જામનગરમાં બેડી ગેઇટ વિસ્તારમાં આવેલી એક હોટલમાં બાળમજૂરી કરી રહેલા બાળકને પોલીસે મુક્ત કરાવ્યો
- સગીરવય ના બાળક પાસે કામ કરાવનાર હોટલના સંચાલક સામે ગુનો નોંધી અટકાયત કરાઈ
દેશ દેવી ન્યૂઝ જામનગર તા ૯ એપ્રિલ ૨૪ જામનગરમાં બેડી ગેઇટ વિસ્તારમાં આવેલી એક ચા ની હોટલમાં સગીરવયનો બાળક કામ કરતા હોવાની બાતમીના આધારે પોલીસે દરોડો પાડયો હતો, અને બાળમજૂરી કરી રહેલા એક બાળકને મુક્ત કરાવ્યો છે, અને તેના વાલીને સોંપી દીધો છે. જ્યારે હોટલ સંચાલકની સામે ગુનો નોંધી તેની અટકાયત કરી લેવામાં આવી છે.
જામનગરના પોલીસ ના એ.એચ.ટી.યુ. વિભાગના પોલીસ ઇન્સ્પેકટર એન.ડી. સોલંકી અને તેમના સ્ટાફને ચોક્કસ માહિતી મળી હતી, કે જામનગરમાં બેડી ગેઇટ પાસે આવેલી હોટલ મનસુખ ભારથી નામની ચા ની હોટલમાં નાના બાળકને કામે રાખીને બાળમજૂરી કરાવી બાળકનું શારીરિક તેમજ આર્થિક શોષણ કરવામાં આવે છે. જે માહિતીના આધારે એ. એચ. ટી.યુ. ની પોલીસ ટીમે મોડી સાંજે દરોડો પાડયો હતો.
જે દરોડા દરમિયાન ૧૬ વર્ષથી નાની વયનો સગીર બાળક કામ કરી રહેલો મળી આવ્યો હતો. જેથી પોલીસ ટીમે બાળકના વાલીને સ્થળ પર બોલાવી લીધા હતા, અને તેનો કબજો વાલીને સોંપી દઇ ફરીથી બાળકને કામે નહીં મોકલવા સૂચન કર્યું હતું.ઉપરાંત હોટલના સંચાલક ગોગન ઉકાભાઈ બોસરિયા સામે જુવેનાઇલ જસ્ટિસ એક્ટ ૨૦૧૫ ની કલમ ૭૯ મુજબ કાર્યવાહી કરી તેની અટકાયત કરી લેવામાં આવી છે.
આ કામગીરી પોલીસ ઇન્સ્પેકટર એન.ડી. સોલંકી તેમજ સ્ટાફના એએસઆઈ રણમલભાઈ ગઢવી, રાજદિપસિંહ ઝાલા, કિરણબેન મેરાણી, અને ભાવનાબેન સાબડીયા વગેરે કરી હતી.
આ પ્રસંગે ૭૯-જામનગર દક્ષિણ વિધાનસભાના ધારાસભ્યશ્રી દિવ્યેશભાઇ અકબરી, ભાજપ શહેર અધ્યક્ષ ડો. વિમલભાઇ કગથરા, મેયરશ્રી વિનોદભાઇ ખીમસૂર્યા, શહેર મહામંત્રી પ્રકાશભાઇ બાંભણીયા, મેરામણભાઇ ભાટુ, ડે. મેયરશ્રીમતી ક્રિષ્નાબેન સોઢા, શાસકપક્ષ નેતાશ્રી આશીષભાઇ જોષી, દંડક કેતનભાઇ નાખવા, મહાનગરપાલિકાના સભ્યશ્રીઓ, પાર્થભાઇ કોટડીયા, પરાગભાઇ પટેલ, કેશુભાઇ માડમ , ધીરેનકુમાર મોનાણી તથા પૂર્વ સ્ટેન્ડીંગ કમિટી ચેરમેન અને સભ્ય મનિષભાઇ કટારીયા, ક્ષત્રિય અગ્રણી પ્રવિણસિંહ જાડેજા, જૈન સમાજના અગ્રણીઓ તથા પૂર્વ ચેમ્બર પ્રમુખ કિરીટભાઇ મહેતા તેમજ સંગઠનના હોદેદારો, મિત્ર વર્તુળ અને શુભેચ્છકો બહોળી સંખ્યામાં હાજર રહયા હતા.
