જામનગર જિલ્લા પંચાયત ના પ્રમુખ -ઉપ પ્રમુખ ના નામ ની જાહેરાત કરાઈ
દેશ દેવી ન્યુઝ જામનગર તા. ૨૪,મે ર૬ જામનગર જિલ્લા પંચાયતની ગત માસે યોજાયેલ સામાન્ય ચૂંટણી માં ભાજપ ને સ્પષ્ટ જનાદેશ મળ્યો હતો. જ્યારે આજે પ્રમુખ અને ઉપપ્રમુખ તથા કારોબારી ચેરમેન ના નામો ની જાહેરાત કરવામાં આવી છે.જામનગર જિલ્લા પંચાયત ની ૨૬ બેઠક માટે ચૂંટણી કાર્યક્રમ જાહેર થયો હતો.જેમાં ભાજપ ને ૧૯ બેઠક ,કોંગ્રેસ ને બે અને આમ આદમી પાર્ટી ને ૩ બેઠક મળી હતી.એટલે કે ભાજપ ને લોકો એ સત્તા નું સુકાન સોંપ્યું હતું..
આખરે લાંબા સમય ગાળા પછી આજે ભાજપ દ્વારા હોદેદારો ના નામ ની જાહેરાત કરવામાં આવી છે.જેમાં પ્રમુખ તરીકે ખારવા બેઠક ના રંજનબેન દયાળજીભાઈ જીવાણી , ઉપપ્રમુખ તરીકે શેઠવડાળા બેઠક ના પરેશભાઈ ઘેલાભાઈ હિરપરા , કારોબારી સમિતિના ચેરમેન તરીકે સુનિલભાઈ હીરજીભાઈ રાઠોડ , પક્ષના નેતા તરીકે સિંગચ બેઠક ના પ્રદ્યુમનસિંહ ગુમાનસિંહ ઝાલા અને દંડક તરીકે લતીપુર કલ્પેશભાઇ બાબુભાઈ માલાણી ની પસંદગી કરવામાં આવી છે.
