જામનગરમાં જાહેરમાં ગંજીપાના વડે જુગાર રમતા પાંચ મહિલા સહિત ૧૦ પત્તાંપ્રેમી ઝડપાયા
-
રોકડ રૂ.૪૭,૨૦૦, વાહન અને પાંચ મોબાઇલ ફોન મળી કુલ રૂ.૧,૨૭,૭૦૦નો મુદ્દામાલ કબજે કરાયો
દેશ દેવી ન્યુઝ જામનગર તા ૯ સપ્ટેમ્બર ૨૬, જામનગર શહેરના ગોકુલનગર વિસ્તારમાં જાહેરમાં ગંજીપાના વડે જુગાર રમતા સ્ત્રી-પુરુષ સહિત કુલ ૧૦ શખ્સોને જામનગર લોકલ ક્રાઇમ બ્રાન્ચે ઝડપી પાડ્યા છે. પોલીસે સ્થળ પરથી રોકડ રકમ, મોટરસાઇકલ તથા મોબાઇલ ફોન મળી કુલ રૂ.૧,૨૭,૭૦૦નો મુદ્દામાલ કબજે કરી કાયદેસરની કાર્યવાહી હાથ ધરી છે.
જામનગર જિલ્લામાં દારૂ-જુગારના કેસો શોધી કાઢવા જામનગર જિલ્લા પોલીસ અધિક્ષક ડો. રવિ મોહન સૈની દ્વારા એલ.સી.બી.ને સૂચના આપવામાં આવી હતી. જેના અનુસંધાને એલ.સી.બી. પોલીસ ઇન્સ્પેક્ટર વી.બી. ચૌધરીના માર્ગદર્શન હેઠળ પો.સ.ઇ. એમ.વી. ભાટીયા તથા સ્ટાફ પેટ્રોલિંગમાં હતા.આ દરમિયાન એલ.સી.બી.ના પોલીસ હેડ કોન્સ્ટેબલ ક્રિપાલસિંહ જાડેજા તથા ભયપાલસિંહ જાડેજાને મળેલી ખાનગી બાતમીના આધારે ગોકુલનગર શેરી નં.૩-૪, રમેશ હાર્ડવેરવાળી શેરી ખાતે જાહેરમાં દરોડો પાડવામાં આવ્યો હતો. અહીં ગંજીપાના વડે જુગાર રમતા ૧૦ શખ્સોને ઝડપી પાડવામાં આવ્યા હતા.
પોલીસે સ્થળ પરથી રોકડ રૂ.૪૭,૨૦૦, એક મોટરસાઇકલ કિંમત રૂ.૬૦,૦૦૦ તથા પાંચ મોબાઇલ ફોન કિંમત રૂ.૨૦,૫૦૦ મળી કુલ રૂ.૧,૨૭,૭૦૦નો મુદ્દામાલ કબજે કર્યો હતો.પકડાયેલા આરોપીઓમાં ઇમ્તિયાઝ સબીરભાઇ પઠાણ, હરેશભાઇ નાનજીભાઇ ધંધુકિયા, રાજુભાઇ ઘેલાભાઇ ઝિંઝુવાડીયા, રવિભાઇ અશોકભાઇ રાઠોડ, હસુભાઇ નાનજીભાઇ ધંધુકિયા, વિશાભાઇ હંસરાજભાઇ લુદરીયા, રવિનામાસી ગુરુ જ્યોત્સનાબેન પાટડીયા, જયાબેન વિશાભાઇ લુદરીયા, ભારતીબેન સોહીલભાઇ પાટડીયા અને પ્રિયાબેન ભીમાભાઇ મથરનો સમાવેશ થાય છે.
