જામનગર ચાંદીપુરા વાયરસ સંબંધે કેબિનેટ મંત્રીએ સમીક્ષા કરી અને 79 ના ધારાસભ્યએ મ્યું કમિશનર સાથે ની બેઠક યોજી

 દેશ દેવી ન્યૂઝ જામનગર તા ૧૮ જુલાઈ ૨૪, રાજ્યના કૃષિ, પશુપાલન, મત્સ્યોદ્યોગ, ગૌ સંવર્ધન, ગ્રામ ગૃહ નિર્માણ અને ગ્રામ વિકાસ વિભાગના કેબિનેટ મંત્રી રાઘવજીભાઈ પટેલના અધ્યક્ષસ્થાને જામનગરની ગુરુ ગોબિંદસિંહ સરકારી હોસ્પિટલ ખાતે ચાંદીપુરા વાઇરસને લઈને સમીક્ષા બેઠકનું આયોજન કરવામાં આવ્યું હતું. ચાંદીપુરા વાયરસ ગુજરાત ભરમાં હાહાકાર મચાવી રહ્યો છે, અને જામનગર જિલ્લાના ગ્રામ્ય વિસ્તારમાં પણ તેની એન્ટ્રી થઈ ગઈ છે, ત્યારે જામનગર શહેરમાં તેની તકેદારી રાખવા માટે જામનગર ના ધારાસભ્ય અને કમિશનર વગેરેની તાકીદ ની બેઠક યોજાઈ છે, અને જરૂરી આરોગ્ય વિષયક પગલાં ભરવા માટે સમીક્ષા થઈ છે.જામનગર ૭૯- દક્ષિણ વિધાનસભા વિસ્તારના ધારાસભ્ય દિવ્યેશભાઈ અકબરીની અધ્યક્ષતામાં આજે જામનગર મહાનગરપાલિકાની કચેરીમાં તાકીદની બેઠક મળી હતી, જેમાં મહાનગરપાલિકાના કમિશનર ડી.એન.મોદી ઉપરાંત ડેપ્યુટી મેયર ક્રિષ્નાબેન સોઢા, સ્ટેન્ડિંગ કમિટીના ચેરમેન નીલેશભાઈ કગથરા, શાસક જૂથના નેતા આશિષભાઈ જોશી, સિનિયર કોર્પોરેટર કેશુભાઈ માડમ વગેરે ઉપસ્થિત રહ્યા હતા, અને જામનગરના શહેરી વિસ્તારમાં પણ ચાંદીપુરા ના વાયરસ સંબંધી જરૂરી આરોગ્ય વિષયક પગલાં ભરવા માટેની તાકીદ ની ચર્ચા કરી હતી.

જામનગર શહેરમાં પોલીસ તંત્ર દ્વારા મહોરમના તહેવારમાં તાજીયાના ઝુલુસ દરમિયાન ડ્રોન કેમેરાની મદદથી બાઝ નજર રખાઇ

દેશ દેવી ન્યૂઝ  જામનગર તા ૧૮ જુલાઈ ૨૪, જામનગર શહેરમાં આજે મુસ્લિમ સમુદાય દ્વારા મહોરમના તહેવારની હર્ષોલ્લાસ સાથે ઉજવણી કરવામાં આવી હતી, અને વિશાળ સંખ્યામાં તાજીયાનુ ઝુલુસ નીકળ્યું હતું.જે કાર્યક્રમ દરમિયાન કાયદો અને વ્યવસ્થાની પરિસ્થિતિ જળવાયેલી રહે, તેના માટે પોલીસ તંત્ર દ્વારા ડ્રોન કેમેરાની મદદ થી પણ બાઝ નજર રાખવામાં આવી હતી.

જામનગર શહેરમાં ખાસ કરીને સીટી એ. ડિવિઝન પોલીસ સ્ટેશન હેઠળના વિસ્તારમાં તાજીયા નું ઝુલુસ નીકળે છે, અને શહેરના મુખ્ય માર્ગ ઉપર પરિભ્રમણ કરે છે. ત્યારે દરબારગઢ- ચાંદી બજાર સહિતના શહેરના મુખ્ય વિસ્તારોમાં પોલીસ તંત્ર દ્વારા ચુસ્ત પોલીસ બંદોબસ્ત રાખવાની સાથે સાથે ડ્રોન કેમેરાનો પણ ઉપયોગ કરવામાં આવ્યો હતો.

દરબારગઢ પોલીસ સ્ટેશન ની હદમાં પોલીસ વિભાગ દ્વારા લેપટોપ અને ડ્રોન કેમેરા ની મદદથી સમગ્ર તાજીયાના ઝુલુસ પર બાઝ નજર રાખવામાં આવી હતી.

જામનગર મહાનગર પાલિકાના સફાઈ કામદારો ના નીતિ વિષયક પ્રશ્ન નું નિરાકરણ લાવવા કમિશનર ને રજૂઆત

દેશ દેવી ન્યૂઝ જામનગર તા. ૧૮ જુલાઈ ૨૪, જામનગર મહાનગરપાલિકા ના સોલિડ વેસ્ટ વિભાગમાં ફરજ બજાવતા સફાઈ કામદારો નાં નીતિ વિષયક પ્રશ્નોનું નિરાકરણ લાવવા ની માગણી સાથે મ્યુનિસિપલ કમિશનર સમક્ષ રજૂઆત કરવામાં આવી છે.રાષ્ટ્રીય સફાઈ કર્મચારી મજદૂર યુનિયન ના અમિત પરમાર તથા મહેશ બાબરીયા ની આગેવાનીમાં સફાઈ કામદરો દ્વારા મ્યુનિસિપલ કમિશનર ને પઠવાયેલ આવેદનપત્રમાં રજૂઆત કરતા જણાવ્યું છે કે , બીટ માપણી મુજબ સફાઈ કામદાર ના સેટઅપ માં વધારો કરવો , વેઠ પ્રથા બંધ કરવી , બીમાર અને અશક્ત કર્મચારીના વારસદારને તેમજ મૃત્યુ ના કેસ માં રહેમરાહે વારસદાર ને નોકરી આપવી , મુકાદમ માટે સિનયોરિટી લીસ્ટ ને ધ્યાનમાં લેવું , જૂની પેન્શન પ્રથા અમલમાં લાવવી સાહિત ની માંગણી નો નિકાલ લાવવો જરૂરી છે.જો ૧૫ દિવસમાં આ પ્રશ્નનું નિરાકરણ લાવવામાં નહીં આવે તો સફાઈ કામગીરી બંધ કરી ને હડતાલ પાડવામાં આવશે. તેવી પણ ચીમકી આપવામાં આવી છે.

જામનગરમાં ફાટી નીકળેલા રોગચાળા ના મુદ્દે મહાનગર પાલિકા ની ઊંઘ ઉડાડવા કોંગ્રેસ દ્વારા ઢોલ વગાડી આવેદન પાઠવ્યું

દેશ દેવી ન્યૂઝ જામનગર તા. ૧૬ જુલાઈ ૨૪, જામનગર શહેર માં કોલેરા નો ઉપદ્રવ વધ્યો છે.ત્યારે મહાનગર પાલીકા ને કુંભકરણની નિદ્રા થી જગાડવા માટે આજે કોંગ્રેસ દ્વારા ઢોલ વગાડી વિરોધ પ્રદર્શન કરવામાં આવ્યા પછી કમિશનર ને આવેદન પત્ર પાઠવી રજુઆત કરવામાં આવી હતી.જામનગર શહેરમાં અત્યાર સુધીમાં ૧૦ જેટલા કોલેરાના કેસો નોંધાયા છે. ઉપરાંત તાવ, ઝાડા, ઉલટી ના અસંખ્ય કેસો ,જી.જી.હોસ્પિટલ અને ખાનગી હોસ્પિટલમાં નોંધાયેલ છે.અને જામનગર શહેરના તમામ વિસ્તારોમાં રોગચાળો અને કોલેરા પ્રસરી ગયેલ છે. ખાસ કરીને બેડી, નવાગામ ઘેડ, દરેડ, ખોજા નાકા વગેરે વિસ્તારમાં ભયંકર કોલેરા તથા રોગચાળો ફાટી નીકળેલ છે. અને જામનગર મહાનગરપાલિકા નું આરોગ્ય તંત્ર સાવ કુંભકરણની નિદ્રામાં સુતેલ છે.આરોગ્ય અધિકારી એ કોઇપણ વિસ્તાર ની મુલાકાત લીધેલ નથી. અને આ અંગે કોઈપણ કાર્યવાહી પણ કરતા નથી.જામનગર મહાનગરપાલિકા મુખ્ય મેડીકલ ઓફિસરની જગ્યા ખાલી છે.અને આવા આરોગ્ય ના અધિકારી પોતાની મન માની કરે છે. અને આવા અધિકારી ઓ શેહરી જનોના આરોગ્ય ખતરા માં મુકે છે. પરિણામે આ રોગચાળો ફાટી નીકળેલ છે. કોઈ નું મૃત્યુ થાય તો તેની માટે કોણ જવાબદાર રહેશે ?કોર્પોરેશન શા માટે પગલા લેતું નથી ? હાલ અસંખ્ય કોલેરા ના અને તાવ, ઝાડા,ઉલટી ના કેસો માં લોકો સપડાયા છે. અને જામ્યુકોના આરોગ્ય તંત્ર ગૌર નિંદ્રા માં છે.મચ્છર, માખીના ઉપદ્રવ વધી ગયા છે. કોઈ સફાઈ કરવામાં આવતી નથી.દવાનો છટકાવ કરવામાં આવતો નથી .આવી ગંદકી ને નિવારણ માટે કોઈ કાર્યવાહી કરવામાં આવતી નથી. જો સ્થિતિ મા સુધારો કરવામાં નહી આવે તો આગામી દિવસોમાં ક રોગચાળો ફાટી નીકળશે . આથી તાત્કાલિક ધોરણે અગમચેતી રૂપે જરૂરી કાર્યવાહી કરવી જોઈએ તેવી માંગણી સાથે આજે કોંગ્રેસ દ્વારા ઢોલ વગાડી ,કમિશનર ને આવેદન પાઠવ્યું હતું

આ વિરોધ પ્રદર્શન કાર્યક્રમમાં શહેર કોંગ્રેસ પ્રમુખ વિરેન્દ્રસિંહ (દિગુભા) જાડેજા , જામનગર મહાનગરપાલિકા ના વિપક્ષ ના નેતા ધવલ નંદા , કોર્પોરેટર અલ્તાફ ખફી, મહિલા કોંગ્રેસના પ્રમુખ રંજનબેન તેમજ કોંગ્રેસના કોર્પોરેટર રચના નંદાણીયા અને કાર્યકર્તાઓ જોડાયા હતા.

જામનગરના એક વીજ ગ્રાહક દ્વારા સ્માર્ટ રીતે વિજ ચોરી કરવામાં આવતી હોવાનું લેબોરેટરીમાં ચેકિંગ દરમિયાન ધ્યાનમાં આવ્યું

• ગ્રાહક દ્વારા વિજ મીટરમાં ચેડાં કરી વીજ ચોરી કરાતી હોવાનું સામે આવ્યા પછી એક લાખનું પુરવણી બિલ અપાયું

દેશ દેવી ન્યુઝ જામનગર તા ૧૬ જુલાઈ ૨૪, જામનગર પી.જી.વી.સી.એલ. ની લેબોરેટરી માં ગઈકાલે એક વિજ ગ્રાહક ના વિજ મીટર માં ચેર્કિંગ દરમિયાન સ્માર્ટ રીતે કારીગીરી કરી ને અનોખી રીતે વીજ ચોરી પકડાઈ છે, અને તે વીજ ગ્રાહકને રૂપિયા એક લાખથી વધુનું પુરવણી બિલ અપાયું છે.

ક્રિકેટ બંગલો શેરી નંબર ૩ માં  સિલ્વર નેસ્ટ એ ૫૦૧ નંબર ના ફ્લેટ માં શંકા નાં આધારે પી.જી.વી.સી.એલ. દ્વારા વીજ મીટર બદલાવવામાં આવ્યું હતું. અને જૂનું મીટર વીજ તપાસણી કરવા માટે લેબોરેટરી માં મોકલવામાં આવેલ હતું. જ્યાં ગઈકાલે આ મીટર નું પરીક્ષણ સેન્ટ્રલ ઝોન પેટા વિભાગ દ્વારા લેબોરેટરી અધિકારી સાથે રહી તપાસણી કરવામાં આવી હતી. જેમાં મીટર બોડી પાછળ નાનો ચોરસ કટકો કાપીને અંદરની મીટર સર્કિટ સાથે એક વધારાનો રજિસ્ટન્સ જોડેલો હતો. અને નરી આંખે જોઈ નાં શકાય તેવી સ્માર્ટ રીતે ફરીથી મીટર બોડી સાથે ચિપકાવી દીધેલું હતું.

આ બાહ્ય રઝિસ્ટન્સ ની મદદ થી વીજ મીટર માં નોંધાતો પાવર અટકાવી સ્માર્ટ રીતે વીજ ચોરી થતી હોવાનું માલુમ પડયું હતું. જેથી વીજ ચોરી બદલ સેન્ટ્રલ ઝોન પેટા વિભાગના નાયબ ઇજનેર અજય પરમાર દ્વારા વીજ અધિનિયમ ૨૦૦૩ ની કલમ ૧૩૫ હેઠળ કાર્યવાહી કરી વિજ પોલીસ મથકે એફ.આઈ.આર. નોંધવાની કામગીરી હાથ ધરવામાં આવી હતી. અને કચેરી દ્વારા રૂ. ૧,૦૧, ૩૬૮ નું પુરવણી બિલ ઇસ્યુ કરવામાં આવ્યું હતું. જેથી વીજ ચોરો માં ફફડાટ મચી ગયો છે.

જામનગરમાં કાલાવડનાકા બહાર યુવક ઉપર જૂની અદાવતના કારણે ચાર શખ્સો દ્વારા તીક્ષન હથિયાર વડે હુમલો

• તલવાર -પાઇપ -ધોકા-લોખંડ નાં સળિયા જેવા હથિયારો વડે ચારેય શખ્સો તૂટી પડ્યા

દેશ દેવી નયૂઝ જામનગર તા ૧૫ જુલાઈ ૨૪, જામનગરમાં કાલાવડ ના બહાર મજૂરી કામ કરી રહેલા યુવાન ઉપર તેની પડોશ માં રહેતા ચાર શખ્સો એ તલવાર , ધોકા,પાઇપ વડે હુમલો કર્યો હતો. આથી ઈજા પામનાર યુવાન ને સારવાર માટે જી.જી. હોસ્પિટલ માં ખસેડવામાં આવ્યો છે. આ.બનાવ અંગે ઇજાગ્રસ્ત યુવાન ની ફરિયાદના આધારે પોલીસે ચાર શખ્સો સામે ગુનો નોંધી તપાસ હાથ ધરી છે.

જામનગર માં અંધ આશ્રમ આવાસ મા રહેતાં જીતુભા વક્તાજી જાડેજા નામનો ૩૦ વર્ષનો યુવાન ગઈકાલે સવારે કાલાવડ નાકા પાસે નાં સનસીટી સોસાયટી વિસ્તારમા ચાલતા રોડ ના કામ માં મજૂરી કામે ગયો હતો. ત્યાર તેના પડોશમાં રહેતા દીપુડો ઉર્ફે પોચો, કુલદીપ ઉર્ફે કુલી પરમાર , લાલો પરમાર અને એક અજાણ્યો શખ્સ એમ કુલ ચારેય શખ્સો બે બાઈક માં ત્યાં પહોંચ્યા હતા. અને તલવાર ,પાઇપ ,લાકડા ના ધોકા અને લોખંડના સળિયા વડે જીતુભા જાડેજા ઉપર હિંચકારો હુમલો કર્યો હતો. આ પછી આરોપીઓ નાશી ગયા હતા.

જ્યારે જીતુભા જાડેજા ને સારવાર માટે જી.જી. હોસ્પિટલમાં ખસેડવામાં આવ્યો હતો .જ્યાં તેણે પોતાના ઉપર હુમલો કરવા અંગે ચારેય આરોપીઓ સામે પોલીસ માં ફરિયાદ નોંધાવી હતી. જૂની અદાવત ના કારણે આ હુમલો થયાનું પોલીસમાં જાહેર થયું છે. જ્યારે પોલીસે આ બનાવ અંગે ગુનો નોંધી તપાસ હાથ ધરી છે. અને નાસી છૂટેલા ચારેય હુમલાખોર આરોપીઓની શોધ ખોળ હાથ ધરી છે.

લાલપુર તાલુકાના નવી વેરાવળ ગામમાં ઝેરોક્ષ ની દુકાન ચલાવતા વેપારીનો અગમ્ય કારણોસર ઝેરી દવા પી લઇ આપઘાત

દેશ દેવી ન્યુઝ જામનગર તા ૧૫ જુલાઈ ૨૪  જામનગર જિલ્લાના લાલપુર તાલુકાના નવી વેરાવળ ગામમાં રહેતા અને કોમ્પ્યુટર-ઝેરોક્ષ ની દુકાન ચલાવતા એક વેપારીએ કોઈ અગમ્ય કારણોસર ઝેરી દવા પી લઈ આત્મહત્યા કરી લીધી છે. જે મામલે પોલીસ તપાસ ચલાવે છે.

આ બનાવની વિગત એવી છે કે લાલપુર તાલુકાના નવી વેરાવળ ગામમાં રહેતા અને કોમ્પ્યુટર તેમજ ઝેરોક્ષ ની દુકાન ચલાવતા ચંદ્રેશભાઇ જેતશીભાઈ ગાગીયા નામના ૩૨ વર્ષના આહીર જ્ઞાતિના વેપારી યુવાને ગઈકાલે પોતાના ઘેર ઝેરી દવા પી લઈ આત્મહત્યાનો પ્રયાસ કરતાં તેને બેશુદ્ધ અવસ્થામાં સારવાર માટે સરકારી હોસ્પિટલમાં ખસેડવામાં આવ્યા હતાઝ જ્યાં ફરજ પરના તબીબે તેનું મૃત્યુ નિપજ્યું હોવાનું જાહેર કરવામાં આવ્યું હતું.

આ બનાવ અંગે મૃતકના મોટાભાઈ અરજણભાઈ જેતશીભાઈ ગાગિયાએ પોલીસને જાણ કરતાં લાલપુરના પોલીસ હેડ કોન્સ્ટેબલ એ.એમ. જાડેજા ઘટના સ્થળે તેમજ હોસ્પિટલે દોડી ગયા હતા, અને વેપારીના મૃતદેહનો કબજો સંભાળી પોસ્ટ મોર્ટમ કરાવ્યું છે, જ્યારે તેઓએ કયા સંજોગોમાં આત્મહત્યાનું પગલું ભરી લીધું છે, તે જાણવા માટે ઊંડાણપૂર્વક ની તપાસ શરૂ કરી છે.

જામનગર જિલ્લા નાં ધ્રોલ નજીક નાં સોયલ ટોલ નાકે ત્રણ યુવાનો ઉપર તલવાર અને પાઇપ વડે જીવલેણ હુમલો

• રાજકોટ ના વતની એવા ૧૦ થી ૧૨ શખ્સોએ સમાધાન માટે ટોલનાકે બોલાવ્યા પછી જીવલેણ હુમલો કર્યો

દેશ દેવી ન્યુઝ જામનગર તા.૧૪ જુલાઈ ૨૪, જામનગર ના યુવાન ને સમાધાન માટે ધ્રોલ તાલુકાના સોયલ ટોલ નાકે મોડી રાત્રે બોલાવ્યા પછી દસ થી બાર શખ્સો એ પૂર્વયોજિત કાવતરું કરી ને એક યુવાન અને તેના બે મિત્રો ઉપર તિક્ષણ હથિયારો વડે જીવલેણ હુમલો કર્યો હતો. તેમજ એક યુવાન ઉપર ગાડી ચડાવી દઈ કચડી નાખવા નો પ્રયાસ કરવામાં આવ્યો હતો. આ બનાવમાં ઈજાગ્રસ્ત ત્રણેય યુવાનો ને સારવાર માટે હોસ્પિટલ માં ખસેડવામાં આવ્યા છે. જ્યાં પોલીસમાં ફરિયાદ નોંધાવતાં ધ્રોળ પોલીસે કાવતરું ઘડવા અને હત્યા પ્રયાસ ની કલમ મુજબ ગુનો નોંધી તપાસ શરૂ કરી છે.

આ બનાવ અંગે વિગત એવી છે કે જામનગર ના રામેશ્વર નગર માટેલ ચોક વિસ્તારમાં રહેતા અને ફાઇનાન્સ નું કામ કરતા દિવ્યરાજસિંહ ઉર્ફે દિવુભા મહેન્દ્રસિંહ જેઠવા ના માસીયાઇ ભાઈ ની દીકરી ને આરોપી મયુરસિંહ ( રાજકોટ ) પરેશાન કરતો હતો, અને ગત રાત્રે મોટા માંઢા ગામે તેની દીકરીને ઉપાડવા માટે પણ ગાડી લઈને પહોંચ્યો હતો.

આ બનાવ અંગેની જાણ થતાં જ દિવ્યરાજસિંહ દ્વારા આરોપી નાં સાગરીત ને ફોન કરવામાં આવતાં સમાધાન માટે ધ્રોલ નજીક ના સોયલ ટોલ નાકે આવી જવા જણાવ્યું હતું. આથી ગત મોડી રાત્રે ફરિયાદી દિવ્યરાજસિંહ જેઠવા પોતાના મિત્ર ધનરાજસિંહ નવલસિંહ પરમાર , જીતેન્દ્રસિંહ રાયજાદા અને કરણ પોપટ ને લઈ ને સોયલ ટોલ નાકે પહોંચ્યા હતા. ત્યારે રાજકોટ તરફથી ચાર અલગ અલગ મોટરકારમાં આવેલા વિક્રમસિંહ રાણા , મયુરસિંહ રાણા સાહિત નાં ૧૦ થી ૧૨ શખ્સો એ તલવાર , પાઇપ વડે દિવ્યરાજસિંહ જેઠવા , અને તેના મિત્ર ધનરાજસિંહ અને જીતેન્દ્રસિંહ રાયજાદા ઉપર હુમલો કર્યો હતો. જેમાં દિવ્યરાજસિંહ ને અને ધનરાજસિંહ ને માથામાં તલવાર મારવામાં આવી હતી, જ્યારે જીતેન્દ્રસિંહ ને પાઇપ વડે માર મારવામાં આવ્યો હતો. આ ઉપરાંત દિવ્યરાજ સિંહ જેઠવા નીચે પડી જતાં તેના બંને પગ ઉપર મોટરકાર ચઢાવી દેવામાં આવી હતી. આ પછી લોકો ત્યાં એકઠા થઇજતાં તમામ આરોપીઓ પોતાના વાહન માં રાજકોટ તરફ નાસી ગયા હતા.

આ બનાવ માં ઇજાગ્રસ્ત ત્રણેય ને સારવાર માટે હોસ્પિટલ માં લઈ જવા હતાં .જ્યાં દિવ્યરાજસિંહ જેઠવા એ પોલીસ મા ફરિયાદ નોંધાવતાં ધ્રોળ પોલીસે હત્યા પ્રયાસ કાવતરું વગેરે જુદી જુદી કલમ મુજબ ગુનો નોંધ્યો છે .જેની તપાસ પો સબ. ઇન્સ.પી જી.પનારા ચલાવી રહ્યા છે.

જામનગરની પરણીતાને વાંકાનેરમાં રહેતા દહેજ ભૂખ્યા સાસરીયાઓ નો સિતમ

• દહેજ ની માંગણી કરી સગીર પુત્રી સાથે પહેરેલા કપડે ઘરમાંથી હાંકી કાઢ્યાની ફરિયાદ

દેશ દેવી ન્યૂઝ જામનગર તા ૧૫ જુલાઈ ૨૪, જામનગર ના ગુલાબ નગર વિસ્તારમાં રહેતી એક પરણીતાને વાંકાનેરમાં રહેતા તેણીના દહેજ ભૂખ્યા સાસરીયાઓએ મારકુટ કરી ત્રાસ ગુજારી મવતરેથી પૈસા લઈ આવવાની માંગણી કરી સગીર પુત્રી સાથે ઘરમાંથી હાંકી કાઢ્યાની ફરિયાદ પોલીસમાં નોંધાવાઇ છે.

આફરિયાદ ની વિગત એવી છે કે જામનગરના ગુલાબનગર વિસ્તારમાં રહેતી અને વાંકાનેર પરણાવેલી જેન્શીબેન ધવલવન ગોસ્વામી નામની ૨૩ વર્ષની બાવાજી જ્ઞાતિ ની પરિણીતાએ પોતાને તથા પોતાની માસુમ પુત્રી રુદ્રીને મારકુટ કરી ત્રાસ ગુજારી માવતરેથી પૈસા લઈ આવવાની માંગણી સાથે પહેરેલા કપડે ઘરમાંથી હાંકી કાઢવા અંગે પોતાના સાસરીયાઓ સામે ફરિયાદ નોંધાવી છે.

જામનગરના મહિલા પોલીસ સ્ટેશનના સ્ટાફે જેન્સીબેનની ફરિયાદના આધારે તેણીના પતિ ધવલવન રાજેશવન ગોસ્વામી, સાસુ રીટાબેન રાજેશભાઈ ગોસ્વામી તેમજ સસરા રાજેશવન ન્યાલવન ગોસ્વામી સામે સ્ત્રી હત્યાચાર ધારા તેમજ દહેજ પ્રતિબંધક ધારા હેઠળની કલમ મુજબ ગુનો નોંધી તપાસનો દોર વાંકાનેર સુધી લંબાવ્યો છે.

દિવ દમણથી માતબર ઇંગ્લિશ દારૂનો જથ્થો આયાત કરીને જામજોધપુરના સખપર ગામમાં ઉતારવામાં આવ્યાની બાતમી પરથી પોલીસનો દરોડો

• ૧૧૪૦ નંગ દારૂની બાટલી તથા અન્ય મુદ્દામાં સહિત પોણા છ લાખની માલમતા સાથે પોરબંદરના એક બુટલેગરની અટકાયત

• મકાન માલિક તથા તેના અન્ય બે ભાઈઓ ભાગી છૂટ્યા હોવાથી પોલીસે ફરારી જાહેર કર્યા

દેશ દેવી ન્યૂઝ જામનગર તા ૧૩ જાન્યુઆરી ૨૪, જામનગર જિલ્લાના જામજોધપુર તાલુકા ના જામસખપર ગામમાં રહેતા એક રબારી શખ્સ ના રહેણાંક મકાનમાં દીવ દમણ થી ઇંગ્લીશ દારૂની બાટલીનો માતબર જથ્થો આયાત કરાયો હોવાની બાતમીના આધારે જામજોધપુર પોલીસે ગઈ રાત્રે દરોડો પાડ્યો હતો. જે દરોડા દરમિયાન મકાનમાં ઇંગ્લિશ દારૂની હેરાફેરી કરી રહેલો પોરબંદરના રાણાવાવનો ભુરાભાઈ પાંચાભાઇ કરમટા પકડાયો હતો. પોલીસે તેની અટકાયત કરી લઇ મકાનમાંથી પાંચ લાખ સિત્તેર હજારની કિંમતની ૧૧૪૦ ના ઇંગ્લિશ દારૂની બાટલીઓનો માતબર જથ્થો કબજે કરી લીધો હતો.

પોલીસની પૂછપરછ દરમિયાન ઉપરોક્ત દારૂ આયાત કરવામાં મકાન માલિક ભાવેશ નારણભાઈ મોરી તેમજ તેના અન્ય બે ભાઈઓ સુરેશ નારણભાઈ મોરી ને રાજુ નારણભાઈ મોરી કે જેઓ પણ સંડોવાયેલા હોવાથી પોલીસે ત્રણેય ભાઈઓને ફરારી જાહેર કર્યા છે, અને શોધખોળ હાથ કરી છે.