જામનગરના ૧૪૦૪ આવાસ ખાલી કરાવતા સમયે એક વ્યક્તિએ વિરોધ દર્શાવતાં પોલીસ દ્વારા અટકાયત કરાઇ
-
મહાનગરપાલિકાના તંત્ર દ્વારા મક્કમપણે ડિમોલેશન ની પ્રક્રિયા હાથ ધરાઈ : વિજ તંત્ર એ બે બિલ્ડિંગ ના વીજ જોડાણ કટ કર્યા
-
ગભરાયેલા યુવાનને ગાડી બેસાડતા અચાનક પોલીસવાન માંથી ભાંગી છુટતા ભારે દોડધામ
દેશ દેવી ન્યૂઝ જામનગર તા ૨૧ જૂન ૨૪, જામનગરમાં નગરપાલિકા દ્વારા ૧૪૦૪ આવાસમાં આજે બે બ્લોક ખાલી કરાવાયા હતા, જેમાં એક રહેવાસી વ્યક્તિ કે જેણે વિરોધ દર્શાવ્યો હતો, અને બ્લોકમાંથી બહાર નહીં નીકળતાં અને બફાટ કરતાં આખરે સીટી સી. ડિવિઝન પોલીસ દ્વારા તેની અટક કરી લેવામાં આવી હતી, અને તેને સીટી સી. ડિવિઝન પોલીસ મથકમાં લઈ જવાયો છે. જોકે તે નશા ભરેલી હાલતમાં હોવાનું પણ જાણવા મળી રહયું છે.
મહાનગરપાલિકા દ્વારા આજે બે બ્લોક ખાલી કરાવ્યા પછી પીજીવીસીએલ ની ટીમને બોલાવીને બંને બિલ્ડીંગના વિજ જોડાણ કટ કરાવી તેમાં લગાવેલા વીજ મિત્રો વગેરે ઉતરાવી લીધા છે, તેમજ મહાનગરપાલિકાની પાણીની પાઇપલાઇન ના કનેક્શન કટ કરી લેવાયા છે, અને સ્થાનિક રહેવાસીઓનો તમામ માલ સામાન કાઢાવી લેવાયો છે.બપોર બાદ મહાનગરપાલિકાના તંત્ર દ્વારા બંને બિલ્ડીંગમાં ડીમોલિશન હાથ ધરાયું હતું
દેશ દેવી ન્યૂઝ જામનગર તા ૨૧ જૂન ૨૪, જામનગરના ૧૪૦૪ આવાસ યોજનાના મકાનો અત્યંત જર્જરિત અને જોખમી હાલતમાં હોવાથી મહાનગરપાલિકા દ્વારા ગત વરસે જૂન-ર૦ર૩માં મકાનના રહેવાસીઓને આવાસ ખાલી કરી આપવા નોટીસ આપી હતી. તેમ છતાં આસામીઓએ મકાન ખાલી કર્યા ન હતા.
જેથી આજે સવારે જેએમસીની એસ્ટેટ શાખા તેમજ અન્ય શાખા દ્વારા જગ્યા કરાવવા માટે તેમજ જર્જરિત મકાનોના ડિમોલીશનની કામગીરી હાથ ધરવામાં આવી છે, અને બ્લોક નંબર ૭૨ અને & ૩ નંબરના બે બિલ્ડિંગ, કે જેમાં ૧૨-૧૨ ફ્લેટ આવેલા છે, તે પૈકીના ૨૪ ફલેટ આજે સૌ પ્રથમ ખાલી કરાવવા માટે કાર્યવાહી હાથ ધરવામાં આવી હતી.
જામનગર મહાનગરપાલિકાની એસ્ટેટ શાખાની ટીમની સાથે ભારે પોલીસ બંદોબસ્ત રાખવામાં આવ્યો હતો, અને કેટલાક સ્થાનિક નાગરિકો, કે જેઓ વિરોધ કરી રહ્યા હતા, તેઓને ભારે સમજાવટ પછી આજે સૌ પ્રથમ બે બ્લોક ખાલી કરાવવાની કાર્યવાહી હાથ ધરવામાં આવી હતી. જે બે બ્લોક ખાલી કરાવાયા તેમાં હાલ ૮ જેટલા રહેવાસીઓ વસવાટ કરતા હતા, તેઓના માલ સામાન ખાલી કરાવવા માટેની પ્રક્રિયા હાથ ધરાઈ હતી. જે પ્રક્રિયા દરમિયાન એક મહિલા બેશુદ્ધ બની હતી. તેને સારવાર માટે જામનગરની જી.જી. હોસ્પિટલમાં લઈ જવા માટેની કાર્યવાહી કરી હતી. જોકે તેણી હાલ સ્વસ્થ છે. માત્ર તડકો અને ગરમીની અસર થઈ હોવાનું જણાવ્યું હતું.
ત્યારબાદ દ્વારા અન્ય ફલેટ ખાલી કરાવવાની પ્રક્રિયા ચાલી રહી છે. હાલમાં સૌપ્રથમ બે અતિ જર્જરીત બ્લોક ખાલી કરાવાયા છે, અને આવતીકાલથી અતિ જર્જરીત હોય તેવા બ્લોક નું ડીમોલેશન શરૂ કરી દેવાશે. ઉપરાંત ધીમે ધીમે અન્ય બ્લોકમાં રહેવાસીઓ વસવાટ કરતા હશે, તેઓને પણ ક્રમશઃ ખાલી કરીને એવા જર્જરીત આવાસોમાંથી લોકોને દૂર કરવા માટેની તંત્રની કવાયત ચાલી રહી છે.
આ આવાસના રહેવાસીઓ મોટી સંખ્યામાં એકત્ર થઈ ગયા હતા, અને ડિમોલીશનનો ઉગ્ર વિરોધ દર્શાવ્યો હતો જેથી જામનગર મહાનગરપાલિકાની તમામ ટીમને પરત ફરવું પડ્યું હતું, અને આજે તમામ કામગીરી રોકી દેવામાં આવી હતી.
જામનગરની સરકારી હોસ્પિટલમાં તાજેતરમાં એક હત્યાનો બનાવ બન્યો હતો, ઉપરાંત અન્ય એક છરિબાજીનો બનાવ બન્યો હતો, જ્યારે હોસ્પિટલ પરિસરમાં વારંવાર તકરારની ઘટનાઓ પણ બનતી રહે છે, તેને લઈને જિલ્લા પોલીસ વડા પ્રેમસુખ ડેલુ દ્વારા ગઈકાલે રાત્રે હોસ્પિટલની ઓચિંતી મુલાકાત લેવામાં આવી હતી.
તેઓની સાથે શહેર વિભાગના ડીવાયએસપી જયવીરસિંહ ઝાલા તેમજ શહેરના ત્રણેય પોલીસ ડિવિઝન ના પી.આઈ. તેમના સ્ટાફ તથા એલસીબી અને એસ.ઓ.જી. ની ટુકડી સહિતની પોલીસ ટીમ દ્વારા જીજી હોસ્પિટલ પરિસરમાં ફૂટ પેટ્રોલિંગ કરાયું હતું.
ત્યારબાદ જિલ્લા પોલીસ વડા પ્રેમસુખ ડેલુ દ્વારા જી.જી. હોસ્પિટલની સિક્યુરિટી વિભાગની ટીમ નો સર્વે કર્યો હતો, અને તેઓના રજીસ્ટર વગેરે ચેક કર્યા હતા. તેમજ સિક્યુરિટી વિભાગની હાજરી વગેરેની સ્થળ પર જ સમીક્ષા કરી હતી.
આ ઉપરાંત તાજેતરમાં હત્યાની ઘટના બની હતી, તે સ્થળ પર અન્ય પોલીસ અધિકારીઓ સાથે પહોંચી જઈ તે સ્થળનું નિરીક્ષણ કર્યું હતું, અને સ્થાનિક કર્મચારીઓ વગેરેની પણ પૂછપરછ કરી હતી.આ કાર્યવાહી ને લઈને જી.જી. હોસ્પિટલના તંત્રમાં અને ખાસ કરીને સિક્યુરિટી વિભાગમાં ભારે દોડધામ મચી ગઈ હતી. હોસ્પિટલ માં સુરક્ષા વિભાગ લઈને એસ.પી. દ્વારા આ સમીક્ષા કરવામાં આવી હતી.
જામનગર શહેરમાં તળાવની પાળ ઉપર તેમજ ડીકેવી સર્કલ, પંચવટી સર્કલ સહિતના વિસ્તારમાંથી ગઈકાલે પાંચ ઘોડા ગાડીઓ કબજે કરી લીધી છે અને બેડેશ્વર વિસ્તારમાં આવેલા ઢોરના ડબ્બામાં મૂકી દેવાય છે આ ઉપરાંત શહેરમાં હજુ પણ ઘોડાગાડી વાળાઓનો ત્રાસ જોવા મળે તો તે અંગે સર્વે કરવામાં આવી રહ્યું છે.
