જોડીયા તાલુકાના આણદા ગામમાં દૂધના પૈસાની લેતી દેતી ના મામલે બે ખેડૂત બંધુઓ પર હુમલો

• જોડિયા પોલીસે હુમલો કરનાર બંને ભરવાડ ભાઈઓને તુરંત ઝડપી લીધા

દેશ દેવી ન્યુઝ જામનગર તા ૧૫, સપ્ટેમ્બર ૨૪ જામનગર જિલ્લાના જોડિયા તાલુકાના આણદા ગામમાં રહેતા બે ખેડૂત બંધુઓ ઉપર પૈસાની લેતી દેતી ના મામલે બે ભરવાડ શખ્સોએ હુમલો કરી દીધો હતો, અને લોહી લુહાણ કર્યા હતા. જે હુમલાખોર ભાઈઓને જોડીયા પોલીસે તુરંત ઝડપી લીધા છે.

જામનગર જિલ્લાના જોડિયા તાલુકાના આણદા ગામમાં રહેતા અને ખેતી કામ કરતા દીપુભા લખુભા પરમાર નામના ૫૮ વર્ષના ખેડૂતે પોતાના માથા ભાગે હાથમાં પહેરવાના કડા વડે હુમલો કરી લોહી લુહાણ કરી નાખવા અંગે તે જ ગામમાં રહેતા મયુરભાઈ મોમભાઈ ઝપડા અને તેના ભાઈ કાનાભાઈ મોમભાઈ ઝાપડા સામે ફરિયાદ નોંધાવી છે.

પોતાને બચાવવા માટે વચ્ચે પડેલા પોતાના નાનાભાઈ કનુભાને પણ આરોપીએ માર માર્યાનું પોલીસ ફરિયાદમાં જણાવાયું છે. આ બનાવ અંગે જોડીયા ના પોલીસ હેડ કોન્સ્ટેબલ એન.એમ. ભીમાણીએ ગુનો નોંધી બંને આરોપી બંધુઓને તુરંત ઝડપી લીધા હતા.

ફરિયાદી ખેડૂત બંધૂઓએ આરોપી પાસેથી દૂધ વેચાતું લીધું હતું, જેના ૧૪ દિવસના હિસાબની લેતી દેતી ના મામલે ઝઘડો થયા પછી આ હુમલો કરી દેવાયાનું પોલીસમાં જાહેર થયું છે.

જામનગર માં નિવૃત્ત પોલીસ કર્મીના ભાઈ વિરૃદ્ધ  કલેકટર દ્વારા લેન્ડ ગ્રેબિંગનો ગુન્હો દાખલ કરવા ફરવામાં આવેલ હુકમના આધારે નોંધાયેલ ગુન્હામાં આગોતરા જમીન મંજૂર કરતી : સ્પેશિયલ કોર્ટે

• યુવા ધારાશાસ્ત્રી શિવરાજસિંહ બી. રાઠોરની ધારદાર દલીલો કોર્ટે ગ્રાહ્ય રાખી આગોતરા જામીન અરજી મંજૂર કરી

• કોર્ટમાં જામ્યો ખાનુની જંગ બચાવ પક્ષ ની દલીલો ગ્રાહ્મ રાખતી કોર્ટ

દેશ દેવી ન્યુઝ જામનગર તા.૧૪ સપ્ટેમ્બર ૨૪ જામનગર ના એક વતની એ જીલ્લા કલેક્ટર ને પોતાની ખેતીની જમીનની જગ્યા ના ગાડા માર્ગ પાસે આવતા શેઢા પર ગેરકાયદેસર દબાણ કર્યા ની જેશંગભાઈ ગોવિંદભાઈ મિયાત્રા નામના વ્યકિત વિરુદ્ધ ૬ માસ પહેલા લેન્ડ ગ્રેબીંગનો ગુન્હો જામ. પંચ-A ડીવી પોલીસ સ્ટેશન મા લેન્ડ ગ્રેબ્બિંગ ની કલમ 4(3),5(C), હેઠળ ગુન્હો દાખલ કરવામાં આવેલ હતો બાદ ઉચ્ચ અધિકારી ને તપાસ સોંપવામાં આવેલ હતી. જે ગુન્હા ના કામે જેશંગભાઈ મિયાત્રા દ્વારા પોતાના વકીલ શિવરાજસિંહ બી. રાઠોર મારફત કરવામાં આવેલ આગોતરા જામીન અરજી ચાલી જતાં બંને પક્ષ ની દલીલના અંતે બચાવ પક્ષ ની દલીલો ગ્રાહ્ય રાખી આગોતરા જામીન મુક્ત કરવા નામદાર કોર્ટ દ્વારા હુકમ ફરમાવવામાં આવેલ છે.આ કામે ( SSV ) UNITY LAW FIRM ના યુવા ધારાશાસ્ત્રી શિવરાજસિંહ બી. રાઠોર , સનિલ એસ. ખાંભલા , વિશાલ એસ. ખીમાણીયા હતા.

જામનગર નજીક દરેડ જીઆઈડીસી માં કારખાના માં થયેલી રૂ. ૨.૪૪ લાખના પિત્તળના માલસામાન ની ચોરી નો ભેદ ગણતરીના કલાકોમાં ઉકેલાયો

• સીસીટીવી કેમેરાના આધારે એક્સેસ સ્કૂટર ના નંબર પરથી દરેડ અને મસીતિયાના બે તસ્કરો પકડાયા

દેશ દેવી ન્યૂઝ જામનગર તા. ૧૩ સપ્ટેમ્બર ૨૪, જામનગર નજીકના દરેડ જીઆઈડીસી માં આવેલા એક કારખાનાં મા ગત મંગળવારે મોડી રાત્રે કોઈ તસ્કરે શટરના નકુચા તોડી પ્રવેશ કર્યા પછી અંદર થી રૂ.૨,૪૪, ૬૨૦ ની કિંમત ના પિત્તળના સામાન ની ચોરી કરી લઇ ગયા હતા, જે ચોરીનો ભેદ ગણતરીના કલાકોમાં ઉકેલાયો છે, અને ચોરાઉ સામગ્રી સાથે બે તસ્કરોને ઝડપી લીધા છે.

જામનગર-કાલાવડ રોડ પર આવેલા મોરકંડા ગામમાં રહેતા અને દરેડ જીઆઈડીસીમાં માં દિવ્યેશ બ્રાસ નામનું કારખાનું ચલાવતા અમૃતભાઈ રણછોડભાઈ સોનગરા નામના કારખાનેદાર મંગળવારે રાત્રે કારખાનુ બંધ કરીને ઘેર ગયા હતા. તે પછી રાત્રિના પોણા નવ વાાગ્યા થી બીજા દિવસના સવારે નવ વાગ્યા દરમિયાન કારખાનામાં ચોરી થઈ ગઈ હતી.

આ સમય દરમિયાન કોઈ શખ્સોએ શટરના નકૂચા કોઈ સાધન વડે કાપી નાખી અંદર પ્રવેશ કર્યા પછી ૪૫૩ કિલો પિત્તળનો સામાન ઉઠાવી લીધો હતો. જેની સવારે કારખાને આવેલા અમૃતભાઈને જાણ થઈ હતી. તેઓએ ગઈકાલે પંચકોશી બી. ડિવિઝન પોલીસ સ્ટેશનમાં ફરિયાદ નોંધાવી છે. જે પિત્તળના સામાનની કુલ કિંમત રૂ.૨,૪૪,૬૨૦ ની થવા જાય છે.

ઉપરોક્ત ચોરીનો ભેદ ગણતરીના કલાકોમાં ઉકેલાયો છે, અને સીસીટીવી કેમેરાના માધ્યમથી વાહનના નંબર જોઈ લીધા બાદ એક્સેસ સ્કૂટરમાં આવેલા બે તસ્કરોને પોલીસે શોધી કાઢ્યા હતા, અને ચોરીનો ભેદ ઉકેલાઈ ગયો છે.

પંચકોશી બી. ડિવિઝન ના પો.ઇન્સ. વી જે રાઠોડ અને તેમની ટીમના ખીમભાઈ જોગલ, મેરૂભાઈ મહિપાલસિંહ વગેરેએ ગણતરી ના કલાકોમાં ચોરીનો ભેદી ઉકેલી નાખ્યો છે. જે કારખાનામાં ચોરી થઈ હતી તેની બાજુના કારખાનાના સીસીટીવી કેમેરા ના ફૂટેજ નિહાળ્યા હતા, જેમાં એક્સેસ સ્કૂટરમાં બે તસ્કરો ચોરી કરવા માટે આવ્યા હોવાનું ધ્યાનમાં આવ્યું હતું.

જે તસ્કરોએ સૌપ્રથમ એક વખત પિત્તળના સામાનની ચોરી કરીને નીકળ્યા બાદ દસ મિનિટ પછી ફરીથી આવ્યા હતા, અને બીજી વખત બાકીનો સામાન લઈને ફરીથી ચોરી કરીને ગયા હતા. જેના વાહનના નંબરના આધારે પોલીસે ચોરીનો ભેદ ઉકેલી નાખ્યો હતો, અને બંને તસ્કરો જામનગર નજીક મસીતીયામાં રહેતા અજીમ યુસુફભાઈ ખીરા તેમજ દરેડ માં રહેતા વિપુલ અરવિંદભાઈ ચુડાસમા ને અટકાયતમાં લઈ લીધા હતા, અને તેઓ પાસેથી ૨.૪૪ લાખ ની કિંમતનો માલ સામાન કબજે કરી લીધો છે.

જામનગર નજીક મોડા ગામ પાસે ગણપતિ વિસર્જન વેળાએ વધુ એક યુવાનનું ડૂબી જવાથી મૃત્યુ નિપજતાં ભારે અરેરાટી

દેશ દેવી ન્યૂઝ જામનગર તા ૧૩ સપ્ટેમ્બર ૨૪, જામનગર શહેર અને આસપાસના વિસ્તારમાં આજે સાતમા દિવસે ગણપતિ વિસર્જન વેળાએ વધુ એક યુવાનનું ડૂબી જવાના કારણે મૃત્યુ નિપજતાં અરેરાટી પ્રસરી છે.

જામનગર નજીક ગઈકાલે ગ્રામ્ય વિસ્તારમાં એક યુવાનનું ગણપતિ વિસર્જન વેળાયે ડૂબી જવાના કારણે મૃત્યુ નીપજ્યું હતું. દરમિયાન આજે બીજા દિવસે પણ સિલસિલો ચાલુ રહ્યો હતો, અને જામનગર તાલુકાના મોડા ગામમાં આજે નદીમાં કરુણાંતિકા સર્જાઈ છે.જામનગરના શાંતિનગર વિસ્તારમાં રહેતો અજયસિંહ વનરાજસિંહ જાડેજા નામનો ૨૫ વર્ષ નો રાજપૂત યુવાન, કે જે મોડા ગામની નદીમાં ગણપતિની મૂર્તિ નું વિસર્જન કરતી વેળાએ અકસ્માતે નદીના પાણીમાં ડૂબ્યો હતો.

જે યુવાનને પાણીમાંથી બહાર કાઢીને ખાનગી એમ્બ્યુલન્સ મારફતે સારવાર માટે જી.જી. હોસ્પિટલમાં ખસેડવામાં આવ્યો હતો, પરંતુ ત્યાં માત્ર તેનો મૃતદેહ જ પહોંચ્યો હતો.આ બનાવની જાણ થતાં પંચકોશી બી. ડીવીઝન નો પોલીસ સ્ટાફ બનાવના સ્થળે તેમજ હોસ્પિટલે દોડતો થયો છે, જ્યારે મૃતક યુવાનના પરિવારજનો તથા મિત્ર વર્તુળ વગેરેમાં ભારે શોક નું મોજું ફરી વળ્યું છે.

લાલપુર તાલુકાના નવી વેરાવળ ગામના એક યુવાને પ્રેમ સંબંધમાં ગુમસૂમ રહ્યા પછી ઝેર પી લઈ આપઘાત

દેશ દેવી ન્યુઝ  જામનગર તા ૧૩, સપ્ટેમ્બર ૨૪ જામનગર જિલ્લાના લાલપુર તાલુકાના નવી વેરાવળ ગામના એક યુવાને પ્રેમ સંબંધ ના કારણે છેલ્લા બે દિવસથી ગુમસૂમ બની ગયા પછી ઝેરી દવા પી લઇ આત્મહત્યા કરી લીધી છે. જેથી ભારે ચકચાર જાગી છે. આ બનાવની વિગત એવી છે કે લાલપુર તાલુકાના નવી વેરાવળ ગામમાં રહેતા ભરત પરબતભાઈ કરમુર નામના ૩૦ વર્ષના યુવાને ગઈકાલે પોતાના ઘેર પાકમાં છાંટવાની ઝેરી દવા પી લેતાં તેને સારવાર માટે જામનગરની સરકારી જી.જી. હોસ્પિટલમાં ખસેડવામાં આવ્યો હતો. જ્યાં ટૂંકી સારવાર દરમિયાન તેનું ગઈ રાત્રે મૃત્યુ નીપજ્યું છે.

આ બનાવ અંગે મૃતકના મોટાભાઈ ભીખાભાઈ પરબતભાઈ કરમુરે પોલીસને જાણ કરતાં લાલપુરના પોલીસ હેડ કોન્સ્ટેબલ એ.એમ. જાડેજા જી.જી હોસ્પિટલમાં દોડી આવ્યા હતા, અને મૃતદેહનો કબજો સંભાળી વધુ તપાસ હાથ ધરી હતી.

પોલીસ ની પ્રાથમિક પૂછપરછ દરમિયાન જાણવા મળ્યું હતું, કે મૃતક યુવાનને છેલ્લા કેટલાક સમયથી સુરતમાં રહેતી પરિચિત એવી એક યુવતી સાથે પ્રેમ સંબંધ બંધાયો હતો, પરંતુ છેલ્લા બે દિવસથી પ્રેમ પ્રકરણમાં પોતે ગમસૂમ રહેતો હતો  અને તેના કારણે ઝેર પી લીધું હોવાનું જણાવાયું છે. જે મામલે પોલીસ ઊંડાણપૂર્વકની તપાસ ચલાવે છે.

જામનગર જીલ્લામાં ભારે વરસાદ બાદ સ્થિતિનો તાગ મેળવવા દિલ્હીથી ઉચ્ચ અધિકારીઓની ટીમ જામનગર પહોંચી

• સેન્ટ્રલ મિનિસ્ટ્રીયલ ટીમના સભ્યોએ જામનગર જિલ્લામાં અતિવૃષ્ટિથી થયેલ નુકસાની અને રિસ્ટોરેશનની કામગીરીની સમીક્ષા કરી

• કલેક્ટર ભાવિન પંડ્યાએ ટીમના સભ્યો સમક્ષ પ્રેઝન્ટેશનના માધ્યમથી જિલ્લાની અતિવૃષ્ટિ અંગેની વિગતો રજૂ કરી

દેશ દેવી ન્યૂઝ જામનગર તા ૧૩ સપ્ટેમ્બર ૨૪, જામનગર જિલ્લામાં ભારે વરસાદ અને તારાજી થયા બાદ હાલની પરિસ્થિતિનો તાગ મેળવવા માટે દિલ્હી થી ઉચ્ચ અધિકારીઓની ટીમનું આજે સવારે જામનગરમાં આગમન થયું છે, અને જિલ્લા કલેકટર સહિતના જુદા જુદા અધિકારીઓ સાથે બેઠકોનો દોર યોજીને સમગ્ર પરિસ્થિતિનો તાગ મેળવવા કાર્યવાહી હાથ ધરી છે.જામનગર જિલ્લામાં તાજેતરમાં થયેલા ભારે વરસાદને પગલે તારાજી સર્જાઇ છે, અને પબ્લિકના જાનમાલને તેમજ ખેડૂતોને ભારે નુકસાની વેઠવી પડી છે. ત્યારે સમગ્ર જિલ્લાના નાગરિકો અને જાનમાલ અને ખેતીવાડી સહિતના નુકશાન સહિતની સ્થિતિનો ચિતાર મેળવવા દિલ્હીથી આવેલ ઉચ્ચ સનદી અધિકારીઓ વાર દ્વારા બેઠકોનો દોર્યો હજી ને સમીક્ષા કરવામાં આવી રહી છેજે અધિકારીઓ સહીતની ટીમે જામનગર કલેકટર કચેરી ખાતે જીલ્લા કલેકટર, કમિશ્નર, ડીડીઓ સહિતના ઉચ્ચ અધિકારીઓ સાથે બેઠક યોજી હતી, અને વિસ્તૃત જાણકારી મેળવી હતી.જિલ્લામાં પાક નુકસાની, રોડ-રસ્તાની નુકસાની, પશુ મૃત્યુ, પાણી વિતરણ વ્યવસ્થામાં નુકસાની, પાક નુકસાની સર્વે કામગીરી, અસરગ્રસ્તોને આપવામાં આવેલા વળતર-કૅશડોલ્સ અંગે વિસ્તૃત માહિતી સંબંધિત વિભાગના અધિકારીઓ પાસેથી મેળવી હતી. જેનો રિપોર્ટ તૈયાર કરવામાં આવી રહ્યો છે અને એ કેન્દ્ર સરકારમાં મોકલી દેવાશે. જે ટીમના આગમનને લઈને જામનગરનું વહીવટી તંત્ર એલર્ટ મોડમાં રહ્યું હતું.

જામનગર શહેર અને જિલ્લાના રસ્તાઓની દયનીય સ્થિતિ : પ્રજાનાં કલ્યાણ કરતાં ભ્રષ્ટાચારને પ્રાધાન્ય

• પ્રચાર-પ્રસારમાં આંકડાઓની માયાજાળ અને વાહવાહીને બદલે વાસ્તવિકતા પર ભાર મૂકવો જરૂરી

દેશ દેવી ન્યૂઝ જામનગર તા ૧૩ સપ્ટેમ્બર ૨૪ જામનગર શહેર અને જિલ્લાના રસ્તાઓની હાલત દિનપ્રતિદિન વણસતી જાય છે. ભારે વરસાદ બાદ રસ્તાઓ ઉબડખાબડ બની ગયા છે, જેના કારણે વાહનચાલકો અને રાહદારીઓને ભારે હાલાકી ભોગવવી પડે છે. ગ્રામ્ય વિસ્તારોમાં તો સ્થિતિ વધુ ગંભીર છે. લોકોને સ્વયંભૂ ખાડા પૂરવાની ફરજ પડી છે. શહેરી વિસ્તારોમાં સરકાર દ્વારા માર્ગોની મરામત માટે નાણા ફાળવવાની જાહેરાત કરવામાં આવી છે, પરંતુ આ નાણાંનો ઉપયોગ કેટલી હદે થશે તે અંગે શંકાઓ વ્યક્ત થઈ રહી છે.

સરકારી તંત્ર દ્વારા પ્રેસ રિલીઝ અને અન્ય માધ્યમો દ્વારા સતત માહિતી આપવામાં આવે છે, પરંતુ આ માહિતીમાં મોટાભાગે કરાયેલી કામગીરીની વાહવાહી અને આંકડાઓની માયાજાળ જોવા મળે છે. વાસ્તવિક સ્થિતિ અને સમસ્યાઓના કાયમી ઉકેલ માટે લેવામાં આવતા પગલાં અંગેની વિગતવાર માહિતી લોકોને મળતી નથી. મેયર, મ્યુનિસિપલ કમિશનર, જિલ્લા પંચાયતના પ્રમુખ, કલેક્ટર વગેરેએ પ્રેસ કોન્ફરન્સ દ્વારા વાસ્તવિક સ્થિતિ જાહેર કરવી જોઈએ, અને સમસ્યાઓના કાયમી ઉકેલ માટેના પગલાં અંગેની માહિતી આપવી જોઈએ.

લોકો સરકારી તંત્ર પાસેથી વાસ્તવિક માહિતી અને કાર્યક્ષમ કામગીરીની અપેક્ષા રાખે છે. લોકો સરકારી તંત્રની ઢીલાશ અને ભૂલો સ્વીકારવા તૈયાર છે, પરંતુ તેને છુપાવવાના પ્રયાસો સામે વિરોધ કરે છે. સરકારી તંત્રને લોકોની અપેક્ષાઓને પૂરી કરવા માટે વધુ પારદર્શી અને જવાબદાર બનવું જરૂરી છે. વાસ્તવિક સ્થિતિ સ્વીકારવી અને તેના સંદર્ભમાં તત્કાળ પગલાં લેવા, કાયમી ઉકેલ માટેના પગલાં અંગેની વિગતવાર માહિતી લોકોને આપવી અને પ્રચાર-પ્રસારમાં આંકડાઓની માયાજાળ અને વાહવાહીને બદલે વાસ્તવિકતા પર ભાર મૂકવો જરૂરી છે.

જામનગરમાં એમ્યુઝમેન્ટ પાર્ક પાસે જાહેર માર્ગ પર પડેલા કચરાની સમસ્યાએ જન્માવ્યો વિવાદ

• રસ્તે પડેલા કચરાનો દંડ વસૂલવા જતાં દુકાનદારોએ મનપા ની ટીમને ઘેરી લઈ હોબાળો મચાવ્યો

• જાહેર માર્ગો પર પડેલા કચરાને સાફ કરવામાં તંત્ર નિષ્ફળ જાય છે અને ફક્ત વેપારીઓ પાસેથી દંડ વસૂલવાનું કામ કરે છે.

દેશ દેવી ન્યુઝ જામનગર તા ૧૩ સપ્ટેમ્બર ૨૪ જામનગર શહેરમાં ગઈકાલે સાંજે એક ચોંકાવનારી ઘટના બની હતી. જ્યાં એમ્યુઝમેન્ટ પાર્ક નજીક આવેલી ગાંધી સોડા શોપ સામે ઉડીને આવેલા પ્લાસ્ટિકના કચરાના ઢગલાને કારણે મહાનગરપાલિકાના અધિકારી ગોપાલ સરધારાએ સોડા શોપના માલિકને દંડ વસૂલવા જતાં મામલો ગરમાયો હતો.

આ ઘટનામાં આસપાસના દુકાનદારોએ મહાનગરપાલિકાના અધિકારીને ઘેરી લઈ હોબાળો મચાવ્યો હતો. દુકાનદારોનો આક્ષેપ છે કે, મહાનગરપાલિકા પોતે જાહેર માર્ગો પર પડેલા કચરાને સાફ કરવામાં નિષ્ફળ જાય છે, અને ફક્ત વેપારીઓ પાસેથી દંડ વસૂલવાનું કામ કરે છે. આ ઘટનાએ મહાનગરપાલિકાની કામગીરી પર ગંભીર સવાલો ઉઠાવ્યા છે. દુકાનદારોનું કહેવું છે કે, “ઉલ્ટા ચોર કોટવાલ કો ડાટે” જેવી સ્થિતિ સર્જાઈ છે.

આ ઘટનાએ મહાનગરપાલિકાની કામગીરી પર ગંભીર સવાલો ઉઠાવ્યા છે. શું મહાનગરપાલિકા ફક્ત વેપારીઓ પાસેથી દંડ વસૂલવા માટે જ કામ કરે છે? શું મહાનગરપાલિકા પોતાની જવાબદારીઓથી ભાગી રહી છે? આ પ્રશ્નોના જવાબ મહાનગરપાલિકાએ આપવા પડશે.

જામનગરમાં દગડૂ શેઠ ગણેશજી ને પહેરાવાઈ પપ૧ મીટરની પાઘડી : ૧૧૧૧૧ મોદક ધરાયા

• સતત નવમી વખત વર્લ્ડ રેકોર્ડમાં સ્થાન મેળવવા માટે દાવો કરાયો

દેશ દેવી ન્યૂઝ જામનગર તા ૧૨ સપ્ટેમ્બર ૨૪ જામનગર મા દર વર્ષે એઈટ વન્ડર્સ સંસ્થા દ્વારા દગડુ શેઠ ગણેશ મહોત્સવનું ભવ્ય અને અનોખું આયોજન કરવામાં આવે છે. આ વર્ષે માત્ર અનાજ માંથી ઈકો ફ્રેન્ડલી ગણેશજી ની મુર્તિ બનાવી તેનું સ્થાપન કરવામાં આવ્યું છે.

ભગવાન ગણેશજી ની મૂર્તિ ને આજે પપ૧ મીટર હાલારી ની પાઘડી પહેરાવવામાં આવી હતી. અને આયોજકો દ્વારા આ સિધ્ધિને ગીનીસ બુક ઓફ વર્લ્ડ રેકોર્ડસ તથા લીમકા બુક ઓફ રેકોર્ડસ માં સ્થાન મળે તે માટે પ્રયાસો હાથ ધરવામાં આવ્યા છે, તદ્દ ઉપરાંત આજે આ મહોત્સવમાં ગણેશજી સન્મુખ ૧૧,૧૧૧ મોદક નો ભોગ ધરવા માં આવ્યો છે.જેનું પ્રસાદ સ્વરૂપે વિતરણ કરવામાં આવશે.અત્રે એ ઉલ્લેખનીય છે કે આ ગ્રુપ દ્વારા અગાઉ આઠ વખત વર્લ્ડ રેકોર્ડમાં સ્થાન મેળવ્યું છે, અને આ ૯ મી વખત દાવો કરાયો છે.

પોલીસની કાર્યવાહી : જામનગરના નવાગામ ઘેડ વિસ્તારમાં એક રહેણાંક મકાનમાં ચાલતી ઘોડીપાસાની ક્લબ ઝડપાઈ

• પોલીસે પાડેલા દરોડામાં ઘોડી પાસા નો જુગાર રમી રહેલા ૨૬ શખ્સો ની અટકાયત: અન્ય એકને ફરારી જાહેર કરાયો

• પોલીસ દ્વારા ઘટના સ્થળેથી રૂપિયા ૧૧ લાખની રોકડ રકમ તથા મોબાઈલ ફોન સહિત ની માલ મત્તા અને ઘોડીપાસાનું સાહિત્ય કબજે કરાયું

દેશ દેવી ન્યુઝ જામનગર તા ૧૨ સપ્ટેમ્બર ૨૪ જામનગર માં નવાગામ (ઘેડ) વિસ્તારમાં એક રહેણાંક મકાનમાં ચાલતી ઘોડીપાસાની કલબ પર આજે સીટી બી ડિવિઝન પોલીસે દરોડો પાડ્યો હતો, અને ઘોડી પાસા નો જુવાર રમી રહેલા ૨૬ શખ્સોની અટકાયત કરી લેવામાં આવી છે, જયારે ક્લબ ના સંચાલક મકાન માલિકને ફરારી જાહેર કરાયો છે. પોલીસે બનાવના સ્થળેથી રૂપિયા ૧૧ લાખથી વધુ ની રોકડ રકમ ઉપરાંત મોબાઈલ ફોન અને ઘોડી પાસા સહિતનું જુગારનું સાહિત્ય કબ્જે કર્યું છે.

જામનગરના સીટી બી. ડિવિઝનના પોલીસ સ્ટાફ ને ચોક્કસ બાતમી મળી હતી કે જામનગરના નવાગામ ઘેડ વિસ્તારમાં આરોપી રમેશ ઉર્ફે પ્રમુખ વાઘેલાના મકાનમાં આસપાસના વિસ્તારના કેટલાક જુગારીયા તત્વો એકત્ર થઈને ઘોડી પાસા વડે જુગાર રમી રહ્યા છે, તેવી બાતમી ના આધારે દરોડો પાડ્યો હતો.

જે દરોડા દરમિયાન ૨૬ જેટલા જુગાર રમી રહેલા મળી આવ્યા હતા. આથી પોલીસે બનાવના સ્થળેથી જુગાર રમી રહેલા (૧) સચીન વલ્લભભાઈ માડમ આહીર ઉ.વ ૩૭ ધંધો બીલ્ડર રહે નવાગામઘેડ જી.જી. હોસ્પીટલ પાછળ જામનગર મો નં ૯૬૬૨૨૧૨૨૨૨ (૨) અનીલભાઈ હરીશભાઈ મંગે સીધી ભાનુશાળી ઉ.વ ૩૫ ધંધો રેકડી વેપાર રહે વસંત વાટીકા શેરી નં ૦૭ મકાન નંબર ૪૪/૭ સાધના રોડ જામનગર મો નં ૭૨૦૧૯ ૧૦૬૮૩ (૩) સુનીલભાઈ સુરેશભાઈ મારૂ લુહાર ઉ.વ ૩૪ ધંધો મજુરી રહે ગુલાબનગર રવીપાર્ક ભારત પેટ્રોલપંપનો ઢાળીયો ઉતરતા મહાદેવના મંદીર પાસે જામનગર મો નં ૯૭૩૭૪ ૪૮૨૭૩ (૪) ફારુકભાઈ હુસેનભાઈ ઓડીયા પીંજારા ઉ.વ ૪૭ ધંધો ગેરેજ નો રહે લંઘાવાડના ઢાળીયો બજાજ ઓટો ગેરેજની ગલીમા જામનગર (૫) અલ્તાફ સતારભાઈ આંબલીયા પીંજારા ઉ.વ ૩૯ ધંધો રી.ડ્રા રહે લંઘાવાડનો ઢાળીયો આરબ ફળી જામનગર મો નં ૯૯૯૮૮૮૯૬૧૨ (૬) રમેશભાઈ મગનભાઈ મકવાણા અનુ.જાતી ઉ.વ ૨૦ ધંધો મજુરી રહે નવાગામઘેડ ઘેલુભાઈ માડમના ચોકમા જામનગર મો નં ૯૯૭૯૩ ૨૫૫૪૦ (૭) પરેશભાઈ ઈશ્વરભાઈ મારૂ વાણંદ ઉ.વ ૩૯ ધંધો મજુરી રહે ખારવા ચકલો રાધા દામોદર પાસે જામનગર મો નં ૯૨૭૬૭ ૦૧૯૨૫ (૮) માવેશકુમાર હરખાણી ઉ.વ ૩૦ ધંધો વેપાર રહે એસ.ટી.રોડ જામનગર (૯) રમેશભાઈ ગોવીંદભાઈ મંગે સીંધીભાનુશાળી ઉ.વ ૩૧ ધંધો મજુરી રહે દી.પ્લોટ ૬૧ બંશી ડેરીની બાજુમા જામનગર મો નં ૭૨૦૩૦ ૬૩૭૨૬ (૧૦) તેજસિંહ કુવરસિંહ રાજબાર દરબાર ઉ.વ ૨૭ ધંધો મજુરી રહે નવાગામઘેડ બજરંગ મીલ પાસે જામનગર મો નં ૯૯૦૯૩ ૨૨૫૧૮ (૧૧) તોફીક અબ્દુલભાઈ કાદરી મેમણ ઉ.વ ૩૬ ધંધો વેપાર રહે દરબારગઢ યુનો મેડીકલ વાળી શેરી જામનગર મો નં ૮૨૦૦૫૨૬૭૭૭ (૧૨) જયમીન મુકેશભાઈ નરેલા ગઢવી ઉ.વ ૪૦ ધંધો પ્રા.નોકરી રહે પટેલ કોલોની શેરી નં ૨ રાધે મોહન એપાર્ટમેન્ટ બ્લોક નં એ-૩ જામનગર મો નં ૯૯૭૯૯ ૦૦૦૦૨ (૧૩) પ્રકાશભાઈ વલ્લ્લભભાઈ ગોંડલીયા કુંભાર ઉ.વ ૩૫ ધંધો મજુરી રહે શરુ સેકશન રોડ એમ.પી.શાહ ઉધોગ ૦૧ પાછળ રામનગર જામનગર મો નં ૯૯૨૫૧ ૧૮૪૨૧ (૧૪) લાખાભાઈ દલુભાઈ ધરાણી ગઢવી ઉ.વ ૩૬ ધંધો મજુરી રહે યાદવ નગર પાછળ મહાદેવ નગર શામળા ભાઈની દુકાનની બાજુમા જામનગર મો નં ૯૮૨૪૫ ૮૧૨૫૦ (૧૫) મયુર કરસનભાઈ ભાટીયા આહીર ઉ.વ ૨૪ ધંધો ડ્રાઈવીંગ રહે યાદવ નગર ક્રીષ્નાચોકની બાજુમા મહાદેવ નગર શંકર મંદીર આગળ જામનગર મો નં ૮૪૦૧૩૬૨૮૩૬ (૧૬) લાલજીભાઈ રામજીભાઈ પરમાર સતવારા ઉ.વ ૩૬ ધંધો મંજુરી રહે મોરકંડા રોડ સતવારા સમાજની વાડી પાસે જામનગર (૧૭) રાહુલ ભરતભાઈ કનખરા ભાનુશાળી ઉ.વ ૨૫ ધંધો રી.ડ્રા રહે કીશાનચોક નવગ્રહ મંદીર પાસે જામનગર (૧૮) સેવક શ્યામજીભાઈ મકવાણા અનુ.જાતી ઉ.વ ૨૨ ધંધો મજુરી રહે નવાગામઘેડ ઘેલુભાઈ માડમના મકાન પાસે જામનગર (૧૯) વિમલભાઈ કીશોરભાઈ નંદા ભાનુશાળી ઉ.વ ૩૬ ધંધો વેપાર રહે પવનચક્કી ઢાળીયા નીચે અરલી ન્યુઝની સામેની ગલી જામનગર મો નં ૯૮૨૪૯ ૧૨૩૬૯ (૨૦) અજય લક્ષ્મણભાઈ પરમાર સતવારા ઉ.વ ૩૬ ધંધો રી.ડ્રા રહે મહાપ્રભુજીની બેઠક રાધીકા સ્કુલ પાસે જામનગર મો નં ૯૭૧૨૪ ૪૪૦૬૪ (૨૧) સાજીદ વલીમામદ ગોધાવીયા પીંજારા ઉ.વ ૩૮ ધંધો મજુરી રહે રતનબાઈની મસ્જીદ મતવા શેરી જામનગર મો નં ૯૭૨૩૬ ૮૫૯૪૪ (૨૨) ઈકબાલ શાહ ઉમરશાહ ફકીર શાહમદાર ઉ.વ ૪૯ ધંધો વેપાર રહે ગુલાબનગર રીલાયન્સ પેટ્રોલપંપ વાળો ઢાળીયો રાધે ક્રીષ્નાપાર્ક બ્રાહ્મણ સમાજની વાડી પાછળ જામનગર મો નં ૮૪૬૦૨૦૮૫૮૪ (૨૩) સતીષ હરીશભાઈ મંગે સીંધી ભાનુશાળી ઉ.વ ૩૬ ધંધો વેપાર રહે નંદનવન સોસાયટી શેરી નં ૦૨ શ્રધ્ધા સ્ટેશનરી વાળી ગલી રણજીતસાગર રોડ જામનગર મો નં ૯૨૨૮૨૩૨૮૨૩ (૨૪) ભાવેશભાઈ અરશીભાઈ ગોજીયા આહીર ઉ.વ ૩૪ ધંધો ડ્રાઈવીંગ રહે યાદવ નગર રીંગ રોડ શેરી નં ૦૧ જામનગર મો નં ૯૮૨૪૬ ૧૭૨૨૨ (૨૫) આસીફ યુસુફભાઈ ફુલવાલા મેમણ ઉ.વ ૨૭ ધંધો વેપાર રહે લીંડી બજાર ગફાર જુલાની શેરીમા જામનગર મો નં ૯૮૨૪૮ ૫૩૫૨૯ (૨૬) હસમુખભાઈ મનહરભાઈ પરમાર સતવારા ઉ.વ ૫૩ ધંધો વેપાર રહે બર્ધનચોક ધોરમફળી જામનગર વગેરે ની અટકાયત કરી લીધી હતી.

આદરોડા સમયે મકાન માલિક રમેશ ઉર્ફે પ્રમુખ મુળજીભાઈ વાઘેલા હોવાથી તેને ફરારી જાહેર કરાયો છે જ્યારે પોલીસે બનાવના સ્થળેથી રોકડા રૂપીયા- ૧૧,૨૮,૦૬૦ તથા ઘોડીપાસા નંગ ૨, તથા મોબાઇલ નંગ -૦૯ કિ.રૂ. ૯૦,૦૦૦ વગેરે મળી કુલ કિ.રૂ. ૧૨,૧૮,૦૬૦ ની માલમતા કબ્જે કરી છે.જ્યારે રમેશ ઉર્ફે પ્રમુખ મુળજીભાઈ વાઘેલા ને ફરારી જાહેર કરાયો છે.