જામનગરમાં નદીપા વિસ્તારમાં મસ્કતી (આરબ) પરિવાર ના કાકા-ભત્રિજા વચ્ચે બબાલ સર્જાઈ
-
બન્ને જૂથ દ્વારા સામ સામે હુમલા અંગે પોલીસ ફરિયાદ નોંધાવાઈ: પોલીસ દ્વારા તપાસનો ધમધમાટ
દેશ દેવી ન્યૂઝ જામનગર તા ૨૧ મે ૨૪, જામનગર શહેરના નદીપા વિસ્તારમાં એક જ પરિવારના કાકા-ભત્રિજા ના પરિવાર વચ્ચે નજીવી બાબતે હથીયારો ખેંચાતાં ઇજા થવાથી કાકા બત્રીજા બંન્નેને લોહી લુહાણ હાલતમાં સરકારી જી.જી.હોસ્પિટલ ખાતે ખસેડવામાં આવ્યા હતા. જેમા ભત્રીજા જુનદબીન અબાઅહમદ મસ્કતી નામના યુવાનને પડખાના ભાગે છરીનો ધા ઝીંકાયો હતો. જ્યારે કાકા અમરબીન અબ્દુલરહેમાન મસ્કતીને માથાના ભાગે ગંભીર ઇજા પહોંચતા તાત્કાલિક જી.જી.હોસ્પિટલે ઓપરેશન રૂમમાં ખસેડાયા હતા.
આ બનાવ ની જાણ થતાં નદિપા વિસ્તારના લોકો જી.જી.હોસ્પિટલ ખાતે આવી પહોંચ્યા હતા, તેમજ સિટી-એ ડિવિઝનની પોલીસ ટુકડી પણ જી.જી. હોસ્પિટલ ખાતે દોડી ગઇ હતી, અને સમગ્ર બનાવ બાબતે ઊંડાણપૂર્વકની તપાસ હાથ ધરી છે.પોલીસ દ્વારા બંને પક્ષે સામ સામે હુમલાની ફરિયાદ નોંધી છે. જેમાં જુનેદ અહમદ મસ્કતી એ પોતાના ઉપર હુમલો કરવા અંગે અમરબીન અબ્દુલ રહેમાન મસ્કતી તેમજ રફીક અબ્દુલ રહેમાન સામે ફરિયાદ નોંધાવી છે.
જ્યારે સામા પક્ષે અમરબીન અબ્દુલ રહેમાન મસ્કતીએ પોતાના ઉપર હુમલો કરવા અંગે હુસેન અહેમદઝ ઈબ્રાહીમ અહેમદ, રાહીલ અહેમદ અને આરીફબિન અબ્દુલ રહેમાન સામે વળતી ફરિયાદ નોંધાવી છે. પોલીસ દ્વારા હાલ ઉપરોક્ત વિસ્તારમાં બંદોબસ્ત ગોઠવી દેવામાં આવ્યો છે.
રાજકોટ રેન્જના આઈ.જી. અશોકકુમાર યાદવ આજે જામનગરની મુલાકાતે આવ્યા હતા, ત્યારે જામનગરના એસ.પી. ની કચેરીમાં તેઓનું ગાર્ડ ઓફ ઓર્નર આપીને સ્વાગત કરવામાં આવ્યું હતું, તેમજ જામનગરના એસ.પી. પ્રેમસુખ ડેલુ તથા અન્ય અધિકારીઓ દ્વારા પુષ્પગુચ્છ આપીને સન્માન કરાયું હતું.
રાજકોટ રેન્જ ના આઈ.જી. અશોકકુમાર યાદવ દ્વારા જામનગરના પોલીસ હેડ ક્વાર્ટર તેમજ જામનગર ગ્રામ્ય વિભાગના પોલીસ ડિવિઝન ની મુલાકાત લેવામાં આવી હતી. તેઓ દ્વારા લોકસભાની ચૂંટણી દરમિયાન પ્રસંશનિય કામગીરી કરવા બદલ પોલીસ અધિકારીઓ તથા અન્ય કર્મચારીઓને સન્માનિત કરવામાં આવ્યા હતા.
જામનગરના એસ.પી. પ્રેમસુખ ડેલુને સૌપ્રથમ પ્રશસ્તિપત્ર આપીને સન્માનિત કરાયા હતા. ત્યારબાદ આઈજી. અશોક કુમાર યાદવ દ્વારા જામનગર ગ્રામ્યના ડી.વાય.એસ.પી. ઉપરાંત અલગ અલગ ડિવિઝનમાં ફરજ બજાવતા પી.એસ.આઇ, એ.એસ.આઈ., હથિયાર ધારી અને બિન હથિયારધારી પોલીસ હેડ કોન્સ્ટેબલ, કોન્સ્ટેબલ તેમજ મહિલા પોલીસ અધિકારી- કર્મચારીઓને પણ પ્રશસ્તીપત્ર આપીને સન્માનિત કરવામાં આવ્યા હતા.
જામનગર મહાનગરપાલિકા ના ફૂડ સેફ્ટી ઓફિસર દ્વારા અલગ અલગ વિસ્તારમાં માંથી કુલ ૬ ખાદ્ય પદાર્થ ના નમુના લઈ પરીક્ષણ અર્થે લેબોરેટરી આંણદ ખાતે મોકલવામાં આવ્યા. જેના પૃથ્થકરણ રીપોર્ટ આવ્યેથી ફૂડ સેફટી અંગે આગળની કાર્યવાહી કરવામાં આવશે. જેમાં કપીલ એજન્સી કિચન કીંગ મસાલા (એવરેસ્ટ બ્રાન્ડ) લાખોટા તળાવ પાસે, વાસુદેવ સ્ટોર ચણા મસાલા કે.વી રોડ, બાલાજી માર્કેટિંગ પનીર ટીક્કા મસાલા મિક્ષ્ (સુહાના બ્રાન્ડ) સ્વામિનારાયણ નગર , ઠક્કર સેલ્સ એજન્સી પાવભાજી મસાલા (બાદશાહ બ્રાન્ડ) ગ્રેઇન માર્કેટ, જેન્તીલાલ એન્ડ બ્રધર્સ- ધાણાજીરું પાવડર (હાથી બ્રાન્ડ) ગ્રેઇન માર્કેટ, મધુસુદન મસાલા લીમીટેડ મરચું પાવડર (ડબલ હાથી બ્રાન્ડ) હાપા વગેરેનો સમાવેશ થાય છે.
જામનગર મહાનગરપાલિકા ના એફ.એસ.ઓ.દ્વારા અલગ-અલગ વિસ્તાર મા આવેલાં ફાસ્ટફૂડ,હોટલ-રેસ્ટોરન્ટ, વગેરે સ્થળો એ રૂબરૂ ઇન્સપેક્શન દરમિયાન સાફ સફાઈ અને સ્વછતા જાળવવી,હાઇજેનિક કંડીશન મેન્ટેન કરવા,સમયસર પેસ્ટકંટ્રોલ કરાવી લેવા, પેઢીમાં કામ કરતાં કર્મચારી ના ફીટનેશ સર્ટીફિકેટ કરવા. તેમજ પ્રિન્ટેડ પસ્તી ન વાપરવા અંગે સુચના આપવામાં આવી હતી. જેમાં જય ભોલે રેસ્ટોરન્ટ નાગનાથ ગેઈટ ૧૦ કિલો મંચુરિયન, ૨ કિલો આટા, ૧ કિલો બોઈલ શાકભાજી , ૩ કિલો નૂડલ્સ , ૫ કિલો સોસનો નાશ કરાયો હતો.આ ઉપરાંત રાજુભાઈ ઢોસાવાલા મહાપ્રભુજી બેઠક રોડ ૫ કિલો મંચુરિયન,૩ કિલો ભાત , ૪ કિલો નૂડલ્સ , ૧ કિલો ડ્રેગન પોટેટો ,વાસી જણાતા નાશ કરાવાયો હતો. તેમજ મિથુનભાઈ તન્ના (ગૃહ ઉધોગ અટલ રેસીડેન્સી આવાસ (લાલવાડી ) દિ-૪ મા વેપાર રેસીડન્સી વિસ્તારમાંથી ઇન્ડસ્ટ્રીયલ એરિયા મા લઇ જવા નોટીશ અપાઈ હતીજ્યારે મહાવીર કુલ્ફી આઈસક્રીમ હરિયા સ્કુલ બાજુમાં સાફ સફાઈ અને સ્વછતાવ જાળવવી, હાઇજેનિક કંડીશન મેન્ટેન કરવા સૂચના અપાઈ હતી. હિતુલાલ રજવાડી હરિયા કોલેજ રોડ ને પણ જરૂરી સૂચના અપાઈ હતી.
જામનગર મહાનગરપાલિકા ના ફૂડ સેફ્ટી ઓફિસર દ્વારા શહેર ના પંચેશ્વર ટાવર નજીક આવેલ કિશોર રગડાવાલા અને મહાલક્ષ્મી ચોક મા આવેલ દીનું મારાજ ભેલવારા નામની પેઢી લાયસન્સ ન ધરાવતી હોવાથી ફૂડ નિયમ અનુસાર ફૂડ લાયસન્સ/રજીસ્ટ્રેશન મેળવવા નોટીશ પાઠવી તે અંગે તાકીદ કરવામાં આવી હતી.ઉનાળા ની સીઝન ને અનુલક્ષીને કેરી નું વેચાણ કરતાં વિક્રેતા ને ત્યાં રૂબરૂ ઈન્સ્પેકશન હાથ ધરવામાં આવ્યું હતું. જેમાં એડલ્ટન્ટ તરીકે વપરાતું કેલ્શિયમ કાર્બાઇડ કોઈ જગ્યા એ મળી આવેલું નથી. તેમજ તમામ ગોડાઉન માલિકો ને પરમીટેડ ઇથીલીન ના ઉપયોગ અંગે માહિતગાર કરવામાં આવ્યા તેમજ જરૂરી સાવચેતી રાખવા જણાવવામાં આવ્યું હતું.
જેમાં યુસુફભાઈ નુરમામદ( કેરી ગોડાઉન) મોચીસાર નો ઢાળીયો, અબ્દુલ રજાક મીરચી, યુસુફ ધાણીવારા સીદીક, યુસુફ હુસેન , યુનુસભાઈ ગની, અખ્તર લાકડાવારા- સુભાષ માર્કેટ, સાજીદ ટીટોડી, શાહિદબાબુ, સબ્બીર ખંભાળીયા વાળા, સલીમ મીરચી, સલીમ કેળાવારા , મહમદ ફારૂક, અયુબભાઇ, ઇકબાલ હાજી ગફાર- નંદીપા રોડ, અને અફજલ ટીડા નો સમાવેશ થાય છે.
અખંડ ભારતનું સપનું લઈ ને દેશના ટુકડા ન થવા દેવાના સાકાર સપના સાથે ૧૯ મે ૧૯૧૦ માં નથુરામ ગોડસેજીએ મહારાષ્ટ્રના પુણેના બારામતીમાં જન્મ લીધો હતો. રાષ્ટ્ર માટે કઈંક કરી છૂટવા ના લક્ષ્ય સાથે આગળ વધતા કટ્ટર હિન્દુવાદી અને દેશના મહાન પંડિત નથુરામ વિનાયક ગોડસે ના ગઈકાલે જન્મદિવસ નિમિત્તે હિન્દુ સેનાએ જામનગરમાં પોતાના કાર્યાલય ખાતે ગોડસેજીની પ્રતિમા ને ફુલહાર તેમજ આરતી કરી સૈનિકોમાં મીઠાઈઓ ખવડાવીને ઉમંગ અને ઉત્સાહથી જન્મ દિવસની ઉજવણી કરી સત સત નમન કર્યા હતા.
આ બનાવની વિગત એવી છે કે જામજોધપુર તાલુકાના વીરપર ગામમાં ગઈકાલે ગઢવી સમાજના વિરમ પરિવાર ના માતાજીના હવન સહિતનો ધાર્મિક પ્રસંગ યોજાયો હતો, જેમાં સૌરાષ્ટ્ર પંથકમાંથી વિરમ પરિવારના સભ્યોને આમંત્રણ અપાયું હતું, અને અનેક પરિવારો ઉપરોક્ત ધાર્મિક કાર્યક્રમમાં ઉપસ્થિત રહ્યા હતા. જે ધાર્મિક પ્રસંગ અને જમણવાર પૂરો થયા પછી જામજોધપુર અને જુનાગઢના બે વેવાઈ વેલા પરિવારો વચ્ચે ઝઘડો થયો હતો. જામજોધપુર તાલુકાના માલાવડા નેશ માં રહેતા અને માલધારી તેમજ ખેતીનો વ્યવસાય કરતા પાલાભાઈ સાજણભાઈ ટાપરિયા જેઓ પણ પોતાના પરિવાર સાથે ઉપરોક્ત ધાર્મિક પ્રસંગમાં હાજર રહ્યા હતા, જેના પુત્ર વીરાભાઈ પાલાભાઈ ટાપરીયા (૨૬) કે જેના લગ્ન જુનાગઢ જિલ્લાના વિસાવદર તાલુકાના લાલપુર ગામના માંડણભાઈ આલાભાઇ સાથે થયા હતા, જે પરિવાર પણ આ ધાર્મિક પ્રસંગમાં ઉપસ્થિત રહ્યો હતો, અને વીરાભાઈના ત્રણ સાળા અને સસરા હાજર રહ્યા હતા.
પાલાભાઈ ના પુત્ર વીરાભાઇ ના લગ્ન માંડણભાઈ ની પુત્રી હિરીબેન સાથે થયા પછી જે લગ્નની શરૂઆતમાં ત્રણ મહિના સુધી સંસાર બરોબર ચાલ્યો હતો, પરંતુ પતિ-પત્તિ પતિ વચ્ચે ઝગડો થતાં હીરીબેન તેના માવતરે ચાલી ગઈ હતી, અને તેણીએ પતિ અને સસરિયાઓ વિરુદ્ધ સ્ત્રી અત્યાચાર ધારા સહિતની કલમ હેઠળ ફરિયાદ નોંધાવી હતી. ત્યારથી બંને પરિવારો વચ્ચે ઝઘડા થયા હતા, અને મારામારીનો કેસ પણ નોંધાયો છે ત્યારથી બંને પરિવાર વચ્ચે મન દુઃખ ચાલી રહ્યું છે.દરમ્યાન ગઈકાલે ધાર્મિક પ્રસંગમાં સર્વે એકત્ર થતાં પાલાભાઈ ના પુત્ર વીરાભાઇ ટાપરિયાએ પોતાના સાળા નાથાભાઈ, રાજુભાઈ અને પુનાભાઈ તેમજ સસરા માંડણભાઈ પાસે જઈને સમાધાન કરી લેવા અને હીરીબેન ને પરત મોકલવાની વાત કરી હતી.દરમિયાન ઉપરોક્ત તમામ લોકો ઉસ્કેરાઈ ગયા હતા, અને તમે હીરીબેનને ત્રાસ આપો છો, તેમ કહી ઝઘડો કરી છરીવાડે હુમલો કરી દીધો હતો. પુનાભાઈ, નાથાભાઈ અને રાજુભાઈ વગેરેએ અને છરી અને ધોકાવાડે હુમલો કરી દેતાં વીરાભાઇ ટાપરિયાનું ગંભીર ઇજા થવાના કારણે સ્થળ પર જ મૃત્યુ નીપજ્યું હતું.
ત્યારે તેના પિતરાઈ ભાઈ માંડણ સામત ટાપરીયા ઉપર છરી અને ધોકા વડે હુમલો કરી દેતાં તેને ગંભીર ઇજા થઇ હતી.ત્યારે સામા પક્ષના પુના માંડણ વિરમ ને પણ મારામારીમાં ગંભીર ઈજા થઈ હતી. તેથી ૧૦૮ ની ટીમને સ્થળ પર બોલાવી હતી, અને તેઓને બંનેને સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા, અને બંને જૂથના એક એક વ્યક્તિ સારવાર હેઠળ છે. જયારે અન્ય એક વ્યક્તિને મારામારી માં સામાન્ય ઈજા થઈ હતી.આ બનાવ ની જાણ થતાં શેઠવડાળા અને લાલપુરની પોલીસ ટુકડી ઘટના સ્થળે તેમજ જામનગરની સરકારી જી.જી. હોસ્પિટલમાં દોડી ગઈ હતી. હત્યાના બનાવ અંગે પોલીસે મૃતક વીરાભાઇ ના પિતા પાલાભાઈ સાજણભાઈ ટાપરિયા ની ફરિયાદના આધારે વીરાભાઇના ત્રણ સાળા નાથાભાઈ માંડણભાઈ વિરમ, પુનાભાઈ માંડણભાઈ વિરમ અને રાજુ ઉર્ફે રાજો માંડણભાઈ વિરમ તથા સસરા માંડણભાઈ આલાભાઇ વિરમ સામે ફરિયાદ નોંધાવતાં પોલીસે ચારેય આરોપીઓ સામે પોલીસે આઇપીસી કલમ ૩૦૨,૩૦૭,૩૨૪,૧૧૪ તથા જીપીએકટ કલમ ૧૩૫-૧ મુજબ ગુનો થયો છે.
જે ફરિયાદમાં ઉપરોક્ત ચારેય શખ્સોએ પોતાના પુત્ર પુના માંડણભાઇ વિરમ ઉપર છરી વડે હુમલો કરી ગંભીર ઇજા પહોંચાડી હતી, તેમજ પોતાને લાકડી અને ધોકા વડે માર મારી ઈજા પહોંચાડ્યાની ફરિયાદ નોંધાવી છે. જે ફરિયાદના અનુસંધાને પી.એસ.આઈ. વી.એન. ગઢવીએ આઇપીસી કલમ ૩૨૬,૩૨૩,૧૧૪ તેમજ જી.પી.એક્ટ કલમ ૧૩૫-૧ મુજબ ગુનો નોંધ્યો છે.
