જામનગરના બેડી બંદર રોડ પર હાથણી સિમ વિસ્તારમાં અજાણ્યા પુરુષનું શંકાસ્પદ મોત, પોલીસ તપાસ શરૂ
દેશ દેવી ન્યુઝ જામનગર તા ૫ મે ૨૬, જામનગર શહેરના બેડી મરીન પોલીસ સ્ટેશન હેઠળના હાથણી સિમ વિસ્તારમાં એક અજાણ્યા પુરુષનું મોત નોંધાતાં પોલીસે તપાસ હાથ ધરી છે. આ અંગે બેડી મરીન પોલીસ સ્ટેશનમાં બી.એન.એસ.એસ. કલમ ૧૯૪ હેઠળ નોંધ કરવામાં આવી છે.પ્રાપ્ત માહિતી મુજબ તા. ૦૪/૦૫/૨૦૨૬ના રોજ સાંજે અંદાજે ૬ કલાક પહેલાં કોઇપણ સમયે હાથણી ગામની બાજુમાં નવા બની રહેલા રિંગ રોડ નીચે એક અજાણ્યા પુરુષ (ઉંમર અંદાજે ૫૦ વર્ષ)નો મૃતદેહ મળી આવ્યો હતો. આ બનાવ અંગે જાણ થતા પોલીસ તંત્ર હરકતમાં આવ્યું હતું.
આ મામલે જાહેર કરનાર તરીકે કેતનભાઈ રણછોડભાઈ મકવાણા (ઉ.વ. ૪૧, ધંધો: ખેતી, રહેવાસી: હાથણી ગામ, તા-જી. જામનગર) દ્વારા પોલીસને જાણ કરવામાં આવી હતી. તેમની પ્રાથમિક માહિતી મુજબ મૃતક માનસિક રીતે અસ્થિર હોઇ શકે, અને શરીરમાં કોઈ બીમારીના કારણે મોત થયાનું અનુમાન વ્યક્ત કરવામાં આવ્યું છે.બનાવ અંગે બેડી મરીન પોલીસ સ્ટેશનના એ.એસ.આઈ કે.કે. માંધણ દ્વારા કાર્યવાહી હાથ ધરવામાં આવી છે. હાલ પોલીસ દ્વારા મૃતકની ઓળખ મેળવવા તથા મોતનું ચોક્કસ કારણ અંગે વધુ તપાસ ચાલુ છે.
