આમ આદમી પાર્ટી દ્વારા જામનગરના લાલ બંગલા સર્કલમાં વિસાવદરની જીતના વધામણાં કરાયા
દેશ દેવી ન્યૂઝ જામનગર તા ૨૩ જૂન ૨૫, વિસાવદરની બેઠક પર આમ આદમી પાર્ટીના ઉમેદવાર ગોપાલ ઇટાલીયા ૧૪,૦૦૦ થી વધુ મતોની લીડથી વિજેતા બનતાં તેની જીતનો જશ્ન જામનગરમાં પણ મનાવવામાં આવ્યો હતો.
જામનગર શહેર આમ આદમી પાર્ટીના પ્રમુખ રાજેન્દ્રસિંહ સોઢાની રાહબરી હેઠળ લાલ બંગલા સર્કલમાં આજે ‘આપ’ના કાર્યકર્તાઓ એકત્ર થયા હતા, અને ઢોલ નગારા સાથે જીતનો જશ્ન મનાવ્યો હતો, ઉપરાંત આતશબાજી કરીને એકબીજાના મીઠા-મોઢા કરાવાયા હતા.
