જામનગરમાં નંદનવન સોસાયટી માંથી સ્કૂટર ચાલક ઇંગ્લિશ દારૂની હેરાફેરી કરતાં પકડાયો: સપ્લાયર નું નામ ખુલ્યું
દેશ દેવી ન્યુઝ જામનગર તા ૨૦ ડીસેમ્બર ૨૩ જામનગરમાં નંદનવન સોસાયટી વિસ્તારમાંથી ઇંગ્લિશ દારૂની હેરાફેરી કરી રહેલા એક શખ્સને સીટી-એ ડિવિઝનના રૂષિરાજસિંહ જાડેજાએ ઝડપી લીધો છે, અને સ્કૂટર તેમજ દારૂ વગેરે કબ્જે કરી લીધા છે, જેને દારૂ પૂરો પાડનાર સપ્લાયર નું નામ ખુલ્યું છે.
આ દરોડા ની વિગત એવી છે કે જામનગરમાં શાક માર્કેટ વિસ્તારમાં રહેતો અને ગેરેજ નું કામ સંભાળતો નિલેશ ઉર્ફે ગડો ભરતભાઈ ચૌહાણ કે જે ગઈકાલે નંદનવન સોસાયટી વિસ્તારમાંથી પોતાના એકટીવા સ્કૂટરમાં ઈંગ્લીશ દારૂની બાટલી ના જથ્થા સાથે નીકળ્યો હોવાથી પોલીસે તેને ઝડપી લીધો હતો, અને સ્કૂટર તેમજ દારૂ સહિતની સામગ્રી કબજે કરી હતી.
પોલીસ પૂછપરછમાં તેને ઉપરોક્ત દારૂ જામનગરમાં નવાગામ ઇન્દિરા સોસાયટીમાં રહેતા રવિ ઉર્ફે રવલો બાઠીયો વિનોદભાઈ જેઠવા નામના શખ્સે સપ્લાય કર્યો હોવાથી પોલીસે તેને ફરારી જાહેર કરી શોધખોળ હાથ ધરી છે.સીટી એ ડિવીઝન પોલીસે કલમ- ૬૫ (એ) (એ), ૧૧૬(બી), ૮૧ મુજબ ગુનોં નોંધી વધુ તપાસ હાથ ધરી છે
દેશ દેવી ન્યુઝ જામનગર તા ૧૯ ડિસેમ્બર ૨૩, રાજકોટ રેન્જ ના આઈ.જી.શ્રી અશોક યાદવ નું જામનગર જિલ્લામાં વાર્ષિક ઇન્સ્પેક્શન ચાલી રહ્યું છે, અને તેઓનો ત્રણ દિવસનો જામનગરનો પ્રવાસ કાર્યક્રમ યોજાયો છે, ત્યારે આજે પોલીસ હેડ ક્વાર્ટર માં જામનગર જિલ્લાના પોલીસ અધિકારીઓની પરેડ યોજાઈ હતી, સાથો સાથ મોકડ્રીલ પણ યોજવામાં આવી હતી. જામનગર જિલ્લામાં રાજકોટ રેન્જ ના આઈ.જી. અશોક યાદવ દ્વારા વાર્ષિક ઇન્સ્પેક્શન કરવામાં આવી રહ્યું છે, અને તેઓનો ત્રણ દિવસનો જામનગરનો મુકામ રહ્યો છે. ત્યારે પોલીસ વિભાગ દ્વારા વિવિધ કાર્યક્રમો યોજાઇ રહ્યા છે.
જે અંતર્ગત આજે જામનગરના પોલીસ હેડ ક્વાર્ટર માં તમામ પોલીસ ઓફિસરોની પરેડ યોજાઇ હતી, જેમાં ઉપસ્થિત રેન્જ આઈ.જી. અશોક યાદવ તેમજ જિલ્લા પોલીસવડા પ્રેમસુખ ડેલુ દ્વારા સલામી જીલવામાં આવી હતી. જામનગર જિલ્લાના તમામ પોલીસ અધિકારીઓ એલસીબી એસઓજી સહિતનો સ્ટાફ વગેરે પરેડમાં જોડાયો હતો, સાથો સાથ પોલીસ હેડ ક્વાર્ટર માં મોકડ્રીલનું પણ આયોજન કરવામાં આવ્યું હતું.
દેશ દેવી ન્યુઝ જામનગર ૧૮ ડીસેમ્બર ૨૩, અખિલ ભારતીય આહીર મહારાસ સંગઠન દ્વારા દ્વારકા ખાતે ૨૪મી ડિસેમ્બરના રોજ મહારાસ,યોજાવા જઈ રહ્યો છે, અને ૩૭,૦૦૦ ઉપરાંત આહીરાણીઓ એક જ સમિયાણામાં પરંપરાગત વસ્ત્રો પરિધાન કરી રાસ રમશે. જે અંતર્ગત આજે જામનગરની આહીરાણીઓ દ્વારા જગવિખ્યાત ‘બાલાહનુમાન’ મંદિરે ભગવાનને મહારસ ની કંકોત્રી આપી, વિનવણી કરી હતી, અને તમારા વગરનો રાસ અધુરો લાગે, અમારી આગળ તમે, પાછળ અમે. આવો પધારો મહારસમાં..
આ કામગીરીના ભાગરૂપે કેદીઓને વર્ગીકૃત કરી બિનકુશળ, અર્ધકુશળ અને કુશળની યાદીમાં સમાવેશ કરવામાં આવેલ છે. જેમાં બિનકુશળ કેદીઓ માટે ૭૦ રૂપિયા., અર્ધકુશળ કેદીઓ માટે ૮૦ રૂપિયા.અને કુશળ કેદીઓ માટે ૧૦૦ રૂપિયા મુજબ માનદ વેતન ચૂકવવામાં આવતું હતું. જે રાજ્ય સરકારના માનવીય અભિગમ તથા અધિક પોલીસ મહાનિદેશકશ્રી ડૉ. કે. એલ. એન. રાવના અથાગ પ્રયત્નોથી સુધારો કરવામાં આવ્યો છે. જેમાં સુધારો કરી બિનકુશળ કેદીઓ માટે ૧૧૦ રૂપિયા., અર્ધકુશળ કેદીઓ માટે ૧૪૦- રૂપિયા, અને કુશળ કેદીઓ માટે ૧૭૦ રૂપિયા. કરવામાં આવ્યા છે.
જે બાબતે જામનગર જીલ્લા જેલ અધિક્ષક એમ. એન. જાડેજા દ્વારા અત્રેની જેલમાં કામ કરતા કેદીઓને જાણ કરીને તેઓને કરાયેલા વેતન વધારા બાબતે વાકેફ કરવામાં આવ્યા છે, અને કેદીઓને મોં મીઠુ કરાવીને અભિનંદન પાઠવ્યા હતા.
દેશ દેવી ન્યુઝ જામનગર તા.૧૫ ડિસેમ્બર ૨૩ રાજ્ય સરકારની આર્થિક મદદ થકી તમામ બાળકોનું ઉચ્ચ અભ્યાસ કરવા માટેનું સપનું સાકાર બન્યું છે. રાજ્યના છેવાડાના વિસ્તારના વિદ્યાર્થીઓ તેમની અથાક મહેનત અને પરિશ્રમ થકી વિવિધ ક્ષેત્રમાં અનેરી સિદ્ધિ હાંસલ કરી રહ્યા છે. ત્યારે રાજ્ય સરકાર દ્વારા વિદ્યાર્થીઓને સતત પ્રોત્સાહન અને માર્ગદર્શન પૂરું પાડવામાં આવી રહ્યું છે. મુખ્યમંત્રી યુવા સ્વાવલંબન યોજના (MYSY) એ એક શિષ્યવૃત્તિ યોજના છે. જેમાં ગુજરાતના આર્થિક રીતે નબળા વર્ગના વિદ્યાર્થીઓને શિષ્યવૃત્તિ આપવામાં આવે છે. જેથી તેઓ કોઈપણ પ્રકારના અવરોધ વિના તેમનો અભ્યાસ પૂર્ણ કરી શકે છે. ડિપ્લોમા કોર્સ, એન્જિનિયરિંગ, ફાર્મસી કોર્સ, મેડિકલ કોર્સ વગેરે જેવા ઉચ્ચ શિક્ષણ મેળવવા ઈચ્છતા તમામ વિદ્યાર્થીઓ દર વર્ષે MYSY શિષ્યવૃત્તિ માટે અરજી કરી શકે છે. 
જે વિદ્યાર્થીઓ ગુજરાત મેડિકલ એજ્યુકેશન રિસર્ચ સોસાયટી અને ડેન્ટલ કોર્સમાં જવા માંગે છે, તો તેઓને 5 વર્ષ માટે 10 લાખ રૂપિયાની નાણાકીય સહાય મળે છે. તમામ કેટેગરીના વિદ્યાર્થીઓને વયમાં 5 વર્ષની છૂટછાટ આપવામાં આવી છે. તેમજ જે વિદ્યાર્થીઓ સ્પર્ધાત્મક પરીક્ષાની તૈયારી કરવા માંગે છે, તો તેમને તાલીમ કેન્દ્રો હેઠળ તાલીમ આપવામાં આવશે. તેમજ બિન-અનામત કેટેગરીના વિદ્યાર્થીઓને પુસ્તકો અને સાધનસામગ્રી ખરીદવા માટે નાણાકીય મદદ મળશે. જામનગર જિલ્લાના લાલપુર તાલુકાના ઝાંખર ગામના ખેડુતપુત્ર અજયસિંહ વાઘેલાએ તેમના ગામમાં યુવાનો માટે નવી મિશાલ આપી છે. મોરના ઈંડાને ચીતરવા ના પડે તેમ અજયસિંહ બાળપણથી જ વિશેષ પ્રતિભા ધરાવતા હતા. 