જામનગરના ૭૨ વર્ષીય વૃદ્ધા નડિયાદમાં ગોલ્ડમેડલ જીત્યા
દેશ દેવી ન્યુઝ જામનગર તા ૧૨ સપ્ટેમ્બર, ૨૪ જામનગરના ૭૨ વર્ષીય વૃદ્ધાએ રમત ગમત ક્ષેત્રે અનોખી સિદ્ધિ મેળવી છે. તાજેતરમાં જ ૭,૮ સપ્ટેમ્બર ના રોજ નડિયાદ ખાતે યોજાયેલ માસ્ટર એટલાન્ટિક સ્પર્ધામાં ૩૫ થી ૯૦ વર્ષની વય મર્યાદામાં ગુજરાત રાજ્યમાંથી ઉમટી પડેલા અલગ અલગ ખેલાડીઓએ ભાગ લીધો હતો.
જેમાં જામનગરના સ્વામી વિવેકાનંદ ક્રેડિટ કો ઓપરેટિવ સોસાયટી લિમિટેડના મેનેજિંગ ડાયરેક્ટર રવિન્દ્રભાઈ જેન્તીભાઈ દુધાગરા ના માતા લાભુબેન જયંતીભાઈ દુધાગરાએ ૭૨ વર્ષની વયે ૫,૦૦૦ મીટર દોડ, ૧૫૦૦ મીટર દોડ અને ૮૦૦ મીટર દોડમાં ભાગ લઈ ઉત્કૃષ્ટ દેખાવ કરી ગોલ્ડ મેડલ મેળવ્યો છે ત્યારે જામનગરનું નામ રોશન કર્યું છે સાથે સાથે દુધાગરા પરિવારનું પણ નામ રોશન કરતા લાભુબેન આજની યુવા પેઢી માટે પણ કસરત, યોગ કરી તંદુરસ્ત રહેવા સિદ્ધિ હાસલ કરી પ્રેરણા આપી રહ્યા છે.
દેશ દેવી ન્યૂઝ જામનગર તા ૧૧ સપ્ટેમ્બર ૨૪, જામનગરમાં આગામી દિવસોમાં ભગવાન ગણેશજી ની મૂર્તિ વિસર્જનના તહેવાર અને ઇદે મિલાદ ના તહેવારો બન્ને એકસાથે આવી રહ્યા છે.ત્યારે આજે જામનગરના દરબારગઢ સર્કલમાં જિલ્લા પોલીસ વડા પ્રેમસુખ ડેલુ ની અધ્યક્ષતા મા શાંતિ સમિતિ ની બેઠક યોજાઈ હતી.
જેમાં હિન્દુ સમાજ તરફથી મહાદેવ હર મિત્ર મંડળ ના પ્રમુખ રાજુભાઈ વ્યાસ (મહાદેવ), સ્ટેન્ડિંગ કમિટીના પૂર્વ ચેરમેન મનીષભાઈ કટારીયા, શહેર ભાજપના અગ્રણી જીગરભાઈ રાવલ, ઉપરાંત પ્રજવલભાઈ વગેરે તેમજ મુસ્લિમ સમાજ નાં અગ્રણી જુમાભાઈ ખફી, સહારા બેન મકવાણા ઉપરાંત બંને સમાજ નાં અન્ય આગેવાનો ,સ્થાનિકો બહોળી સંખ્યામાં મા ઉપસ્થીત રહ્યા હતા.જિલ્લા પોલીસ વડા એ તમામ ને શાંતિ પૂર્વક પોતાના તહેવારો ઉજવવા અપીલ કરી હતી.જેનો તમામ અગ્રણીઓ તરફથી હકારત્મક પ્રતિભાવ મળ્યો હતો.
કાર્યક્રમની શરૂઆતમાં જિલ્લા પોલીસવડા તેમજ સીટી ડિ.વાય.એસ.પી. સહિતના પોલીસ અધિકારીઓનું હિંદુ અને મુસ્લિમ સમાજના અગ્રણીઓ દ્વારા સ્વાગત અને અભિવાદન કરવામાં આવ્યું હતું. આવેળાએ સીટી એ. ડિવિઝનનો અન્ય પોલીસ કાફલો પણ ઉપસ્થિત રહ્યો હતો.
