દિલ્લી માં ભાજપ ની બેઠકમાં જામનગર શહેર – જિલ્લા નાં આગેવાનો જોડાયા
દેશ દેવી ન્યૂઝ જામનગર તા. ૧૮ ફેબ્રુઆરી ૨૪ , દિલ્હી માં આજ થી ભાજપ ની બે દિવસ ની રાષ્ટ્રીય કાર્યકારીણી ની બેઠક યોજાઈ રહી છે. જેમાં જામનગર શહેર-જિલ્લા ના ભાજપ આગેવાનો પણ ઉપસ્થિત રહ્યા છે. દિલ્હીના ભારત મંડ૫મ માં આજ થી ભાજપ ની બે દિવસ ની રાષ્ટ્રીય કાર્યકારીણી ની બેઠક યોજાઈ છે.
જામનગરના સાંસદ પૂનમબેન માડમ, મેયર વિનોદ ખીમસૂર્યા, ડેપ્યુટી મેયર ક્રિષ્નાબેન સોઢા, શહેર પ્રમુખ ડો. વિમલ કગથરા, જિલ્લા પ્રમુખ રમેશભાઈ મુંગરા, ધારાસભ્યો રિવાબા જાડેજા , દિવ્યેશ અકબરી, મેઘજીભાઈ ચાવડા , જામનગરના પ્રભારી પલ્લવીબેન ઠાકર, પૂર્વ મંત્રીઓ આર સી ફળદુ અને ધર્મેન્દ્રસિંહ જાડેજા પણ આ બેઠકમાં ભાગ લેવા દિલ્હી પહોંચ્યા હતા.આને આજ ની બેઠક મા ભાગ લીધો હતો.
આજે પ્રથમ દિવસે ભાજપના રાષ્ટ્રીય અધ્યક્ષ જે.પી. નડ્ડા એ માર્ગદર્શન આપ્યું હતું, જ્યારે આવતીકાલ રવિવારે વડાપ્રધાન નરેન્દ્ર મોદી બેઠકમાં ઉપસ્થિત રહેશે. અને જરૂરી માર્ગદર્શન આપશે. ખાસ કરીને આગામી લોકસભાની ચૂંટણી ને ધ્યાનમાં રાખી ને બેઠક માં ચર્ચા પણ થઈ રહી છે.
