જામનગરનાં ખાણ-ખનિજ વિભાગ દ્વારા ડ્રોન કેમેરાથી પાડ્યો દરોડો: ખનિજ ભરેલ ચાર ડમ્પર ઝડપાયા

• નાણાકીય વર્ષ મા એપ્રિલ થી જૂન 2022 માં રૂ.544.07 લાખ ની સરકાર ને અવાક થઈ

દેશ દેવી ન્યુઝ જામનગર: તા ૧૫ જુલાઈ ૨૩ જામનગર નાં ભૂસ્તર શાસ્ત્રી સુભાષ બી. જોષીની સૂચના થી રોયલ્ટી ઇન્સ્પેકટર રોહિતસિહ જાદવ, માઈન્સ સુપરવાઈઝર અનિલ બી.વાઢેર, પ્રતીક ડી.બારોટ અને તેની ટીમ દ્વારા આજે સવારે જામનગર – ખંભાળિયા માર્ગે ડ્રોન સર્વેલેન્સ ની મદદ થી બ્લેક ટ્રીપ ખનિજ નું અન અધિકૃત વાહન કરતા ચાર ડમ્પર ને ઝડપી લેવાયાં હતા અને પડાણા પોલીસ સ્ટેશન મા મૂકી દેવા મા અવ્યાં હતા તથા રૂ.4.73 લાખ ની દંડકીય વસુલાત માટે કાર્યવાહી હાથ ધરવામાં આવી છે.

ગત જૂન માસ મા તાલુકા નાં વીજરખી, ચેલા, મિયાત્રા, કોંઝા, લાલપુર તાલુકાના પડાણા, જોડિયા તાલુકા નાં ખીરી અને ડોબર વિસ્તાર, બલંભા, તારાણા, જોડિયા, કાલાવડ તાલુકાના મોટા વડાળા, ધ્રોલ તાલુકાના ખીજડીયા જાળિયા માનસર, સોયાલ વગેરે ગામ મા તપાસ હાથ ધરી ને કુલ 31 કેસ કરવામાં આવ્યાં હતાં અને સરકાર ને રૂ.39.27 લાખ ની અવાક થવા પામી હતી. જ્યારે ચાલુ નાણાકીય વર્ષ એપ્રિલ થી 23 જૂન સુધી માં બિન અધિકૃત ખનન વહન અને સંગ્રહ ના કુલ 88 કેસ કરવામાં આવ્યાં હતાં.અને રૂ.114 લાખ 29 હજાર ની સરકાર ને આવક મળી હતી.જ્યારે એપ્રિલ -22 થી જૂન -22 સુધી મા બિન અધિકૃત ખનન, વાહન અને સંગ્રહ ના 37 કેસ થયા હતા. જે પેટે સરકાર ને રૂ.42.38 લાખ ની અવાક થઈ હતી.

જામનગરની ભૂસ્તરશાસ્ત્રી કચેરીમાં ફક્ત ત્રણ નો ફિલ્ડ સ્ટાફ હોવા છતાં આગલા વર્ષની સરખામણીમાં ચાલુ વર્ષના આવકમાં અઢીસો ટકાનો વધારો થયો છે. વધુ માં ચાલુ નાણાકીય વર્ષ મા એપ્રિલ થી જુન સુધી મા રૂ.1038.52 લાખ ની સરકાર ને મલેસુલી આવક પ્રાપ્ત થઈ છે.જ્યારે આગલા નાણાકીય વર્ષ મા એપ્રિલ થી જૂન 2022 માં રૂ.544.07 લાખ ની સરકાર ને અવાક થઈ હતી.

જામનગર મનપામાં સ્ટેન્ડિંગ કમિટી હોલની બહાર બસપાના કોર્પોરેટરના ઘરણા સાથે સુત્રોચ્ચાર

• કોર્પોરેટર દ્વારા મ્યું કમિશ્નરને રોકવાનો પ્રયાસ : સુરક્ષામાં છીંડાં : મનપાની સીક્યુરીટી ગાયબ.!!
• ગટરના ગંદા પાણી નળ વાટે : બાળકોનું સ્વસ્થાય જોખમમાં!!: લોકોમાં ભારે આક્રોશ : ગંદકીના ગઢ
• વરસાદી પાણીનો નિકાલબંધ :ભૂગર્ભ ગટરનું બાળમરણ.!!: જવાબદારને બ્લેકલીસ્ટ કરો
• શહેરભરમાં વરસાદી પાણીના નિકાલને લઈ સ્થાનિકો ભારે રોષ સાથે સુત્રોચ્ચાર કર્યા

દેશ દેવી ન્યુઝ જામનગર તા.૧૪ જુલાઇ ૨૩ જામનગર શહેરના વોર્ડ નંબર-૬ના કોર્પોરેટર રાહુલ બોરીચા દ્વારા વરસાદી પાણીના નિકાલ, નળ વાટે આવતા ગટરના ગંદા પાણીની સમસ્યાને લઇ ને સ્થાનિકોને સાથે રાખી રજૂઆત કરવા પહોંચ્યા હતા અને મ્યુ કમિશનર સ્ટેન્ડિંગ કમીટીમાં જતી વેળાએ મ્યુ તેને રોકવાનો પ્રયાસ કર્યો હતો અને સ્થાનકોએ ભારે સુત્રોચાર કર્યો હતા આ તકે મામલો ગરમાતા કમિશ્નરની સીક્યુંરીટી સામે પ્રશ્ન ઉભા થયા છે.! બીજી બાજુ કોઈ  અનિરછીય ઘટના કે ઘર્ષણ થાય તો જવાબદારી કોના શીરે થોપવી જેને લઈ સુરક્ષા વ્યવસ્થામાં ગંભીર છીંડા જોવા મળ્યા હતા. હાલતો કોર્પોરેટર દ્વારા કરેલ રજૂઆતનો નિકાલ નહીં થાય ભૂખ હડતાલની ચીમકી ઉચ્ચારી હતી

જામનગરમાં 93 પોલિસકર્મીની આંતરિક બદલીનો ગંજીફો ચીપતા જિલ્લા પોલીસ વડા

• LCB, SOG માં નવા ચહેરાનો સમાવેશ

દેશ દેવી ન્યુઝ જામનગર તા.૧૪ જુલાઇ ૨૩ જામનગરના 93 પોલીસ કર્મચારીની આંતરિક બદલીનો ગંજીપો ચીપતા જિલ્લા પોલીસ વડા જેમા પોલીસ વિભાગમાં તારીખ 13 નો આંક ઘણા પોલીસકર્મી ને ફળી અને શુકનવંતો સાબિત થયો હતો ત્યારે પોલીસબેડામાં કહી ખુશી કહી ગમ જેવો માહોલ સર્જ્યો છે.

બદલી માં સામેલ સીટી-બી ના પ્રધ્યુમનસિંહ પંચ-બી, સીટી-એના વિરેન્દ્રસિંહ જાડેજાને SOG,પંચ-બીના રામદેવસિંહ ઝાલાને હેડ કવાટર્સ LCB ના ભગીરથસિહ સરવૈયાને પેરોલ ફર્લો ,પેરોલ ફર્લોના યોગરાજસિંહ રાણાને શેઠવડાળા, LCB ના અશોક સોલંકીને સીટી-બી, સીટી-સીના હરદીપ બારડને LCB, પરોલ ફર્લોના ધનશ્યામ ડેરવાળીયાને સીટી-બી,સીટી-સીના ફીરોજ ખફીને કાલાવડ ગ્રામ્ય, S0Gના શોભરાજસિંહ જાડેજાને કાલાવડ, SOGના મયુરીદીન સૈયદને LCB, ધ્રોલના મયુરસિંહ પરમારને LCB માં, LCBના શિવભદ્રસિંહ જાડેજાને ધ્રોલ, સીટી-બીના ધર્મેન્દ્રસિંહ જાડેજા LCB, LCBના યશપાલસિંહ જાડેજા સીટી-સીમાં મુકાયા છે.

ITRA જામનગર ખાતે WHO સમિતિની બેઠક યોજાઇ

• “WHO દ્વારા પરંપરાગત દવાઓ પરની સૌપ્રથમ વૈશ્વિક સમિટ ગુજરાતના આંગણે યોજાશે”
• ગાંધીનગરના મહાત્મા મંદિર ખાતે તા. 17 અને 18 ઓગસ્ટ 2023ના રોજ યોજાશે “ટ્રેડિશનલ મેડિસિન ગ્લોબલ સમિટ”.
• ટ્રેડિશનલ મેડિસિન ગ્લોબલ સમિટ WHO અને ભારત સરકાર દ્વારા G20ના પ્રમુખપદ અંતર્ગત સહભાગીદારીથી કરવામાં આવશે

દેશ દેવી ન્યુઝ જામનગર તા.૧૪ જુલાઇ ૨૩ જામનગર તા.13, WHO દ્વારા વિશ્વમાં સૌ પ્રથમ વાર “ટ્રેડિશનલ મેડિસિન ગ્લોબલ સમિટ” 17 અને 18 ઓગસ્ટ 2023ના રોજ મહાત્મા મંદિર ગાંધીનગર, ગુજરાત, ભારતમાં યોજાશે. G20 દેશોના આરોગ્ય મંત્રીસ્તરની બેઠકની સાથે સાથે વિશ્વની પ્રાચિનતમ પરંપરાગત પદ્ધતિ એટલે આયુર્વેદ અને એ ઉપરાંત બીજી 140થી વધુ પ્રકારની ટ્રેડિશનલ મેડિસિનની પદ્ધતિઓ પર રાજકીય પ્રતિબદ્ધતા અને એવિડન્સ બેઝડ કાર્યવાહી માટે યોજવામાં આવી રહી છે, જે વિશ્વભરના કરોડો લોકો માટે તેમના સ્વાસ્થ્ય અને સુખાકારીની જરૂરિયાતોને સંબોધવા માટેનું પ્રથમ સિમાચિહ્ન બની રહેશે.

ગ્લોબલ સમિટનું આયોજન WHO અને ભારત સરકાર, જે 2023માં G20 નું પ્રમુખપદ ધરાવે છે તેના દ્વારા સહભાગીદારીથી કરવામાં આવશે,. આ સમિટ ટ્રેડિશનલ મેડિસિનના વપરાશકર્તાઓ અને સમુદાયો, શિક્ષણવિદો, ખાનગી ક્ષેત્ર, સામાજિક સંસ્થાઓ, રાષ્ટ્રીયનીતિ નિર્માતાઓ, આંતરરાષ્ટ્રીય સંસ્થાઓ, સહિત તમામ હિતધારકો માટે આરોગ્ય અને ટકાઉ વિકાસમાં પરંપરાગત દવાના યોગદાન પર શ્રેષ્ઠ પ્રથાઓ અને ગેમ ચેંજિંગ એવિડન્સ, ડેટા અને નવીનતા આપલે કરવા માટે વૈશ્વિક પ્લેટફોર્મ બનશે.

સદીઓથી પરંપરાગત અને કોમ્પ્લિમેન્ટરી મેડિસિન્સ લોકો અને સમૂદાયોમાં આરોગ્ય માટે એક અબિન્ન સ્રોત છે એટલું જ નહીં, તે આધુનિક સિધ્ધાંતો અને તબીબી ગ્રંથોના પાયા પણ ટ્રેડિશનલ મેડિસિનના આધારે જ રચાયા છે. આજે લગભગ 40% ફાર્માસ્યુટિકલ ઉત્પાદનો કુદરતી ઉત્પાદનનો આધાર ધરાવે છે, અને સિમાચિહ્નરૂપ દવાઓ જેમ કે એસ્પિરિન, આર્ટેમિસિનિન અને બાળકોના કેન્સરની સારવાર સહિતની ઘણી દવાઓનો સ્ત્રોત ટ્રેડિશનલ મેડિસિનમાંથી મેળવે છે. જીનોમિક્સ અને આર્ટિફિશિયલ ઇન્ટેલિજન્સ સહિત નવા સંશોધનો આ ક્ષેત્રમાં પ્રવેશી રહ્યાં છે અને હર્બલ દવાઓ, કુદરતી ઉત્પાદનો, આરોગ્ય, સુખાકારી અને સંબંધિત મુસાફરી માટેના ઉદ્યોગો વધી રહ્યાં છે. હાલમાં, 170 સભ્ય દેશોએ ટ્રેડિશનલ મેડિસિનના ઉપયોગ અંગે WHOને જાણ કરી છે અને તેના સલામત, ખર્ચ-અસરકારક અને ન્યાયપૂર્ણ ઉપયોગ માટે નીતિઓ, ધોરણો અને નિયમનોની જાણ કરવા પુરાવા અને ડેટાની વિનંતી કરી છે.

ટ્રેડિશનલ મેડિસિન્સ માટે વધતા વૈશ્વિક રસ અને માંગના પ્રતિભાવમાં, WHO એ ભારત સરકારના સહયોગ સાથે ગુજરાતના જામનગર ખાતે એપ્રિલ-2022માં વડાપ્રધાન નરેન્દ્ર મોદી, મોરિશિયસ ના વડાપ્રધાન પ્રવીણ જગંનોથ અને ડબ્લ્યુ.એચ.ઓ.ના ડાયરેક્ટર જનરલ ટેડરોસની ઉપસ્થિતિમાં “WHO ગ્લોબલ સેન્ટર ફોર ટ્રેડિશનલ મેડિસિન” નું ભૂમિપૂજન કરાયું હતું. આ WHO GCTM વિશ્વના લોકોના આરોગ્ય માટે પ્રાચીન પરંપરા અને આધુનિક વિજ્ઞાનને ઉત્પ્રેરિત કરવાના મિશન સાથે જ્ઞાન કેન્દ્ર તરીકે લોકો અને દુનિયાની સુખાકારી માટે WHO હેડ ક્વાર્ટર અને તેના છ પ્રાદેશિક કાર્યાલયો દ્વારા કરવામાં આવતા પારંપરિક ચિકિત્સા પદ્ધતિઓને વિશ્વના મુખ્ય પ્રવાહમાં લાવવાના ભગીરથ પ્રયાસોને વેગવાન બનાવવા ઇંધણ પૂરું પાડશે.

WHO GCTM વૈશ્વિક આરોગ્ય કવરેજ અને ટકાઉ વિકાસ માટે પરંપરાગત દવાના યોગદાનને શ્રેષ્ઠ બનાવવા માટે કેન્દ્ર ભાગીદારી, પુરાવા, ડેટા, જૈવવિવિધતા અને નવીનતા પર ધ્યાન કેન્દ્રિત કરશે અને સ્થાનિક વારસો, સંસાધનો અને અધિકારોના આદર રાખીને માર્ગદર્શન પૂરું પાડશે .

આ અંગે WHO દ્વારા આખા વિશ્વ માંથી પસંદ કરાયેલા નિષ્ણાતોની બનેલી પેનલ જેમાં અમેરિકા થી ડો. સુઝાન, ભારતના પ્રોફેસર ભૂષણ પટવર્ધન, યુનાઇટેડ નેશન્સના ડો.ઓબી, થાઈલેન્ડના ડો. અંચેલી, બ્રાઝીલના ડો. રિકાર્ડો, ઈરાનના ડો. રોશનક, મલેશિયાના ડો ગોહ ચેન્ગ, સાઉથ આફ્રિકાના ડો. માતસબીશ, જર્મનીના ડો. જ્યોર્જ સેફર, ન્યુઝિલેન્ડના ડો. સાયોન, ચીનના ડો ચુનયુંની સમિતિની મિટિંગ જામનગર ખાતે આવેલા ITRAના આયુર્વદ કેમ્પસમાં ધન્વંતરિ ગ્રાઉન્ડમાં હાલમાં જ બનાવાયેલી WHO GCTM ની ઇન્ટ્રિમ ઓફિસમાં 11-12 જુલાઈના રોજ મળેલી.

આ સમિતિ દ્વારા સમિટની થીમ, ફોર્મેટ, વિષયો અને સંબોધવાના મુદ્દાઓ અંગે ચર્ચા વિચારણા કરી. આ પ્રસંગે ભારત સરકારના આયુષ મન્ત્રાલયના સચિવ વૈદ્યં રાજેશ કોટેચા અને WHO હેડક્વાર્ટરથી ડેપ્યુટી ડાયરેક્ટર જનરલ ઉપરાંત આખા વિશ્વમાંથી 25 જેટલા વિદ્વાનો જોડાયા હતા. આ સાથે આ સમિતિ એ ITRA જામનગરની હોસ્પિટલ અને રિસર્ચ લેબોરેટરી, લાઈબ્રેરી અને વિવિધ વિભાગોની મુલાકાત લઇ અત્યંત પ્રસન્નતા વ્યક્ત કરી હતી એવી માહિતી ભારત સરકારના આયુર્વેદના પ્રથમ રાષ્ટ્રીય મહત્વતા ધરાવતા સંસ્થાન ITRAના નિયામક પ્રોફેસર વૈદ્ય અનૂપ ઠાકર દ્વારા આપવામાં આવી હતી.

પ્રોહિબિશનના કેસ હેઠળ જામનગરનો વધુ એક શખસ પાસાના પાંજરે પુરાયો.

• નવાગામ ઘેડ ઈન્દીરા સોસાયટીમાં રહેતો વિશાલ ઉર્ફે ભવાન હિતેશ સોલંકી સુરતની લાજપોર જેલમાં ધકેલાયો.

દેશ દેવી ન્યુઝ જામનગર તા.૧૩ જુલાઇ ૨૩: જામનગર શહેરના નવાગામઘેડ, ઇન્દિરા સોસાયટીમાં રહેતાં વિશાલ ઉર્ફે ભવાન હિતેશ સોલંકી (ઉ.વ.24) નામના ખવાસ  શખ્સ વિરુઘ્ધ પ્રોહિબિશનના કેસ હેઠળ જિલ્લા પોલીસ વડા પ્રેમસુખ ડેલુના માર્ગદર્શન હેઠળ નાયબ પોલીસ અધિક્ષક વરૂણ વસાવાની સૂચના અનુસાર સીટી-બીના પીઆઇ હરદીપસિંહ પી. ઝાલા તથા સર્વેલન્સ પીએસઆઇ ડી.એસ. વાઢેર દ્વારા પાસા હેઠળ દરખાસ્ત તૈયાર કરી પોલીસ વડા મારફતે જિલ્લા મેજીસ્ટ્રેટ બી.એ. શાહને પાસાની દરખાસ્ત કરી હતી.

આ અંગે જિલ્લા મેજી. દ્વારા પાસાનું વોરંટ ઇસ્યૂ કરતાં એલસીબીના પીઆઇ જે.વી. ચૌધરીની સૂચના અનુસાર પીએસઆઈ આર.એ.કરમટા, એસ.પી. ગોહિલ તથા સ્ટાફના એએસઆઈ સંજયસિંહ વાળા, હરપાલસિંહ સોઢા, ભરતભાઈ પટેલ તથા પોલીસ હેકો નાનજીભાઈ પટેલ, શરદભાઈ પરમાર, હિરેનભાઇ વરણવા, ભગીરથસિંહ સરવૈયા, હરદિપભાઈ ધાધલ, વનરાજભાઈ મકવાણા, ધાનાભાઈ મોરી, ધર્મેન્દ્રસિંહ જાડેજા, યશપાલસિંહ જાડેજા, હિતેન્દ્રસિંહ જાડેજા તથા શિવભદ્રસિંહ જાડેજા, નિર્મળસિંહ જાડેજા, કિશોરભાઈ પરમાર, રાકેશભાઈ ચૌહાણ, બળવંતસિંહ પરમાર,ધર્મેન્દ્રસિંહ જાડેજા તથા બિજલભાઇ બાલસરા સહિતના સ્ટાફ દ્વારા વિશાલ ઉર્ફે ભવાન હિતેશ સોલંકી નામના શખ્સને ઝડપી લઇ સુરત લાજપોર જેલમાં મોકલી આપવા તજવીજ હાથ ધરી હતી.

જામનગરના ચકચારી મહિલાના આપઘાત પ્રકરણમાં પરિણીતાને મરી જવા મજબુર કરનાર જમાઇ સહિત 3 સામે ફરિયાદ

• મૃતકના પતિએ પહેલા પોલીસ પર હેરાનગતિનો આક્ષેપ કર્યો હતો
• મૃતકની માતાએ સાસરા પક્ષના ત્રાસની ફરિયાદ લખાવતા કેસમાં આવ્યો નવો વળાંક

દેશ દેવી ન્યુઝ જામનગર તા.૧૨ જુલાઇ ૨૩ : જામનગરના સાધના કોલોની વિસ્તારમાં બનેલ ચકચારી મહિલાના આપઘાત પ્રકરણમાં નવો વળાંક આવ્યો છે. જેમાં પરિણીતાને મરી જવા મજબુર કરનાર જમાઇ સહિત 3 સામે ફરિયાદ નોંધાઇ છે. મૃતકના પતિએ પહેલા પોલીસ પર આક્ષેપ કર્યો હતો, મૃતકની માતાએ સાસરા પક્ષના ત્રાસની ફરિયાદ લખાવતા કેસમાં આવ્યો નવો વળાંક આવ્યો છે અને પોલીસે સઘન તપાસ હાથ ધરી છે.

જામનગર શહેરના સાધના કોલોની વિસ્તારમાં રહેતા ભારતીબેન ચાવડા નામના મહિલા દ્વારા ગઇકાલે મંગવારે બપોરના સમયે એસિડ પી આપઘાત કર્યો હતો. મહિલાને ગંભીર હાલતમાં જી. જી. હોસ્પિટલમાં ખસેડવામાં આવી હતી. જ્યાં તેણીનું મૃત્યુ થતા ભારે ખડભડાટ મચી ગયો હતો. મહિલાએ એસિડ પી આપઘાત કર્યાની ઘટનામાં તેમના પતિ દ્વારા પોલીસના ત્રાસથી કંટાળી મહિલાએ મહિલાએ આપઘાત કર્યાનો આક્ષેપ કર્યો હતો. મહિલાના પતિનો ભાઈ દારૂના કેસમાં સંડોવાયેલો હોય જેને લઇ સીટી એ ડીવીઝન પોલીસના ચાર પોલીસકર્મચારીઓ વારંવાર મહિલાના પરિવારજનોને હેરાન કરતા હોય જેથી કંટાળી મહિલાએ પગલું ભર્યુ હોવાનું મહિલાના પતિ અને પરિવારજનોએ આક્ષેપ કર્યો હતો.

મહિલાના મૃત્યુ બાદ ગઈકાલે રાત્રિના સમયે મહિલાના પરિવારજનો સહિતના લોકોનું ટોળું એસપી બંગલાએ દોડી ગયું હતું અને પોલીસ કર્મચારીઓ વિરૂધ્ધ ફરિયાદ નોંધવાની માંગણી સાથે ધરણા કરતાં પોલીસ અધિકારીઓ પણ ચોંકી ઉઠયા હતાં અને આ સમગ્ર મામલો ટોક ઓફ ધ ટાઉન બન્યો હતો. લોકોના ટોળાએ એસપી બંગલા બહાર ધરણાં કરતા પોલીસ કાફલો દોડી ગયો હતો અને એસપી બંગલા ખાતે પોલીસ બંદોબસ્ત ગોઠવી દેવાયો હતો.

મહિલાના આપઘાત પ્રકરણમાં એક તરફ પતિ અને પરિવારજનો દ્વારા પોલીસ વિરુધ્ધ આક્ષેપ કરવામાં આવ્યા હતાં. તો બીજી તરફ આ આપઘાત કેસમાં નવો વળાંક આવતા મહિલાની માતા દ્વારા મહિલાના પતિ અને સાસરીયાઓના ત્રાસને કારણે આપઘાત કર્યો હોવાની પોલીસ ફરિયાદ નોંધાવી હતી. મૃતક ભારતીબેનના માતા સાદીયા લાખીબેન હરદાસભાઈએ મૃતક મહિલાના પતિ બિપીન સોમાભાઈ ચાવડા, રામીબેન સોમાભાઈ ચાવડા તથા અનિલ સોમાભાઈ ચાવડા વિરૂધ્ધ સીટી એ ડીવીઝનમાં ફરિયાદ નોંધાવી છે. જેમાં જણાવ્યું છે કે, મૃતક ભારતીબેનને તેના પતિ બિપીન તથા સાસુ રામીબેન અને દિયર અનિલ અવાર-નવાર માનસિક તથા શારીરિક ત્રાસ આપતા હતાં અને બિપીને બે વીઘા જમીન પોતાના નામે કરી આપવાની માંગણી કરી મારકુટ કરતો હતો તેમજ મેણાટોણા મારી દુ:ખ આપી મરવા માટે મજબુર કરી હતી. તેમજ બિપીને ફરિયાદીના દિકરા દિપકને પણ માર મારી અપશબ્દો બોલી જાનથી મારી નાખવાની ધમકી આપી હતી. જે દુ:ખ સહન ન થતા ભારતીબેને એસિડ પી આપઘાત કર્યો હતો.

સીટી એ ના પીએસઆઇ વસંત આર. ગામેતીએ મૃતકના માતાની ફરિયાદ નોંધી વધુ તપાસ હાથ ધરી હતી. આ સમગ્ર ઘટનાને લઇ જામનગરમાં ચર્ચા જાગી છે તો બીજી તરફ મૃતકના પરિવારમાં શોકનો માહોલ છવાયો છે.