જામજોધપુરના સમાણા રોડ પર એક કાર ડિવાઇડર ના પોલ સાથે ટકરાઈને પલટી મારી જતાં કારચાલક અને તેની પત્ની તથા પુત્રી સહિત ત્રણને ઇજા
દેશ દેવી ન્યૂઝ જામનગર તા ૦૧ જૂલાઈ ૨૪, જામનગર જિલ્લાના જામજોધપુર નજીક સમાણા રોડ પાસે પર એક કાર ડિવાઈડરના પોલ સાથે ટકરાઈને પલટી મારી ગઈ હતી. જે અકસ્માતમાં કાર ચાલક તેમજ તેના પત્ની અને પુત્રી સહિત ત્રણેય ને ઇજા થઇ હોવાથી સારવાર માટે હોસ્પિટલમાં ખસેડાયા છે.
આ અકસ્માતના બનાવની વિગત એવી છે કે જામજોધપુર નજીક સમાણા રોડ પર રવિવારે બપોરે જીજે -૫ સી.જી. ૩૯૮૮ નંબરની અલ્ટો કાર અકસ્માતે ડિવાઇડર ના પોલ સાથે ટકરાઈ ગઈ હતી, અને પલટી મારીને રોડથી નીચે ઉતરી ગઈ હતી.
જે અકસ્માતમાં કારની અંદર જે બેઠેલા કારના ચાલક અને તેના પત્ની તથા પુત્રી સહિત ત્રણેયને ઇજાજ થઈ હોવાથી સારવાર માટે હોસ્પિટલમાં ખસેડવામાં આવ્યા છે.આ બનાવની જાણ થતાં જામજોધપુરનો પોલીસ કાફલો ઘટના સ્થળે દોડી ગયો હતો, અને અકસ્માત ના બનાવ અંગે વધુ તપાસ હાથ ધરી છે.
અંગ્રેજોના વખતના કાયદામાં સોમવારે, તા.૧ જુલાઇ,૨૦૨૪ થી ધરખમ ફેરફાર થવાં જઇ રહ્યા છે. જે ગુજરાત પોલીસ તંત્ર માટે ઐતિહાસિક દિવસ હશે. જેના અનુસંધાને જામનગરના સિટી-એ. ડિવિઝન પોલીસ સ્ટેશન ખાતે 
જામનગર-ખંભાળિયા માર્ગ પર નાઘેડી પાસે ગઈકાલે એસટી વિભાગના અધિકારી તથા સ્ટાફ દ્વારા કરવામાં આવી રહેલા સીઓ ચેકીંગ દરમિયાન ખાનગી ટ્રાવેલ્સના સંચાલક સાથે બોલાચાલી પછી એસ.ટીના અધિકારી પર હુમલો થયાની પોલીસમાં ફરિયાદ કરવામાં આવી છે.
તે ફરિયાદની સામે આજે જામનગર ટ્રાવેલ ઓપરેટર એસોસિએશન દ્વારા જિલ્લા કલેક્ટરને આવેદન પાઠવવામાં આવ્યું છે. જેમાં જણાવાયા મુજબ એસટીના અધિકારી રાદડીયા મહિના માં દસ દિવસ બહાર વખત ચેકીંગના બહાને ખાનગી ટ્રાવેલ્સની બસોને પોલીસ અથવા આરટીઓ પાસે ડીટેઈન કરાવે છે. સમગ્ર રાજ્યમાં ખાનગી ટ્રાવેલ્સની બસોમાં વર્ષાેથી મુસાફરો અવરજવર કરે છે તે મુજબ દર મહિને ખાનગી ટ્રાવેલ્સ સંચાલકો દ્વારા કરોડો રૂપિયા ટેક્સપેટે ચૂકવવામાં આવે છે.
આમ છતાં ખાનગી ટ્રાવેલ્સ સંચાલકોને પરેશાનીનો ભોગ બનવું પડી રહ્યું છે. પરમીટ રેગ્યુલર કરવા બાબતે કોઈ કાર્યવાહી થતી નથી અને પરમીટની શરતનો ભંગ બદલ ઓછામાં ઓછો રૂ. ૧૦ હજાર દંડ વસૂલવામાં આવે છે. દર અઠવાડિયે આવી રીતે દંડની રકમ ભરવામાં આવે તો ખાનગી ટ્રાવેલ્સ સંચાલકો આર્થિક રીતે પડી ભાંગે તેમ છે. તેથી પરમીટ રેગ્યુલર કરી આપવા પણ માગણી કરાઈ છે.
