લાલપુરના સીંગચમાંથી ઝડપાયો ‘મુન્નાભાઇ એમ.બી.બી.એસ.’

• એક વર્ષ પહેલા દેશ દેવી ન્યુઝે બોગસ ડોક્ટર પ્રેક્ટિસ કરતો હોવાનો અંગેનો અહેવાલ પ્રસિદ્ધ કર્યો હતો.
• બોગસ ડોક્ટર ઝડપાયાના ૨૪ કલાકમાં ક્લિનીક ફરી શરૂ.!!

દેશ દેવી ન્યુઝ જામનગર તા.૧૪ સપ્ટેમ્બર ૨૩ જામનગર નજીકના સીંગચ ગામમાં એક શખ્સ મેડિકલ ની માન્ય ડીગ્રી નહીં ધરાવતો હોવા છતાં તબીબી પ્રેક્ટિસ કરતો હોવા ની બાતમી ના આધારે પોલીસે દરોડો પાડી ને તેને ઝડપી લીધો હતો.

જામનગર એસ.જી પોલીસના સ્ટાફને બાતમી મળી હતી કે સિંગચ ગામમાં એક શખ્સ પાસે મેડિકલ ની માન્ય ડીગ્રી નહીં હોવા છતાં તબીબી પ્રેક્ટિસ કરી રહ્યા છે. એથી પોલીસે દરોડો પાડયો હતો. અને દીપકકુમાર દલાલચંદ્ર શાહ નામના શખ્સને ઝડપી પાડ્યો હતો.તેની પૂછપરછ મા તેની પાસે માન્ય મેડિકલ ની ડીગ્રી ન હતી.આથી પોલીસે તેની સામે ગુજરાત મેડિકલ પ્રેક્ટિસનર એક્ટ હેઠળ ગુનો નોંધી તેની ધરપકડ કરી હતી ને તેના દવાખાના માંથી સ્ટથસ્કોપ , બી પી.માપવા નું મશીન, દવા ઇન્જેક્શન વગેરે મળી કુલ રૂ.4280 ની કિંમત નો મુદ્દામાલ કબ્જે કર્યો હતો.

જામનગરના દિગ્જામ સર્કલ નજીકની દુકાનમાં થયેલ ચોરી પ્રકરણમાં એક ઝડપાયો

દેશ દેવી ન્યુઝ જામનગર ૧૩ સપ્ટેમ્બર ૨૩ જામનગરના દિગ્જામ સર્કલ વિસ્તારમાં આવેલી રાજ કલેકશન નામની કપડાની દુકાનના શટર ઉચકાવીને અંદર ત્રાટકેલા તસ્કરો પેન્ટ, શર્ટ મળી 70 હજારનો મુદામાલ ચોરી કરી ગયા હતા, જે અંગે વેપારી દ્વારા સીટી-સી ડીવીઝનમાં ફરીયાદ કરવામાં આવી હતી.

દરમ્યાન જીલ્લા પોલીસવડા પ્રેમસુખ ડેલુએ વણશોધાયેલા ગુના શોધી કાઢવા સુચના કરેલ હોય આથી એલસીબી પીઆઇ જે.વી. ચૌધરીના માર્ગદર્શન હેઠળ પીએસઆઇ કરમટા, પીએસઆઇ ગોહિલ, પીએસઆ મોરી અને સ્ટાફ પેટ્રોલીંગમાં હતા ત્યારે સ્ટાફના કિશોરભાઇ, ધર્મેન્દ્રસિંહ, ક્રિપાલસિંહ અને ધાનાભાઇને હકીકત મળેલ કે સમર્પણ સર્કલ પાસે ઉપરોકત ચોરી કરનાર શખ્સ ભેદી હિલચાલ કરી રહયો છે, જેથી ટુકડી ત્યાં દોડી જઇ દિગ્જામ સર્કલ વિસ્તાર જોગણીનગરમાં રહેતા વિક્રમ કારા કોળી (ઉ.વ.21)ને પકડી લીધો હતો. તેની પાસેથી 6 પેન્ટ, કપડાની 11 જોડી અને કપડા વેચાણના રોકડા 23500 મળી કુલ 39500નો મુદામાલ કબ્જે કર્યો હતો, પુછપરછ દરમ્યાન જોગણીનગરમાં રહેતા કૈલાશ રણછોડ વઢીયારની સંડોવણી ખુલી હતી જેની તપાસ ચલાવવામાં આવી રહી છે, આમ એલસીબીએ સીટી-સીની ઘરફોડ ચોરીનો ભેદ ઉકેલ્યો હતો.

જામનગરમાં કોંગ્રેસના કોર્પોરેટર સામે હુમલાની ફરિયાદ થઈ

• કોર્પોરેટરના બનેવીએ પોલીસ ફરિયાદ કરતા ભારે ચકચાર
• ચૂંટણીમાં સામે ફોર્મ ભર્યાંનું મન દુખ કારણભૂત

દેશ દેવી ન્યુઝ જામનગર તા.૧૩ ઓગસ્ટ ૨૩ જામનગરના કોર્પોરેટોર અગાઉ ચૂંટણીનો ખાર રાખી વેપારી યુવાનને માર મારી પતાવી દેવાની ધમકી આપતા ચકચાર જાગી છે. આ મામલે સીટી એ ડિવિઝન પોલીસ મથકમાં ફરિયાદ નોંધાઇ છે. જેને લઈને પોલીસે તપાસના ચક્રો ગતિમાન કર્યા છે. આ મામલે મુખ્તાર અબ્બાસભાઇ કુરેશી (ઉ.વ.42 ધંધો.વેપાર રહે.પટણીવાડ ધોબીશેરી ગની-એ-રહેમત મકાન જામનગર) એ કોર્પોરેટર અસલમ ખીલજી (રહે. પટણીવાડ જામનગર) વિરુદ્ધ ફરિયાદ નોંધાવી હતી.

જેમાં જણાવ્યું કે અસલમ ખીલજીએ પટણીવાડ હનુમાન દાદાની ડેરી પાસે પોતાને માર મારી, મારી નાખવાની ધમકી આપી હતી. જેના પાછળના કારણમાં ફરિયાદમાં દાવો કરાયો કે મુખ્તાર અબ્બાસભાઇ કુરેશીનાના ભાણેજે અગાઉ ચુંટણીમા અસલમ ખીલજી સામે અપક્ષમા ફોર્મ ભરી ઉભા હતા.

આ બાબતનો ખાર રાખી અસલમ ખીલજીએ મુખ્તાર અબ્બાસભાઇ કુરેશીને ધોકાવી નાખ્યો હતો. ઢીકા-પાટુનો માર મારી જાહેરમા બે કટકે ગાળો ભાંડી હતી. એટલુ જ નહીં જાનથી મારી નાખવાની ઘમકી પણ આપી હોવાનો ફરિયાદમાં ઉલ્લેખ કરાયો છે. વિગત એવી પણ સામે આવી રહી છે કે અલસમ ખીલજી અને ફરિયાદી વચ્ચે સાળા બનેવીનો સબંધ છે. હાલ આ ફરિયાદના આધારે પોલીસે અસલમ ખીલજી વિરુદ્ધ ગુન્હો નોંધી તપાસના ચક્રો ગતિમાન કર્યા છે. વધુ તપાસ સીટી – એના  PSI ભગીરથર્સિહ.એસ વાળા ચલાવી રહ્યા છે.

આગામી અઢી વર્ષ માટે જામનગરના પ્રથમ નાગરિક બનતા વિનોદ ખીમસુર્યા

• જામ્યુકોના નવા સુકાનીઓની વરણી: ડેે.મેયર તરીકે ક્રિષ્નાબેન સોઢા, સ્ટે.ચેરમેન તરીકે નિલેશભાઇ કગથરાના શીરે તાજ
• આશિષ જોષી શાસક પક્ષ નેતા અને કેતન નાખવા બન્યા દંડક

દેશ દેવી ન્યુઝ જામનગર તા.૧૨ સપ્ટેમ્બર ૨૩ : જામનગર ભારે ખેંચતાણ અને લાંબા સસ્પેન્સ બાદ આગામી અઢી વર્ષ માટે આખરે જામનગર મહાનગરપાલિકાના આજે નવા સુકાનીઓની વરણી કરવામાં આવી છે. જામનગર મહાનગરપાલિકાના મેયર, ડેપ્યુટી મેયર, સ્ટેન્ડિંગ કમિટીના ચેરમેન સહિતના હોદ્દેદારોની ટર્મ પૂર્ણ થતાં આગામી અઢી વર્ષની ટર્મ માટે નવા હોદ્દેદારોના નામની જાહેરાત થઇ છે. જામનગરના નવા મેયર તરીકે વિનોદ ખીમસૂર્યા અને ડેપ્યુટી મેયર તરીકે ક્રિષ્નાબેન સોઢાના નામની જાહેરાત થઇ છે. જયારે સ્ટે.ચેરમેન તરીકે નિલેશભાઇ કગથરાના શીરે તાજ પહેરાવાયો છે ઉપરાંત આશિષ જોષીની શાસક પક્ષ નેતા અને કેતન નાખવાની દંડક વરણી કરવામાં આવી છે. આ ઉપરાંત શહેરમાં સ્ટેન્ડિંગ કમિટીના 12-12 સભ્યો અને ચેરમેનના નામની જાહેરાત કરાઇ છે.

જામનગરના મેયરના પદ માટે વિનોદ ખીમસૂર્યા, મુકેશ માતંગ અને જેન્તી ગોહિલ રેસમાં હતા. જેમાથી વિનોદ ખીમસૂર્યાના નામ પર મહોર લાગી છે. તો ડેપ્યુટી મેયર તરીકે ક્રિષ્નાબેન સોઢાના નામની જાહેરાત થઇ છે. તો સ્ટેન્ડિંગ કમિટીના ચેરમેન તરીકે નિલેશ કથગરા, પક્ષના નેતા તરીકે આશીષ જોષી અને દંડક તરીકે કેતન નાખવાના નામ પર મહોર લાગી છે.

જામનગર મનપા સ્ટેન્ડિંગ કમિટીના નવા 12 સભ્યોના નામ

1. નિલેશ કગથરા (ચેરમેન) 2. સુભાષ જોશી 3. મનિષ કટારીયા 4. ડિમ્પલ રાવલ 5. કેશુ માડમ 6. કિશન માડમ 7. કેતન ગોસરાણી 8. અરવિંદ સભાયા 9. અમિતા બંધિયા 10. ધર્મરાજસિંહ જાડેજા 11. પાર્થ કોટડીયા 12. હર્ષાબા જાડેજા

જામનગરના ભીમવાસમાં નજીવી બાબતે બે પક્ષ વચ્ચે બબાલ: સામસામી ફરિયાદ

• સામુ જોવા જેવી નજીવી બાબતે શસ્ત્ર ખેંચાયા 
• બને પક્ષના સરકારી હોસ્પિટલમાં સારવાર હેઠળ

દેશ દેવી ન્યુઝ જામનગર તા.૧૧ સપ્ટેમ્બર ૨૩: જામનગર શહેરના ભીમવાસમાં સામે જોવા બાબતનો ખાર રાખી બેે પક્ષે મારામારી થતાં સામસામી પોલીસ ફરિયાદ નોંધાવવામાં આવી છે. જામનગર શહેરના ભીમવાસમાં રહેતા પરેશ ઉર્ફે ભટુ કિશોર પરમાર નામના શખસે ફરિયાદ નોંધાવી છેકે, ત્રણ દિવસ પહેલા એકબીજા સામે જોવા બાબતે બોલાચાલી અને ઝપાઝપી થઇ હતી, તે બાબતનો ખાર રાખી હુશેન સલીમ સંઘાર અને સલીમ સંઘારે કોયતા વડે હુમલો કરી માર મારતા તેણે પોલીસ ફરિયાદ નોંધાવી છે.સામાપક્ષે હુશેન સલીમ સંઘારે ફરિયાદ નોંધાવી છે કે, અગાઉની માથાકૂટનો ખાર રાખી પરેશ ઉર્ફે ભટુ કિશોર પરમારે ઠંડાપીણાની બોટલ મારી ઇજા પહોંચાડી, ગાળો કાઢી હતી. પોલીસે બન્નેની ફરિયાદ નોંધી કાયદેસરની કાર્યવાહી હાથ ધરી છે. ત્રણ દિવસ પહેલા સામે જેવા જેવી સામાન્ય બાબતે બોલાચાલી અને ઝપાઝપી થયા બાદ હવે ભીમવાસમાં હથિયારો સામસામે ઉડતા લોકોમાં પણ ચકચાર જાગી છે.

દરેડમાં તાજા જન્મેલા બાળકને તરછોડનાર માતાની અટકાયત

દેશ દેવી ન્યુઝ જામનગર: તા.૧૧ સપ્ટેમ્બર ૨૩ જામનગર તાલુકાના દરેડ ગામમાં પાણીના ખાડા પાસેથી અધુરા માસે જન્મેલ નવજાત શિશુનો મૃતદેહ મળી આવતાં દોડધામ મચી ગઈ હતી અને અજાણી સ્ત્રી સામે ગુનો નોંધીને પોલીસે ગણતરીની કલાકોમાં જ મહિલાને શોધી કાઢી હતી. બાથરૂમ કરવા જતાં મહિલાએ મૃત બાળકને જન્મ આપ્યો હોવાનું સામે આવ્યું છે. દરેડ ગામના નળી વિસ્તારમાં આવેલા એક પાણીના ખાડા પાસેથી અધુરા માસે જન્મેલ નવજાત શિશુનો મૃતદેહ મળી આવતાં લોકો એકઠા થઈ ગયા હતાં.આ બનાવ અંગેની પોલીસને જાણ કરતાં પીએસઆઈ એમ.એ.મોરી સ્ટાફ સાથે ઘટના સ્થળે પહોંચી ગયા હતાં અને અજાણી મહિલા સામે ગુનો નોંધીને તપાસ હાથ ધરીને ગણતરીની કલાકોમાં જ મહિલાને શોધી કાઢી હતી. મહિલા પરપ્રાંતિય હોય અને બાથરૂમ કરવા જતાં મૃત બાળકને જન્મ આપી દીધો હતો. જે બાદ પરિવારજનો મૃત બાળકને પાણીના ખાડા પાસે ફેંકી ગયા હોવાનું જાણવા મળી રહ્યું છે. પોલીસે મહિલાને તબીબી સારવાર માટે હોસ્પિટલમાં મોકલી છે.

જામનગર જિલ્લા હોમગાર્ડસના ઈતિહાસમાં પ્રથમ વખત સ્ટાફ ઓફિસર તરીકે મહિલાની નિમણૂક

• હોમગાર્ડસ દળમાં સ્ટાફ ઓફિસર(મહિલા)ની વર્ષોથી ખાલી જગ્યાના પદ પર શ્રીમતી પ્રેક્ષાબેન હિરેનકુમાર ભટ્ટની નિમણૂક

દેશ દેવી ન્યુઝ જામનગર તા.૯ સપ્ટેમ્બર ૨૩ જામનગર જિલ્લા હોમગાર્ડસના ઈતિહાસમાં પ્રથમ વખત હોમગાર્ડસ દળમાં સ્ટાફ ઓફિસર (મહિલા)ની વર્ષોથી ખાલી જગ્યાના પદ ઉપર મહિલા ઓફિસરની નિમણુંક કરવામાં આવી છે. ગત તા. ૩/૯/૨૦૨૩ ના રોજ જામનગરની વિદ્યાસાગર કોલેજના આર્ટસ વિભાગમાં પ્રોફેસર તરીકે ફરજ બજાવતા અને જામનગર જિલ્લામાં મહિલા સેલ્ફ ડીફેન્સ કોચ તરીકે વર્ષોથી કાર્ય કરતા, શ્રીમતી પ્રેક્ષાબેન હિરેનકુમાર ભટ્ટની નિમણુંક સ્ટાફ ઓફિસર (મહિલા) તરીકે કરવામાં આવી છે.શ્રીમતી પ્રેક્ષાબેન પોતે કરાટે, કુમ્યું તેમજ ટેકવોન્ડોમાં બ્લેક બેલ્ટ ધરાવે છે. ઉચ્ચ શૈક્ષણિક લાયકાત ધરાવતા શ્રીમતી પ્રેક્ષા બેન (એજ્યુકેશન) વિષયમાં M.Ed. કર્યુ છે. સાથે સાથે છેલ્લા ૧૦ વર્ષથી વધારે શૈક્ષણિક વિભાગમાં માધ્યમિક તેમજ પ્રાથમિક શાળામાં આચાર્ય તરીકે કાર્ય કરેલ છે. તેઓ શૈક્ષણિક કાર્ય સાથે સામાજિક જવાબદારી પણ બખૂબી નિભાવે છે. “ફ્રેન્ડ્સ ફોર વુમન એન્ડ ચિલ્ડ્રન” સભ્ય તરીકે સ્ત્રીઓ અને બાળકોની કાયદાકીય મદદ માટે હંમેશા તૈયાર રહે છે. ભૂતકાળમાં સ્પોર્ટ્સ ઓથોરીટી ઓફ ગુજરાત તેમજ સુરક્ષા સેતુ સોસાઈટી દ્વારા જામનગર જીલ્લાની સરકારી શાળા કોલેજોની અંદાજે ૫૦,૦૦૦ થી વધારે દીકરીઓને સેલ્ફ ડીફેન્સ એટલે કે સ્વરક્ષણની તાલીમ આપેલી છે. નબળી અને પીડિત સ્ત્રીઓને સહકાર અને રક્ષણ અપાવવાનું કાર્ય કરવું તેમની પ્રાથમિકતા રહી છે.

જામનગર જિલ્લા હોમગાર્ડસના જિલ્લા કમાન્ડન્ટના પ્રયાસથી તેમજ ગુજરાત રાજ્યના કમાન્ડન્ટ જનરલ સુ.. નીરજા ગોટરુ દ્વારા શ્રીમતી પ્રેક્ષાબેનની સીધી કંપની કમાન્ડર રેન્ક સાથે સ્ટાફ ઓફિસર (મહિલા) તરીકે નિમણુંક થવાથી, અને જામનગર જિલ્લા હોમગાર્ડસમાં પ્રથમ વખત મહિલા ઓફિસર ની નિમણુંક થવાથી આનંદ અને હર્ષની લાગણી વ્યાપેલ છે.

અત્રે ઉલ્લેખનીય છે કે શ્રીમતી પ્રેક્ષાબેન ઉચ્ચ સંસ્કારી અને શૈક્ષણિક પરિવારના પુત્રવધુ છે. શ્રીમતી પ્રેક્ષાબેન ઉચ્ચ આદર્શ અને સમાજમાં ઉત્તમ નામ ધરાવે છે, તેમના સ્વસુર સ્વ. અરવિંદભાઈ ભટ્ટ સાહેબ ભૂતકાળમાં અંદાજે ૧૦ વર્ષથી વધુ સમય સુધી જામનગર જિલ્લામાં હોમગાર્ડસ કમાન્ડન્ટ તરીકે સેવા આપેલ

છોટી કાશી’ મા શીતળા સાતમના તહેવાર નિમિત્તે શીતળા માતાના દર્શન માટે ભાવિકોની લાંબી કતાર

દેશ દેવી ન્યુઝ તા.૦૬ સપ્ટેમ્બર ૨૩ જામનગર ‘છોટી કાશી’ ના ઉપનામથી પ્રચલિત એવા જામનગર શહેરમાં શ્રાવણ માસના સાતમના તહેવાર નિમિત્તે શીતળા માતાના દર્શનાર્થે ભાવિકો દર્શનાર્થે ઊમટી પડ્યા હતા, સાથે ભિડભંજન માં આવેલ શિતળા માતાના મંદિરમાં પણ લોકોની ખાસી ભીડ જોવા મળી હતી. જામનગરના નાગેશ્વર વિસ્તારમાં જામ ધર્મના ટ્રસ્ટ સંચાલિત શીતળા માતાનું મંદિર આવેલું છે, જે મંદિરે પ્રતિ વર્ષ મુજબ આ વખતે પણ વહેલી સવારે મહા આરતી સાથે દર્શન ખુલ્યા હતા, અને ભાવિકોએ પણ વહેલી સવારથી જ કતાર લગાવી હતી, અને એક થી દોઢ કિલોમીટર લાંબી ભાઈઓ તથા બહેનો માટેની કતાર થયેલી જોવા મળી હતી. શીતળા સાતમના પર્વને અનુલક્ષીને જામનગર શહેર તેમજ આસપાસના ગ્રામ્ય વિસ્તારમાંથી પણ દર્શનાર્થીઓ બહોળી સંખ્યામાં ઉમટી પડ્યા હતા, અને માતાજીના દર્શન અને પૂજન અર્ચન કરીને ધર્મ લાભ લીધો હતો. પોલીસ દ્વારા પણ વહેલી સવારથી સજજડ બંદોબસ્ત જાળવવામાં આવ્યો હતો.

જામનગરમાં ઝગડો કરવા સાથે ન જતાં યુવાન ઉપર છરી વડે કર્યો હુમલો

• બહેન અન્ય સાથે ચાલી ગઈ હોય તેનો બદલો લેવા મિત્ર સાથે ન આવતા હુમલો કરાયો
• ગોકુલનગર વિસ્તારનો બનાવ : આરોપી જીતેશ ઉર્ફે જેનીયો મકવાણાની શોધખોળ

દેશ દેવી ન્યુઝ જામનગર તા.૬ સપ્ટેમ્બર ૨૩ જામનગર શહેરના ગોકુલનગરમાં મિત્રની બહેન અન્ય સાથે ચાલી ગઈ હોય અને તેની સાથે માથાકુટમાં સાથે ન જતા યુવાન ઉપર મિત્રએ છરી વડે હુમલો કર્યાની પોલીસ ફરિયાદ નોંધાઈ છે.પોલીસ સુત્રોમાંથી જાણવા મળતી વિગતો મુજબ ગોકુલનગર રડાર રોડ શેરીનં- ૧૨માં રહેતા ઘનશ્યામસિંહ લધુભા જાડેજા (ઉ.વ.૨૮) નામના યુવાનના મિત્ર જીતેશ ઉર્ફે જેનીયો મકવાણાની બહેન કોઈ વ્યક્તિ સાથે ચાલી ગઈ છે. જેથી તેની સાથે માથાકુટ કરવા જવા માટે આરોપી જીતેશે મિત્રને કહેતાં મિત્ર ઘનશ્યામસિંહએ માથાકુટ કરવા જવાની ના પાડી હતી. જેથી આરોપી મિત્ર જીતેશ એકદમ ઉશ્કેરાઈ ગયો હતો અને મિત્ર ધનશ્યામસિંહ સાથે માથાકુટ કરવા લાગ્યો હતો અને સાથે રહેલી છરી મારી દેતાં યુવાનને લોહી નીકળવા લાગતા તે ત્યાંથી ભાગી છુટ્યો હતો.

આ બનાવની જાણ થતાં યુવાનનાભાઈ અને પિતા ત્યાં પહોંચી ગયા હતાં અને યુવાનને સારવાર માટે હોસ્પિટલમાં લઈ ગયા હતાં. જ્યાં તેમની સારવાર ચાલી રહી છે. જે અંગેની યુવાનના ભાઈ કનકસિંહ લધુભા જાડેજાએ સીટી- સી ડિવિઝનમાં ફરિયાદ નોંધાવતા પીએસઆઈ એસ. એમ.સીસોદીયાએ IPC ક્લમ- ૩૨૪,૫૦૪ જીપી એક્ટ ૧૩૫ (૧) મુજબ ગુનોં નોંધી આગળ તપાસ હાથ ધરીને આરોપીની શોધખોળ આરંભી છે.