જામનગરમાં અરેરાટી: ગરબા પ્રેકટીસ દરમ્યાન 19 વર્ષીય યુવાનનું હાર્ટ એટેકથી મોત

દેશ દેવી ન્યુઝ જામનગર: તા.૨૬ સપ્ટેમ્બર ૨૩ વરાત્રિ આવી રહી હોય અને ગરબાની પેક્ટિસ કરતાં કરતાં 19 વર્ષીય યુવક ઢળી પડ્યો હતો. સ્થાનિકોએ તેને તુરંત હોસ્પિટલ ખસેડ્યો હતો, પરંતું ત્યાં સુધી તેનું પ્રાણ પંખેરૂ ઉડી જતા અરેરાટી વ્યાપી જવા પામી હતી.

જામનગરમાં મા અંબાના નવલા નોરતાનો થનગનાટ 19 વર્ષિય યુવક માટે મોતનું કારણ બન્યો છે. જામનગર શહેરના પટેલ પાર્ક વિસ્તારમાં સ્ટેપસ્ટાઈલ ગરબા ક્લાસમાં 19 વર્ષીય વિનીત મેહુલભાઈ કુંવરિયા નામનો યુવક ગરબાની પ્રેક્ટિસ કરી રહ્યો હતો. આ દરમિયાન કોઇ કંઇ સમજે તે પહેલા જ વિનીત ઢળી પડ્યો હતો. સ્થાનિકોએ યુવકને જી.જી હોસ્પિટલ ખસેડ્યો હતો. જોકે, તબીબોએ યુવકને મૃત જાહેર કર્યો હતો અને મોતનું કારણ હાર્ટ એટેક હોવાનું સામે આવ્યુ છે.આ બનાવની જાણ થતા મૃતકનો પરિવાર અને સગા સબંધીઓ હોસ્પિટલ ઉમટ્યા હતા. જ્યાં વિનીતના મૃત્યુની જાણ થતા પરિવારમાં શોકનું મોજું ફરી વળ્યું હતું. મળતી માહિતી મુજબ મૃતક યુવક હાલ એન્જિનિયરિંગ કોલેજના પ્રથમ સેમેસ્ટરમાં અભ્યાસ કરતો હતો અને એન્જિનિયરિંગ કોલેજમાં ટૂંક સમય પહેલા જ એડમિશન મેળવ્યું હતું. ઉલ્લેખનીય છે કે કોરોનાકાળ બાદ યુવા વર્ગમાં હાર્ટ એટેકના પ્રમાણમાં ચિંતાજનક વધારો થયો છે.

કાલાવડમાં કથિત પત્રકાર તરીકેની ઓળખ આપી આતંક : રેસ્ટોરન્ટ સંચાલકને પતાવી નાખવાની ધમકી 

દેશ દેવી ન્યુઝ જામનગર: તા.૨૫ સપ્ટેમ્બર ૨૩ કાલાવડમાં ક્રિષ્ના રેસ્ટોરન્ટમાં ત્રણ શખ્સો દ્વારા પત્રકાર તરીકેની ખોટી ઓળખ આપી અમારા પાસે જમવાના પૈસા કેમ માંગશ? કહીને રેસ્ટોરન્ટ સંચાલકને જાનથી મારી નાખવાની ધમકી આપ્યાની પોલીસ ચોપડે ફરિયાદ નોંધાઇ છે.આ અંગેની વિગત મુજબ, કાલાવડમાં ભગવતી પરા ધોરાજી રોડ પર રહેતા નિલેશભાઇ ભીખાભાઇ વેકરીયા કાલાવડ -જામનગર હાઈવે પર ક્રિષ્ના રેસ્ટોરન્ટ એન્ડ કેટરેસ નામની ખાણીપીણીની હોટલ ચલાવતા હોય ગત તા.23 ના રોજ પ્રકાશ બશીયા, ધર્મેશ ગોહેલ તથા હરસુખ ગોહેલ નામના ત્રણ શખ્સો ફરિયાદીની ખાણીપીણીની હોટલે આવી પત્રકાર તરીકેનું આઇકાર્ડ બતાવી ફરિયાદી પાસે ફૂડ લાયસન્સ માંગીને ‘તું પત્રકારો પાસે જમવાના પૈસા માંગે છે ?’ તેમ કહી ત્રણેય શખ્સોએ ફરિયાદીને અપશબ્દો બોલવા લાગ્યા હતાં અને ‘તું હવે બહાર નિકર એટલે લોખંડનું બખતર પહેરીને બહાર નિકળજે બાકી તારા હાથ-પગ ભાગી જશે’ તેમ કહી જાનથી મારી નાખવાની ધમકી આપી હતી. આ અંગેની વેપારીએ પોલીસમાં ફરિયાદ નોંધાવતા પોલીસ દ્વારા ત્રણેય શખ્સો વિરૂધ્ધ ગુનો નોંધી વધુ તપાસ હાથ ધરી હતી.

જામનગરમાં આરબ યુવાન પર તિક્ષણ હથીયાર વડે જીવણલ હુમલો.

• આરોપી :- (૧) ઇદ્રીશ હાલા (૨) મોઇન હાલા રહે બન્ને.ધાંચીની ખડકી, જામનગર તથા (૩) બે અજાણ્યા ઇસમો 

દેશ દેવી ન્યુઝ જામનગર તા.૨૫ સપ્ટેમ્બર ૨૩ જામનગર શહેરના ઘાંચીની ખડકી વિસ્તારમાં યુવાન પર જીવણ હુમલો કર્યો હતો. જેમાં જામનગર આરબ જમાતના યુવાન મોહસીન આવડભાઇ અબદાન પર જૂની અદાવત નો ખાર રાખીને ૪ જેટલા શખ્સો દ્વારા તિક્ષણ હથીયાર વડે ટૂટી પડતાં યુવાનને તાત્કાલિક હોસિપટલ ખસેડવામાં આવ્યો હતો

પોલીસ ચોપડેથી જાણવા મળતી વિગત મુજબજામનગર શહેરના હાપા રોડ મહારાજા સોસાયટીમાં રહેતા મોહસીન આવડભાઇ અબદાનના મિત્ર ફૈઝલ રજાકભાઇ સરધશીયાને ઇદ્રીશ હાલાના મિત્ર ફેસલ ફારુક મુલ્લા સાથે અગાઉ બોલાચાલી ઝધડો થયેલ હોય જે બાબતે સમાધાન માટે ગયા હતા ત્યા સામાવાળા હાજર હોય, અને સમાધાનની ના પાડી ફરીયાદી મોહસીન તથા તેના મિત્ર ફૈઝલ ઉપર તિક્ષણ હથીયાર વડે જીવલેણ હુમલો કરી દેતા લોહીલુહાણ હાલમાં જી.જી હોસ્પિટલ ખસેડાયા હતો બનાવની જાણના પગલે આરબ જમાતના યુવાનો અને વડીલો મોટી સંખ્યામાં જી.જી.હોસ્પિટલ ખાતે દોડી ગયા હતા.

આ ઘટના ની જાણ કરાતા સિટી-એ ડિવિઝન પોલીસ જી.જી.હોસ્પિટલ ખાતે દોડી ગઈ હતી અને મોહસીન ફરિયાદ પરથી ચાર શખ્સો સામે IPC કલમ-૩૨૪, ૩૨૩, ૫૦૪, ૫૦૬(૨), ૧૧૪ તથા જી.પી. એક્ટ કલમ ૧૩૫ (૧) મુજબ ગુનો નોંધી વધુ તપાસ હાથ ધરી છે

જામનગર નવાગામ ઘેડ ખડખડનગરમાં કોલેજીયન વિર્દ્યાથીને છરીઓ ઝીંકાઇઃ રાજકોટના શખ્સનું કારસ્તાન

• રજનીશ જનડાળીયા નામના રાહદારીએ કારમાં યુવતિને હોસ્પિટલ ખસેડી
• યુવતિને સમયસર સારવાર મળી જતા જીવ બચી ગયો
• યુવતિએ લગ્ન કરવાની ના પાડતા સડકછાપ આશિકે સરાજાહેર છરીઓના ‘ ધા ઝીંકાયા

દેશ દેવી ન્યુઝ જામનગર તારીખ ૨૨ સપ્ટેમ્બર ૨૩ જામનગરના નવાગામ ઘેડ ખડખડનગર વિસ્તાર સરકારી સ્કુલ પાસે કોલેજીયન યુવતી ઉપર લગ્ન કરવાનું દબાણ કરી રાજકોટના શખ્સે આડેધડ છરીઓના ધા’ ઝીંકી દેતા ભારે અફડાતફડી મચી ગઇ હતીસુત્રોમાંથી જાણવા મળતી વિગત મુજબ શહેરના નવાગામ ઘેડ મધુરમ સોસાયટીમાં રહેતી અને કોલેજમાં અભ્યાસ કરતી મિતાલી મકવાણા નામની ખવાસ વિદ્યાર્થીની ઉપર નવાગામ ઘેડ ખડખડનગર સરકારી સ્કુલ પાસે રાજકોટના તુષાર રાઠોડ નામના શખ્સે પરાણે લગ્ન કરવાનું દબાણ કરતા યુવતિએ ના પાડતા ઉશ્કેરાયેલા સડકછાપ આશિકે છરી વડે હુમલો કરતા યુવતિ લોહીલુહાણ હાલતમાં ત્યાજ ઢળી પડી હતી તેવામાં ત્યાથી પસાર થતા કોળી યુવાને લોહીથી લથબથ યુવતિને પોતાની કારમાં જી.જી હોસ્પિટલ ખાતે ખસેડી અને તેના પરીવારને જાણ કરી હતી

બનાવની જાણના પગલે સીટી-બી ડિવિઝનના પોલીસ ઇન્સ્પેક્ટર હરદીપસિંહ ઝાલા સહિતનો પોલીસ કાફલો હોસ્પિટલ ખાતે દોડી જઈ IPC – કલમ ૩૦૭ મુજબ હત્યાની કોશિશ સહિતની કલમ હેઠળ ફરિયાદ નોંધી બનાવની વિગત મેળવી તપાસના ચક્રો ગતિમાન કર્યા હતા, હાલ કોલેજીયન યુવતી ઉપર હુમલાને લઈ શહેરભરમાં સારી એવી ચર્ચા જગાડી છે

જામનગરના ગોકુલનગર વિસ્તારમાં રહેણાંક મકાનમાં ચાલતી જુગારની મહેફીલ પર ત્રાટકતી એલસીબી

• ત્રણ શખસો રૂા.3,27 લાખના મુદ્દામાલ સાથે ઝડપાયા, દારૂની 3 બોટલ પણ જપ્ત

દેશ દેવી ન્યુઝ જામનગર: તા. ૨૨ સપ્ટેમ્બર ૨૩ જામનગર શહેરના ગોકુલનગરમાં મારૂતિનગર શેરી નં.4 માં રહેતાં સંજય ઉકા ડાભી નામનો શખ્સ તેના મકાનમાંથી બહારથી માણસો બોલાવી જૂગાર રમાડતો હોવાની હરદીપ બારડ, મયુરસિંહ પરમાર, હરદીપ ધાંધલને મળેલી સંયુકત બાતમીના આધારે પોલીસ અધિક્ષક પ્રેમસુખ ડેલુની સૂચનાથી પીઆઈ જે.વી. ચૌધરી, પીએસઆઇ આર.કે. કરમટા, એસ.પી. ગોહિલ, પી.એન. મોરી તથા સ્ટાફના સંજયસિંહ વાળા, હરપાલસિંહ સોઢા, ભરતભાઈ પટેલ, નાનજીભાઈ પટેલ, દિલીપભાઈ તલવાડિયા, હરદીપભાઈ ઘાઘલ, વનરાજભાઈ મકવાણા, હિતેન્દ્રસિંહ જાડેજા, અરજણભાઈ કોડીયાતર, મયુદીનભાઈ સૈયદ, ક્રિપાલસિંહ જાડેજા, નિર્મળસિંહ જાડેજા, કિશોરભાઈ પરમાર, હરદીપભાઇ બારડ, ઋષિરાજસિંહ વાળા, મયુરસિંહ પરમાર, કલ્પેશભાઈ મૈયડ, ધર્મેન્દ્રસિંહ જાડેજા, દયારામ ત્રિવેદી, બિજલભાઈ બારાસરા સહિતના સ્ટાફે રેઈડ કરી હતી.રેઈડ દરમિયાન એલસીબીએ સંજય ઉકા ડાભી, કાના અરજણ ચાવડા અને રાજુ પાલા શિર નામના ત્રણ શખ્સોને ઝડપી લઈ રૂા.17400 નીરોકડ રકમ અને રૂા.10000 ની કિંમતના બે મોબાઇલ તથા રૂા.3 લાખની કિંમતની એક આઈ-10 કાર મળી કુલ રૂા. 327400 નો મુદ્દામાલ કબ્જે કર્યો હતો અને કરશન જીવા શિર, જીતુભા દરબાર, ખીમભાઈ ભાટુ, પયુષભાઈ, પ્રવિણ કોળી નામના પાંચ શખ્સો નાશી ગયા હોય, જેથી આઠ શખ્સો વિરૂધ્ધ જૂગારનો ગુનો નોંધી તપાસ આરંભી હતી.

દરમિયાન જૂગાર દરોડામાં કબ્જે કરાયેલી જીજે-10-ડીઈ-4746 નંબરની કરશન જીવા શિરની તલાસી લેતા તેમાંથી રૂા.1200 ની કિંમતની ઈંગ્લીશ દારૂની ત્રણ બોટલો મળી આવતા એલસીબીની ટીમે જૂગારની સાથે સાથે દારૂનો અલગ કેસ કરી વધુ તપાસ આરંભી હતી.

જામનગરની અંબર ચોકડી નજીક દિનદહાડે લુંટથી ચકચાર

• વૃઘ્ધને ફડાકો ઝીંકી સોનાની વિંટી-રોકડની લુંટ ચલાવનાર સદામ નામના શખ્સને ઝડપી પાડયો

દેશ દેવી ન્યુઝ જામનગર: જામનગરના ચાંદીબજાર પાસે લાલબાગ ડેલી ફળી સંકલ્પ બિલ્ડીંગ ખાતે રહેતા નિવૃત વસંતભાઇ જેન્તીલાલ વોરા (ઉ.વ.77) નામના વૃઘ્ધ ગત તા. 20ના રોજ પોતાની એકટીવા લઇને ઘર તરફ જતા હતા, ત્યારે અંબર ચોકડીથી પેટ્રોલપંપ તરફ સીટી આર્કેડ કોમ્પ્લેક્ષના રોડ પાસે બે અજાણ્યા શખ્સો ઘસી આવ્યા હતા અને તેની મોટરસાયકલ ઉભી રાખી હતી.દરમ્યાન વસંતભાઇને જેમ તેમ અપશબ્દો બોલી મોટરસાયકલ ચલાવનાર શખ્સે ફરીયાદીના હાથ પકડી, ગાલમાં ઝાપટ ઝીંકી દીધી હતી અને આંગળીમાં પહેરેલ રૂ 70 હજારની કિંમતની સોનાની વિંટી ખેચી લીધી હતી, જયારે બાઇકની પાછળ બેઠેલા બીજા શખ્સે ફરીયાદીના શર્ટના ઉપલા ખિસ્સામાંથી રોકડા 900 કાઢી લઇ કુલ 70.900ના મુદામાલની લુંટ કરી નાશી છુટયા હતા.દરમ્યાન વસંતભાઇ વોરા દ્વારા આ બનાવ અંગે ગઇકાલે સીટી-બીમાં બે અજાણ્યા ઇસમો વિરુઘ્ધ આઇપીસી કલમ 394, 504, 114 મુજબ ફરીયાદ નોંધાવી હતી. જેના આધારે સીટી-બી પીઆઇ હરદિપસિંહ ઝાલાની સુચનાથી પીએસઆઇ એચ.બી. વડાવીયા દ્વારા તપાસ ચલાવવામાં આવી રહી છે અને આ વિસ્તારના સીસી ફુટેજ ચેક કરવામાં આવ્યા હતા, શહેરમાં છેલ્લા થોડા સમયથી બાઇક અથડાવી અથવા એકલ દોકલને ઉભા રાખી રોકડ, મોબાઇલ સહિતનો માલમત્તા ઝુંટવી લેવાના બનાવો બની રહયા છે.

ગત મહિનાઓમાં જામનગર શહેર અને હાઇવે પરના વિસ્તારોમાં વાહનો લઇને નિકળતા નિર્દોષ લોકો સાથે બાઇક અથડાવી અથવા નજીવી બાબતે બબાલ કરીને મુદામાલ ઝુટવી લેવાના બનાવો બની ચૂકયા છે, થોડા દિવસ પહેલા જ જોગસપાર્ક નજીક એક વ્યકિત સાથે બાઇક અથડાવીને રોકડ રકમ ઝુટવી લેવાનો બનાવ બન્યો હતો જેમાં પોલીસે સદામને પકડી લીધો હતો.

જામનગરમાં નવરાત્રી રાસ-ગરબાની હરિફાઈમાં ભાગ લેવા ઈચ્છુક ઉમેદવારો અરજી કરી શકશે

દેશ દેવી ન્યુઝ જામનગર તા.૨૧ સપ્ટેમ્બર ૨૩ કમિશનર, યુવક સેવા અને સાંસ્કૃતિક પ્રવૃત્તિઓ, ગાંધીનગરના માર્ગદર્શન હેઠળ જિલ્લા યુવા અને સાંસ્કૃતિક પ્રવૃત્તિઓની કચેરી, જામનગર દ્વારા ચાલુ વર્ષમાં નવરાત્રીની રાસ-ગરબા હરિફાઈનું આયોજન આગામી દિવસોમાં કરવામાં આવશે. જેમાં, પ્રાચીન ગરબા, અર્વાચીન ગરબા સ્પર્ધામાં 14 થી 35 વર્ષના બહેનો તથા રાસ માટે 14 થી 40 વર્ષ સુધીના વયજૂથમાં સમાવિષ્ટ બહેનો ભાગ લઈ શકશે. ઉક્ત બંને સ્પર્ધામાં સમયગાળો 6 થી 10 મિનિટનો રહેશે.

આ સ્પર્ધામાં ભાગ લેવા ઈચ્છુક રાસ-ગરબાની મંડળીઓ નિયત નમુનાનું અરજી ફોર્મ જિલ્લા યુવા અને સાંસ્કૃતિક પ્રવૃત્તિઓની કચેરી, જિલ્લા સેવા સદન-4, રૂમ નં-42, પહેલો માળ, રાજપાર્ક પાસે, જામનગર ખાતેથી રૂબરૂ મેળવીને તેમાં તમામ વિગતો ભરવાની રહેશે. આ અરજી પત્રક આગામી તા.27 સપ્ટેમ્બરના બપોરના 12:00 કલાક સુધીમાં અત્રેની કચેરીને પરત મોકલવાનું રહેશે. આ અંગે, વધુ વિગતો મેળવવા માટે અત્રેની કચેરીના ફોન નં.0288-2571209 પર સંપર્ક સાધી શકાશે. તેમ, જિલ્લા યુવા વિકાસ અધિકારી એમ.આઈ.પઠાણ, જામનગરની યાદીમાં જણાવવામાં આવ્યું છે.

જામનગરમાં પાનની પીચકારી મારવાની ના પાડતા સિંધી વૃદ્ધાને માર પડ્યો : 4 મહિલા સામે ફરિયાદ

• વૃદ્ધા ઉપર હુમલાની સમગ્ર ઘટના CCTVમાં કેદ : VIdeo થયો વાયરલ
• આરોપી: (૧) છાયા પ્રભુભાઈ વશીયર (૨) રીટા કલ્પેશ વશીયર (૩) ક્રિષ્ના અમીતભાઈ વશીયર (૪) અજાણી સ્ત્રી

દેશ દેવી ન્યુઝ તા.૨૧ સપ્ટેમ્બર ૨૩ જામનગર : જામનગર શહેરના સાધના કોલોની પાછળ, સીધ્ધીવિનાયક સોસાયટી શેરીનં-૧૦માં રહેતા ભગવતીબેન નેમરાજ તુનુમલ ગ્યાનચંદાણી (ઉ.વ.૬૪) નામના વૃધ્ધતેમજ સાહેદે ઘર પાસે પાનની પીચકારી મારવાની ના પાડતા આરોપીઓ છાયા પ્રભુભાઈ વશીયર, રીટા કલ્પેશ વશીયર, ક્રિષ્ના અમીતભાઈ વશીયર અને એક અજાણી સ્ત્રીએ ઉશ્કેરાઈજઈને અપશબ્દો બોલીને વૃધ્ધાને ધક્કો મારીને હાથમાં ટચલી આંગળીમાં ઈજા પહોંચાડીને જાનથી મારી નાખવાની ધમકી આપ્યાની પોલીસ ફરિયાદ નોંધાઈ છે. આથી વૃદ્ધાને તાત્કાિલિક હોસ્પિટલ ખસેડવામાં આવ્યા હતા

હાલ સીટી -એ ડિવિઝન પોલીસે આઈપીસી- કલમ ૩૨૩, ૫૦૪, ૫૦૬ (૨) ૧૧૪ મુજબ ગુનો નોંધી વધુ તપાસ આર. ડી ગાંભવાએ હાથ ધરી છે.

જામનગર જીલ્લા જેલમાં ફરી એક વખત મળ્યો મોબાઇલ

• મયુર આલા હાથલીયા અને હિતેશ ઉર્ફે ફોગો બાબુ રાઠોડ વિરૂદ્ધ ફરીયાદ

દેશ દેવી ન્યુઝ તા. ૨૧ સપ્ટેમ્બર ૨૩ જામનગર: જામનગર ગુ્રપ એ ના જેલર દ્વારા બુધવારે સવારના સમયે જિલ્લા જેલમાં સરપ્રાઈઝ ચેકિંગ હાથ ધરવામાં આવ્યું હતું. જેલરના ચેકિંગ દરમિયાન સીલ્વર કલરનો કેચોડા કંપનીનો મોબાઇલ અને બેટરી મળી આવતા જામનગર જિલ્લા જેલર જી એમ પટેલ દ્વારા મયુર આલા હાથલીયા અને હિતેશ ઉર્ફે ફોગો બાબુ રાઠોડ નામના બે શખ્સો વિરૂધ્ધ સીટી એ ડીવીઝન પોલીસ સ્ટેશનમાં ફરિયાદ નોંધાવી હતી.જેના આધારે હેકો એમ.આર. પરમાર તથા સ્ટાફે ગુનો નોંધી તપાસ આરંભી હતી. જામનગર જિલ્લા જેલમાંથી અવાર-નવાર ચેકિંગ દરમિયાન પ્રતિબંધિત ચીજવસ્તુઓ મળી આવે છે અને આવી પ્રતિબંધિત ચીજવસ્તુઓ મળી આવવાની ઘટના સામાન્ય બની ગઈ છે. કેમ કે છાશવારે જેલમાંથી પ્રતિબંધિત ચીજવસ્તુઓ મળી આવતી હોય છે અને આ પ્રકરણમાં ગુનો દાખલ કરી કાર્યવાહી અને તપાસ હાથ ધરવામાં આવે છે. તેમ છતાં હજુ સુધી જેલમાં આવી પ્રતિબંધિત વસ્તુઓ અટકાવવામાં પોલીસને સફળતા મળી નથી.