જામનગરમાં કરોડો ની સી જી એસ ટી ચોરી કેસ મા આરોપી ની જામીન અરજી ફરી વખત ‘ના’ મંજૂર

• લીમડા લાઇનમાં.મે. પટેલ મોબાઇલ વર્લ્ડના માલિક મેસર્સ, જિયા ટેલિકોમ માં રાજકોટ સેન્ટ્રલ GST ટીમ ત્રાટકી હતી
• સરકાર પક્ષે સ્પે.પબ્લિક પ્રોસિકયુટર હષિદાબેન. ડી જોષીની ધારદાર દલીલ

જામનગર તા.૧૩ ઓક્ટોબર ૨૩ , જામનગર ના એક મોબાઇલ ના શો રૂમના સંચાલક ની રૂપિયા ૩૪.૪૪ કરોડની સીજીએસટી ચોરી કરવાના કેસમાં ધરપકડ કરવામાં આવી હતી. તેણે જામીન ઉપર મુક્ત થવા અરજી કરતા અદાલતે તેની જામીન અરજી ના મંજૂર કરી છે.

જામનગર નાં લીમડા લાઈન વિસ્તારમાં મે. પટેલ મોબાઇલ વર્લ્ડ નાં માલિક મેસર્સ જિયા ટેલિકોમ તથા અન્ય પેઢી નાં નામ થી વ્યવસાય કરે છે . તેમણે બોગસ પેઢી ઊભી કરી ને કરોડો રૂપિયા ની સી જી.એસ ટી ની ચોરી કરી હતી.જે અંગે ની બાતમી નાં આધારે સી જી એસ ટી – રાજકોટ ની ટીમે ગત તાં ૨૧/૯/૨૩ નાં રોજ દરોડો પાડી ને શો રૂમ સંચાલક ની ધરપકડ કરી હતી.અને આરોપી ને અદાલત મા રજૂ કરવામાં આવતા તેને જ્યુડીશિયલ કસ્ટડી મા મોકલી આપવા આદેશ થયો હતો.આ પછી આરોપી એ તાં. ૨૨/૯/૨૩ નાં ચીફ જયુડિ.મેજી. સમક્ષ જામીન અરજી કરી હતી.જે ‘ના’ મંજૂર થવા પામી હતી. આ પછી સેશન્સ કોર્ટ માં જામીન અરજી કરવામાં આવતા ત્રીજા એડી.સેશન્સ જજ એ આર વ્યાસ એ પણ જામીન અરજી રદ કરી છે.આ કેસ મા સરકાર પક્ષે સ્પે.પબ્લિક પ્રોસિકયુટર હષિદાબેન ડી. જોષી એન્ડ એસોસિયેટ્સ રોકાયા હતા.

જામનગર નાં કનસુમરા પાસે ચાર કારખાના માં ચડ્ડી – બનિયાનધારી ટોળકી ત્રાટકી

• જુદા જુદા ચાર કારખાનાઓમાં કર્યો હાથ ફેરો: પોલીસ તંત્ર દોડતું થયું: સીસીટીવી કેમેરામાં કેદ થતા તસ્કરો

દેશ દેવી ન્યુઝ જામનગર તા. ૧૨ ઓકટોબર ૨૩, જામનગર નજીક નાં કનસુમરા પાસે આવેલા ખાનગી ઈન્ડસ્ટ્રીયલ એરિયામાં ચાર કારખાનામાં ગઈરાત્રે ચડ્ડી-બનિયાનધારી ટોળકી ત્રાટકી હતી. ચારેય કારખાનામાંથી કેટલોક સામાન, રકમ ચોરાઈ ગયો છે. તસ્કરો સીસીટીવી કેમેરામાં જોવા મળતાં પોલીસે તપાશ શરૂ કરી છે.જામનગરના દરેડ જીઆઈડીસી ફેસ-૨ અને ૩ નજીક આવેલા કનસુમરા પાસેના ખાનગી ઈન્ડસ્ટ્રીયલ એરીયામાં આવેલા રામ મેટલ્સ, બિપીન બ્રાસ, ક્રિષ્ના પ્રોડક્ટસ અને ખીરા સ્ટીલ નામના ચાર કારખાના માં ગઈરાત્રે તસ્કરો ઘૂસ્યા હતા. તસ્કરોએ ચારેય કારખાનામાં ટેબલ નાં ખાના ફંફોળ્યા હતા અને માલસામાન વેરવિખેર કરી નાખ્યો હતો. જેની આજે સવારે કારખાને આવેલા તેના સંચાલકોને જાણ થઈ હતી. તરત જ પોલીસને જાણ કરાતા પંચકોશી-બી ડિવિઝન પોલીસ સ્ટેશનનો સ્ટાફ દોડી આવ્યો હતો. પોલીસે આ કારખાનાઓ માંથી રોકડ રકમ કે માલ સામાનની ચોરી થઈ છે તેની તપાસ શરૃ કરી છે.

આ કારખાનાઓમાં મુકવામાં આવેલા સીસીટીવી કેમેરાની ચકાસણી કરવામાં આવતા કેટલાક કેમેરાઓમાં ચડ્ડી-બનિયાન પહેરેલા ચાર શખ્સ કારખાનાનું શટર ઉંચકાવી અંદર ઘૂસી જતાં હોવાનું દેખાઈ આવ્યું છે. મોઢા ઉપર બુકાની બાંધેલા આ શખ્સોની સંખ્યા ચાર હોવા ઉપરાંત તેઓ કઈ તરફથી આવ્યા તે પણ સ્પષ્ટ દેખાઈ રહ્યું છે.આથી પોલીસે તપાસ શરૂ કરી છે.ઉલ્લેખનીય છે કે, આ પ્રાઈવેટ ઈન્ડસ્ટ્રીયલ એરીયામાં આઠેક દિવસ પહેલા પણ ચોરીનો પ્રયાસ થયો હતો. તે પછી ગઈરાત્રે ચાર કારખાનામાં હાથફેરો થયો છે. આઠેક દિવસ પહેલા પોલીસને જાણ કરવામાં આવી હોવાનું કારખાનેદારો જણાવી રહ્યા છે પરંતુ ચોરીનો પ્રયાસ જ થયો હોય સંભવિતઃ રીતે તેને ગંભીર રીતે લેવામાં ન આવ્યા પછી ગઈકાલે એક સાથે ચાર કારખાનામાં તસ્કરો ચોરી કરી ગયા છે.જો કે હજુ સુધી કોઈ ફરિયાદ નોંધાવાઈ નથી.

જામનગરમાં આથિક સંકળામણમાં યુવાને ચોથા માળેથી છલાંગ લગાવી

• અંબર સિનેમા રોડ ન્યુ સ્ક્વેર કોમ્પ્લેક્સના ચોથા માળેથી પડતું મૂકી યુવાનનો આપઘાત
• આર્થિક સંકળામણ કારણભૂત :પરિવારના પિતા અને બહેન જેલમાં હોય લાગી, આવતા જીવતર ટુંકાવ્યું 
• છલાંગની સમગ્ર ઘટના CCTV કેમેરામાં કેંદ

દેશ દેવી ન્યુઝ જામનગર તા.૧૨ ઓક્ટોબર ૨૩ જામનગરના અંબર સીનેમાં રોડ પરના નિયો સ્કેવર બિલ્ડીંગ પરથી શિવમ કલ્યાણી નામના યુવાને ચોથા માળેથી પડતું મૂકી આપધાત કરી લેતા ભારે ચકચાર મચી જવા પામી છે.સુત્રોમાંથી મળતી વિગત મુજબ ઇન્કમટેકસ બાજુમાં ઢોસા સેન્ટરની લારીમાં કામ કરતા અને એકલવાયું જીવન જીવતા શિવમ કલ્યાણી નામના વીસ વર્ષીય યુવાને અગમ્ય કારણોસર નિયો સ્કેવરના બિલ્ડીંગના ચોથા માળેથી છલાંગ મારી આપધાત કરી લેતા અફડાતફડી મચી જવા પામી હતી પ્રાપ્ય વિગત મુજબ શિવમના પિતા અને બહેન હાલ જેલમાં હોય, જેને લઇ યુવાન ગુમ સુમ રહેતો હતો તેવામાં મનમાં લાગી આવતા જીવન ટુંકાવી લીધું હતું બનાવની જાણના પગલે પોલીસ અને 108ની ટીમ દોડી જઈ બોડીને પીએમમાં ખસેડવાની કામગીરી હાથ ધરી છે. વધુ તપાસ સીટી-બી ડિવિઝન પોલીસ ચલાવી રહી છે.

જામનગરમાં નવરાત્રિ મહોત્સવ પહેલાં ‘વેલકમ નવરાત્રિ’ના કાર્યક્રમમાં યુવાધન હિલોળે ચઢયુ

• શહેરમાં અનેક વાડી ખાનગી પ્લોટ સહિતના વિસ્તારોમાં એક દિવસિય વેલકમ નવરાત્રી ના અર્વાચીન રાસ મહોત્સવ શરૂ થયા

દેશ દેવી ન્યુઝ જામનગર : તા ૧૨ ઓક્ટોબર ૨૩ આસો મહિનાની નવરાત્રિ એટલે માઁ ની આરાધનાના દિવસો. ત્યારે હવે આસો મહિનાના નોરતાની શરૂઆત થવાને આડે માત્ર ત્રણ દિવસ બાકી રહયા છે. ત્યારે માઈભકતો તેમજ ખેલૈયાઓમાં નોરતાની ઉજવણી કરવા થનગનાટ જોવા મળી રહયો છે. હાલ ખાસ કરીને સાક્ષાત માતાજીનું સ્વરૂપ ધારણ કરતી નાની બાળાઓ માતાજીના ગરબા રમવા મોડીરાત્રિ સુધી પ્રેકટીસ કરી રહી છે. આ ઉપરાંત જામનગર શહેરમાં અને આસપાસના હાઇવે હોટલ- ખાનગી પ્લોટ સહિતના વિસ્તારમાં ૧૦ થી વધુ જગ્યાએ અર્વાચીન ગરબાઓ પણ થવાના છે. ત્યારે હાલ તો જામનગર શહેરમાં છેલ્લા પાંચ દિવસથી વેલકમ નવરાત્રિ કરવા માટે રાત્રિના આયોજનો શરૂ થઈ ગયા છે. ગઈકાલે શહેરના પ્રદર્શન ગ્રાઉન્ડ સામે એક ગૃપ દ્વારા વેલકમ નવરાત્રિનું આયોજન કરવામાં આવ્યું હતું. તે જ રીતે અન્ય ખાનગી પાર્ટી પ્લોટ, જુદી જુદી જ્ઞાતિની વાડી અને હાઇવે હોટલ સહિતના વિસ્તારોમાં એક દિવસીય વેલકમ નવરાત્રી ના કાર્યક્રમો યોજાઈ રહ્યા છે. જેમાં પણ ખેલૈયાઓનો ભારે ઉત્સાહ જોવા મળી રહ્યો છે. તેમજ યુવાધન મન મૂકીને ઝુમતું જોવા મળ્યું હતું. હાલ શહેરના અલગ અલગ ગૃપ દ્વારા વેલકમ નવરાત્રિના આયોજનો પુરબહારમાં ચાલી રહયા છે.

જામનગરમાં મહિલાએ યુવકને જાહેરમાં લમધાર્યો

• મહિલાએ યુવકના કપડા ફાડી બેફામ ગાળો ભાંડી
• સ્થાનિકો મધ્યસ્થી થયા છતાં મહિલા ટસ મસ ન થઈ
• સમગ્ર ઘટનાનો Video સોશિયલ મીડિયામાં ખૂબ જ વાયરલ થયો

દેશ દેવી ન્યુઝ જામનગર તા. ૧૨ ઓક્ટોબર ૨૩ જામનગરના નવાગામ ઘેડ માતૃ આષિત સોસાયટી પાસે ગઇકાલ વપોરે પ્રેમીકાએ પ્રેમી યુવકને જાહેરમાં માર મારી કપડા ફાળી નાખતા ભારે ચર્ચા જાગી હતી જાહેરમાં તમાસો સર્જાતા બેફામ વાણી વિલાસ વચ્ચે જેને લઇ ત્યા રહેતા સ્થાનિકોના ટોળા એકઠા થયા મહિલાને સમજાવા છતાં મહિલા ટસ કે મસ ન થઈ હાજર લોકોમાંથી કોઇએ વિડિયો ઉતારી લઈ જે સોશિયલ મીડિયા ભારે વાયરલ થયો હતોસુત્રોમાથી જાણવા મળતી વિગત મુજબ બંને પરણીત હોવાનું જાણવા મળી રહ્યું છે અને પ્રેમી યુવકને મળવા બોલાવ્યા બાદ કોઈ કારણોસર બંને વચ્ચે ડખ્ખો થતા મામલો મારામારી સુધી પહોંચ્યો હતો યુવક લેબર કામ કરતો હોવાનું જાણવા મળી રહ્યું છે.હાલ તો આ મુદા એ શહેરભરમાં સારી એવી ચર્ચા જગાડી છે.

હાપા માર્કેટ યાર્ડ પાસે બની રહેલા ઓવરબ્રીજની મુલાકાત લેતા ડેપ્યુટી કમિશનર

દેશ દેવી ન્યુઝ જામનગર તા ૧૨ ઓક્ટોબર ૨૩ જામનગરમાં હાપા માર્કેટ યાર્ડ પાસે બની રહેલા નવા ઓવરબ્રિજની ચાલતી કામગીરી અંગે આજરોજ તપાસણી કરવામાં આવી હતી. જામનગર મહાનગરપાલિકાના ડેપ્યુટી કમિશનર ભાવેશ જાનીએ આજે સવારે ઓવરબ્રીજની સ્થળ મુલાકાત લીધી હતી. જેમાં ઓવરબ્રીજની ચાલતી કામગીરીનું નિરીક્ષણ કર્યું હતું. ત્યારે ઉપસ્થીત રહેલ કોન્ટ્રાકટરોને કામગીરી ઝડપથી કરવા તેમજ અન્ય બાબતોની સૂચનાઓ આપવામાં આવી હતી. ડેપ્યુટી કમિશનરે અચાનક સ્થળ પર વિઝીટ કરતાં કોન્ટ્રાકટરો તેમજ કામ કરતાં વર્કરોમાં દોડધામ મચી ગઈ હતી.

જામનગરમાં આવાસ વિસ્તારમાં મહિલા સંચાલિત જુગારધામ પર દરોડો: આઠ મહિલા પકડાઈ

• સ્થાનિક ગુન્હાશોધક શાખાએ LIG -2 આવાસમાં ત્રણ દિવસની વોચ પછી દરોડો પાડ્યો
• (૧) સંગીતાબેન કેતનભાઈ ગુઢકા, (૨) સુશીલાબેન રાજેશભાઈ જોષી (3) જાનવીબેન પરેશભાઈ સાવલિયા (૪) લતાબેન હરીશભાઈ હિન્દુજા (૫) રીનાબેન રમેશભાઈ પટેલ (૬) મનિષાબેન મહેશભાઈ ખેતિયા (૭) નયનાબેન બાબુલાલ રાઠોડ (૮) હંસાબેન મનસુખભાઈ ગઢીયા 

દેશ દેવી ન્યુઝ જામનગર તા. ૧૧ ઓક્ટોબર ૨૩ જામનગર શહેરના રોઝી પેટ્રોલ પંપની સામે આવેલા એલ.આઈ.જી. આવાસના એક ફલેટમાં ચાલતી મહિલા સંચાલિત જુગારની કલબ પર સ્થાનિક ગુન્હા શોધક શાખાએ દરોડો પાડી આઠ મહિલાઓને રોકડ રકમ રૂા. ૪૦,૨૦૦ સાથે રંગે હાથ ઝડપી લીધી હતી.

પોલીસ સુત્રોમાંથી જાણવા મળતી વિગતો મુજબ સ્થાનિક ગુન્હાશોધક શાખાના કર્મચરીઓને હકીકત મળેલી કે એલ.આઈ.જી. આવાસના બી-૧ ના રૂમ નં. ૧૦૦૩ માં સંગીતાબેન કેતનભાઈ ગુઢકા નામની મહિલા નાલ ઉઘરાવી બહારથી અન્ય મહિલાઓને જુગાર રમાડી રહી છે. જેને પગલે ગઈકાલે બપોરના અરસામાં એલ.સી.બી. પોલીસે છાપો માર્યો હતો.આ સમયે જુગાર રમતી સંગીતાબેન કેતનભાઈ ગુઢકા, સુશીલાબેન રાજેશભાઈ જોષી (રહે. સમર્પણ હોસ્પિટલ પાસે), જાનવીબેન પરેશભાઈ સાવલિયા (રહે. રણજીતનગર), લતાબેન હરીશભાઈ હિન્દુજા (રહે. ખોડિયાર કોલોની), રીનાબેન રમેશભાઈ પટેલ (રહે. સ્વામીનારાયણનગર), મનિષાબેન મહેશભાઈ ખેતિયા (આહિર પાડો), નયનાબેન બાબુલાલ રાઠોડ (નવાગામ ઘેડ), હંસાબેન મનસુખભાઈ ગઢીયા (શાંતિનગર)ને રંગેહાથ ઝડપી લઈ તેમની પાસેથી જુગારનું સાહિત્ય ઉપરાંત રોકડ રકમ રૂા. ૪૦,૨૦૦ કબ્જે કરી તમામ વિરૂદ્ધ એલ.સી.બી. ના પી.એસ.આઈ. આર.કે. કરમટાએ સીટી સી. ડીવીઝન પોલીસ મથકે જુગારધારા કલમ ૪-૫ હેઠળ ગુનો નોંધાવ્યો હતો.જિલ્લા પોલીસ વડાની પરવાનગી મળ્યા પછી દરોડોસુત્રોનું માનીએ તો જુગાર રમાતો હોવાની બે દિવસ પૂર્વે જ સ્થાનિક ગુન્હા શોધક શાખાને માહિતી મળી ગઈ હતી, પરંતુ નિયમ મુજબ ઘરમાં દરોડો પાડવા જિલ્લા પોલીસ વડાની પૂર્વ પરવાનગી મેળવવાની રહે છે. જેથી પોલીસે જિલ્લા પોલીસ વડા પ્રેમસુખ ડેલુ પાસેમંજુરી માંગતા તેઓએ મંજુરીની મ્હોર મારી દેતા,જેના પગલે ગઈકાલે મહિલા પોલીસ અને બે પંચોને સાથે રાખી કાર્યવાહી કરવામાં આવી હતી.

જામનગર નાં ખારવા ચકલા માં જર્જરિત મકાનનો હિસ્સો તૂટ્યોદેશ દેવી ન્યુઝ જામનગર તા ૧૧ ઓક્ટોબર ૨૩ જામનગરના ખારવા ચકલા વિસ્તારમાં ગત મધ્યરાત્રિના રાઠોડ પરિવાર નાં જુનવાણી, જર્જરિત મકાન નો કેટલોક હિસ્સો તુટી પડ્યો હતો. જો કે આ સમયે મકાન ની બહાર કોઈ ની અવર-જવર નહીં હોવા થી કોઈ જાનહાની થવા પામી ન હતી. આ પછી આજે સવારે જામનગર મહાનગર પાલિકાની એસ્ટેટ શાખાની ટુકડી ત્યાં પહોંચી હતી અને કેટલોક જોખમી ભાગ તોડી પાડવાની કામગીરી હાથ ધરવામાં આવી હતી. જેથી માનવહાની નિવારી શકાય. આ કામગીરી મહાનગર પાલિકાના સુનિલ ભાનુશાળી, યુવરાજસિંહ ઝાલા ની રાહબરી હેઠળ કરવામાં આવી હતી.

જામનગરમાં જી.જી હોસ્પિટલ પાસે પાથરણાં વાળા પર લોખંડના પાઈપ વડે હુમલો

• પાણીની બોટલ ના પૈસા માંગવા જતાં બે શખ્સોએ હુમલો કર્યાની પોલીસ ફરિયાદ

દેશ દેવી ન્યુઝ જામનગર તા ૧૧ ઓક્ટોબર ૨૩ જામનગર માં જી.જી. હોસ્પિટલ નજીક પાથરણું પાથરીને પાણી સહિતની ચીજ વસ્તુઓનું વેચાણ કરતા એક યુવાન પર પાણીની બોટલના પૈસાની ઉઘરાણી ના પ્રશ્ને હુમલો ફરીયાદ પોલીસમાં નોંધાવાઇ છે.

જામનગરમાં જલારામ પાર્ક વિસ્તારમાં રહેતો રાજેશ મેરૂભાઈ કોળી નામનો ૩૫ વર્ષનો યુવાન કે જેણે પોતાને લોખંડના પાઈપ વડે હુમલો કરી ફેક્ચર સહિતની ઇજા પહોંચાડવા અંગે નવાગામ ઘેડમાં રહેતા કરણ અનિલભાઈ પરમાર અને ગટુ નામના બે શખ્સો સામે ફરિયાદ નોંધાવી છે. જયારે ફરિયાદી યુવાનને જામનગરની જી.જી. હોસ્પિટલમાં દાખલ કરવામાં આવ્યો છે.ફરીયાદી યુવાન પાસે બંને આરોપીઓએ પાણીની બોટલ માંગ્યા પછી પૈસા આપ્યા ન હોવાથી તેની ઉઘરાણી કરવા જતાં આ હુમલો કરાયા નું પોલીસમાં જાહેર થયું છે. સીટી-બી ડિવિઝન પોલીસે IPC ક્લમ ૩૨૫,૩૨૩,૫૦૪, ૧૧૪ તથા જી.પી.એકટ કલમ ૧૩૫(૧) મુજબ ગૂનો નોંધી આગળ તપાસ હાથ ધરી છે