જામનગરમાં બિસ્મર રસ્તા અને ભૂગર્ભ ના કામના ભ્રષ્ટાચારના મુદ્દે કોંગ્રેસ દ્વારા સ્ટેન્ડિંગ કમિટીની ચેમ્બર સામે ધરણા કરી સુત્રોચ્ચાર કરાયા
દેશ દેવી ન્યૂઝ જામનગર તા ૧૯ સપ્ટેબર ૨૪, જામનગર શહેરમાં વરસાદ પછી રસ્તાની ખૂબ જ દુર્દશા થઈ છે, અને ખાડા રાજ ચાલી રહ્યું છે. શહેરના બિસ્માર રસ્તાને લઈને ભાજપનો ભ્રષ્ટાચાર સામે આવ્યો છે, ઉપરાંત ભૂગર્ભ ગટરના કામ માં પણ મોટા પાયે ભ્રસ્ટાચાર થઈ રહ્યો છે. તેવા આક્ષેપો સાથે જામનગર શહેર કોંગ્રેસ દ્વારા આજે જામનગર મહાનગર પાલિકાની કચેરીમાં વિરોધ પ્રદર્શન કરવામાં આવ્યું હતું.
જામ્યુકોની સ્ટેન્ડિંગ કમિટી ના હોલના દ્વારે જામનગર શહેર કોંગ્રેસના પ્રમુખ દિગુભા જાડેજા, વિરોધ પક્ષના નેતા ધવલ નંદા ઉપરાંત અન્ય કોંગી કોર્પોરેટરો અને કાર્યકરો વગેરે પોતાના હાથમાં પોસ્ટર લઈને ધરણા પર બેઠા હતા, અને ભાજપના ભ્રષ્ટાચાર અંગેના આક્ષેપો સાથે ના સૂત્રોચાર કરી વિરોધ પ્રદર્શન કર્યું હતું.
નગરના રસ્તાઓમાં મોટા પાયે ભ્રષ્ટાચાર થયો છે, તેમજ ભૂગર્ભ ગટરના કામમાં પણ ભ્રષ્ટાચાર ચાલી રહ્યો છે. તેમ જણાવી કોંગ્રેસ દ્વારા વિરોધ પ્રદર્શન કરાયું હતું.
જામનગરના ચાંદી બજાર વિસ્તારમાં ગણેશ મરાઠા મંડળ દ્વારા ૨૮ વર્ષથી ગણેશ ઉત્સવ ઉજવાય છે, અને સમગ્ર ચાંદી બજાર સર્કલને ઝડહળતી રોશની થી સજજ બનાવાયો છે, ત્યારે આજે ઇદના તહેવારના દિવસે સાંજના સમયે મુસ્લિમ સમાજ દ્વારા જુલુસ કાઢવામાં આવ્યું હતું, ત્યારે ગણપતિના પાંડાલ પાસેથી ઝુલુસ પસાર થતાં મંડળના આયોજકો દ્વારા મુસ્લિમ અગ્રણીઓને ફૂલહાર તેમજ બુકે અર્પણ કરીને તમામને સન્માનિત કર્યા હતા, અને જામનગર શહેરમાં હિન્દુ-મુસ્લિમ ભાઈઓ એકતાથી રહીને સમગ્ર તહેવારો ધામધૂમ પૂર્વક ઉજવે છે, તે પ્રકારેના દર્શન કરાવ્યા હતા.
મુસ્લિમ બિરાદરો એ પણ હિન્દુ સમાજના આગેવાનોનું અભિવાદન ઝીલ્યું હતું અને એકબીજાને શુભેચ્છા તેમજ મુબારકબાદી પાઠવી હતી. મહાદેવ હર મિત્ર મંડળના પ્રમુખ રાજુભાઈ મહાદેવ હાજર રહ્યા હતા, જ્યારે સીટી ડીવાયએસપી એન. જે. ઝાલા, સીટી એ. ડિવિઝનના પી.આઇ. એન. એ. ચાવડા તથા વિશાળ પોલીસ કાફલો પણ ઉપસ્થિત રહ્યો હતો.
