરી આ પ્રકરણના તપાસ કરનાર અધિકારી બી.બી કોડીયાતરને સોંપી દીધેલ છે.
આ કેસને ઉકેલવા માટે પોલીસ અધિક્ષક પ્રેમસુખ ડેલ તથા નાયબ પોલીસ અધીક્ષક વરુણ વસાવાની સુચના અને પોલીસ ઈન્સપેકટર એચ.પી.ઝાલાના માર્ગદશન મુજબ પો.સબ.ઇન્સ. ડી.એસ.વાઢેર તથા સર્વેલન્સ સ્ટાફ બી.બી.કોડીયાતર તથા પો.હેડ.કોન્સ ક્રિપાલસિંહ સોઢા, મુકેશસિંહ રાણા, પ્રધ્યુમનસિંહ જાડેજા તથા રાજેશભાઈ વેગડ તથા પો.કોન્સ. ધર્મેન્દ્રસિંહ જાડેજા,,બળભદ્રસિંહ જાડેજા, પ્રદીપસિંહ રાણા વિપુલભાઈ ગઢવી દ્વારા કાર્યવાહી કરવામાં આવેલ છે.
દેશ દેવી ન્યુઝ જામનગર: તા.૦૩ ફેબ્રુઆરી ૨૩ જામનગર જિલ્લાના જામજોધપુરમાં ચાલી રહેલા એક ધાર્મિક કાર્યક્રમ દરમિયાન નંદ મહોત્સવ સમયે ગિરદી નો લાભ લઈ પાંચ જેટલી મહિલાઓના ગળામાંથી સોનાના ચેન વગેરેની ચિલઝડપ થઈ હતી. જે અંગે જામજોધપુર પોલીસમાં ફરિયાદ નોંધાવ્યા પછી જામજોધપુર પોલીસ અને એલસીબી ની ટુકડીએ સતર્કતા દાખવી તપાસનો દોર ચોટીલા સુધી લંબાવ્યો હતો, અને 10 મહિલાઓ સહિતના 15 સભ્યોને ઝડપી લીધા છે, અને તેઓ પાસેથી સોના ચાંદીના ઘરેણા- રોકડ રકમ તથા કાર વગેરે સહિત રૂપિયા 17.55 લાખની માલમતા કબજે કરી લીધી છે.
જે અંગે જામજોધપુર પોલીસ મથકમાં ફરિયાદ નોંધાવી હતી. આ ફરિયાદ પછી જામજોધપુરની પોલીસ ટુકડી અને એલસીબી ની ટીમ હરકતમાં આવી હતી, અને સંયુક્ત રીતે ટેકનિકલ સોર્સના આધારે તેમજ સીસીટીવી કેમેરાઓ વગેરે ના આધારે તપાસનો ધમધમાટ શરૂ કર્યો હતો, અને પોલીસને જાણવા મળ્યું હતું કે મૂળ રાજસ્થાનની એક ગેંગ કે જે ચોરી અને ચિલઝડપ ની પ્રવૃત્તિ માં સંકળાયેલી છે, જે જુદી જુદી બે કાર માર પોતે જામનગર તરફ અને જામજોધપુર પહોંચી હોવાનું ધ્યાનમાં આવ્યું હોવાથી ઇ-કોપ ની મદદથી તપાસ દોર શરૂ કર્યો હતો.
ગત તા. ૨૪ જાન્યુઆરીના રોજ યોજાયેલા આ કાર્યક્રમમાં સમગ્ર જિલ્લાના ૮૫ જેટલા નવજાત દીકરીઓના વાલીને ‘દીકરી વધામણાં કીટ’ અર્પણ કરવામાં આવી હતી. નવજાત જન્મેલ બાળકીઓની માતાઓને સ્તનપાન વિષે માહિતી આપવામાં આવી હતી. તેમજ ધાત્રી માતાઓને વ્હાલી દીકરી યોજના વિષે માહિતી અપાઈ હતી. આ દીકરી વધામણાં કીટમાં નાના શિશુ માટેના કપડાં, જોહન્સન કંપનીની બેબી કેર કીટ, રમકડાં, મચ્છરદાની તેમજ બાળકને ઓઢાડવા માટેની ગોદડી- આમ બાળ સંભાળ માટેની જરૂરી વસ્તુઓ વાલીને અર્પણ કરવામાં આવે છે.
કાર્ય્રક્રમના અંતે રાજ્ય સરકાર દ્વારા ચાલતી મહિલા અને બાળ કલ્યાણ અંગેની વિવિધ યોજનાઓ અંગેની માહિતી દર્શાવતા પેમ્ફલેટનું લાભાર્થીઓને વિતરણ કરવામાં આવ્યું હતું. ઉપરોક્ત કાર્યક્રમમાં દહેજ પ્રતિબંધક સહ રક્ષણ અધિકારી સોનલબેન વર્ણાગર, હંસાબેન ટાઢાણી, રુકસાદબેન ગજણ, જી.જી. હોસ્પિટલ સ્ત્રી રોગ વિભાગના વડા ડો. નંદિની આનંદ, સખી વન સ્ટોપ સેન્ટર, મહિલા શક્તિ કેન્દ્ર તેમજ જી.જી. હોસ્પિટલના અન્ય કર્મચારીઓ તેમજ બહોળી સંખ્યામાં લાભાર્થીઓ ઉપસ્થિત રહયા હતા.
